山窿謝記魚蛋 (已結業)

一向都有食開，不過覺得佢d魚蛋冇以前咁好味!所以而家已經好少專登坐車入來食!黎親必叫豆腐皮卷，覺得真係好好味!

今天專成到此間食魚旦粉比想像中差與筲箕灣安利魚旦粉一比較即見高低。

我食過一次都唔再去. 主角嘅魚蛋實的的, 其他亦一般. 真係無乜特別.或者我哋唔識食, Gor D 聽到個舖頭名就擒擒青話好嘅, 就好識食囉!

媽咪好鬼鍾意食, 細細個就已經成日跟佢黎食晏晝.假期黎講唔理你幾點黎, 一定超多人.我自己本身唔係好鍾意食魚既副產品, 但魚片即炸起都吸引到我食一兩片既. 幾香口都幾好食架. 不過貴左d囉.今日嗌左碟切開八大片左右已經要22蚊.另外魚蛋算彈口, 細細粒, 有人會嫌佢腥, 但新鮮魚打成係咁上下啦, 好過食麵粉我就鍾意食依到既魚皮雲吞, 個皮有咬口又唔un.以前d粉食兩啖就冇左, 依家大碗到食極都仲有.湯底清清地但都幾好味.依到既炸魚皮卜卜脆, 但我就鍾意浸落湯浸淋哂先食.依到係好rush, 食完要即走.收銀個老闆娘雖然聲大大, 但咁又唔代表佢冇禮貌既我見佢都一眼關七, 邊到有人走邊到要落單伙計睇唔到佢就嗌人去做,有d人可能同個細路一齊, 等等下位個細路要去廁所,佢都會主動幫人hold住張枱.俾錢都有「多謝」架, 街坊生意係咁啦

可能我自已都係住係南區謝記對我來講, 跟本冇咩咁特別由其係近年個湯底俞做俞差我覺得d人唔洗咁遠來食

呵欠...成三年無寫食評~...今次先唔睇人食評...主觀地寫，要簡而精。食左一碗魚蛋粉，但無雜誌講到咁精彩。魚蛋比其他叫做有魚味，唔多彈牙。講到第一，不妨試下旺角金聲戲院後面個街市，街尾(無咁旺果邊)有個魚蛋工場，本身只做批發，但而家可散買。價錢唔平但係好值，有d 奇怪佢地批發比邊度...出面食唔到？

早幾天到香港仔上堂，課程完結後，想起一直都想再嚐的謝記旦，便走去食碗麵。在午後的時間，人客不太多，看一看菜牌，單拼和雙拼粉麵都是十六元，大碗的三＋元，雙拼價錢跟拾蚊麵店的價錢相若，但這裡質素較一般的高，比較抵食。我叫了一碗魚旦魚片粗麵，雖然人客不多，也要五分鐘才上，炸魚片較魚蛋出色，非常香脆有鮮魚味，魚旦中有一粒炸旦也很香脆可口，其餘的是白蛋，雖然沒炸片那出色，但都很正。麵只是普通貨式，都煮得剛剛好，不會大身或太硬。看見同桌的人客吃的魚皮和魚扎賣相也不錯，下次經過必定再試。服務方面比較差，坐低客人如想要茶水，伙計會叫客人自己斟，而且收銀員都不太有禮貌，以十多元一碗麵來說，這種服務水準實在需要改進，光靠名氣和食品是不足夠的！

Date & Time - 23 Oct 2004 , 14:20味道：魚蛋(4)–好味,彈牙,有別於一般機做魚蛋. 炸魚片(5) - 熱辣辣, 好新鮮, 好脆, 好香墨魚丸(2) –太"林", 口感弱魚餃(2) –比較細粒湯魚片(2) - 太韌環境：可能假日關係, 所以嚴重擠迫(要搭檯), 又有好多人等位, 唔可以坐低慢慢歎.服務：收銀那位呀姐絕對稱不上有殷勤的服務態度, 不過見佢咁忙, 都可以理解. 順帶一提, 她的記憶力幾強, 咁忙都記得邊個點乜o野食. 衛生：位於香港仔舊大街, 感覺上有點兒"UP-DUP”抵食：$16 一碗魚蛋粉, 差不多啦. p.s. 好難搵位泊車...

係羅？典解呢？又唔係唔好食，又唔係特別好食？搞咩計港到好猛朵咁呢？雖然，呢次專登入HK仔食魚蛋的行程我無後悔，但，我估都係1次only。

今日下午去食，超多人要等位，叫左碗魚蛋麵，d 魚蛋麻麻地，無乜魚味同埋有d硬，反而魚片好味d，另外d炸魚皮好厚好硬，比較滿意既係墨魚丸同埋佢地既炸腐皮。魚蛋粉我覺得灣仔華南好味d。

今日假期同bf 去南丫島釣魚前去呢間出晒名既魚旦粉試試先, 嘩一入到去, 超多人, 要自己搵位, d地方又窄, 諗住快快手食完就走人.我bf叫左碗墨魚丸河$16, 我就叫左一碗淨河, 因為想食炸魚片. 原來想叫炸魚片要自己出counter買的, 要叫佢秤一舊睇下幾多, 之後先決定價錢的, 我地叫左舊$18, 得6片, 不過都幾厚一片, 個皮炸到脆卜卜, 入面好熱又彈牙, 好味.之後d河粉來了, 我碗淨河有d離譜, 一個碗仔裝滿左河粉, 但湯就極少, 咁就$10, 早知比多$6 叫碗單河. 老實講, d粉同湯底好普通, 湯底好淡冇味.試下bf d 墨魚丸, 都ok wor, 味鮮, 但林左d.食完好快快腳走人, 因為等緊位d 師奶個樣好惡...

謝記既魚蛋未必全香港最好，但魚片就一定係。爽口彈牙皮又夠脆，真係食過一定番尋味！

我都係由細食到大,湯底&粉ok啦...但o個度既炸魚片真係好彈牙架,食過好多間始終覺得呢間D魚片係最正...

由細食到大,無得傾,一個"正"字.每次必食--細鍋河,大食的一個人也可將它吃掉."鍋"指什麼材料也有.包括魚蛋,魚片,魚紮,牛丸,墨魚丸,牛月南,菜.每樣兩件.加埋河粉,很飽,很正很正.謝記最正是魚片同埋炸魚皮.D人除左叫碗粉,仲會叫剩魚片食.尤其是魚片頭尾炸脆部分,是天下間最好食的食物.

喉嚨固然之要走火警，一唔小心，撞o岩我咁。廚房唔知炸咩，成間野eric kwok咁，煙到呢，連我都咳埋一份。不過，就算本死，我都要食。因為由弟一步行入去，已經聞到，係正宗的麻辣味道。一生人必須一試的！