岩石牛扒屋 (已結業)

今次呢個石板燒體驗整體都唔錯，推薦俾住喺附近而都想食吓肉嘅朋友。整體價錢唔貴，但肉嘅質素唔錯。自己郁手燒，所以鍾意燒到幾成熟都可以。特別鍾意呢到嘅店員態度非常好，仲教我哋點樣食啲肉先係最好味。.叫咗一個牛一個羊，兩款肉質食落都好嫩，完全唔會韌唔會嚡。兩款肉都配珍珠白飯，啱晒我呢個飯桶！和牛肩肉可以包住少少芥末食，好match。第一次食羊肉西冷，本身我都鍾意食羊肉，覺得佢有羊味之餘又唔會「so」。店員仲特登送上一款椒鹽，配羊肉食都好好味，仲好好送飯添。跟餐嘅水果茶都好好飲，我一啖飲咗半杯😂店員見我飲得咁快仲有幫我refill添，超貼心。.整體感覺非常好🥰

🔸東京石板燒牛肩胛 $128🔸東京石板燒和牛肩肉 $138.難得去一次屯門梗係要搵好嘢食啦！依間牛扒屋新出《東京石板燒》系列，提供咗好幾款高質牛肉，今次我同男朋友就揀咗美國產A3和牛嚟試吓。老闆好nice咁介紹咗牛肉嘅產地，同埋教我哋煎五成熟左右，再蘸祕製嘅椒鹽醬汁，鍾意嘅仲可以包少少wasabi一齊食。我第一時間當然係乜都唔蘸試吓牛嘅原汁原味先啦～想講個牛肉質帶少少油脂，入口非常香牛味，百零蚊食到依個質素算非常抵食啊！成餐飯係咁影相影到老闆都話唔執輸走咗過嚟影咗幾張相，好搞鬼！

［屯門］岩石牛扒屋.安格斯牛肩胛食剩指數 0/100嚟到岩石牛扒屋無理由唔食石燒牛安格斯牛肩胛肉味幾夠燒既時間唔洗好長5成左右都ok咁就唔會韌醬方面我覺得跟碟上既鹽幾香如果落燒汁反而感覺會普通啲.羊肉西冷食剩指數 : 0/100石燒羊好少餐廳有羊肉肉質唔會乾身脂肪亦唔會好膻上碟既時候有一舊即磨既山葵食法係少少山葵加鹽醬加肉咁食即磨山葵唔會好辣咁食都係第一次但係又真係幾清新幾有驚喜.今次我地兩個主食都跟餐加十蚊有飯有沙律同飲品.胡麻沙律食剩指數 : 10/100簡單既沙律做前菜都ok蕃茄同菜都有正常水準.水果茶食剩指數 : 0/100佢既餐飲係水果茶唔會太甜唔想飲酒類都可以試吓

依家香港嘅食燒牛扒開到周圍都係，我都食過好幾間，有啲尖沙咀都幾出名，但係反而都冇屯門呢一間岩石牛扒屋咁好味！！雖然舖頭細細，大多幾多街坊支持，啱啱7點零鐘到，見到餐廳已經坐爆晒人，喺門口等咗一陣就入去。今次我哋叫咗兩個餐，試吓新野*東京石版燒*，其實就係切好晒燒肉片俾我哋自己在燒！我覺得咁樣食方便好多，之前食嘅牛扒全部要再自己切開就比較麻煩。羊肉西冷($98)羊味好出，但係一啲都唔騷，而且邊位連埋肥膏，鍾意食羊嘅朋友可以試一試。牛肩胛($128)我就始終鍾意食牛多啲，牛肉片都好多，有成12片，配埋珍珠飯一齊食，撈埋佢個醬汁！一流！

今晚突然想食燒肉，就去左屯門岩石牛扒屋食石板燒😋餐廳環境算乾淨整潔😊叫左東京石板燒 -牛肩胛（$128）及羊肉西冷（$98）＋水果茶＋玉子燒沙律牛肩胛真係好正😍係我最愛的牛肉位置💕脂肪分佈平均，好有咬口，牛味特濃，一碟有12塊都唔少嫁😁第一次食羊肉西冷好特別🤗羊肉唔會太騷，羊脂肪睇落好厚好多，但燒完之後唔會油膩😙是正宗的半肥瘦比例，正呀👍店主好nice好建談，佢地自製的椒鹽醬汁，同肉類非常夾，真係好好味👍👍有別於一般既燒汁，點少少已經好夠味，如果有得買一樽帶走就好啦🤗❤️水果茶茶底原來是荔枝味茶😍正❣️

