山頂餐廳酒吧 (已結業)

今日打風唔想煮飯，晚上去試845pm後全單5折優惠點了fish and chips $158 同埋牛扒$288Fish and chip魚肉好"梅",好似解凍唔夠咁，同店員反映後，店員好有禮貌話取消個order牛扒要左medium,不過切開仲好生，要攞入廚房焗多陣，可惜出返來已經變左medium well,但係塊扒係有grill味既👌飲品點左candy crush and Hoegarden Rosee, Rosee 一pint $84(半價後$42）， 抵既。正價既話，食物質素有待提升

位於大角咀既山頂餐廳 同真正山頂上面既峰景餐廳都係屬於Cafe Deco集團旗下已經有信心質素應該唔會差 同埋價錢應該唔會平lollunchtime黎唔使等位就入得~ 入面原來都幾闊落可惜我地枱附近既冷氣機瘋狂滴水... 變左我地張枱移到同隔離枱超近岩岩先話價錢唔會平 但原來佢既3-course lunch set做緊買一送一優惠~~ $v$先黎既當然係前菜~~ 薯仔沙律及是日精選迷你餐湯餐湯係南瓜湯~! <3 南瓜味濃 成個湯既調味都好適中個沙律反而好好好一般丫..... 薯仔沙律無乜調味.. 而沙律上面既煙肉碎好似overcook左.... 硬到好難咬開 : (我同事揀既香煎盲鰽魚配忌廉汁燴蜆肉 $158不得不承諗我見到呢碟既即時反應係擔心緊夠唔夠飽..!!!同時我地都無諗過盲鰽魚竟然配左個流心芝士撻!!! XDD先講芝士撻 勝在夠熱 溶化中既芝士永遠係最正~~不過撻皮稍嫌過甜...食完芝士撻之後 盲鰽已經唔係好熱.... 所以有少少腥味其實魚同忌廉汁呢個配搭我個人黎講都係麻麻地...不過親身證實左食完呢個餐係會夠飽既~ 全靠個芝士撻XD估唔到個 焦糖蘋果牛肉漢堡伴蜜糖芥末

不錯餐廳，不過service好好，位置有啲難搵。意大利飯，軟硬適中，芝士濃，野菌香。豬仔骨，味道好，都算容易處理，配菜簡單，但很夾。飲品，有每日精選買一送一，都幾好飲。呢杯係單點嘅，今日所點的兩款飲品都好靚，味精又好。

雖然喺奧海城2期,但餐廳位置較僻真係好易比人忽略, 朋友過黎搵我食飯,經過見到呢間見到lunch buy 1 get 1 free,咁抵,因為之前食過呢間價錢唔平, 所以問多次係咪真係buy 1 get 1 free, 佢話係就入左去我揀左最貴既ribeye,我朋友揀左個意粉。真係好抵有湯有沙律有生果有野飲,再加個main course, 2個人埋單都係200蚊,真係幾抵, 我個ribeye叫左5成熟,但出黎應該無5成,生左啲, 同埋煎得唔夠香,但整體唔錯架。

星期六Book 咗枱，去到入坐後發現全間舖無冷氣，有三把大風扇，其實一間餐廳好好地，做到大排檔咁，越坐越熱又滴水，太離譜，！！！！！簡直貼錢買難受，太熱天時，三十幾真係嘢食幾好味都唔想再多陣

原來set lunch買一送一，食完比$先知！好抵呀！叫左粟米卷和海鮮焗飯有沙律和湯，湯好濃，應該係薯仔湯，薯仔打成蓉，有啲薯仔味。粟米卷食半份飽左！有一半係菜！啱我！薯仔好多，炸得好好食，落左好多鹽，有啲咸！個飯只係食左啲餸，食剩一半飯，海鮮有青口，蝦，尤魚因為食完個粟米卷飽左！飲完餐飲，比左份生果好抵食呀！生果有菠蘿，蜜瓜，提子，好滿足呀！仲要buy 1 get 1 free! 好開心呀！唔知個promo做到幾時呢！

6:00pm左右，可能人不多 侍應們也很有禮貌及勤快。餐廳也很光猛，大大的落地玻璃窗口位，光線非常充足。泰式抽子牛肉沙律 ~ 一食就知只用了泰式的名義，而是西式style整的沙律，汁很甜，而牛肉過熟，但牛有牛味西班牙海鲜焗飯 ~ 個焗碟太小，海鲜的質素也低，只是外觀像有很多不同款的海鲜放在飯面，而飯量也小，鱿魚有膠味。整體味道很怪海鲜濶條麵 ~ 這碟的海鲜感覺反而中上，帶子也很有口感，而小型魚扒的皮煎得很香口，酱汁也很好味。銀聯卡滿$400,有85折AE 白金卡有半價優惠。Anyway也不會再試了！

奧海城呢間山頂餐廳係正商場地下，如果要去食，記得要由商場外面進入。環境寬敞，坐得很舒適。原來呢間有午餐推廣餐買一送一，雖然係咁，感覺到店舖無將貨就價，午餐已包括餐湯，沙律及餐飲，午餐餐牌會不時更新添，睇下你運氣如何啦。我地點咗兩款，一個係crab meat roll，另外一個係medium ribeye。crab meat淡咗小小，不過好多蟹肉，無hea你嘅。而medium ribeye都ok，肉質同味道都尚可接受。埋單每人100元，偶然一餐hea下豪啲係ok嘅。

