岩鹽日本料理 (MOKO新世紀廣場)

营业中

休息中

跟老公行完商場，見到餐廳新餐牌好抵食，原來佢哋做緊5周年限定優惠。食日本野，又多一個選擇。燒鵝肝澳洲和牛釜飯定食和牛肥美，每塊香煎至微焦，仲有鵝肝雖然小巧，但其實非常甘香。釜飯很健康，有原粒栗子，菜，一開蓋已經香噴噴。定食仲配埋味噌湯，沙津，刺身及漬物。日式牛肉火鍋牛肉滿滿，用火爐一邊燒一邊食，好溫暖。而且牛肉量多，肉味香濃。黑松露雜菌玉子燒玉子燒蛋香味濃，滲出絲絲的甜味。切開中間仲有金菇，黑松露味道很出。三文魚風味卷輕輕炙燒的三文魚非常肥美，入面仲有熟的三文魚，青瓜粒，口感豐富。日本黑豚腩片沙律黑豚腩片肉香味濃，油脂豐富，沙律菜很新鮮。串燒叫左味噌醬燒黑豚串，香辣醬燒玉瓜串同埋燒雞翼串串燒燒得很香，火喉剛好，仍有肉汁流出。荔枝薄荷梳打很香甜，仲有清新的薄荷味。青檸梳打酸酸甜甜，很解渴。

旺角東MOKO keep住都有新餐廳進駐，所以間唔中都會約朋友去個度食飯～今晚就試咗間岩鹽日本料理，估唔到都幾有水準，食材夠新鮮，有水準。🔹和風海鮮沙律 呢款沙律配菜份量豐富，除咗有魚生，包括三文魚同金槍魚，仲有生菜，青瓜，洋蔥同埋蕃茄仔。配上醋撈埋一齊食，食落清爽開胃，而且味道好清新。 🔹三文魚風味卷 大大舊三文魚腩包住壽司飯，上面配上三文魚子同埋蛋黃醬，三文魚腩帶小小肥，一啖食落去風味獨特而且好有滿足感。 🔹火炙三文魚腩壽司三文魚腩份量十足，而且用料新鮮，同飯嘅比例差唔多係1比2， 三文魚腩嘅油脂非常豐富，經過火炙後更加有油香，入口即融！🔹火炙牛油帶子壽司 帶子經過火炙後外皮帶少少焦香，帶子食落完全冇雪味好新鮮，而且口感嫩滑，配上蟹子一齊食就再增添一番口感。🔹吉列竹簽魚 吉列竹簽魚有兩大舊，炸物嚟講完全唔油膩，而且炸粉非常鬆化，食落卜卜脆，魚肉嘅肉質緊緻，食落好新鮮。🔹燒安格斯牛扒定食定食既份量十分豐富，有唔同既小菜同味噌湯。牛扒半生熟上枱，伴以一個小爐，食既時候擺上爐仔上面燒至自己喜好既熟度，好玩又好食！🔹火龍果乳酸梳打火龍果味超濃郁，食到啖啖既火龍果蓉，底部有一層啫喱，配搭埋乳

上星期去Moko 諗住食鹽岩出名嘅釜飯，去到原來做緊刺身盛優惠，所以叫多小小野食🤣精選刺身盛中吞拿魚・赤身、三文魚、油金魚、鰤魚、帶子、赤貝及甜蝦。。刺身賣相唔錯，睇落新鮮，原來食落都好新鮮，總括來講，每款魚都好高質。厚切刺身，我最鍾意佢個中施羅，非常甘香帶子超鮮甜😋清酒煮花甲$88花甲夠肥美，肉質鮮甜，有咬口，清酒夠入味👍燒雞翼串$20燒到剛剛好，好香好，夠惹味味噌醬燒黑豚$25豚肉油脂分佈均勻，呢個串燒最有特色就係佢個味噌醬，配合黑豚食，👍香辣醬燒脆肉瓜串脆肉瓜燒到外脆內juicy, 呢個香辣醬唔太辣，啱啱口👍和風牛肉釜飯 ＄138呢個我原程嚟食😆日式古法煲仔飯，有和牛、半熟太陽蛋、牛蒡絲、蛋絲、磨菇及紫菜等。。熱辣辣牛肉虎飯，撈埋蛋醬配菜一齊公，珍珠米好好公，食到剩返1/3,可以倒入味噌熱茶。撈勻去就成為茶漬飯，挖埋側邊d飯焦，好正好味

