山見台式火鍋 (如心廣場一期)

营业中

休息中

雖然係繁忙時間，但竟然門口揀完湯底就計時，重點係等左成十分鐘先汁好枱有得入，仲要食得1:20分就話夠鐘，即刻過黎叫我地離開，準時到一個點！真係1分鐘都唔比多，最好笑係個時叫左兩三個字嘅甜品都未上齊，最後都比我地食埋嘅。5點幾去拎飛，又話有8人枱，最後等左個半鐘入得先話係要分開前後坐，仲叫我地一人一個煲，逐個湯底加錢，認真好笑，第一次黎食個時除左個蚵仔面線"叔"咗之外，整體都幾滿意，可惜今次再幫襯真係食得咁急又催感覺不太良好，下次會考慮平日或人少先黎食！

今晚去咗山見台式火鍋食晚餐放題，整體感覺都幾唔錯，值得推薦。首先，食物選擇非常豐富，有各種類型嘅肉類、海鮮、蔬菜、豆腐、麵等等，而且新鮮度都好高。我個人最鍾意嘅係佢哋嘅牛肉同豬肚，好嫩滑有口感，加上啲麵同菇類，真係好好食。其次，湯底味道都好好，我地揀咗麻辣湯同鮮湯，麻辣湯唔會太辣，但都有啲辣味同麻感，鮮湯就非常清爽，啲食材煮落去後味道更加鮮美。最後，服務員態度都非常好，好有禮貌，而且會定時嚟問下有冇需要加湯或者換湯底，服務真係唔錯。總括而言，山見台式火鍋嘅晚餐放題真係好值得一試，食物選擇多而新鮮，湯底味道好，服務好好，價錢亦都算合理，不妨約埋啲朋友嚟試下啦。

昨晚🤴🏻已經話要食好多肉肉，但當時已經八點幾，我就應承聽日一定同佢食，同埋之前 ‘山見 ’ 有個明信片活動，有張食滿$500減$80嘅coupon，順便用埋佢先！😄😄可能我哋五點幾就入去食，所有材料好充足同新鮮😋😋，包括用QR code點嘅牛🐮肉、豚🐷肉、餃子、熟食，出面自助吧嘅蔬菜🥬、甜品🍮，特別係個滷肉飯依然仲係咁好味☺️☺️，肥美又黏口🥰🥰，我同🤴🏻都覺得質素依然高上👍🏻👍🏻今次照樣有明信片活動，但優惠就差咗啲，要買滿$600先減$50😝😝

台式火鍋食到飽只係特別在台式小食同甜品， 呢間優點係全部份量都係細細，可以叫多d去試。但叫左咁多野食，都無乜邊樣好食， 湯底都無乜特別出色嘅味道，係夠濃，但唔突出。最記得係蜆勁多勁多沙， 放左六隻落湯點知我個美人鍋d花膠痴曬沙😫。小食個雞炸粉好厚但調味粉好少、無乜味，牛肉都係好一般。甜品唔夠凍，但算最好食架啦。$308套餐， 特別湯底又要另外加錢， 整體重質不重量嘅人會覺得唔會太滿意。

價錢同食物質素唔成正比 最平套餐同最貴套餐牛肉都係一樣咁鞋同0.03咁薄 麻吉燒仲要壞 食落口 酸既！墨魚滑仲癲 食落口竟然胡椒味重到嗆口今次揀咗特選套餐 $358 （未加1）以為任食鴨血海鮮都以為可以有樣野可以包抵 點知慘過番印度食蕉 鴨血可以完全冇味 白鱔片梅到阿媽都唔認得 果啲豬羊雞 唔洗食 聞都聞到一陣羶味雪藏味唯一可取地方 只剩得甜品同飲品係呀 你地冇聽錯 得甜品同飲品正常你哋入去每人俾三四佰蚊食甜品同食野 如果睇完之後 都仲係好想食 倒不如揀最平套餐不過建議真係唔好試伏 唔值得！

星期六下午行過見到最平ard$200一位就可以任食，仲有超多台灣小食任叫又吾太需要等位，就入去食。任拎熟食必食推介：台式魯肉飯，超好食，吾係平時有d 餐廳整到好鞋果種！魯味豬大腸超入味任飲推介：東瓜茶同檸檬紅茶手機任點熟食推介：台灣腸仙草芋圓服務太窩心了上菜快女侍應特別提醒我：地滑要慢慢行（我大肚）女侍應特別關心我：食仙草會否太涼男經理見我拎冷飲：好擔心，特意拎d 唔冷的俾我太窩心，服務好似去左台灣。佢地仲緊張過我老公我見到佢哋都對其他桌既客人好好招呼Above and Beyond. 座位好舒適，裡面好多位都有梳化，同隔離有段仔距鞋，吾會迫！

