山見台式火鍋 (屯門市廣場1期)

营业中

休息中

山見台式火鍋✖️地方又大又靚，空間感十足，裝修一啲都唔似火鍋店。揀咗最低消費$228/位，二人埋單共$502。另外送咗一個特別優惠，只要喺店內投寄明信片俾自己。憑着郵籤作消費，惠顧$500即可以回扣$80用。室內環境寬闊，坐得好舒服。樓面才有基本嘅火鍋食材之外，仲有台灣嘅王子麵、刀削麵、波菜麵。熟食有炸番薯條、地瓜球、蚵仔麵線、肉燥飯、滷水豆腐雞蛋、滷水豬耳牛肚豬大腸牛腩牛筋。除咗滷水豆腐其他都煮得幾入味。另外，仲一啲好有水準嘅前菜、泡菜木耳青瓜腐皮等等。不得不讚呢間嘅肉燥飯真係有少少肥肉碎，個汁同啲肉都好食過牛大人。如果以上食物都唔食，用手機掃QR code就可以食台式炸雞扒、鹽酥雞、台式小香腸、蔥油餅、宜蘭蔥肉餡餅、手工糯米腸、惡魔豬扒。最犀利呢度竟然有炸七里香（即係雞屁股）。雖然唔係個個人啱食，但係我都係第一次喺火鍋店見到有得點食。由於我係揀最低消費嗰隻，所以可揀選嘅熟食都比較少，但係我相信一般人都夠晒食。甜品就有芋圓仙草、愛玉芋圓、紫薯芋圓湯及牛奶磚。冇雪糕，但係有雪條。雪條分別有榴槤、西瓜及細

呢排經開市中心，上日都見到依間嘢排隊，抱住人排我又排嘅心態，排咗半個鐘，原本排咗咁耐隊，已經令我抱住一個批判嘅態度入去，點知原來有驚喜😏行入舖頭要經過一條長路，長路兩邊都佈置左台灣街景，非常唔錯，如果我後生多10年，呢條街景我起碼要影三個鐘叫咗個貴小小嘅餐，諗住多啲靚牛肉食，點知到最後食小食仲多過食牛肉，講到牛肉，依間啲牛肉都算唔錯，第一Round同之後黎既品質相若，性價比高舖頭入面嘅景色非常之唔錯，真係有山景，值得再約班fan過嚟

放假入屯門行街 上openrice睇下附近有咩野食 見到有間台式火鍋幾特別 見到評論有好有唔好 但自己又未食過 所以都最終都決定入去去試下 一入門口 接待員好有禮貌咁介紹湯底 . 搞到我每種都好想試同埋幾款唔同既牛肉套餐選擇 .本身好想揀和牛.但我怕好油膩 所以揀左個殿堂級 . 最終因為女朋友鐘意食蕃茄 . 我就鐘意食辣 就揀左個麻辣湯底 同埋鳳梨蕃茄湯咁佢地就帶我地入去坐位 . 係入坐位前經過 一個郵筒 好得意 .佢就介紹 佢地會幫我地寄明信片好有心思 .佢地安排左張窗口位比我 . 望住個山景黎食飯 .真係夠哂寫意 一坐低就發現原來呢到係QR Code落單.好方便 食乜就自己點 作為食肉獸既我當然點肉啦.佢地牛肉都幾多選擇 牛爽腩食落去好嫩滑.卡樂beef個油脂分布都幾均勻.肩里肌肉個牛肉味就濃d . 呢到d牛肉都叫做唔錯 .我平時就唔太食得海鮮.所以就算佢有好多海鮮選擇都冇揀到 . 店員巡枱都叫勤力 一見到空碟就收走. 食飯我好怕成張枱都係碟 . 但又冇人理 . 食下野同女朋友傾下計咁又過左開心輕鬆既一日😁

