影片
更多
2010-01-12
13 浏览
今天來到岡田咖啡吃午餐，換來一肚氣。我們一行三人，點了三份午餐。價錢$58，包括一碟「蚊型」嘅粟米加菜絲沙律、飯或意粉，餐飲另加$10。咖哩豬肉飯 和 洋風牛肉飯 約於十分鐘後送到，令我們驚訝的是份量少得可憐，飯、餸是分開上，飯是採用珍珠米，都幾好食，但對男士來說，肯定不夠飽，豬肉更誇張，只得4粒像五毫子般大的肉粒浸在咖哩汁裡（咖哩汁都唔錯），要用放大鏡才可看見，另一碟牛肉飯都唔好得去邊，也只得4至5片超超超薄的XS size嘅牛肉片，叫做好彩D多幾條菇類嘅物體。簡直謀取暴利！兩款嘢都似將食淨嘅餸尾撈埋一碟的撈汁碟頭飯，仲要收$58唔包飲品，好離譜！我們兩人吃完兩碟飯後，另一個餐還未到，追了兩次，第一次侍應說製作中，第二次另一位侍應說2分鐘後到，但再等了約5分鐘還未有得食，此時又餓又‘慶’。前後等了約40分鐘最後海鮮意粉來了，同樣嚇一跳，海鮮欠奉，只有幾隻像手指尾頭咁大的「蝦毛仔」，離晒大譜，簡直「食人唔lur骨」，仲要等咁耐。份量唔在講，點解要等咁耐呢 -- 當時客人不算多，我哋隔離果枱人食完走人，再坐3個人落嚟(A枱)，叫埋嘢，都有其他嘢食緊，後面另一張枱(B枱)，坐落約5分鐘，A
我們一行三人，點了三份午餐。價錢$58，包括一碟「蚊型」嘅粟米加菜絲沙律、飯或意粉，餐飲另加$10。
咖哩豬肉飯 和 洋風牛肉飯 約於十分鐘後送到，令我們驚訝的是份量少得可憐，飯、餸是分開上，飯是採用珍珠米，都幾好食，但對男士來說，肯定不夠飽，豬肉更誇張，只得4粒像五毫子般大的肉粒浸在咖哩汁裡（咖哩汁都唔錯），要用放大鏡才可看見，另一碟牛肉飯都唔好得去邊，也只得4至5片超超超薄的XS size嘅牛肉片，叫做好彩D多幾條菇類嘅物體。簡直謀取暴利！兩款嘢都似將食淨嘅餸尾撈埋一碟的撈汁碟頭飯，仲要收$58唔包飲品，好離譜！
我們兩人吃完兩碟飯後，另一個餐還未到，追了兩次，第一次侍應說製作中，第二次另一位侍應說2分鐘後到，但再等了約5分鐘還未有得食，此時又餓又‘慶’。前後等了約40分鐘最後海鮮意粉來了，同樣嚇一跳，海鮮欠奉，只有幾隻像手指尾頭咁大的「蝦毛仔」，離晒大譜，簡直「食人唔lur骨」，仲要等咁耐。份量唔在講，點解要等咁耐呢 -- 當時客人不算多，我哋隔離果枱人食完走人，再坐3個人落嚟(A枱)，叫埋嘢，都有其他嘢食緊，後面另一張枱(B枱)，坐落約5分鐘，A、B枱都有叫埋同一款意粉，幾枱人的海鮮意粉先一齊出。唔知道喺咪“公司規定”要集齊夠某一個數量的order廚房先可以落鑊煮嘢，一出就3枱人的海鮮意粉一齊出，然後見到侍應陸續一碟一碟海鮮意粉送到其他枱的客人面前，前後共5-6碟，但喺我哋等咗最耐，由有客等到少客，再由少客等到多客，人哋就等5-10分鐘就有得食，你話佢哋廚房點做嘢？
仲有杯餐飲咖啡，冇咩特別，又冇咖啡糖供應，只得白砂糖，總而言之，呢間嘢咁樣做生意，遲早摺埋！
順帶一提，哩間餐廳嘅老闆開嘅另一間烏冬店，位於尖沙咀赫德道，都千祈唔好去試，幾十蚊碗烏冬，隻碗就大大，D烏冬都唔夠涉牙罅，總之以後都唔會再幫襯哩兩間搵笨嘢。
张贴