今晚放工同家人於荃灣會合，家人提議出去食火鍋，朋友介紹位於荃灣西站如心廣場的山見台式火鍋，就決定試下，地點方便，食完行一陣就可以坐車返入元朗。無預先訂位情況下攞飛，好在餐廳可以即時俾到一張面壁的bar枱，都算係咁啦。我地揀咗特選和牛海鮮食到飽餐，用餐時間90分鐘，家人要美人鍋湯底，我就要豚骨湯底。我地呢個餐可以點到幾款牛肉，牛肉的質素一般，但都算夠肉味，肉質唔會太韌。如果主力係品嘗牛肉，可能有其他餐廳的選擇。不過如果好似我同家人咁，除牛肉外樣樣都會試下，咁山見台式火鍋會係一個好的考慮。除咗有火鍋的配料外，仲有數款熟食如蚵仔煎/鹵牛肚/雞蛋，炸物如鹽酥雞，炸雙皮奶等。甜品除糕點外，仲有愛玉芋圓，芝麻糊及雪糕。食物大致上滿意。服務方面，大致上全部點的食品都有到齊，而且無需要追，落完合理時間內到。職員大致上有禮又有效率。

見到新開邊爐店，入左去食幾次。啲嘢又好食，又抵食。嘢食方面，佢啲菜超多，又健康，好開心佢有羽衣甘南，又有春菜，同我最愛既淮山，萵筍。特別想提一提，佢有個甜品，麻吉燒超好食，係要放入火碢入面既，好玩，為左佢我都嚟食多幾次。服務真係好好，門口個靚女員工又nice又cute🙆🏻‍♀️

是日星期五公眾假期去唔使等位可以入去 左右兩邊係夾嘢食嘢飲區然後帶到我哋枱面由落單嗰一刻開始就知中伏首先嗰餐係包咗好幾款食品但係其實有1/3係售罄/ 叫你出去攞 (但其實都係冇) 咁所以佢收我呢個價錢我又冇得食？ 🙄然後個煲上左 等佢煲滾都等咗五到十分鐘 只可以唯有食住啲熟食先首先每樣肉落咗一份 味道其實都正常但開始已經有啲漏單 好似平時食放題咁 不過見怪不怪咪再落多次 + 每份肉但其實已經等咗20分鐘 第二單係仲未到唔知呢個係佢哋嘅strategy定點 然後嗰陣時已經食咗一半時間 先到第二批 (不過其實都仲係漏單) 所以嗱嗱臨就嗌埋甜品因為驚等好耐 結果又係等咗好耐 隔籬都係咁催先有甜品雪糕款式剩係得四款又係難食嘢飲可能係全場最好整體來講其實全部嘢都水準以下 3-4/ 10 會寧願去食間台灣嘢 再去食甜品另外值得一提係要講服務1. 呢度啲侍應執枱係極慢 講緊係五分鐘先清到枱面再五分鐘補新嘢 2. 同埋其中一個侍應係係咁埋怨自己做嘢好忙3. 對上呢個侍應係張枱冇位都要擺啲碟落嚟 但其實張枱有其他位可以擺 🤷‍♂️🤷‍♂️4. 講咗三次要加湯都冇人理我 到我行去想自己去加 又叫我坐返低

嚟到 荃灣如心廣場 就嘗試下 台式任食火鍋。我叫咗 山茶湯底 湯底都幾惹味。 呢度有 唔同種類的肉 我最鍾意就係叫呢度啲五花腩， 五花腩肉好 新鮮好味。之後就要戒掉下佢哋啲茉莉花茶 用上台灣 正宗茉莉花茶。 香濃好味。其次就係介紹下佢哋啲小食 台灣腸仔 香脆可口， 咬落去又唔覺太鹹。最正就係佢哋啲醬料， 有芫茜 蒜蓉 濕辣椒。大頭 聰 仲有生打雞蛋。 用嚟配五花腩就非常之野味。呢度值得一讚的地方就係座位好闊落 坐得舒適自在。 和朋友吹水傾計一流。

讚1 熟食好似炸鹽酥雞 薯波呢啲都幾好味 脆身惹味 嘢飲好多選擇 聽朋友講滷肉飯都味 整體黎講熟食係幾好2 環境好闊落 仲有卡位坐彈1 湯底唔似台灣嘢 味型好港式2 肉質整體差 牛好乾柴 豬雪味重

