岳飛餐室 (已結業)

於1月5日與老公於這裡慶祝他生日,故當天訂了7:00吃飯,因看了食評說鵝干好食(因我倆也喜歡),我們叫了2個set dinner(可吃多d款)如下:湯:a.青椒(少辣)-特別b.豆-不好飲沙律a.三文魚+菜-ok b.蝦+菜-ok主菜a.牛扖-ok b.法國乳豬-very good加$28鵝干(2客)本來也ok,但無汁干煎,不什好吃(好干呢)甜品a.朱古力cake-不錯b.片片ice-cream-無特別同時於訂位時已告知我老公生日,故上甜品時碟上寫了他的名字及立燭,他有d驚喜.如有HSBC信用卡會低D.服務很慢(每10分鐘上一款食品),樓上吸煙,樓下非吸煙,如有事詳談或談情環境不錯.

一世人食過法國菜兩次, 上次覺得都幾ok, 而我最近好耐冇豪過,所以決定黎次法國菜.之前已聽過呢間餐廳,聽說係抵食的法國菜便選了它.首先講食物. 是晚我是跟男朋友一起晚膳的. 我們各選了頭盤,主菜和甜品. 也點了一支最普通的紅酒; 如下:煎鵝肝和蟹肉清湯頂級牛扒拌鵝肝和燒乳豬朱古力三重奏和法式焦糖燉蛋煎鵝肝和蟹肉清湯都好正. 鵝肝煎得恰到好處. 蟹肉清湯有濃的蟹的鮮味,只是唯一可說的是鹹了一點點,只是少許. 可惜的是,正宗的法國菜中間會一道sobert清清咁覺;但這裏是沒有的,因為這是"港式",價錢也是.主菜很令人失望. 牛扒有牛味,但很難食. 燒乳豬隻乳豬好多肥的部分,而且平時在酒樓食到的好食很多. 但食物很大碟,其實叫一份兩人一齊分也夠的. 下次如我再光顧此店必不叫這兩道菜. 為什麼我會叫此兩道菜是因為它們自己推介的,我感到很好笑.朱古力三重奏包括三件朱古力的東西: 黑朱古力雪糕+朱古力軟心蛋糕+朱古力蛋糕. 那個雪糕的黑朱古力味很濃,很特別;不是一般雪糕店可以找到的. 在Hyatt都冇食過, 朱古力軟心雞糕入面的朱古力是"硬"的,又不暖,很差. 那個朱古力蛋糕很難食,我只食了約

今日係我同老公仔結婚2周年紀念，因為今晚佢有野做，所以提早在昨晚慶祝！我在此網找了很久，希望搵間不太貴、氣氛又好的餐廳同老公撐下腳。心水有allez allez(睇網友d相，環境好似幾grand，又有mood)同casa mia(做緊buy one get one free，幾抵啦)。點知打去allez allez，成日都去左留言，留左亦無人覆。打去casa mia，同樣全日無人聽電話！最後，終於訂了次選的岳飛。訂了8pm，來到時才7:45pm，已可入座，因為全餐廳只有一有客人，可能因為是平日啦。心想都好，靜靜地！環境真的不錯，幽暗的燈光加輕音樂，最正是非常舒適大張的座椅。我們叫了2客set dinner。個頭盆麻麻，因為我不太食得cheese，同埋d麵包凍凍地，不夠熱(有網友已經提過，所以有心理準備，哈)。反而個海鮮濃湯很不錯，x'mas eve在山頂的太平山餐廳飲的一個，不知是熬得過耐或是甚麼原因，濃濃的海鮮味中有些少苦澀味。呢個恰到好處，好有龍蝦味，不稀不稠，幾好！主菜我們點了一客rib eye，一客salmon。之前看過網友說d扒比較韌，所以叫了medium rare，希望好d

唔覺得係講到咁好.. 當日訂左檯﹐去到先知果日無鵝肝食- 非常失望。。。點解唔係訂檯果時講? 如果鵝肝真係佢地既主打﹐咁不如去City Super 買黎煮唔好令D客失望啦! 中環擺花街買鵝肝都好平好靚架! 即係好似去到KFC你話無雞食咁去到問我地飲咩﹐我話要round 水先﹐佢問我要mineral 定sparkle, 我以為呢D咁既"高級"餐廳無"普通水" serve, 後尾見到佢斟D"普通水"比隔黎檯先知比佢?笨。。無啦啦開左支$40既水service好唔得﹐有個女仔唔知係咪新黎行行企企完全唔知自己做緊乜。每樣野ok完又要返轉頭問多次究竟我地要乜乳豬係ok, 但係夾夾埋埋我好唔鍾意呢度﹐有D失望btw, HSBC credit card 有20% off 既。你唔問佢係唔會講﹐唔好走雞呀!