旺角MOKO上面有間日本料理，服務真係唔錯💫三文魚牛油果米子卷 $55-米子卷包住新解沙律菜 牛油果 青瓜 雪文魚 口感爽脆 味道清新開胃🦀軟殼蟹卷伴牛油果醬 $78-軟殼蟹包裹係飯卷之內 再加上牛油果醬及沙律醬 香口得嚟又帶鹹味🦐火炙牛油赤海蝦壽司 $52-炙燒過嘅赤海蝦好香 味道鮮甜 彈牙口感🐠三文魚壽司 $32-三文魚嫩滑帶油香🐟油甘魚壽司 $48-油甘魚微微彈性 有魚味🐏香草燒羊架 $88-羊架香草味強 肉質夠腍 入口好香羊騷味🐠銀鱈魚西京燒定食 $268-鱈魚西京燒定食係成個餐嚟 成個餐有飯 有湯 有沙律 有枝豆 有刺身 主角鱈魚都幾大塊 魚肉一梳梳好新鮮好甜 魚油香又夠 🍸碟豆花乳酸梳打 $27🍹青檸梳打 $22總體嚟講，食物擺算唔錯，味道好，服務又好好，值得推薦

原來餐廳即將踏入5週年 所以做緊一連串優惠 唔同菜式係星期一至四有8折 星期五至日都有85折 放假黎都有折扣都算係咁 我今日就平日去 所以做到8折 價錢更抵 前菜叫左三文魚牛油果米紙卷、原味玉子燒見到黑松露玉子燒都好吸引 但今次就試左原味先玉子燒都好水嫩 食落有湯汁味道 唔係甜味style三文魚牛油果米紙卷非常清爽 牛油果生熟程度岩岩好岩鹽壽司盛（十貫）飯唔算實 每份壽司都好厚肉 呢個都係期間限定嘅優惠 有8折都幾抵10款可以試咁多種都幾唔錯燒雞翼串燒冬菇串燒得非常香口 唔點任何野都好夠味冬菇入面都幾嫩香草燒羊架油脂好豐盈 羊味比較重 整體都好惹味三文魚鮫昆布豆腐鍋食完串燒之後有個湯清一清 非常舒服 入面仲有好多娃娃菜好香甜巨峰梳打荔枝薄荷梳打氣泡非常足 荔枝甜度較高

❤️溫泉蛋蟹肉胡麻豆腐沙律$$58有隻滑滑嘅溫泉蛋加上滑滑嘅豆腐 加埋胡麻醬 好開胃❤️岩鹽火炙壽司盛 8件 折後$238晚市做梗promote 有8折呀😍 有海膽 特大帆立貝 三文魚腩 和牛 鵝肝 海鰻 比目魚邊 海蝦壽司 件件都好高質 好鮮味 絕對晤馬虎❤️香辣醬燒翠玉瓜串$15串燒梗係食翠玉瓜啦 夠晒Juicy 香辣醬夠晒惹味❤️雜錦天婦羅$98好豐富 打卡一流 有炸蝦有4隻 炸南瓜 炸蕃薯 炸冬菇 點埋熱辣辣嘅天婦羅汁 一流❤️燒鵝肝澳洲和牛釜飯$168今日MVP🏆🏆 入面有鵝肝 同澳洲和牛 青豆 鵝肝好肥美 入口即化 油脂爆發 澳洲和牛 夠晒軟淋 牛味夠重 食到最後仲有飯焦 加埋泡茶一齊食 又多一個食法❤️火龍果乳酸梳打$38❤️香桃梳打$30鐘意呢到個境 坐窗口位會望到朗豪坊 識擇一定book 窗口位 環境好靚 值得要讚一讚店員好有禮貌 而且細心介紹 👍👍地段真係贏晒 火車站樓上就係喇 📍岩鹽日本料理 (MOKO新世紀廣場) (旺角)旺角太子道西193號MOKO新世紀廣場3樓367號舖- [ ]

📍岩鹽日本料理 (MOKO新世紀廣場)旺角太子道西193號MOKO新世紀廣場3樓367號舖第一次幫襯，餐廳乾淨寬敞。日式牛肉火煱($138-HKD)，味道不錯，壽喜燒味道，一路滾住食，冬天食更正。日本豚肉腸陶板燒($148-HKD)，好有香腸味道，燒到外皮脆卜卜，正呀。🍱九州魚生丼定食($268-HKD)，魚生鮮甜好新鮮呢，正呀。燒雞軟骨串($36-HKD)、合鴨大蔥串($40-HKD)、燒日本芝士年糕($58-HKD)，串燒整體OK。年糕軟身美味，若燒熱點更可口呢。