今日同老公加朋友仔去左食山見～尋找幸福的小確幸～服務員好有禮貌～入座前已經問我地要咩湯底～坐左一陣都無個湯已經上左❤️～職員仲好貼心話嘢食係手機落單架～如果手機網絡收得唔好可以用佢地Wi-Fi~講左密碼我哋知～👍落咗單無幾耐，啲嘢食好快就到，嗱嗱臨影完相～就落晒落去，等埋老公拎好醬番黎就有得食😊～除咗喺手機落單，我仲慢慢睇下出邊仲有啲咩食～除咗啲常見嘅食物，仲有好多唔同嘅台灣熟食，例如魯肉飯、柯仔麵線、牛孖筋、滷大腸同豬手等等，炆得好淋同好多骨膠原，味道幾好！推薦牛孖筋～飲品櫃仲有好多唔同嘅台式飲品～試左鳳梨烏龍茶～甜甜地幾得意～另外仲有一枝枝膠樽裝住既泡茶～外表非常吸引～老公飲左兩大枝😗呢度有部自動咖啡機～飲品選擇多元化～都好有誠意～啱晒收咗工嘅我飲。翻到位啲嘢食都熟晒啦，和牛都好正呀～望到好多雪花食落口都好甜～豬肉有咬口得嚟又唔會太過靭，肥得嚟又唔會太膩～不錯不錯！我揀嘅餐仲包海鮮，鱔片同沙白都新鮮，真係好好食其他小食類、炸物類，送到上嚟都係熱辣辣架～好脆口～老公好鍾意佢既炸雞扒同鹽酥雞～真心唔明我哋明明點最貴個個餐～要食靚牛架ma~佢都要食炸物～證明炸物既吸引～呢度既魷魚同牛柏葉都

呢排成日要入屯門，我地九龍人真係唔多熟路。咁岩做完野老公話想打邊爐，成班人就試下呢間台式火鍋。平時出街打邊爐食開靚牛肉，今次一於試下個饌•和牛呢個餐。等位時落埋湯底，簡左藥膳雞湯同麻辣，藥膳都食到台式風味，不過麻辣辣味唔太夠。係我仲簡梗野食果陣就送左碟和牛過來。$338 食到呢個質素我個人認為值得收貨。如果打開邊爐應該知道打邊爐用既牛唔應該全部係雪花同肥肉，佢地刀功唔錯，加上新鮮，淥兩下就食得。係呢度要順便提一提佢地調味料好齊，辣椒葱蒜去得快換得快，唔會出晒水。識食牛肉一定係咁食。第一片淥完就咁食，試湯底試牛肉，靚既打邊爐和牛食落係脆，成口都係牛油味😋😋😋，第二塊要點醋食(白醋+麻油+辣椒) ，吊到個牛味之餘又解膩。然後可以試下加蛋漿，加醬油隨喜。以前係台南住，佢地早餐都食台式火鍋，成個感覺番哂來🤩🤩。影佢個qr code可以點餐，睇住叫過乜唔怕漏單。任食火鍋當然乜都試一下😋。除左和牛，海鮮同小食完全唔馬虎。虎蝦手掌咁大隻，新鮮彈牙唔痴殻(雪藏太耐一定做做到呢個效果)。墨魚滑好full墨魚味唔會成口粉。一間鋪頭細唔細心其實好易睇，炸地瓜球冇油益味，炸雞扒來到仲係脆，拍青瓜出過水先醃唔會

7月25號去左山見台(屯門店），因早排有食評話食既牛唔似牛，所以突登去食下，睇下佢咩料。午市14點，人流唔太多，門口飾面可以令你知道山見台就係果度Order左饌·和牛餐，由於唔太食辣，所以點左鳳梨蕃蕃湯同美人湯，大人細路都岩食白色美人湯起哂膠又清甜，仲有幾大大size既花膠，另外鳳梨蕃茄湯，酸甜合到好處，夏天最岩胃口。我自問唔係一個食得之人，眼見頭盤送黎既饌和牛品質都唔錯，脂肪平均，厚薄適中。味覺方面，入口都鮮嫩，就算滾耐左，都唔會太老身，仍帶軟嫩既感覺。除咗主食和牛之外，仲order左其他款食品，海產，豬，菜，麵食都有…因本人太胃食，未有太多相機食先相片服務方面都唔錯，接待服務員都好細心，見我扶老攜幼，除咗推介湯底俾我，亦都介紹左餐牌最抵食套餐。現下香港，味道同價錢往往掛勾，但用心服務既質素係好難得，亦買少見少。上菜速度也算合理，由app落單至到枱，大約等8-10分鐘，食完既吉碟服務員也很快主動清走。環境令人至身台灣，無去旅行甘耐，去一下台式環境設計餐廳也不錯👍

之前經過屯市時見到3樓有間新裝修的餐廳有好多人排隊，之後決定帶埋老婆去試一試入到去，先要經過一段長走廊進入坐位，走廊左右兩邊已經見到有好多自助小食同飲品坐底左之後，我地今次選咗「饌。和牛」套餐，湯底選臭臭鍋同藥膳雞，味道都唔錯夠味道，而肉類方面我地食左佢地的和牛、牛扑肉、黑毛豬、封門柳 - 幾好食😋另外，佢地亦有好多小食選擇，當中最喜愛食佢地的惡魔雞排，食完咁多炸物飲埋佢地的冷泡茶。。。。。。爽😊

