山見台式火鍋 (屯門市廣場1期)

营业中

休息中

呢間係近年食過台式火鍋最難食嘅餐廳的確餐廳內有好多打卡位，刻意營造好似喺台灣夜市咁樣嘅環境，係有心機座位闊落亦有二人卡位可以坐但係有頭威無尾彩，大而無當。最大嘅問題係食物質素真係差得好緊要。當日點左大華豬骨同酸菜白肉湯底，係淡而無味到直頭可以話同清水冇分別，完全係顛覆咗我對台灣菜同台式火鍋味道嘅認知。lol 仲衰過去茶樓打邊爐嗌沙嗲湯底。再到肉類，豚肉正常發揮無乜特別。但重點係所有牛肉都係好「鞋」兼且切到又厚又大塊，越食係越失望。不過係靠佢填飽個肚同回本，無辦法都係要食。之後去到台式小食，其實台式火鍋嘅一大重點就係地道小食。當日好興奮咁樣每日都點啲嚟試吓，點知又出事。第一次食無肥肉嘅台灣腸，所有滷水牛筋/蛋/牛肚都係無味無道，油炸鬼就炸到好似餅乾咁嘅口感，鹽水雞又無香料味，台灣葱餅又炸到硬晒。差到講唔晒，所有小食真係無水準可言，全部基本上係是但求其整。放到入口你都唔會知自己食緊咩囉。唯一有水準係魔鬼炸雞扒，有辣味有希望。甜品方面又係搞笑，基本上食放題或者牛涮鍋都係會包你杯雪糕或者乳酪。呢度係要你影相上社交平台先比得個杯勁細嘅雪糕你食。然之後鮮草芋圓又甩咗單追好耐先送到，唔講以為啲芋圓係

本來今日想食牛気，但見山見裝修唔錯，屯門區又無台式邊爐，所以都想試下，本身都幾有期望，但反而失望更大一入到去已經覺得枱同枱之間太密 好迫咁同埋好焗 陣麻辣鍋味一攻過黎想打乞嗤食到一半已經神情呆滯一黎好熱空氣唔流通，外面商場冷氣仲大過佢打邊爐感覺俾錢買難受 二黎啲肉好鞋 同無咩味本來叫第二平個餐 但前台靚女話第三平個餐（$258）先包得曬啲台灣小食咁爭三十就加啦 又多啲肉食點知入座望真啲先知小食只係多咗魚皮同響鈴有啲食物本來係$258個價位先有 但手機落單時又話自助區可以拎 感覺搵笨結論 環境唔得 啲肉唔得 浪費quota浪費錢

試了最平的餐 188加1 大約207 一個人環境及食物質素都ok好唯一不好是時間。90分鐘任吃。但60分鐘就last order雖然你同職員講。佢會幫你落甜品比起日式火煱。多了其他東西食。例如牛百葉，尤魚，芋圓。好像貴set再多d 其他野食但馬屋最平個set就平佢10蚊一個人。那邊就主 攻牛及雪糕。Häagen-Dazs 叫多一個選擇。看那天自己想吃乜

今次同朋友仔去山見，各自一人一鍋，叫了麻辣及美人湯底鍋，自助吧勁多台灣小食，又有滷肉飯及麵線，未打邊爐已經滿足一半🤭🤭，由於朋友唔食牛，今次陪佢只食豬及雞，食殿堂有黑毛豬、五花腩、醉雞、墨魚仔、水魷、螺，仲有松露墨魚滑及鯪魚滑添，至於服務更加無得頂，個個都好細心介紹食物又密密收拾，我們真的不停叫野食，唔收拾真的無位放😂，雖然有好多款放在飲品櫃，但佢地送了波霸珍珠奶茶，都夠我飲了。朋友臨走就飲多支冷泡茶。真的吃到飽，出去食唔洗自己搞甘多野，好食又坐得舒服正正正

行過見到「十分車站」的牌，被吸引去睇下原來是一間台式火鍋店。下午5:30去食仲可以當食午市，平幾十蚊🤪一路行入去，好多打卡位。好耐無去旅行嘅我，有少少🤏去左一下旅行嘅感覺🤣火鍋係一人一鍋，同一般火鍋店差唔多小食、熱食、甜品，有台灣特色，例如：鹽酥雞、蚵仔煎、芋圓等。整體食物質素唔錯，可以再去服務態度都幾好，整體有禮貌2個人去食，2人枱，枱面唔算大，但收空碟勤力，唔會成日唔夠位好逼😆會有下次

