影片
以上资料只供参考，请与餐厅确认详情
又一间要说再见嘅食店，家人这一晚很想怀念过去，选择系呢度食。呢间搬了又搬租约期满，做到6月28号。装修唔系咩印尼风，餐具都系普通。薯蓉牛肉饼，63元，好林，打得好均匀，如果肉可以多啲会更好。小食拼盘，138元，同泰式其实好似，系多咗虾片系面，一食就停唔到。每样都ok，不过不失。巴东牛肉，168元，系出名嘅印尼小菜，都有小小辣，呢间还好，牛肉算系腍同入味；黄饭，32元，粒粒分明，味道尚可。蛋豆腐酱菜，109元，呢味还可，有啲芽菜，豆腐唔多。咖喱鸡，78元，薯仔都几多，有煎过再放落去。鸡肉系滑，咖喱唔算话辣嘅，可以接受。整体好食，有时味道系食回忆，数说著以前嘅一点一滴，都够回味。
继续阅读
我早前想去依间餐厅试下啲午餐好耐，今日终于试咗班兰椰香黄姜饭（$64）+ 班兰椰香薏米特饮（需另加$14）；食完之后，就觉得啲食物各具独特味道。食物方面：1. 黄姜饭：整得都唔错，不太硬或软身，啲饭应该系用泰国米嚟煮既；唯一唔系咁好既系啲黄姜饭啲黄饭味唔系咁重。2. 牛肉：煮既方法应该用咗巴东牛肉既方式嚟煮；牛肉唔系太硬或勒，比较林，但可惜欠缺辣味。3. 鸡：3/4只既鸡翼脾既部份，样似葡国鸡，但系班兰椰香汁煮个鸡；椰汁系较突出，但冇咩班兰味。4. 豆腐：其实个味有啲似斋卤味既味，但依个整法既豆腐遍甜。饮品方面：班兰椰香意米特饮：薏米够软身唔硬，但冇咩班兰味；椰味系有，但味道唔够平均，饮时一忽系椰香味，一忽系水。总括嚟讲：i) 三种𩠌唔可以放埋同一只碟度，因啲唔同汁料混埋一齐；否则搅到食落有啲怪怪哋。ii) 除饭既人份量适中外，每种𩠌都系一件起三件止，每份或每件肉都好细份，所以价钱方面唔可以话系物有所值。iii) 餐牌上写系‘班兰椰香黄姜饭（牛、鸡、菜）’ 班兰椰香只系得鸡上先揾到，菜方面：唔好其望太大，只系得豆腐，而没有其他菜。所以依间既食物可以话比较独特，食完后较为失望。
继续阅读
好味道！四人晚餐。点了鲈鱼，牛油鸡翼，黄姜饭，同咖哩鸡。鲈鱼超推介，调味好特别。酸甜好吃，因为幼骨都整到酥脆，接近整条都可放入口。基本上放久了，仍是好脆的，清碟了。黄姜饭也是所有配料都好吃，特别是像脆花生的配料，极开胃。牛油鸡翼又是好吃，本来一份三件，店员话可以做四件照按比例收费，非常贴心。咖哩鸡配薄饼也是稳阵之选，好味道。大家吃不停又赞不停的，碟碟清。埋单只是每人150蚊，大家都觉好抵。知道呢间舖头就快结业，真系感到非常可惜。好想再揾机会帮衬多一次。始终香港较少地方有印尼特色菜，味道真的好特别好开胃。
继续阅读
朋友生日指定食峇里餐厅，原因好简单因为朋友去唔到峇里岛又想食正宗印尼餐，所以想趁著6月28日结束营业前一尝。店内装修一贯东南亚色彩，啡色柚木墙身配上热带气氛的装饰品，好似置身当地一样。首先坐底见到峇里岛造嘅手工啤酒当然要试试啦。今日试左荔枝味同芒果味（$58），无伏之余仲觉得惊喜，荔枝味好清新又满满荔枝味，而芒果味系青芒果，所以唔甜兼好特别。一定要试巴东牛肉 （$168）肉汁丰盛及好嫰滑，送饭一流，唔会觉得腻。印尼沙嗲串烧 （$98）食印尼嘢点可以唔试沙嗲呢，除了猪牛鸡之外，仲有羊肉，大虾同带子。我地试左鸡肉同羊肉，好味香口又唔韧，唔错。印尼薯仔牛肉饼 （$68）卖相唔吸引但超级非常好味，牛肉肉汁香而融化入薯蓉制成球状，咬下一口非常鲜嫩及好好味，同行者表示惊喜。印尼炒饭 （$88）比较失望系炒饭伴碟嘅虾片系淋嘅又韧，加上啲饭虽然味道唔差，但比较油身，虽然系一贯东南亚特式系好油，但卖相认真麻麻。
继续阅读
以前都食过几次，已经觉得服务态度唔好，尤其是其中一位较年长之女侍应，唔知系咪老板娘，我地一早到，冇咩人，我地想要卡位，发觉全部写住留座，女侍应坚持已留座要我地坐第二度。以为佢真系留左座，点知全程冇人坐。啲食物好一般，女侍应又黑面，讲野粗粗鲁，串烧偏贵，真系冇乜mood叫多啲野食，个女侍应就全程企系个收银机旁啤住，其实我觉得你系佐敦开舖，应该好多街坊帮衬，点解黎几次都咁鬼多空位，现在明白了，你态度唔好，咪储唔到啲熟客啰，人地黎一次都唔会帮衬你第二次啦。咁你冇客冇利润，业主一加租你咪顶唔顺啰，咁简单。唔系报纸话你结业我都唔会再黎，结果又系失望。可能佢都结业嘞，咪觉得使咩对你地啲客咁好，都唔玩了。
继续阅读