峇里堂

营业中

休息中

尖沙咀除咗重慶大廈其他地方都有印尼嘢嫁！巴東牛肉飯轉金貝飯牛肉應該係牛展～煮得好腍好入味！好好食！金貝飯係由香茅、檸檬葉、薑黃同椰汁煮成～不過老實講淨係食得出微微嘅椰汁味～如果撈埋啲汁就食唔出咩味(˶‾᷄ ⁻̫ ‾᷅˵)但啲飯粒粒分明又好有咬口！都值得一試嘅！峇里式燒豬汁比高 啲豬肉勁多(///▽///)一路食一路跌ava 啲燒豬汁好濃好入味！加埋啲青瓜反而更加fresh更好食！bagel都幾煙韌唔會好麵包～回彈都唔錯椰糖雪糕多士coconut呢個係竹炭多士上面加咗啲糖漿同椰子雪糕～椰子雪糕幾好食～其他就係想像到嘅味lol 會建議叫其他多過叫呢個😂除非你想食椰子雪糕印尼樽仔花茶甜甜地幾好飲～唔會太甜！應該加咗啲花蜜！

朋友好sweet咁搵我出嚟食飯🥺幾難得兩個人撐枱腳 呢間餐廳佢介紹 話想試吓感恩好多朋友都會主動搵我約到我無乜時間獨留家中🏠⭐️峇里式燒豬比高Bagel外脆 豬肉調味好足 咸香⭐️印尼沙嗲炒豬肉飯個汁都係甜甜咸咸 有埋好fresh嘅青瓜好快啪哂成碗飯 應該係嗰排食得最多嘅一餐⭐️蝦醬炒通菜不過不失 但一餐飯無食草又爭咁啲⭐️玫瑰鮮奶咖啡幾好 個玫瑰味唔會好假下次想試巴東牛肉牛角包&咖央多士😜狗狗好得意 好乖呀🐶🐶🐶

呢間餐廳係位於山林道，好多好餐廳都係個個位置，都各有特色，對呢個餐廳佢既特點之處有別於傳統印尼菜，我覺得口味上有保留左印度菜嘅特色，但相對來講更加切合我哋嘅口味！高質之餘價錢非常之好。好似我夜晚去食一個飯都係60幾蚊，但就無套餐中午先會有，以咁嘅價錢來講佢哋絕對係好高質！我哋分別叫咗巴東牛肉飯💰78牛肉份量唔係好多但牛肉味非常之好食味道濃郁，又煮得腍，又有少少微辣我勁鐘意食，真係好惹味！配搭上金貝飯就一流！另外叫咗印尼沙嗲豬肉飯💰67,呢個味道偏甜比較重口味，沙嗲味道都唔係平時食開嗰個味道，但絕對係好食，豬肉份量好多，豬肉亦入味！峇里堂珍多公雞冰冰🤣$58雪糕有得揀海鹽味或者係椰子味，我哋揀咗椰子味，佢椰子味真係好濃，下面係沙冰配料一共有三款有紅豆大樹菠蘿同綠色既野.（有無人知係咩名)成日都會叫到，但我從來都唔知係咩😂💰人均100蚊晚餐

我平時都好少食印尼菜，最多都淨係食下Indome😂今次有朋友推介位於尖沙咀既Bali Town，就膽粗粗去試下🤪-我地Order左個峇里式豬肋骨飯($70)、嘴刁小食拼盤($74)、雙色咖央多士($39) 同芒果汁($22)😬個飯可以跟普通白飯或者金貝飯，我地緊係揀個特別D既金貝飯啦😻佢係用香茅、檸檬葉、薑黃等多種香料整成，食落好香口😍 不過最驚人都係個豬肋骨，本身見無刀，仲糾結緊點切，點知一夾落去已經可以甩到骨，軟嫩得黎好入味🥳個雙色咖央多士用黎打卡一流，好可愛🤣個多士夠脆，入面有咖央同牛油，甜甜地，當甜品都得🙌🏻個小食拼盤有蝦丸、魚餅、素春卷同蝦片，特別想講一講個蝦丸，大大粒，咬落好彈牙😜整體黎講呢餐真係有驚喜，本身我好少食印尼菜，食之前仲擔心會唔岩口味，但食落就覺得好滿足，d野食都好香，環境又舒適，推介大家試下💛

