峇里餐廳 (已搬遷) 新店位置

同老公在佐敦食飯, 本來佢想食六榕, 我覺得食齋太多油, 建議食印尼野.呢間餐廳我上一次來已經是十年前, 同d同學一齊食, 印象中又平又好食, 只係地方"up dub"左d. 今次再來, 環境比記憶中更舊(始終都過左咁多年), 但老闆同以前一樣好好招呼. Order 印尼大餐$138, 老闆話夠2個人食, 包2個湯, 2碟白飯. 2個好似Cafeteria用的鐵碟, 上有菜式包括(以好味程度排名):加多加多- 同十年前一樣好食, 尤其是個沙爹醬~巴東牛肉- 好味過灣仔金蒂, 夠淋夠惹味.酸辣蛋- 好正! 不過得一隻~炆牛尾- 淋、惹味, 甜鹹適中.椰汁雞- 椰汁香, 稀稀地撈飯一流.煮雜菜- 普通印尼煎魚餅- 有d古怪炸帶子- 冇乜特別蝦片2塊- 淋左~每款有半碗至一碗, 分量真係夠哂2個人食! 連2支樽裝可樂, $152埋單.臨走時, 老闆請我地食印尼糖, 而老公發現佢最愛, 夠哂辣的印尼薑糖, 即時買左一大包, 都只係$15(一百粒)!!

真係唔錯喎,我男朋友生日,佢話想試吓食印尼菜,所以就揀左試呢間嘞,入到去,見到d燈幾特別,有個我諗係老闆既人,好nice喎,我地叫左一個公司大餐,峇里拼盤,真係好多野食,食極都食唔哂呀,淨左好多,我同我男朋友都好大食架啦,但係真係食唔哂呀,好多人都係咁呀,但係好好食law,如果份量少d會更加好~我覺得公司大餐係足夠3-4個人食架(細食既4個都ok),真係好抵食喎,個檸什係"消制"既好飲品呀~

峇里餐廳是我在中學的食堂.然而很少師妹會來吃飯, 午飯時間也永遠不會爆滿, 在這裡看電視午間劇場或印尼華僑老闆的私伙印尼情歌vcd都是午飯的好選擇.老闆是很sociable的中年伯伯,學生有折的碟頭飯十分化算,廿蚊以內還送飲品,除了對面的米奇樂園"陽光"外,拔萃妹的選擇不多.(當然還有齋舖的頹飯)碟頭飯首推沙嗲豬肉/牛肉飯.沙嗲是醮串燒的,伴乾荵加花生粒,再來份量不少的豬肉/牛肉條,整整一碟很是滿足.同學最愛的還有瑞士雞飯,可能因店舖近以瑞士雞亦出名的太平館而東施效顰.這個東施卻是水準之上,畢竟廿蚊一碟.. "你仲想點"?清清的有梭多雞肉湯面,發育中的妹妹可能嫌少,但那幾塊炸過了的乾荵真是好味得無話可說.畢業後回去試過晚飯, 然而始終覺得, 那廿塊錢的碟頭飯比較好味.

以前黎過一次, 係外賣粟米餅, 味道唔錯, 所以對此餐館留下不錯的印象.一直都想再幫襯, 只是身邊的朋友不大熱衷印尼食品, 終於日前我自己一條友黎幫襯.叫左過黃薑飯, 味道唔差, 但我唔算太喜歡, 或許不適合我的口味吧!喜歡下次可以約多幾個朋友, 咁就可以試多幾款食品.

呢間餐廳逄星期日晚,會分成兩部分: 左手邊仍然係餐廳, 至於右手邊, 會化成party room, 有好多印尼人著"沙龍"跳舞, 又有人唱印尼卡拉ok, 好有趣!講返食物, 真係好好味! 無論咖哩, 雞翼, 喇沙, 串燒...etc. 總之食咁多次, 每次都好有水準! 响lunch time, 呢度仲係警察食堂, 好多阿sir接住班咁黎開飯!