話說今日個同事放假約咗個去山見台式打邊爐， 見到以前有88蚊平價餐而家冇咗；只剩返貴價嘅餐。一場嚟到都要入去食我哋點咗個178餐， 今次佢畀嘅牛肩胛肉追加都好靚，還有就係精選梅花肉都係好好食； 同上次一樣食只食咗七里香都係唔得 冇台灣咁好食 食咗佢個鹵水豬大腸可以好可以ok 另外攞咗個手拍青瓜我覺得太辣唔入味 另外覺得佢個鯪魚話唔好食 值得一讚嘅就係佢嘅煎餅好好食煎出嚟夠熱食落口夠脆 因為佢太多嘢食有好多都未試仲有機會再去多一次或者兩次希望有新嘅意想不到嘅嘢畀我食到啦

適逢朋友生日又行過呢個corner位見到兩間新餐廳，燒肉vs火鍋，結果還是被台式火鍋的字眼吸引，選擇了這間餐廳。叫了個$258每位的極品套餐，選餐時餐廳經理還遊說我們選特選，說是貴$30就有珍奶、更多的小食（4款），但我們不是很感冒封門柳，就維持原案（幸虧我們堅持立場，才跌少了錢）、湯底則選擇加購$18的椰子雪耳，畢竟又老一歲，該是時候選擇養生了。進去經理帶路，頗為花心思的做了條台風走廊、又是郵筒、火車、夜市燈箱，頗適合打卡。入到用餐區，撲鼻而來的火鍋氣味，對我們這些鼻敏感一組極不友好。坐位靠牆，略擠逼，且桌面極細，因一人一煲，容納一個菜碟和肉碟已然滿了。QR code 下單便利，網速亦穩定（csl），但實質可以點的肉類只有四種，牛豬各2，牛肉有上肩肉、牛爽腩，兩者均一般，偏柴，且後者完全沒有爽口感。豬肉則有五花、梅頭，兩者均比牛肉出色，五花爽口、梅頭嫩滑，相當少有。至於小菜方面，鹵水雞蛋完全不入味，除豆腐外都一般。冷盤選了腐竹和銀耳，前者居然採用了辣根…茶飲推薦桂花，清香回甘、茉莉濃澀。下單選了口水雞、蚵仔煎、鹽酥雞；鹽酥雞是攤涼透的，硬脆；蚵仔煎偏甜口，茄汁淋面，亦是涼底，並不酥脆

屯門市廣場頂層開左一間新嘅台式火鍋店🍲咁岩新開果陣仲有優惠價，就入去試下，12點去到竟然唔洗等位😂望落環境幾靚，好多打卡位🤭我哋揀左「殿堂。吃到飽」屬於中間級數嘅餐，點知⋯·🍲殿堂。吃到飽(成人優惠價:$258)有四款牛(封門柳、牛五花、牛爽腩、牛肩胛肉)，不過質素麻麻，有啲鞋同韌，只係牛爽腩相對好食啲🥲·豬都有四款，不過我哋就無叫喇～反而叫左啲海鮮，黃金螺唔夠新鮮，淥熟左之後肉質有啲霉，唔係爽口彈牙🥲🥲脆肉鯇魚片都勁多細骨，我平時打邊爐都會食魚，有魚骨好正常，但佢呢啲魚片係勁多短骨，啖啖都食到骨🥲花膠唔係淋果種，切得勁細塊😐·果陣每人送左杯珍珠奶茶，對我黎講好甜，飲左幾啖就放棄左😥仲叫左個芋圓，芋圓都煙韌，不過成碗野無乜味😂·整體黎講，除左環境ok多打卡位外，食物質素真係麻麻🙂🙂

台式火鍋係屯門好似冇出現過！疫情又無得飛！難得咁近自己住嘅地方梗係要試吓啦！首先啲滷水小食好好味！滷蛋滷豆腐滷豬腸牛筋豬手同滷肉飯一開始已經忍唔住夾嚟食！真係食到lumlum脷！佢配醬好多仲有雞蛋！然後牛又好多款！連羊肉都有！仲要又爽又膻！海鮮，花膠，肉丸真係食唔停！仲有台式炸物！飲品甜品多不勝數！真係覺得90分鐘唔夠時間食！一定有下次！而且工作人員每位都好有禮貌，鋪頭裝飾得好得意，打卡影相都好靚👍🏻