餐廳既有一幅牆係掛滿好多繪馬，另一邊擺放一個郵筒，可以俾客人放填上個人地址的名信片。名信片寄出後，客人收到名信片，先可以留下一次消費滿$500可減$80，係一個挺特別的宣傳方式。調味料都有好多種選擇。滷水食品都有好多款式，滷水大腸﹑滷水豬腳，豬腳炆得好入味。除左熟食，仲有好多甜品。甜品好特別用以前飲茶既茶盅裝住，份量剛剛好，可以叫多幾款試。仲有台式飲品可以飲。最值得讚係店員都好友善，送餐同清走吉碟速度都好快，正！

山見台式火鍋 喺荃灣開咗分店，間中會去荃灣搵食嘅我當然要試一試啦餐廳設計以台灣十分車站和十分老街為藍本，門口就有「十分」車站站牌和「山見號」火車，充滿台灣風情一行入去兩旁就係飲食自助區，有一系列嘅火鍋配料、飲品/冷泡茶和多款熱熏選擇再轉角行入進食區前，會見到「幸福郵筒」和許願「網」，可在木牌上寫下祝福字句或心願等等晚市有5款套餐選擇，我哋就揀咗個最高級嘅 *殿堂和牛海鮮。吃到飽*，120分鐘無限添食添飲！火鍋湯底亦有8款選擇，我哋就揀咗鴛鴦 - 風味沙茶老鍋 X 牡丹美人鍋🍲風味沙茶老鍋 - 有點似沙嗲味，但就更香濃惹味，最適合淥牛肉、豬肉等肉類🍲牡丹美人鍋 - 配料有新鮮雞、豬骨、金華火腿和花膠等等，豐富嘅骨膠原，口味清甜鮮香💫配料大致有雞、牛、豬、時令海鮮和一般火鍋配料🥢澳洲和牛牛胸腹 - 最高級套餐先有嘅牛肉當然要試啦！雪花和油脂都好均勻，薄薄一片，淥一淥即食依然有口感🥢牛扑肉 - 即係牛頸脊，油花密集，肉味濃郁，肉質柔嫩🥢澳洲和牛肩胛肉眼 - 紋理清晰，肉與油香平衡，肉味濃郁🥢精選梅花肉 - 肥瘦各半，均勻分布，肉質鮮嫩🦐🦑點了鍋底之後店員就會先奉上一個海鮮拼盤，有脆肉鯇、扇

長期都大排長龍既台式火鍋店🍲當日去到荃灣因為唔知食咩好但又勁想食鴨血所以就去食火鍋放題，可以瘋狂食鴨血( ´ ▽ ` )ﾉ-極品•吃到飽90分鐘 $328💰叫左鴛鴦鍋，唔使加錢既湯得2款，但都極唔吸引🤣所以叫既2款湯底都需要額外再加錢青花椒麻辣湯 +$18💰風味沙茶老鍋 +$18💰兩款湯底都好濃，淥鴨血同牛肉都極入味時間上90分鐘其實食得真係有少少急但都無阻我食到鴨血既滿足感(˶‾᷄ ⁻̫ ‾᷅˵)係等食物滾起既同時，就叫左啲小食黎食出邊亦有少量炸物及滷水食物一分一秒都不能夠浪費😛雪櫃入邊既話梅味雪糕經常比人拎晒所以我每次拎野食都會望幾眼終於應該有5次以上先比我拎到，心酸( ´ ▽ ` )ﾉ甜同仲有芋圓配仙草或愛玉兩款都叫左黎食，正常喇🤪

眼見依間餐廳有好多人幫襯😳要大排長龍，完全估唔到過左食晏時間都要等😆依間火鍋店係好多間分店，間間都好近地鐵站🚉地理位置幾好👍🏽.一入到去就有郵筒📮又有許願牆😳真係好有台灣既九份既感覺🤣.殿堂和牛海鮮。吃到飽 $458依個餐做包埋一杯台式飲品🥤可以簡一人一煲或者鴛鴦鍋🍲鍋底方面都有好多選擇☺️今次簡左風味沙茶鍋+$18同埋牡丹美人鍋 $25 ☺️沙茶鍋既口味香濃，有啲似沙嗲味‼️ 相對下美人鍋就有啲淡味.肉類方面有牛小排，和牛牛腹，牛扑肉等等一開就就上左幾碟超靚既肉，雪花紋超靚🤩兩個女仔食晒啲頭盆肉都好夠，唔洗再點都得🥳海鮮方面我最欣賞既係墨魚仔🦑同大蝦🫣蝦好新鮮，墨魚仔就千奇唔好煮太耐㊙️依到既台灣小食都好多，甜點就有好多款，芋圓雪條等等，整體黎講性價比超高😌