平日晚來到旺角新世紀廣場食日本野見到呢間岩鹽價錢都中間偏高 不禁有少少期待首先坐位都算舒適 見到有唔少卡位 即使最後去左比較窄既二人枱也不覺擁擠 環境燈光令人放鬆 服務也不見其他人說的不禮貌 不過見到隔離枱衞生上有啲不愉快經歷留返最後講首先見定食好似跟好多野咁唔敢叫太多 不過最後都係擔心太多 鮪魚四色丼定食趁香港禁進口部份日本地區既水產前食多啲 鮪魚即係吞拿魚 科學家講佢作為入面嘅頂級獵食者之一 所含有嘅輻射含量都會比較高 大家怕嘅就唔好食咁多啦 我就唔怕嘅就係怕佢唔好食啫 呢個都冇令我失望 有三個部份既鮪魚每個位有三塊厚切刺身 份量滿意 除左中拖羅有啲根 刺身都冇咩可以挑剔 新鮮魚香重 吞拿魚蓉撈食仲嫌佢唔夠食添另外叫左一個燒鵝肝澳洲和牛釜飯好像有點特別 有提供鵝肝嘅餐廳多數都係排房 用嚟做釜飯比較少 結果都證實左因為和牛同鵝肝喺飯焗緊既時候油脂同香氣都鎖左落啲飯度 的確很香得迷人不過佢地兩個既靈魂就被飯抽走了 有點煮過久 一上菜就有一個漏斗倒數一分鐘再打開會更能吸收菜式香氣最後亦會形成飯焦有另一番體驗 餐廳亦有提供茶可以做茶漬飯 一餐飯滿足幾個願望 唔錯！不過食到一半 旁邊兩位美女

今日喺旺角行到攰，特登帶媽咪嚟食呢間食過一次覺得唔錯，之前同朋友兩個人叫三個定食價錢唔係平但一個定食食完都幾滿足媽咪叫左個和風牛肉釜飯，我就叫海膽三文魚釜飯牛肉偏乾，但量都算多，味道唔錯可惜個海膽飯真係中哂伏！！🤮一上嚟望落顏色已經唔多新鮮媽咪一試第一啖，話又苦又臭，忍唔住吐返出嚟到我試時我都覺得係臭左D，唔緊要啦照食啦，可能唔係好新鮮但再食多啖真係臭到個口頂唔順連帶啖飯都臭埋完全唔想食，臭到有餘蘊要係咁飲茶漱口於是同職員講cancel個餐職員問洗唔洗轉過第二個餐，但因為已經比個臭海膽打擊到，加上實際上又唔太餓，所以最後冇轉到餐到最後同職員講埋單，就係幫我拎走個餐嗰個，佢好似叫我自己去埋我唔知係聽得唔清楚定點，定係佢話叫第二個職員幫我呢？總之我等左一陣都係未有人拎單比我記起上次嚟時都係職員埋位埋單同時望一望隔離枱亦都係咁於是即刻叫第二個職員，佢即刻就已經㩒單比我我唔知嗰位職員想點？係咪因為你D海膽又臭又苦我要cancel所以連埋單都要自己埋？🙂食物咁唔新鮮，職員又咁樣，諗唔到有咩理由要再去🙃🙃🙃

平時lunch time 都會出黎moko食飯，但係哩間餐廳真係好難等位，所以唔係成日有機會食到。試過排幾次，得其中一次有幸成功拎到位，食過一次之後，一直對佢念念不忘🥺今次星期六經過，人唔算好多，但仍然要排隊，大約等咗二十分鐘。日式和牛火鍋定食 ($148)Japanese Beef Hot Pot Set火鍋定食有漬物、刺身、沙律、味噌湯、蒸蛋、白飯，牛肉火鍋仲會有一隻生蛋。牛肉片鋪滿成個火鍋，配料有豆腐、冬菇、菜，湯底同平時牛肉火鍋差唔多，甜甜哋，好好送飯。成個火鍋都好好食，其他前菜、配菜都唔馬虎。刺身新鮮、沙律嘅份量多、日式蒸蛋好多料係入面。成個定食好豐富，食完個肚真係炸開😆暫時佢仲係我moko必食嘅第一位❤️如果有moko card記得show俾職員睇，會有雪糕送🍨