住屯門既朋友話市中心有間食牛火鍋既舖頭好多台灣特色打咭位, 而且味道唔錯, 就趁住星期日一家人去黃金海岸行完, 一於book 位試下。五個大人可以有兩個鍋, 而且每個鍋仲可以鴛鴦, 咁當然揀4款味啦, 老婆就揀左臭臭鍋同麻辣, 我呢D唔食辣既就花雕醉雞同椰子雪耳。由於疫情, 都冇乜機會出街食飯, 一於就試最貴既饌和牛餐豪一豪佢。我媽媽就蝕底啦, 一入黎見到出面咁多小食, 牛未到就出去攞勁多入黎, 有牛筋, 牛肚, 雲耳, 海蜇等等.... 令我意外的是, 小食好好食wo, 我個人最鐘意就係牛筋同海蜇, 真係好好食, 浪費左我食牛既quota, 過左幾分鐘, 主食來了, 一黎就係兩款牛: 饌‧和牛同埋月見封門柳, 饌‧和牛雪花都幾平均, 而且食落有牛味而且唔靭, 唔錯, 而月見封門柳既牛味會再更出, 食落更有口感, 另有多款不同部位的牛, 有嫩肩里肌肉, 牛爽腩, 牛扑肉, 除了饌‧和牛, 個人覺得其次最好就係牛扑肉, 都係入口唔靭而且牛味豐富。除了牛, 美國黑毛豬都係好食, 另有其他海鮮料例如大蝦, 沙白, 白鱔片, 脆肉鯇等等, 樣樣都好新鮮呀。特別一提, 就係個臭臭湯底, 入面D

朋友約試新店～例遲ME～有親切靚姐姐帶我去Fd子個位到～路過D飲品食物區～重細心介紹～之後重幫我拎埋野飲同圍裙😱我有D以為自己係VIP咁🫣 本來以為咁岩係果個靚姐姐特別好人，點知原來個個職員都咁Nice?! 喂喂喂🙉真心香港嘅服務水平咁㗎咩？！好陌生呀！！無奶油㗎？！環境方面新店坐位好寬敞～坐得舒服，張台又夠大拎勁多野食都唔會迫到爆～當然重有因為職員密密地幫手執碟，重會自動波哩幫手加湯👍🏻正正子👍🏻野食方面多選擇到試唔晒～我超鍾意食「鬼馬油炸鬼」油炸鬼入面有墨魚滑🙊本來以為係試伏，點知係最愛🤣一食不得了(🙈第2日希望唔會喉嚨痛）非食肉獸的ME唔識分咩肉打咩肉～所以好鍾意佢上菜果陣有張紙仔比我知果碟係乜哩～覺得好味想追加都知係乜🤣～和牛大大片好好味❤️醬吧好多選擇～因為台式野～所以揀左沙茶醬～但因為D野新鮮&湯底又夠味～基本上兜醬係被遺忘咗🤣野飲勁多選擇～尤其係唔想飲甜野嘅朋友～有幾款冷泡茶揀～平時真係無乜得揀～&依間野有得加幾蚊有杯手搖台飲～叫左杯蘋果綠茶玉露～超香❤️但太甜～如果可以少甜就好了～但因為免費飲品有冷泡茶～我自己加茶最後1杯變2杯～好抵😆😆😆總括哩講係好滿意！會再去～因為有好

當日叫左麻辣火鍋湯底 + 藥膳雞湯湯底，麻辣湯底完全唔香冇麻辣味，藥膳湯亦冇藥膳味，就好似飲緊雞湯⋯湯底係最令人失望食物方面，加左錢upgrade成人殿堂（基本上唔加就得好少款式既野食揀，係焗加錢）中途好多落左單既野都漏，重復落幾次單先送黎台式小食味道都好一般鹽酥雞好怪味，其他小食又唔熱，唯一係得自助吧自取既蕃薯條，同甜品芋丸係唔錯⋯最後⋯最嬲既係點解Last order唔會先通知，仲有半個鐘就cut左你單⋯侍應埋黎只係同你講「已經cut左單，唔會再落到單，可以而家人手幫你落埋甜品order」埋單$700幾蚊！咁既食物質素，真係好差好貴！火鍋最重要既湯底都做唔好⋯唔明點解仲咁多人去食

之前見好多人排隊，今次終於忍唔住試下食。我地今日食6點半，等左一陣就有位，一入去跟住地下路軌行就見到好多自助小食。自助吧尾仲有架火車頭可以影下相。不得不提個肉燥飯好好食，我都食左2小碗。我地叫左個美人湯底，味道幾好，配料選擇多，叫左海鮮，D蝦好大隻。叫左杯荔枝特飲，以為會太甜，點知甜度岩岩好，飲完出去再拎支白桃烏龍茶。

