峇里餐廳 (已搬遷) 新店位置

要數印尼餐廳，呢一間可以話係數一數二。一如之前的評語，餐廳內佈置好懷舊，唔好聽講就係老土，後生仔就未必會鍾意。但係對於年紀有番咁上下，鍾意食印尼野我，簡直係一見鍾情、一見如故，非常之ｆｅｅｌ。見之前通常都介紹黃疆飯，今次一行二人，就叫另外一試（圖由上至下）。１雜菜粽飯：好似「十五夜」咁，特色椰香醬汁配飯團、雜菜、牛肉、魚肉、雞蛋等。２羊肉沙嗲＋辣花生醬：野味、唔騷、又夠稔，最鍾意食～！３東爪哇雞湯：即係「索多」雞湯，味夠濃，又多料，好過銅鑼灣某印尼餐廳（細碗、太稀兼少料）。４牛肉餅：我諗都好少人會叫，因為好似好普通咁，但係呢個餅先係本人至愛，無論去邊一間印尼餐廳我都會叫。呢度質感好，唔會太鬆而散，又唔係太乾身，配埋提供醬，好！埋單二百多元，仲送埋２０元優惠卷俾你下次用（限一個月內），果然係讚不絕口～！鍾情印尼食物記住去試喇！

最初都係朋友介紹來食既﹐一入到去﹐感覺好懷舊(殘舊﹖)﹐燈光暗﹐好無香港feel﹐亦有人係度唱Indonesian Karaoke﹐這種setting 當然對唔少要時髦既人來講係極之差勁﹐不過我就極鐘意﹐好獨特。食物方面﹐大多數都好好食﹐特別係巴東牛肉﹐酸辣牛肉﹐牛油炸雞﹐Gado Gado﹐黃薑飯﹐薄餅等等﹐但我亦覺得有幾味送就真係麻麻﹐例如炒雜菜(無乜獲氣)﹑同埋某款雞肉(太普通﹐屋企都食到)﹐但大致上都係一流﹐一定夠飽。最好既係如果老闆見你叫得太多送佢會叫你唔好叫甘多住﹐呢一種不攻利而真惜食物既態度十分值得嘉許﹗30 年歷史﹐真誠服務﹐仍屹立不倒﹐好野﹗

之前响到睇倒大家嘅食評都唔錯,而且食品介紹都好合口味,一心去試試,可能星期四同埋比時間較早的原因,一開門入去都係得兩枱客,加埋都唔夠十個人,而且好似一間舊式茶餐廳咁,但服務態度就遠勝茶餐廳,食品亡選擇都好多,價錢都好公道,不過都幾熱氣,食完都要飲番柸涼茶

Satay: 牛+雞, 好香炭燒味但個人認為唔夠.栗米餅: 亦好香, 栗米甜.牛油雞翼: 同越式唔同, 有少少似蜜糖雞翼, 好味, 不過唔熟, 有血水湧出.加多加多: 唔辣, 仲有蛋殼. 個sauce幾好.荷葉燒魚: 辣得好野味~ 朋友受唔住~服務: 出現漏單, 人手不足. 不過依然笑容滿面. 老板娘喜歡人打包(但1/4碟加多加多又點打包le?我都唔想waste但友人實在不能食那燒魚(too hot for her)^^")很喜歡店內令人懷舊的feeling~ 不過wash room 唔得, 要扣分.

