岩石牛扒屋 (已結業)

早兩日行過紅橋發現開咗間新店，呢日就同兩小去試吓喺旺角就試過岩石燒，估唔到屯門都有，雖然喺小店但食物質素同服務都唔錯餐廳都提供沙律及白飯任食，蔬菜新鮮爽脆，可按自己喜好添加醬汁美國穀飼牛柳餐廳會將肉燒至1成熟再放在燒至幾百度的火山石板上，讓食客自己控制熟成度，吃到最合心意的牛扒穀飼牛柳油花均勻，肉質較柔嫩，口感鮮嫩，但肉味不會太濃美國穀飼牛西冷美國穀飼牛柳同西冷都分別有200g同400g選擇，價錢西冷分別都喺貴$10，識食當然要試埋西冷啦穀飼牛西冷脂肪與肉質比例均勻，肉質緊實有嚼勁，肉味濃郁紐西蘭羊西冷羊西冷肉質細膩，口感鮮嫩多汁又無羶味羊架拼鴨胸羊架肉質柔嫩，口感細膩腍滑，帶脂香而唔羶；鴨胸肉煙燻味香，肉質滑嫩帶鹹鮮龍鳳梳曲即咸檸檬加鮮檸檬配可樂，經典配搭，咸檸檬的鮮味很出水蜜桃梳打梳打夠氣持久，而且仲有水蜜桃果肉，飲得又食得柚子梳打柚子梳打清爽夠氣，消膩之選

屯門紅橋呢邊好多野食，有間岩石牛扒屋食岩石燒，平民價錢，食物高質，今晚特登去試下，味道真的不錯！點咗一份美國穀飼牛柳200g, $98,咁平嘅價錢，估唔到都可以咁高質素！牛柳新鮮嫩滑，上桌時剛好五成熟，喜歡吃熟一點的，可以放在岩石上燒耐一點。切開牛柳仍然有肉汁，又軟又滑，牛肉味香濃，可以自己加上喜歡的調味料，例如海鹽、蒜蓉等，而且還有薯蓉和兩片翠玉瓜做配菜，還有白飯可以任食，夠晒豐富！平過在日本食，超推介！吉列魚柳拼帶子$88, 送來時立即聞到好香牛油和蒜蓉味。除了好多蒜蓉外，吉列魚柳炸得超好，外脆內滑，都幾大塊哦！灑上洋蔥汁，令意粉味道更香。意粉熟度剛好，煙韌有口感。兩粒帶子是精華，外層香煎過，入口 鮮甜。這個價錢來說，很抵食。跟餐還附送熱飲或凍飲。凍飲也不用加錢，點了一杯凍檸茶和熱檸茶。推介凍檸茶，雖然冰塊比較多，但甜度微甜，沒有掩蓋檸檬茶的香氣，茶底超香，入口甘醇，是喝過以來覺得味道最好的凍檸茶呢！

上次係見到有一間新開嘅牛扒餐廳，今日陳時間尚早就要過去幫襯下啦，可能我哋時間仲早餐廳都仲未係好多人，裝修好親民感覺好舒服，我哋分別叫咗個牛肩同埋黑臀肉，上枱嘅時候望落就好似好細舊但其實好厚切，而且餐廳嘅白飯同埋沙律都係任添，我哋就加咗錢要薯菜，冇諗過佢嘅薯條係即叫即炸，而且唔會炸到over左或者番炸，食得出餐廳每一樣嘅細節都好用心，用了都非常高質，我哋都係比較推介牛肉，牛肉味好濃，食肉獸一定會好鍾意，不過餐廳嘅位置就有少少唔起眼，希望用心嘅餐廳有更多人可以食到啦！

最近天氣凍母親大人唔想煮飯咁啱景峰紅橋附近新開左間岩石牛扒屋近近地就去左試餐廳屬於小店經營座位較少；食物價錢唔貴而且服務態度超好自助健康沙律吧自助餐區提供各式調料以及沙律任食；蔬菜翠綠爽嫩配搭凱薩沙律或者胡麻濃醬清新輕盈美國穀飼牛柳餐廳熱石選用天然火山熔岩冷卻製成傳熱平均同時岩石氣孔可以吸收多餘油份；穀飼牛柳肉質柔嫩軟腍而且脂肪相對較少油膩感輕美國穀飼牛西冷穀飼西冷肉同樣提供唔同份量選擇；質緊實軟嫩而且肉鮮濃香同時油花分布均勻簡單配搭岩鹽已經足夠紐西蘭羊西冷紐西蘭羊西冷份量固定但係白飯同樣任添；肉質緊緻細膩而且油脂豐腴甘香羊架拼鴨胸岩石系列以外亦有主菜選擇；鴨胸彈嫩鹹香而且羊架肉質肥厚同時鮮嫩羶香配搭薯角金黃香脆好正水蜜桃梳打/柚子梳打水蜜桃梳打含大量水蜜桃果肉香甜配搭梳打調製冰涼清爽；柚子梳打相對水蜜桃梳打清香消滯減膩龍鳳梳曲鹹鮮檸檬經典配搭可樂平衡甜度

之前係 見到某網頁post介紹個間係屯門景峰新開將嘅牛扒店，主打用岩石即煎牛扒，其實依個概念已經 屢見不鮮，但就未真正去試過。見佢近近地就一於去試下先價錢睇落合理範圍內。但我同朋友今日係食午餐，所以都係由淺入深，試左午餐o吾ok先啦餐前有個小沙拉，芝麻醬自己落。蔬菜不是太新鮮，可能客人太少，而佢地處理方法係切定放入雪櫃，有客就夾出尼，所以就令蔬菜水份流失比較快。餐飲點左熱檸茶，你見係分開上的，茶包就即沖，老闆叫我等茶包浸耐少少先倒出尼，幾有心機咁樣茶味果然濃很多A餐：個腸好好食，牛扒應該 雪藏肉，朋友話okG餐：豬扒都係雪藏，腸係同A餐一樣，好好味，係有芝士流心同肉汁的，老闆話特登買依種腸，想自己的食物高級的補影一張相，流心效果整體覺得老闆好有心去經營餐廳，但奈何人流真係少，地段位置問題，希望多啲人幫襯佢地啦，我下次會想去試下佢個石岩煎牛扒

某日假期中午路過，見到餐廳坐滿人。所以就揀了星期二收工過去一試。我同朋友各自揀了牛柳 200g 和西冷 200g , 餐廳有沙律菜及白飯供應，但飲品另計，要加$10 有一般茶餐廳供應的飲品選擇，或者$48有麒麟啤酒。沙律都好新鮮啊，有沙律菜，橙，車厘茄，沙律汁是芝麻醬汁。牛柳肉質及肉味尚算可以，上菜時，職員會再幫手轉另一面，熟成度可以按自己口味調較。但西冷肉味較淡，其實最好味還是餐廳自家制的醬汁，送飯一流！！

無裝修或環境可提 成間鋪黑炆炆 ！野食款色極小 叫左兩份牛 一份似平時去打邊爐普通無味既肥牛令一份似係完湯既湯渣對於一間新開嘅鋪頭服務亦都冇乜（呢樣我就唔要求太多）我住附近 希望下次再試既時候 唔會係禁既水準呢個價錢可以接受 但呢種味道不能接受