呢個暑假真係好熱，但這個熱沒有阻止我搭一程𨋢去峇里島度食碗惹味飯和珍多冰呀😂 上到嚟，見到店內以水泥風設計配一排大窗，令自然光透入店內，在不同角落放咗木製藝術品和沙灘主題掛畫。香濃惹味醬燒雞脾飯 (HK$61)，轉金貝飯 (+HK$9)．嘩，雞髀好大隻，成隻碗咁大！雞肉嫩滑，好容易拆肉，淋上香濃惹味醬，甜甜哋，好美味😋．金貝飯，係店家自製的香料飯，米飯粒粒分明，入口處香滑軟腍．食咗一啖雞髀肉之後食一啖金貝飯，我覺得真係好好味，也不知不覺食晒成碗飯，好飽呀😌Bali Colada (HK$52)．呢杯係將菠蘿汁和椰奶溝沙冰，酸酸甜甜，好好飲，仲配有一片菠蘿添，飲咗好爽呀～峇里堂珍多公雞冰冰配椰子味雪糕 (HK$60)．一大碗的，冰上鋪滿好多配料．珍多 — 綠色嘅斑蘭糯米條，煙煙韌韌的😍．芒果乾粒 — 好甜．紅豆 — 甜蜜美味．椰子味雪糕 — creamy，椰奶味香濃，不太甜，耐溶👍🏻走嘅時候，終於找到門牌，就在𨋢門左邊。

前幾日同朋友去左尖沙咀山林道一間幾高人氣嘅印尼菜餐廳-峇里堂食晚餐。上到大概7點，唔洗點等就入得座。餐廳環境寬敞，燈光光猛，仲可以望到尖沙咀街景。餐廳主打印尼菜、串燒、小食，另外仲有餐廳特色自創印尼菜。 🔻 香濃，惹味醬燒雞髀金貝飯味道：7.5/10價錢：$61+$9醬汁食落有啲似沙嗲汁，但唔辣，係幾惹味。雞髀算大隻，炸得幾脆，雞肉嫩滑。我地另外加左$9去試下印尼嘅金貝飯，佢用左香茅、檸檬葉、薑黃等香料再加上椰奶烹調嘅香料飯，食落粒粒分明，幾好食。🔻岩里式燒豬比高味道：7.5/10價錢：$57餐廳獨家設計嘅bagel，用上左印尼醬汁加切碎左嘅豬肉絲、青瓜，食落味道唔錯。不過bagel可以再煙韌少少就perfect!🔻雞肉串燒味道：7/10價錢：$35雞肉燒得唔會太乾，幾嫩滑。餐廳提供嘅沙嗲醬幾惹味！🔻芒果樽仔果汁味道：7.5/10價錢：$22好香芒果味嘅果汁

香港印尼餐廳唔算多，呢度環境簡約幾舒適菜式好夠地道。好迎合香港人口味揀咗招牌菜式「不變．招牌巴東牛肉飯」本身都唔太知道巴東係咩味道，原來係甜甜辣辣超惹味，飯底可以選擇<珍珠香飯>或者 <金貝飯>加上厚厚嘅牛肉，口感夠腍，超好食「雞肉串燒」雞肉串燒配上醬汁，好有印尼風味「峇里堂珍多公雞冰冰」第一次食呢款甜品，顏色好靚，底層係椰汁味嘅刨冰，加入三款唔同嘅食材，仲有雪糕球，消暑透心涼。「蜜桃汁．芒果汁」西班牙嘅鮮果汁，市面好似唔多地方有，下次可以試埋熱情果味。

食個晚餐，試下印尼菜。成張餐單唔太多選擇，希望係貴精不貴多，可惜事與願違。嗌咗個參峇醬炒海鮮，蝦醬炒通菜，峇里式豬肋骨金貝飯，雙色咖央多士，峇里堂珍多公雞冰冰配海鹽雪糕同埋串燒。1）.個炒海鮮，有兩隻大蝦，三隻青口，同幾隻蜆仔，仲有啲疑似係長條魚蛋咁，個醬汁係幾好味，但啲海鮮質素非常差，啲蝦好腥又唔新鮮，青口還可以，但啲蜆一咬成口沙都吞唔落，要俾負評。2）.炒通菜，正常水準唔係出色。3）.豬肋骨飯係最出色，豬肋骨入味又好軟稔，美中不足係啲金貝飯無乜香料味，醬汁都調校得唔錯。4）.多士，個人認為太甜啦，可能本身麻麻地咖央，多士中間夾住一舊厚牛油同厚咖央，鍾意喱個味應該會鍾意嘅。5）.公雞冰冰用椰奶淋落啲炮冰度，同一杯珍多冰差唔多味咁，唔驚喜，雪糕無鹽味，只係藍天色雪糕係幾靚嘅6）.串燒配沙嗲醬，無特別，雞軟骨正常發揮，花支丸係霉肉，唔好味整體嚟講，佢啲食材都好唔新鮮，除咗豬肋骨叫好味啲，基本上以上嘅都可以唔駛試。最後，店員都有啲無禮貌，我知你哋九點九要收工，但可以禮貌啲請客人付款離開，唔係講我哋閂門啦喎，收銀喺嗰度咁樣囉。。。基本禮貌都無加埋咁嘅質素。。。我完全唔會推介人嚟食。