終於黎到週末，可以鬆一鬆~約埋姊妹行完商場搵好嘢食，見到門面幾有特色，決定一試!店主推介近期人氣石板燒牛set,有和牛肩肉同安格斯牛肩胛，本身都鍾愛燒肉，而友人都係識食之人，一於一試虛實。係寒暄之際，侍應生放上石板燒工具，心中竊喜，食燒肉最開心莫過於我手燒我肉。主角跟住出埸，和牛肩肉，肉色紅潤，油脂分布均勻，肉質軟糯，口感不錯。安格斯牛肩，肉質挺身之餘，油份充足，有牛油獨有香味，口有餘香。大啖肉後，用一杯清爽嘅水果茶收尾，一般會有百香果，但係咁岩買唔到，不過一樣清甜解膩。美食雖好，但都要姊妹扶持! 從來身邊陪住嘅人先係最重要^3^

老公好鍾意食牛，今晚去左屯門區出名多野食嘅虹橋覓食，見到有間牛扒屋，一於試試先！我地望望餐牌，揀左美國穀飼牛柳同岩石美國黑豚肉眼！可能我地早食飯，餐廳未算多人，環境寧靜，good！首先嚟左個餐湯，係我同老公鍾意嘅忌廉湯，仲有粟米粒，正！前菜係生蝦刺身&和風玉子燒胡麻沙津，仲有兩件蜜瓜！主菜嚟啦！首先係老公嘅牛柳，佢地都係放上塊燒熱左嘅岩石燒，肉質好嫩，石燒嘅好處就係你鍾意幾熟就幾熟，任你話事！仲有我嘅黑豚肉眼，不過豚肉就一定要全熟啦！😎不過都好林，一啲都唔硬！最後就有杯水果茶，完美嘅ending！

平日好少會入屯門尼頭估唔到行下行下都發現幾多幾有feel既小店有種捐窿捐罅搵好野食既感覺經過見到尼間感覺好似會幾傳統幾日本既感覺就試下佢na😎估唔到都幾驚喜！性價比好高可以話係一條平凡巷裡一間好出色既石燒牛👍🏻——————————————————————同朋友各自揀左2款唔同牛部位既石板燒石板烤爐物料同品質應該都優質🤔加上牛本身都頂級牛既油脂不斷 “滋滋聲”咁滲出黎點燒都唔會有燒焦or癡底既感覺而牛本身既脂肪比例平均，唔會覺得膩肉質超嫩但實在同帶點煙韌肉汁緊緊鎖住而且咁既價錢都有相當足既份量👍🏻而和牛都十分嫩更有入口即溶既感覺肉汁都係超多！而和牛更有日本山葵去配搭去食帶小小攻鼻既感辣味食落去味道更豐富又幾日式🤣另外都喜歡餐廳提供既自製調味醬有點似黑胡椒同沙茶醬嘅混合配牛好夾值得再encore 😋

好少係屯門虹橋見到一間甘具特色既食店裝飾好歐美風情 岀名既係美國牛+啤酒好chill啊！😍決定入去放鬆下老闆別注推介🌟和牛肩肉 ($138)油脂分布平均，好有牛既油香味🤩每塊牛既厚度同尺寸 都接近一樣刀工好精細👍🏻安格斯 牛板脊 ($98)呢款較推薦😆牛既口感很好😋老闆tips： 加醬油燒，食既時候配埋芥辣食別有一番風味😚 加$10 任選 珍珠飯/胡麻沙律 +飲品/湯是日飲品：水果茶偏甜 但茶底幾好飲😛

呢排煮飯煮到悶悶地，一於係屋企附近搵間餐廳試吓啦，經過見到呢一間小店啲裝修都幾吸引，見到是日晚餐都唔錯，價錢都幾公道就一於試吓啦，餐廳都做好哂隔板，食客之間都唔會咁容易接觸到，衛生方面做得唔錯，我就食三文魚扒至於我無肉不歡嘅老公就當然叫咗個西冷啦，估唔到死啦上枱嘅時候只有三成但餐廳呢就會跟一塊熱石俾你，想食幾多成熟就自己慢慢去再煮下，只要我哋三文魚扒都幾出色煎到個皮幾脆，我水果茶都非常之甜整體都好滿意！

約左一齊長大嘅屯門人好朋友，當然會選擇返比較街坊嘅地區小店黎食飯啦！因為好朋友住近呢邊，就介紹呢間好食得黎又有啲特色嘅餐廳！前菜夠fusion，西式嘅薯蓉忌廉湯，和風玉子燒，帶子刺身沙律，美式凍蝦，夾埋一齊都唔錯，又夠fresh，水果茶就係自家製嘅百香果茶。岩石安格斯西冷牛扒 - $208小店黎講，好有驚喜。呢個西冷牛扒肉味唔錯，肉質鬆軟得嚟食得出唔係鬆肉粉嘅味。而且對食過好多次百零二百蚊嘅岩燒牛扒嚟講，第一次食到一塊牛扒係唔韌，纖維唔粗，冇筋。岩石美國穀飼牛柳 - $188呢個牛柳扒相對西冷扒肉質比較綿，帶有呢part肉自身果種又厚又軟嘅感覺，牛味更濃添！呢間鋪頭用嘅熱石板，同其他舖頭有少少唔同嘅係佢個溫度唔係太高，二百幾三百度上枱，所以肉擺上去唔會有出面其他熱石板好刺激嘅感官，但係對於呢間鋪頭係用有一定質素嘅肉類黎講，就可以保持到肉類原有嘅肉味同質感，食嘢食味道，魔鬼在細節，好食原因就在此！