唔係專登架但而家寫食評先知同前一個食家enter叫埋一樣既食物(黃薑飯，沙爹羊肉同粟米餅）黃薑飯～真係有九種配料咁多：椰汁雞較乾同；巴東牛肉同炸薯仔個汁都好正，同d黃薑飯味好夾；紅椒豆腐粒同炸熟雞蛋無乜特別，甜酸魚塊味道甜酸得宜，好開胃；豬肉鬆，雞肉鬆同甜脆花生碎同d黃薑飯拌勻食好好味，所有配料有辣有唔辣，但就算辣既都只係微辣，朋友仔唔食辣都話ok。呢個set有個好處，就係即使一個人黎食都會好開心，因為可以一次過試晒咁多種食物。唯一唔好係上檯時全部都係凍既，但都要等左兩個字先送黎粟米餅～新鮮熱辣炸起，點埋個甜酸汁食一ｄ都唔漏或者油，而且個皮炸得一ｄ都唔厚，唔會食到一口炸粉皮；但個餐牌明明寫住係用蛋漿加蝦膠加粟米做成，食落就真係好多粟米粒，又好香粟米味，但就一ｄ蝦味或者口感都無。沙爹羊肉～最尾先上，新鮮熱辣，個沙嗲汁好正，好香花生味，同好時既汁不相伯仲，羊肉一ｄ都唔又唔羶，o岩晒我！因為黃薑飯同粟米餅先上，其中一位侍應見我地就食完呢兩樣時專登走黎問我地夠唔夠食，知我地仲差羊肉未上，即刻主動幫我地跟，又有禮貌又helpful，走時又多謝又不停講拜拜，又主動派左好多糖俾我。呢餐飯真係好開心，

見到咁多個笑面,又無劣評,諗住同朋友唻食應該幾好.純粹跟食評點左以下食物:黃薑飯($58)--配料之中,我最鍾意酸甜魚塊,酸酸甜甜又腍腍地,幾好味.豆腐粒同隻蛋係有少少辣味,可以接受既.另外,0個個係薯塊定芋塊呢?我覺得似芋塊多d.沙爹羊肉(半打$43)--食0個陣攤凍左,但蘸d醬,味道都唔錯.我同個朋友食0個陣都覺得唔知食緊咩肉,因為既似豬又似雞.粟米餅(忘記了價錢,一碟8件)--一咬之下,真係好粟米,點埋d酸甜醬,幾好味.我同朋友每人4件,夠晒飽.食完晒d食物,我地仲留0係度傾偈,我地8點入座,10點零先走,氣氛幾好又靜靜地,好啱傾偈.睇晒食評去,對於餐廳環境,心裡已有一個預算,反而我朋友唔知,佢0向外面就覺得有d"up dub"既感覺,但佢食完讚左好多次.我就當然覺得滿意啦.我地都覺得既然食物咁好食,冇理由咁少人,因為我地入去時,好似只有一兩檯人,到8點半左右先多幾檯.等我介紹多d朋友去試下先.仲有,我地食左150蚊左右,佢地就送15蚊coupon,幾抵喎!臨出門口,收銀阿伯仲叫我地拎粒糖食下,我地都拎左粒青檸味,幾好味.一定會再去.

某日七人飯局, 突然記起曾聽人讚過這家餐廳, 豬朋們也表興趣, 就此決定.這裡是非常懷舊feel的舊式餐廳, 有少許昏暗, 還掛上皺紙作裝飾, 很有趣. 看餐牌時有人提議點加多加多和巴東牛肉, 我還嗤之以鼻, 說他老土; 豈料後來在侍應大叔的推介之下, 還是點了這兩道菜……先來印尼拼盤, 有炸帶子、炸蟹拑、蟹柳、扎肉, 這幾款可以不理; 巴東牛肉香口惹味, 又煮得夠腍, 所以encore; 牛肉餅肉味濃, 也好吃; 燒魚我沒吃; 最奇怪的是海蜇, 雖有點格格不入之感, 但也做得不錯.黃薑飯我是第一次吃, 有少許香料味, 但完全沒有薑味, 是否應當如此? 配料倒是很豐富.串燒羊肉和雞肉各要了半打, 後者比前者好.醬燒雞是很多人的推介, 醬汁濃厚, 肉質嫩滑, 果然不錯~~牛油雞翼跟大家想像中的樣子很不同, 一吃之下, 真不得了, 入口先是很香的鮮檸檬味(不是香精那種), 慢慢再滲出牛油香, 讚讚讚~~ 幸好每人剛好分得一隻(一客六隻, 點菜時大叔建議多加一件), 要不然準會爭過頭崩額裂!加多加多跟一向吃的差不多.再來一碟巴東牛肉, 比拼盤內那些較韌, 不過通常吃到的也是這樣, 味道也還是

果日特地再黎一食果個成日令我好懷念既黃薑飯.....8點去到...得3,4 檯人.....見佢大大張字寫住慶祝28週年....下....咁就28年架啦......我細細個果陣已經幫襯佢架啦......眼見佢依然仲係咁冷冷清清......都有D唏噓......兩個人食左一個黃薑飯同一客咖喱雜菜(後尾先知跟一碟白飯).......黃薑飯依舊好味......伴碟既牛腩勁淋勁入味....個咖喱有少少辣......但係頂得住......D汁撈飯好好味呀......記得上次黎果陣(都好似兩三年前囉).....比人包左半個場攪生日會.....我諗果D人可能係華僑...所以播埋D印尼卡拉OK......都幾有feel 架.......而今次就播左無記劇集......食下食下都有多兩檯人客入黎.....真係好擔心佢捱唔住要摺呀.....千其唔好呀....因為香港地好難搵到D咁正宗咁傳統既印尼餐廳架啦....... 我對佢好有感情架......