星期四晚同honey 拍拖食飯，所以星期三晚honey已上openrice.com搵正野食，佢話搵搵下就搵到埋間餐廳喎，咁我地就去試試有幾正。我地當然一定係有叫左最出名既"黃疆飯"同"粟米餅"啦，哈哈...因為我睇完d食評之後只想食哩兩款，所以我地另加多1個"峇里抄豆角"都係我honey點既。首先講個"黃疆飯"，um.....感覺幾特別，幾好食；"粟米餅"一上檯就已經聞到好香，應該係即刻炸既，因為好熱，出晒煙咁，都幾好食，夠香口；之於個"峇里抄豆角"個人認為普通左少少，辣左少少。見到d侍應都好nice，周不時都會加茶，埋完單都仲會加茶。

跟住openrice介紹咪叫埋2位朋友同我去試下佢地d 黃薑飯係咪真係好好味. 同友人去揾 間餐廳都揾 左一陣, 終於俾我地揾 到!當然叫左個一大一小既黃薑飯(因為另外一位友人遲大到, 佢自己食一個小黃薑飯)同粟米餅.跟住叫左珍多冰.....(不是太好飲)個飯同粟米餅都幾好味, 特別係個粟米餅...不過熱食好味好多, 凍左就比較食落口有些油膩感.整體上, 食品就不錯, 不過野飲可以不用試啦.如果環境乾淨d燈光光明d就prefect!!!!

星期日午餐, 客不多, 雖然餐廳很舊,仍掛著印尼新年的彩紙,但侍應服務不錯,除了介紹食品外,食物到後還問我們岩食否, 是次叫了炸粟米餅, $38有8件, 即叫即炸好香脆, 而咖喱牛腩飯就不太對我們胃口, 汁太稀, 飯太散,好似人地用好平的雜米煮, 牛腩過廋, 不同我們吃開那種杰, 有椰香味的咖喱, 可能這是正宗印尼咖喱吧! 最後見幾枱客都有碟深色的雞翼,我們就試了,6件$43 好香口, 老板走來問我仔仔好唔好味, 佢話佢個仔可一人食6隻, 但唔食飯計! 由於我們只有3人, 想試多幾款都不能, 下次一定要試沙爹及好受歡迎的黃薑飯!

last night 吃了海鮮喇沙,唔知係咪bali 製法, 冇喇沙葉同滲滲變成米線, 湯底夠濃同夠椰汁味.可以一試........o既!!!!

見到呢到既食評,好似呢度最出名係黃疆飯,所以今日下午同埋男友黎試下啦1.黃疆飯(好似$48):睇呢度d相以為好大碟,點知其實都係得一個一份量,原來係幅相影到好似好大,我都係影度咁...哈哈^^d飯炒得好正一粒粒咁,好好味,有成7款配料伴飯,每樣得一"舊"仔2.咖哩雞($38):好香,咖哩味夠~雖然餐牌上無寫可以配野飲,因為就咁係度叫杯凍奶茶,檸茶都要$16-20,比其他餐廳貴,但好彩佢地話呢d都包一杯飲品~

又約了一班食友午聚，是次的目的地是這間印尼食肆。約好時間，大家也陸續出席，除了一眾已報名的食友外，還有久違了的涼伴及很少在午飯時段出現的麵包超人，真的令人喜出望外。要試掂唔掂，叫番最傳統的幾味就最好，就要了沙爹，雞、牛、豬各一打起碼，加多加多、巴東牛肉、咖哩羊肉、酸辣魚、醬燒雞、黃薑飯及椰汁飯卷。這裡的沙爹是幾有水準的，有炭燒的香味，沙爹醬甜美，不覺辣。豬、牛、雞三種，最好便是雞肉，也忘記問有沒有羊肉了；再來的是加多加多，用了不少的蝦片蓋著，賣相幾對辦。配料正宗，都是例牌的芽菜、豆腐卜、蛋等，加入沙爹汁，味道都不錯，大熱天時吃這個沙律真的不錯，可惜的是一點也不辣，如果可以加點辣味更好；這裡的巴東牛肉是偏濕的，味道不算濃郁，肉則炆得幾腍，又是完全不辣，醬汁亦不算甜美。無論比起華苑、印尼會所或福興都遜一籌，有點失望；咖哩羊肉是另一敗筆，咖哩水汪汪，不算香，羊肉則細細舊，變成大家也在努力的找羊肉，最後剩下一大兜黃色湯底，燒乾一點會更好；酸辣魚係炸魚加上酸辣汁，魚味雖然不濃亦薄薄的，但味道也算不錯，至少拿來下飯或送啤酒，都幾好；醬燒雞唔係太掂，見佢醬汁黑黑濃濃的，但味道不甜不辣，雞件幾大舊，不