虹橋有好多美食小店 今次試下呢間西日餐廳 主打扒餐 小店牆身掛畫頗有特色 我地叫左兩個Dinner Set頭盤有玉子燒 帶子刺身同凍蝦🥚🦐玉子燒香甜 凍蝦就不過不失 沙律菜清爽 配麻醬 帶子令我好驚喜 厚身 新鮮鮮甜 好好食😋.是日餐湯係忌廉薯仔湯🥔 飽肚creamy 但略嫌打得唔夠細膩.岩石美國殼飼牛柳$188🐂🥩店員話煎到三成熟 附上鐵板 可以按自己喜好黎燒 又玩得又食得😁 牛柳唔韌 有牛味.岩石日本黑豚肉眼扒$208🐖🥩好厚身 香口 肉質鮮嫩多汁 扒餐有薯菜 味道不錯 伴碟有青口 略嫌size有點少 但青口下面既蜜糖芥末醬好好食🤩 用黎點肉一流 如果多d芥末醬就好啦🙈.跟餐有水果茶 飲落似荔枝味 有百香果粒粒同芒果肉 甜甜地 幾好飲.食扒有番一定質素都無乜可能平 小店要支持下 另外要讚既係店員服務態度好好 好nice 下次可以試下羊架😋

今日去食的這家位於屯門的石板燒牛扒店店的大小不算大, 日式的裝潢MENU上的都是岩石料理, 我選擇了的是安格斯西冷牛扒首先上台的就是前菜, 有沙律, 玉子, 蝦同帶子非常豐富, 沙律好新鮮, 海鮮同樣出色說時遲那時快就上主食了廚師已經將牛扒煮成3成煮, 再按自己既喜好放牛扒上去煎至想食既熟度就可以完全冇一個準則的, 但係過程非常好玩煎到脆卜卜而入既係KEEP到嫩滑唔難而且可以保持牛扒食既時候都係熱既, 呢個設計不錯野飲係水果茶, 熱情果甜到非常可以哦!!最後雪糕泡乎, 一道甜品作結!!

今日奶綠男收工去左佢盤附近既紅橋食埋飯先返屋企 去親紅橋都見到幾多餐廳 今次俾一間寫住大大隻岩石牛扒屋既招牌吸引 見佢地有晚市套餐 除左主菜之外仲包餐湯同前菜 飲品同埋甜品 幾好喎 於是我地揀完食咩之後前菜好快就到左 前菜睇落絕對唔馬虎 有件正正方方既玉子燒 一粒幾大既帶子同埋凍蝦 跟埋一啲沙律菜 同埋忌廉薯蓉湯 前菜擺盤上都放得幾用心 雖然帶子同凍蝦似係雪藏野 鮮味有少少缺但食落口感幾好無腥味 都okay 沙律菜亦幾新鮮 幾爽脆 配埋沙律醋幾開胃 薯蓉忌廉湯 湯面仲有啲忌廉略略做左拉花線條 都幾有心思 飲落每啖湯都充滿住幼滑既薯蓉 調味亦幾好 主菜我地分別揀左岩石安格斯西冷牛扒同埋岩石法式燒羊架 兩份都配左薯菜 牛扒厚度幾適中 嚟到既時候店員同我講塊扒暫時係3成熟同時送上左一塊岩石板 俾我哋接自由喜好燒到五定七成熟 塊扒唔會太油膩 脂肪比例都幾平均 我地加左埋小小鹽食 肉味都幾出下 口感都幾好 一啲都唔韌 唔難切開 好易食 岩石法式燒羊架 唔係平時既香草羊架個啲 食落幾有羊肉既原味 肉質食落幾有彈味 都唔錯 甜品係泡芙有啲士多啤梨雪糕起裡面係幾完滿既一餐 全個晚餐都唔

經過虹橋咁多次，每次都見到呢一間特色餐廳，好似幾有情調咁，今日又想食西餐，見到餐牌都OK，咁就入咗去啦～呢間餐廳有好特色嘅岩石燒套餐，我同男朋友各自嗌咗一款，分別係安格斯西冷牛扒($208) 同 雪花牛肩胛($238)🥩🤩🤩首先上嘅前菜就會令到我感到好驚喜😻包括左有美式凍蝦🦐日式玉子燒🐣同埋好肥美嘅帶子刺身💦沙律菜都好新鮮清甜👍🏻然後主菜牛扒上枱啦～廚師先將塊扒煎到三成熟左右，另外再比一舊岩石板你去燒到自己想要嘅熟度🤓估唔到西餐廳都有咁嘅玩法🤣安格斯西冷肥瘦適中，而且超級大塊，淨係食嘅牛扒都值回票價😚另外雪花牛肩胛比西冷更重牛味，亦都有好多肉汁💦餐枱上仲有好多唔同嘅調味料，好貼心啊🥳🥳