之前黎過幾次，一直都覺得好滿意，所以今日見係屯市睇完戲就順便再黎食。服務差左，空碟積好多都冇人清，之前好主動又有人自動會加湯，但今日又冇。叫左$248，但而家有啲食物變左自助自己出去拎，又冇左凉拌小食…唔建議嗌$248以上嘅餐，唔值呢個價錢。食物質素亦都冇之前咁好，有轉封門柳簡直可以用「碎上」形容..之前覺得佢地嘅炸野好食，而今次就麻麻。到比錢嘅時候又一直冇人過黎收….好失望，愈黎愈差，我唔會再去。

屯門又有一間台式火鍋餐廳新開張，當然要去朝聖。餐廳裝潢以台式鐵路為主題，店內有多個空間讓食客打卡留念。麻辣火鍋不是人人愛，大鍋涮口水也不衛生，所以最好就是個人涮涮鍋。套餐選擇從平價到中高價位皆有，彈性大選擇多，份量又很足夠，美味又可以吃飽飽。松露墨魚滑、黃金螺、花膠不只鍋物，還有提供台式夜市掃街小吃，不用出國就可以有在台灣吃美食的感覺！惡魔雞排惡魔豬排鹽酥雞柯仔煎滷水豬大腸、牛筋、牛展蚵仔麵線愛玉芋圓

昨天中午第一次到這店品嚐牛肉自助火鍋, 可能是平日的原因, 人客並不太多. 前台職員有禮貌, waitress又會自動加火鍋湯, 值得稱讚！ 台式滷味味道唔錯, 甜品及雪糕都好食！ 總體來說可以給80分！

入面完全收唔到網絡，又唔主動話比客人聽可以用佢哋嘅wifi ，掃描佢個QR code後落單，㩒開始落單無反應，叫個職員過嚟幫手，佢一開始都唔得，之後佢用佢自己手機試完！再叫我哋用手機試一次，原來要撳一次查詢訂單後先再撳開始落單！咁好明顯就係有問題啦！！！個職員個態度仲好似覺得我哋好有問題咁🙄咩料！食物方面湯底又冇乜味道我叫酸菜白肉鍋又唔係好酸根本就冇本身酸菜白肉鍋嗰隻味！！！啲牛肉又唔係好靚！豬耳勁多毛

開心大發現🤣今日去食咗一間比火鍋店耽誤咗嘅台灣菜👅我哋book咗7:30去到門口都幾多人🤷🏻‍♀️都等咗三四個字先入得去🤐行入去餐廳入邊仲有個打卡位🥰不過都幾細下🤪我哋叫咗中價 set印象中好似288💸因為黎之前已經睇咗OpenRice嘅食評所以冇乜期待😛不過朋友想試呢間都即管去食下🐽我哋叫咗椰子湯麻辣湯嘅鴛鴦煲☺️個湯冇乜特別椰子唔算鮮甜麻辣都唔係好夠辣🙆🏻‍♀️整體來講不過不失😗肉類都正正常常🤌🏻出邊自助打邊爐嘅配料唔算多👽但呢度最出色嘅係前菜❤️所有滷水都勁好食有豬大腸牛展同豬手都冇得彈👍🏻👍🏻👍🏻食前菜都食到個人飽晒😝煎蠔餅都好出色🥳最後叫咗個仙草芋圓做總結😌同埋特別要讚下呢度嘅侍應❤️全部都好好禮貌同勁好招呼👍🏻舖頭嘅裝飾有好多唔同嘅金句😗但最鍾意個樽上邊呢一句🤣🤣

媽媽想食火鍋🥘，今晚帶她到屯市一間新開和牛🐮台式火鍋吃到飽- 山見，山見以十分車站和十分老街為靈感，打造出滿滿台灣懷舊氣息的裝潢，到處也是打卡點📸️。我們叫了湯底椰子🥥雪耳湯（本人至愛，清甜得可以當湯飲）及牡丹美人鍋，四款不同級別的牛肉，我們點了饌·和牛吃到飽，有多款牛肉（包括和牛）任食，除了自助吧枱的多種其他火鍋配料、特色飲品🧋及冰條，還可以點選很多其他台式料理、炸物、滷水及甜品等等…餐廳座位寬敞，店員有禮，上菜速度亦很快，性價比很高