之前朋友介紹泥過呢間餐廳, 覺得係好食同少有既印尼菜餐廳, 今次再帶新朋友仔泥食多次(^o^)招牌巴東牛肉飯@$72上菜果時淨係個賣相都幾吸引, 點知食落口仲正(*´꒳`*) 不過印尼菜一向偏辣, 呢個飯就偏向迎合香港人既味道, 醬料濃郁有重香料味道, 牛肉平時好驚硬但佢隻牛肉幾好咬口(´∀｀=)~ 峇里堂海鮮煎@$71因為朋友想食蝦片, 變相成個海鮮煎咁order♪(´ε｀ ). 海鮮煎感覺似平日食既日式蛋包飯, 厚蛋捲, 頂係蝦片, 而但部有芽菜(最愛(≧∀≦)) , 海鮮有蝦等但佔既份量比較少雙色咖央多士@$39好食既甜點(*´∇｀*), 食完咸食食番呢個甜點絕對開胃! 雖然中間有舊厚厚既牛油, 但同咖央醬一齊咬, 個口感太正(//∇//)點會仲因為舊大塊牛油有罪疚感呀ƪ(˘⌣˘)ʃ~~~~~而雙色咖央果兩隻色係同我上之泥既唔同, 餐廳係有定期換下款呢~ (*'▽'*)感覺呢間印尼菜國野食唔辣比較迎合番香港人口味; 同朋友都滿意今次既印尼菜午膳~

呢度既地方相當大, 所以座位都相對地多, 仲要我地係平日去, 所以完全係唔洗等位直入😎 菜式方面都係比較特別, 自己畫紙仔落單相當方便👍🏽雙色咖央多士🍞($38)啡色白色既脆多士夾住一細塊牛油同甜甜地既咖央醬, 攞黎做前菜係幾正🙃串燒(羊肉&雞肉)🍢($40/35)串燒好香, 羊肉唔會太羶, 雞夠繳, 配埋最重點既甜沙嗲醬係一流, 呢度既沙嗲醬係偏甜同埋花生味冇咁重😋印尼沙嗲炒豬肉飯🐷($61)滿滿既豬肉絲配上大量既重口味偏甜沙嗲醬撈埋白飯一齊食超級惹味, 真係會忍唔住食曬😝峇里醬炒四季豆🥬($68)用左類似豆瓣醬Mix 蝦醬既峇里醬加埋少量既青紅辣椒同蒜片去炒四季豆係勁惹味🤤呢個價錢係尖沙咀食到一餐咁豐富既飯我覺得幾抵, 始終都係東南亞地區既食物, 所以都會重口味啲, 但係間唔中一餐我覺得都可以試下既😎

All I want to say is, this does not feel right.我個人覺得唔正宗唔好味唔好食！因為我試過在印尼真正的beef randang 而味道不是這樣的！加上去過其他香港其他牌子十間印尼餐廳遍佈港島九龍，別人家的beef randang幾乎同一樣味道，而這間的味道是很不同的，這間beef randang 味道偏淡，醬的甜味蓋過所有應該有的牛肉味。當時覺得自己在吃甜品多過一切，但是叫的那個燒豬肉飯味道是最正常的，但也是最不正宗的煮法。總括來說，飯量正常但是味道很一般。我們也叫了沙嗲鷄，也是沒有味道的一串沙嗲，似好像吃了一堆橡膠，明明是鷄肉串，但沒有鷄味更惶論燒烤味，只好沾醬，醬就正常的。我還叫了一杯波蘿汁飲品，但again根本沒有波蘿味，覺得似在飲糖水，而且此杯，份量少到如375ml 檸檬茶卻盛惠HKD56，既然甜至糖水，我們認為已經沒有必要再叫甜品。最後，last but not the least, 員工態度惡劣，尤其個位收銀姨姨，埋單時整唔見我地兩蚊仲accuse 我地俾少左，好明顯佢自己唔睇清楚周邊或是是否跌左落地，對著我地仲要西口西面。it’