上星期男友帶左我黎食dinner，一入到去已經覺得環境氣氛幾好─柔和既音樂、米白色既高椅背梳化、水晶燈、白色落地窗簾...除左環境，最緊要既就更係野食喇，我地果晚要左一個肉眼扒set dinner同埋燒乳豬，再要左個煎鵝肝做頭盤。個鵝肝真係超好味，皮脆肉滑，仲入口即溶，下次一定要再黎食過！燒乳豬雖然夾住大舊肥膏，不過真係好香好好食。乳豬皮勁脆，加埋嫩滑既肉同香濃既肥膏，簡直係絕隹既配搭！我男友一向唔食肥肉，但係佢今次都破例食左，仲要係食晒添！好唔好食就已經可想而知啦。肉眼扒就中規中矩啦，5成熟既味道同肉質都唔錯，都好juicy。最後個甜品係跟set dinner 既，好似係姜汁蛋梳乎里(咁上下名，正式既名已經唔記得左)，熱辣辣好香姜汁同蛋味，都幾好食。總括而言，岳飛係一間可以encore既餐廳。^.^

岳飛係一間中價既法國菜，並不似hugo咁貴，不過當然亦無hugo咁正。佢地有set dinner，由170蚊起，包前菜，主菜，甜品，仲有茶或咖啡。不過最平既通常都係pasta，不過本人覺得都唔菜，反正份量都好大，次次最後都食唔晒。如果叫a la carte 既話就會貴幾多吓，不過當然就多好選擇，佢地既燒乳豬仔都幾出多，不過我就怕肥無食過，反然鐘意佢地既乳鴿，很香滑。羊扒都好正，賣相一流，同好"林"吓。食物整體來講佢都好大份，以咁既價錢都叫抵，如果同其它貴價法國餐來比當然無佢地用料咁新鮮。好似hugo咁每位都要正千蚊先得，而呢度講緊大約900蚊兩位計埋半支酒。如果叫set menu可以平到500蚊兩位呀。環境我本人就覺得好舒適，全間餐廳以白色為主，下層有個大水晶燈，而且比較靜。以上層就比較嘈。不過總係覺得呢度裝修同環境似一間港式高級餐廳多過似法國餐廳。

20050409 7.30pm關於Orphee, 一年前同男友食過尖嘴分店, 除o左果隻招牌鬼佬乳豬唔掂之外, 記憶中都屬於高分果類, 老銅分店裝修又比尖嘴高一皮, 是夜就決定幫襯下.為怕無位, book定7.30pm2位smoking area, 坐近門口位置, 高背梳化, 舒服, 加上樓底高空間感好夠, background music 亦係一個讚, 法國電影soundtrack 不停放送, 不是Kenny G.(lol), 2/F 全層non-smoking, 裝修無咁靚, 但合人多聚餐, 而且係圓檯! 好搞笑!2個set dinner, share食- ($178-$278, +10%)*starter - beef carpaccio, 生牛肉薄片, 都OK, 但唔係我食過最好.* starter - grilled 蕃茄沙律配Parmasan Cheese, 芝士太少不過菜鮮甜, 幾好.* 餐湯- 蕃茄濃湯(又蕃茄~), 真係好鬼濃, 係5碗水煲埋1碗水果隻咁濃, 味道唔錯, 不過偏鹹o左o的.* main course - grilled tenderloin 黑醋汁,

昨日睇完食評試o下呢間岳飛餐廳, 外面睇落好似有的料到, 入到裏面地方尚可經理招呼都很有禮貌, 但一到點菜個類似中國人的(又係)菲律賓男企檯就走樣, 問佢幾次都唔應然後先施施然話"I don't understand", 大老佢老早應該講聲"may I take your order sir"呀, 仲要用冷眼望住我地添!菜色方面認真冇乜特別, 又係沙律, 粉仔加個甜品咖啡茶, 味道不算好差不過用料就渣o的, 似乎都係老早煮好打返熱, 冇乜心機的快餐。最後要一提佢的碗碟, 如果閣下係"崩口人" 千萬唔好去, 因為很多都是崩口碗。