餐廳內有好多打卡位，幾有趣。仲有免費寄明信片，好有心思。場內環境舒服，卡位座位都夠闊落，自助區擺位同食物分隔空間夠大，就算人多都唔逼。飲品種類多，冷泡茶類比較少，得白桃烏龍、桂花烏龍同茉莉花茶，白桃烏龍同茉莉花茶都唔錯，桂花烏龍有啲苦澀。熱葷種類多，味道中規中矩，但炸物地瓜球好好食🤤🤤。冷盤小食類要讚👍🏻，夠多種類之餘，手拍青瓜同埋雲耳好食🤤，唔經唔覺都食咗好多碟，小小建議可以大碟啲。我地揀咁麻辣同藥膳雞湯底，湯底味道還好，都係一般台式火鍋例牌。牛肉我地揀咗最貴嗰款，好彩與價錢相符，真係同另外2款牛肉類有明顯分別，靚好多好食好多，切割方面都偏薄易熟。上菜非常快，基本一落單即到咁滯，係海鮮類要等耐啲。但海鮮好新鮮，啲蝦有成手掌咁大隻，肉質又彈牙，有驚喜。至於服務方面，招呼我地既同事都好有禮貌，帶位個陣有提我可以寄明信卡同介紹湯底，坐低時啲朋友話唔夠冷氣，同事聽到即刻幫我地加大個冷氣，隔咗一陣仲俾人頭數既風扇仔俾我地用，不過無電用唔到😂😂😂。收碟速度都算快，最後走時都無催我地走。整體嚟講都好滿意既，都對得住個價錢，如果時間可以食耐啲會更perfect。都會想再嚟食多次，到時都希望質素保持到

我好少寫食評今次 好想為這間餐廳寫一寫 令我感到有小小旅行安慰自從疫情中左Covid，我有針卡火鳳凰重生後就不停出街食野我自問都係個牛控 係屯門見到呢間餐到 我就二話不說就話要食了 好似食評有啲參次 但唔理勒 試左先因為要照顧小朋友所以就要BOOK早啲食 唔洗得咁耐入到去就覺得裝修幾好 有打卡位首先揀湯底先入座見有臭臭窩 二話不說 試 無失望喎 臭豆腐好食喎麻辣窩 愈滾愈辣仲有椰子雪耳窩及醉雞窩牛控出沒了 我地揀左最貴個餐 對自己好啲 食多啲不同位置1/ 和牛 好好食 味濃 入口即溶（食完自然學梁祖堯扮牛叫）2/ 牛仆肉 好好食 叫左3 rounds 6碟 睇返點餐圖我先知係牛肩脊3/ 月見封門柳 牛冧 味濃 肉厚 Juicy 不過因為肉厚要滾耐少少4/ 牛爽腩 爽口 肉質好味 牛脂好香仲有好多部份好好味 值得再試仲有好多小食 飲品 蔬菜 炸物自取飲品黎講 我覺得冷泡茶幾好 可以減低對食多肉既油膩感唉呀！有個炸地瓜球同地瓜條 堅好食 唔記得影相添 我食左5粒呀！痴根仲有佢地個海蜇 不得不提 堅好食 我食左4碟同出面個啲酒樓好唔同 好好味我個人攪笑啲 不停6芽菜配牛肉 快熟爽口同牛肉又夾

經常路過見門口排晒隊，所以假日便和朋友來一事😉一入餐廳充滿台灣嘅味道仲有景點打卡❤️感覺彷彿去咗小旅行，點餐嘅時候員工極力推介新推出嘅臭臭豆腐鍋🤔便抱着忐忑的心態揀了，因為本人麻麻哋臭豆腐😅誰知牛肉吸臭豆腐味道感覺非常特別，跟平時的鍋底很不一樣，而鍋底裏面嘅蜂巢豆腐口感也不錯👍🏻有驚喜😳海蝦更非常大隻 新鮮 ，仲點了我最愛的柯仔煎😍飲品我選了茉莉花烏龍茶 茶底不太差 可消滯🤧最後我還點了我最愛的芋圓仙草小小的份量剛好 😍竽圓彈牙不太甜 好食👍🏻下一次帶屋企人嚟再試 🫶🏻期待你們推出新的湯底😅

同屋企人去試新野，前菜飲品多選擇，無糖冷泡茶同台式飲品都幾好，唔會太甜。 肉類都多選擇，每份份量又唔會太多，可以食多唔同款式，唔夠可以再叫。個炸雞好好食， 夠熱又脆。 最後仲可以叫埋甜品，叫左個九份芋圓， 好好食。整體職員服務都好nice, 環境又似去左台灣旅行咁。