岩鹽日本料理朋友試過呢間食物唔錯，帶埋我地再食多一次好特別，佢的肉上桌時是不太熟的，另外再給一個爐給我們燒熟，自行幾分熟以我的食法，我當然係燒到見唔到血整體食物質素都好好

呢間餐廳最出名就係釜飯，好耐以前去過銅鑼灣店，旺角店就第一次去～▪️燒鵝肝澳洲和牛釜飯🥩🍚釜飯上枱嘅時候會有埋一個沙漏⏳去計時，等到沙漏漏完先打開個蓋，個沙漏大約一分鐘就會漏完，所以其實都唔洗等好耐。開蓋後，可以先倒一半醬汁，試吓夠唔夠味，唔夠先再落釜飯除咗有燒鵝肝同和牛，仲有香菇、毛豆、菠菜同栗子，都幾豐富。和牛焗熟得啱啱好，夠晒腍，而燒鵝肝都好香最後食到咁上下，淨返啲飯焦，就可以加埋紫菜同茶，變成茶漬飯▪️松葉蟹肉釜飯🦀🍚都有幾多蟹肉，加埋蟹膏、蟹籽、蛋黃同其他配菜，撈埋一齊好鮮甜岩鹽日本料理📍旺角太子道西193號MOKO新世紀廣場3樓367號舖📍銅鑼灣波斯富街99號利舞臺廣場16樓A號舖

岩鹽整體來講係幾好食嘅，用料好少少啦，款式好少少啦，前菜多兩三樣嘢玩，有茶碗蒸食下啦，飲品有啲花臣搞下啲椰子水咁樣啊，不過呢咁叫就要貼住$200落樓。因為我次次都係叫呢個壽司烏冬餐，咁我通常叫依個普通版啦，高級版你仲會有呢海膽同埋拖羅，咁視乎你當日心情啦都可以選擇呢個升級版。揸MOKO卡仲可以有杯H牌雪糕，都可以話係幾滿足既午餐，約朋友或者星期五小確幸下都ok。但係去食呢就要早啲嚟排隊，好鬼多人。

平時食開呢度嘅蠔仔釜飯㗎，加啲刺身咁就會變咗價錢差唔多，但係又可以試到儀式㗎刺身，今日嚟好似出咗啲新嘅虎飯，想食海膽嘅口味之下，揀咗如山釜飯，再加甜蝦帶子刺身純粹係唔使自己俾錢，所以線㗎帶子刺身，因為實在不大， $78只有一開2嘅兩片新鮮程度OK，不過甜蝦唔算特別鮮甜朋友嗌咗一份炸蠔有三大粒，勁大粒，而且係勁熱，有沙律醬同埋醋汁非常足料亦都好夾，炸粉雖然唔算博，不過粒號都好大粒呢個係釜飯定食配嘅刺身，油甘魚三文魚同一篇帶子仔傅飯有鰻魚，蔬菜，三文魚子，帶子，知豆，冬菇，菠菜呢啲配料，碗飯熱辣辣好正！配上冰鮮嘅刺身，好味朋友嗌嗰個燒牛扒牛扒質素OK，而且可以自己笑，鍾意幾十到達，性價比好高！呢度嘅午餐俾散嗌抵食好多，散嗌就一啲都唔化算自從疫情之後呢度唔知係咪生意冇以前咁激烈，所以服務態度整體而言都好好咗

點了他們的精選壽司定食。這道菜的味道非常鮮美，每一口都能感受到新鮮食材的美味。壽司的米飯口感軟糯，搭配上新鮮的魚片，入口即化，令人回味無窮。定食中還附有湯品、小菜和沙拉，讓整餐更加豐富。接著，我還嘗試了他們的日式牛肉火鍋。這道火鍋的湯底十分濃郁，牛肉片肥瘦適中，入口即化。火鍋裡還加入了各種新鮮的蔬菜和豆腐，讓整個火鍋更加豐富多樣。這道菜不僅美味，還讓我感受到了日本料理的獨特風味。最後，我品嚐了他們的松葉蟹肉釜飯。這道釜飯以松葉蟹肉為主要食材，米飯蓬鬆香濃，蟹肉鮮嫩多汁，非常美味。這道菜不僅色香味俱佳，還滿足了我對海鮮的渴望。