雖然環境真係比較舊,但食物水準仍然好好.粟米餅(即叫即整,好味)黃疆飯(一般)什錦飯(我最鍾意食,正)soto ayam (好多料)加多加多(一般)沙爹一打(雞豬牛羊各3支,羊真係好好食)

朋友生日今晚決定請佢黎呢度試試,一行4人7點黎到,得3-4臺客,環境方面燈光昏暗,感覺頗懷舊.我地2個couples叫左,加多加多$43,粟米餅$38,黃薑飯$58,荷葉燒魚$58,印尼拼盤$60-65,沙爹雞半打$30-40,甜品要左件糯米雞及椰汁糕$5-6件加多加多---一般size,花生醬幾香,豆腐粒,椰菜,青瓜,芽菜都幾鮮甜新鮮.粟米餅---一碟6件,炸得幾乾身,味道都可以,但個人認為腍左d.黃薑飯---也不俗,味道不錯.飯旁邊有好多料如咖哩雞,牛肉餅,旦,豆腐粒.荷葉燒魚---呢個就麻麻!2小條荷葉包住香料,魚得幾粒!香料豆蓉一大堆!味道則一般啦!印尼拼盤---有醃青瓜,海哲,炸蟹鉗,牛肉餅,醃旦,扎肉,煎鱸魚.overall味道都ok!沙爹雞---十分正!雞肉相當入味,juicy,沙爹汁亦頗惹味!糯米雞---味道有d似粢飯,外型似壽司,內裏有d咖哩雞絲,甜甜地.椰汁糕---椰汁味頗香!埋單$328, 價錢都算合理!如果叫set更抵!可以一試!

一直也沒有時間出來午餐聚，昨日特別早點走，終於趕到今次的聚會了。可惜時間上還是比較晚，他們已經食了唔少了。這裏的裝飾又真係幾懷舊，但就幾特別，有點時光倒流的感覺。今次有三位新朋友，名字最特別的可說是<Meh>了，在自我介紹時(他說:我叫乜)，說了三次我們才知他說什麼，原來係(我叫Meh)。其實我唔係食了很多，包括沙嗲串燒雞和豬、加多加多、黃薑飯和咖喱羊肉。沙嗲串燒雞- 味道唔錯，又唔會韌，可以一試。沙嗲串燒豬- 好韌，完全沒有豬味，差。加多加多- 開胃菜一道，味道也很好，但在途中食就有點怪怪的。黃薑飯- 只食了少少，味道也不差。咖喱羊肉- 羊肉還可以，但咖喱汁唔多夠味，送飯還可以，但不是太特出。午餐聚對我來說，又真係幾趕，希望下次還可以抽到空來聚一聚吧！

第一次去峇里餐廳dinner...環境裝飾舊d..不過幾懷舊^^..老闆同d staff d service好好~ 加多加多taste very good, especially個sauce..沙嗲串燒ok la...nothing special..印尼薄餅and 印尼炒飯very good ar^^其他食家推薦黃薑飯...really wanna try try next time~

見有咁多好評，我同老婆又唔介意佢環境差，行開頭梗係去試。叫黃薑飯($58)同粟米餅($38)。黃薑飯睇落唔係好大碟，不過食完又覺得夠飽，飯本身普普通通，冇乜特別；就有幾款，有雞有牛有肉崧，味道唔錯。粟米餅應該係即炸，好熱，有八舊咁多，算唔貴，不過又唔講得話係特別正。整體講都算唔錯，食得過。走時候食佢一粒薑糖，薑味夠而唔太甜，真係幾正，下次去可能會買番包。