Tonight i come with my Girlfrined to try this bali resturant. Command is wonderful. the enviroment looks like 70 US resturant.the food is very good for me (chinese food lover)The tiger beer is very cool (with a thin ice)--but don't order too much.cos the portion is very largefor 2 , just order 2-3 dishes is very good enough

一行四人叫左黃薑飯,燒猪頸肉,東爪娃鷄湯,薄餅,加多加多.我最鐘意食個加多加多.其實係雜菜沙拉猪頸肉就嘛嘛地.湯.ｏｋ拉．有ｄ粉絲有鷄肉．薄餅送埋咖哩汁．薄餅本身比較油，唔係乾身果種．黃薑飯唔錯．ｄ送有ｄ都幾辣有ｄ就唔辣．環境幾靜．傾計唔錯．可以坐耐少少都得．

呢間峇里餐廳真係算老字號啦﹐我諗應該<br />有起碼20年歷史了。但係我甚少幫襯﹐<br />唔係因為呢間餐廳出品水準有問題﹐相反<br />呢度的食物水準都幾高﹐只係我個人並<br />唔係特別中意食印尼菜式吧。<br /><br />推薦黃薑飯﹐D配料真係多到...!睇到都覺得<br />豐富。食落都幾好味架(當然你接唔接受<br />地道印尼食品有係另一回事)﹐串燒沙嗲都<br />做得好好﹐但有次食就唔知係上菜慢左定<br />係有人ORDER後又唔要﹐唔夠熱就無0甘<br />好食﹐不過﹐只要夠熱就真係多多都殺得起﹗<br /><br />另外其它的小食同套餐飯類都做得唔錯﹐<br />只要你或你的另一半唔介意環境比較80年代<br />FEEL﹐黎呢度食都算係一個選擇。價錢就<br />唔算係好平一類﹐但係如果計埋食物水

細個o個陣經過佐敦時都望到呢間餐廳, 已經好多年喇. 好耐之前幫襯過佢地o既巴東牛肉飯餐, 印象唔錯. 禮拜六下午見經過呢度, 決定入o黎食晏晝懷舊o下.地方依然係舊式西餐廳o既格局, 寬闊o既卡位, 厚厚o既梳化, 但係就多o左部電視播印尼卡拉OK (好彩唔嘈), 老土得o黎好得意. 叫o左我一直想試o既黃羌飯(Nasi Kuning; $58), 餐牌標價係48蚊, 落單時老闆主動話我知48蚊o既黃羌飯只得五樣送, 適合細食o既女士們食; 58蚊o既至係原裝足本版, 有齊九樣送(仲有相俾我睇). 見老闆o既態度誠懇, 唔似係老屈我, 於是聽佢話, 要個58蚊o既足版黃羌飯.黃羌飯用大碟上, 驟眼望落去好大堆頭, 其實黃羌飯堆o係中間, 周圍放著九樣特色印尼送菜同小食, 包括椰汁雞, 巴東牛肉, 紅椒豆腐粒, 炸熟雞蛋, 甜酸魚塊, 炸薯球, 豬肉鬆, 雞肉鬆同甜脆花生碎.黃羌飯本身滲著好香o既薑黃味, 煮得乾身好o岩我o既胃口, 就算唔跟送就咁食我都好鐘意.椰汁雞味道清淡, 有椰香味, 啖啖肉, 送飯都唔錯, 好適合女士們食.巴東牛肉係九樣送之中我最喜歡o既. 一大舊牛展煮得好入

充滿印尼文化0既餐廳,侍應同大多數食客都係印尼人,又播放印尼卡拉ok,令我同男友仿如置身印尼!食物正宗印尼風味,0加哩雞飯($53)好正,忍唔住親口讚老闆,佢話廿八年0黎都用新鮮椰子汁煮0加哩,所以0加哩香濃,又唔肥,不過0的雞略乾身!沙嗲餐好抵($69):八串沙嗲,沙律,薯餅一塊,飲品,甜品(熱椰汁紫糯米)!醋肉沙嗲最正,好"林"!現惠顧滿$50,送$5現金!

I've ate this rice for more than 20 years. This shop has last for more than 20 years. My primary and seconadary school is near this restaurant very much so I went there so often.This rice got 8 kinds of different Indonisian food. They are1.薯餅2.巴東牛肉3.瑞士雞....SUPEREME!!!!