十一月十一日晚上前往此餐\廳, 可能是星期四關係, 再加上時間比較早(七點), 到達後只得一檯客人, 場面比較冷清, 連說話也得放輕一點. 及後其他檯子的客人開始入坐, 人聲多了, 反而回復多一點自然.先談環境, 老實說真的不錯, 雖談不上高貴, 但很有氣氛, 暗暗燈光, 簡單裝修, 清淡佈置, 再加上剛好坐在窗邊, 令整體環境變得很美.味道方面, 是晚叫了兩客晚餐\, 兩客主菜也同樣是牛扒, 先來餐\包和湯, 再來前菜和主菜, 最後是甜品和餐\飲, 整體的飲品和食品的味道也十分之好, 反而主菜的牛扒令人有點失望, 本人所叫之牛扒為五成熟, 原以為肉質理應較軟, 事實上是帶有點粗, 她的為七成熟, 肉質上更粗糙.服務態度, 是晚樓上只得五檯客人, 服務比較細心, 禮貌也很好, 未知滿坐後能否保持如此服務質數.消費方面, 一客晚餐\大約為三百, 連加一兩人合共六百七十元, 如果為了慶祝特別日子的話, 值得一試.

沉晚同個朋友慶祝生日, 選擇銅鑼灣店而唔係尖沙咀店係因為銅鑼灣呢間新好多, 亦相信環境會比較舒服. 結果真係另我地兩個女子十分滿意!!!一步入餐廳, 都未坐低已經感到好cozy. 裝修simple 得黎elegant, 勁o岩feel! 由於時間尚早, 未係好多顧客, 我o地可以隨意選擇坐邊張檯, 結果我o地揀o左靠落地大玻璃o既最入o既檯. 一坐低, 簡直對呢張咁舒適o既米白色高椅背單座位sofa 愛不釋手!各自要o左一個dinner set. 附送o既麵包十分軟綿綿, 正! 頭盤係3 combo platter: 一片類似sausage o既厚肉, 一個酥皮三文魚袋, 一個焗蕃茄菜沙律... 片肉同個酥皮袋好好味. 不過個湯比較濃. main course 我要o左煎鯔魚配石榴汁... d 石榴一粒粒好好味, 塊魚都煎都好香; 我朋友就要o左一客海鮮天使麵, 佢話好味不過略濃, 有d '濟'. dessert 係芝士餅, 又係好好咪仲唔'溜', 可以成個食完.埋單每人三百多d , 我覺得值得, 會再去!

睇到雜誌介紹, 岳飛tea time都開, 就約左朋友黎食tea.而家餐廳做緊4th anniversary promotion, 叫a la carte有15% off. 餐廳裝修得好雅緻, 我同友人都叫左個warm apple tart w/ three sorbets. 雖稱為tart, 呢個其實係一個長方形o既酥, 上面鋪左幾塊青蘋果. 酥皮做得酥脆, 蘋果帶酸, 幾好. 三球sorbets分別係芒果, 士多啤朵同青檸, sorbet可以改成雪糕, 我地分別改左一球做vanilla ice-cream. sorbet同ice-cream都係home made, 雪糕好滑, sorbet好香鮮果味, 幾好!我地都好滿意呢個甜品, 不過我地好低b, 埋單時唔記得左15% off 優惠, 個waiter都唔記得左, 結果俾多左差唔多20蚊!

Thanks for the detailed report!

琴日同媽咪&家姐黎呢度食,預早同媽咪慶祝母親節~家姐話0係尖咀0個間食,有set揀,但呢間就冇,仲好啦~咩都可以叫黎試我地叫0左個salade nicoise,一個頭盤剪鵝肝塊,另外一個燒乳豬配甜薯菠菜,一個燴羊膝,甜品就有amelie's creme brulee,一個橙酒梳乎里,同bitter chocolate cake.食0左七百几蚊到啦,但好飽...而且家姐話算平喇,有hsbc卡85折,所以平0左好多個salad我覺得麻麻地,冇咩味,吞拿魚得好少,d菜又冇咩味.但跟住上0既鵝肝就勁勁勁好味!!!媽咪驚膽固醇太高就試0左好少,其他都係我同家姐食,個鵝肝都好大件,一切開,入而半生熟.我將舊鵝肝放入口,佢可以滑到0係舌頭上面郁....好滑呀,都未食過d鵝肝咁滑...好香..我好鐘意食肝,雞肝鴨肝鵝肝都好鐘意,但食完呢次,我會選定最鐘意食鵝肝...佢肝面又剪到好香,有少少炭味~中間超級滑,正!!之後個主菜乳豬都好好食.個皮好脆,d肉又好香,不過係多油d,乳豬仔都好肥胖喇.佢另外加0左d黃芥辣醬俾我地,一點....噴火呢,好辣呀個醬,但又好好食好刺激,唔辣唔好食嘛~乳豬配0左d菠菜同甜

陰差陽錯看到忽然一週的介紹，原來銅鑼灣的分店終於開了．你不說，我也不會問．裝修和食物都沒有照片和想像中的好，只屬一般，不值這個價格．但瘦瘦的經理服務態度一流，可作彌補．