午膳時間，用openrice預先左訂位。同行有另外三位同事。近期呢間餐廳 lunch set買一送一優惠。一點入座，餐廳已有九成滿座。好在我有預先訂位，沒有的話就要喺餐廳外等位。雖然上次喺呢間餐廳食過海鮮飯，及蠔，都不錯，但只有一個鐘的午膳，我地食set lunch, 時間就啱啱好夠。頭盤沙律及湯菜湯味較淡，忌廉味道不重，愛忌廉湯的我，對這湯不會給予好評。沙律有一片蕃茄+一片新鮮羅勒葉+水牛芝士，口感清新，淡芝士味清新，是最合適不過的夏日頭盤因最近餐廳set lunch做買一送一優惠，我和同事四人，共揀了以下4 sets, share食。Set Lunch之最好味No. 1 是龍利柳配芝士薯蓉，魚煎既火候合當，外脆內軟，肉質有咬口，唔削。芝士薯蓉是我最愛，芝士味濃，呢個味道我沒有挑剔, 配上新鮮蘆筍，正！其他另外三個Sets 係安格斯牛扒，我要左well medium, 7成，但出來似全熟，入口好"鞋"漫魚汁天婦羅炸蝦,天婦羅當然不是這餐廳的強項(點解會又要呢間set?) ，蝦不算新鮮，炸粉太多。安格斯牛肉漢堡包，份量雖不少，但肉質過煎得過熟及芝士不濃，不過啲薯條好脆。跟set,

The food seems to be nice in this restaurant. It turns out the food is rotten and awful. More, the customer experience is the worst I have ever encountered. It's unbelievable it's in the cafe deco group. The manager is stuck up and the attitude is intolerable. Don't waste money and time to spend there. It's the reason why it's almost empty even with some promotions but it's full of people queuing outside next door.

慶生飯係OpenRice睇到話8:45pm入座全單半價，即本book位試下啦！點知有驚喜喎我覺得食物質素都OK㗎！我地四個人叫左四杯飲品,兩個蘑菇湯，二碟黑松露薯條，開心果比目魚，波士頓龍蝦意大利麵，十一隻生蠔，（生蠔好新鮮肥美）醬燒豬仔骨，甜品拼盤。全部都好好味，不過實在叫得太多野喇，眼闊肚窄。。。員工手腳都好快手，又會主動換碟同加水PS餐廳好似收11:00pm,不過9:30pm就Last Order🤔

咁岩見到openrice有個買一送一優惠券，覺得唔試好似對自己唔住咁，難得OT到咁上下，去試一試佢都理所當然。海鮮闊條麵睇完個名，係咪以為我講錯咗呢？本人完全無錯，呢一個個名真係寫「闊條麵」！但點睇佢都係扁意粉，可能係我唔識野喇！講返味道，佢又真係幾好食，d意粉唔會煮得過分林，又入味。同埋佢塊魚真係唔差，有口感有鮮味，絕對係亮點。不過粒帶子好鹹，得個鹹字，無其他評價。山頂餐廳，聽個名你會以為入面所有野都好高級，呢個西班牙海鮮飯，名就ok ge，食就欠奉喇！入面既海鮮都頭先一樣，慳返唔講。個飯呢，簡單係糟蹋食物，可能大X樂既一哥焗豬扒飯仲好食，果飯唔係生煮到熟，係煲熟左先煮，唔入味，又林。都有2/3成唔林既，因為佢煮到焦左嘛，食啖飯，林巴巴之餘一點硬掘掘，真係amazing！好彩用左個優惠，填補返個奇怪飯既失望，大家食千萬唔好食飯，意粉係好食好多好多！

最近這餐廳大特買益顅客，午餐買一送一，堂然以價錢高那一個餐計算。一早需要訂位否則都幾難有位。坐低後叫了一客大蝦牛扒餐及一客龍脷柳。先來一個沙律及熱湯，沙律蔬菜新鮮，餐湯很熱。大蝦牛扒份量剛好。還附有芥末。牛扒生熟剛好七成。龍脷柳跟一個芝士撻上。两者皆有水準。最後還有水果及餐茶或即磨咖啡。最後結賬為二佰元正。在這在山頂的著名老牌餐廳以這個價錢有這樣高水準的午餐實在很超價。晚上8.45 時後晚餐還有五折，一定要訂位試試。

我的第一次。今次來皆因喺openrice 比我發現左張coupon buy one get one free main dish. 所以我和朋友決定去一試。首先，要提下waiter and waitress 既服務態度，真心要比個like佢地, 細心講解又友善,讚👍🏻！運送食物，妥善時間合理。質素不錯，有點surprised ，份量足！不過cocktails 就比較偏甜。Overall 我都like, 會再返去食，故勿論有冇coupon!

見到有8:45後入座有黑夜半價優惠😋，心思思想去食，今次男朋友生日，就決定去個到食返餐。幾中意餐廳嘅燈光，唔會太暗亦唔太光，😏影相時個樣唔會有陰影。我地叫左一個西冷牛扒，一個虎蝦松露油扁意粉，一個甜品拼盤，飲品就叫左兩杯cocktails。意粉份量適中，虎蝦都唔係細隻，幾香松露味。牛扒我地叫左七成熟，塊扒都唔係薄架，食落又幾juicy，另配上小沙津、薯角，仲有兩款醬。Cocktail -- Holidays主要係士多啤梨味，好少酒精味，易入口Cocktail -- Cucumber Crush 酒精品亦不重，易入口呢個甜品拼盤包含左朱古力心太軟配朱古力雪糕、百利甜酒芝士餅配雲呢拿雪糕、香脆焗車厘子酥配雪呢拿雪糕，兩個人食嘅話會濟左少少，多返一兩個人食會好d。拼盤入面最好食嘅就係朱古力心太軟，對於其他兩個，我興趣不大，所以如果下次我黎食，甜品就叫個心太軟就夠了。整體黎講，佢黑夜半價呢個優惠係幾抵食，有機會會再黎食返😋