點樣食推介✨💛抵食印尼菜💛💛尖沙咀黃店💛峇里堂 地址：尖沙咀彌敦道176號The Nate3樓🍖招牌巴東牛肉金貝飯 $78 (7/10)應該係印尼菜版嘅牛腩飯🤣，有好多舊煮到腍曬嘅牛𦟌🐮，醬汁似咖喱微微辣咁但調味上偏甜，好香椰漿味，個醬拎黎撈粒粒分明嘅薑黃飯都幾夾，成碗飯食完會好飽足😂🍖雙色咖央多士 $39 (7/10)顏色上好特別，係黑色嘅🤣🤣，烘得都夠脆，不過冷氣太勁好快就凍曬，裏面嘅牛油同咖央醬幾足料，味道都係中規中矩🍖惹味醬燒雞脾金貝飯 $67 (7/10)醬汁調味上好有特色，如果係平時鍾意羊騷味嘅朋友會幾鍾意，超重香料味，男朋友食落覺得好啱佢口味，雞脾嘅肉質都係正正常常咁回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)

.🔖 峇里堂 | 𝑻𝒔𝒊𝒎 𝑺𝒉𝒂 𝑻𝒔𝒖𝒊成日都見到有人推介呢間印尼餐廳，近排仲入圍埋開飯熱店。食印尼菜好似幾特別咁，今次經開尖沙咀就決定黎試下佢！👅.夜晚六點幾黎度餐廳坐滿一半左右。一出𨋢就有位職員用冇咩禮貌嘅語氣吩咐我哋掃針卡，然後其實成餐飯都覺得啲職員黑口黑面咁🙂。雖然唔係貴價餐廳，但服務態度都可以好少少掛？.因為平時比較少食印尼菜，所以就穩陣啲跟番Openrice熱門菜式黎嗌。👌🏻當日叫咗雙色咖央多士、招牌巴東牛肉金貝飯同甚摩汁炆牛肉。咖央多士整體比較甜，仲要夾住半塊牛油感覺超級肥，味道普通😂。個巴東牛肉同甚摩汁炆牛肉真係少伏，調味除咗好甜之外都唔識形容。而且份量好少，七十幾蚊碗巴東牛肉飯先得個四舊好細嘅牛肉。而且完全冇擺盤可言，賣相仲頹過頹飯。個甚摩汁炆牛肉真係有啲神奇，炆牛肉炆嘅竟然係肥牛🤯。明明Openrice啲相係炆牛仔骨黎架喎，真係第一次知肥牛都可以炆😂，其實就係一碟肥牛浸住係好甜嘅汁入面嘅感覺。.呢間入圍食店個人真係唔太清楚點解入到圍。無論食物質素、份量、服務態度都唔係太好。除非想挑戰下炆肥牛，如果唔係都唔建議大家去。💔順帶一提餐具上面發現有污漬。雖然職員之後有幫

1. Indonesian Roasted Chicken Leg w/ Rice 🍚🍗2. Stewed Pork Ribs w/ Rice 🐖3. Indonesian Fried Rice📍: BaliTown (Tsim Sha Tsui), 3/F, The Nate, 176 Nathan Road, Tsim Sha Tsui💰: 1. $58, 2. $58, 3. $64⭐️ : 7.8/10Review : Another Indonesian food series, easy to get as it located at TST 😉👍🏻 Not the priciest indonesian food, but I would say that it is quite pricey for a small portion 😣 If you are a big eater like me, you would not likely be very full eating this, BUT their stewed pork ribs just hit diffe

二訪了，今次晚市來到，食物全部都有齊，要食得豐富啲!對印尼食物不熟悉，頂多也只是吃過之前家中的印尼姐姐手勢，她總是弄得調味較甜（這店的醬汁也是甜!），然後很喜歡吃辣和炸物！小時候去過一次印尼但印象不深刻，找了一下有關這店在印尼的相關地 - 峇里島Bali，（巴厘和峇里是翻譯上的不同）旅遊勝地，陽光與海灘的渡假type！🤓現在沒事就去別人的旅遊blog, 或者在香港吃異國風味的餐廳。印尼風味用多種香料，當地人喜歡用薑、薑黃、蒜、椰汁、花生、辣椒，已會用豐富出產的蕉葉去包住食物烹調。🍽峇里式豬肋骨飯 ($59)豬肋骨豬得好軟腍，輕易能將骨肉分開，講起個飯，這次終於叫到金貝飯了！香茅同黃薑味，然後個飯的形狀呈長條形，像是東南亞品種，我本身對呢種形狀的飯冇太大好感，因為好散，但這次有點改觀，佢個形狀係肥嘟嘟，食落有香糯感。（我再看看店家的介紹，是用了珍珠米，難怪！加入香茅、檸檬葉、薑黃等配料，混合椰汁，要整6個鐘！）食飯真係要食飯，好重視米飯質素，會影響成個飯既觀感，所以店家在這方面下了不少心機。🍽不是「南乳豬手」是「巴東豬手」Rendang Pork Knuckle($52)一碟三件豬手，醬