山窿謝記魚蛋 (已結業)

魚片同炸魚蛋好好食...細個成日去食ga...但係因為衛生就唔多好!!!呀媽之前去試過有老鼠...所以而加好少去...只係會行過買d魚片同炸魚蛋番屋企用grill番黎食...

去完公益金百萬行,一班人係香港仔散,有人介紹話山窿謝記既魚旦粉十分出名,所以慕名而至,人多真人多,要輪侯至有得食,不過一場遠道而來,一次半次等下無所謂。魚旦粉好清,愛味濃人士可能會覺淡,但我覺岩岩好,比一般坊間好味,而且魚旦真係彈牙,至於魚片,叫左厚切,果然十分有口感,所以呢餐絕對係好味同抵食既一餐!

今日OR聚會，早一點入鴨利州探朋友及順道到香港仔一會山窿。要了細窩河粉走牛，$30一碗價錢算幾貴；細窩上來真算是細，魚片魚蛋算是不錯，在坊間可嘗到這美味的魚片魚蛋已經小可，但比起家母的還是差一點，這點在夏銘記的食評都已提及！辣椒油不錯，但配魚蛋應該不夾，牛腩好一點！

我住係附近, 每星期至小有一日係謝記食, 我覺得D魚鲛好好食, 魚片& 炸魚蛋都好好味, 其他野就一般啦, 地方好迫, 又難等位, 地方就麻麻地乾淨, 試過見到甲曱, 好恐怖, 但最憎係大舖果邊收$果個女人, 成日見佢鬧人, 當住D客面前鬧D員工, 好煩好樣衰, 面目可憎...

我食此店已有20幾年了，我10歲左右媽媽就同我去食。我至愛jar魚片，每次都叫半條當小食食，魚扎是十分好味的，可惜唔係時時有得賣。

看了許多食評也稱讚這裡的炸魚片及魚餃一流，於是今天午膳便決定親自一試。雜會窩河粉(小)（$30）：即是匯聚了店內所有食物，包括魚蛋、魚皮餃、炸魚片、炸魚蛋、墨魚丸、魚扎、牛腩、牛丸。由於本天使不愛牛，所以牛腩和牛丸也不要了（反正這些也不是出名的）。魚蛋和墨魚丸很彈牙，味道也不錯；炸魚片和炸魚蛋好像炸得過了火，有點乾和硬身；魚扎…本天使一向少食，吃了入口只覺得不難食，但芹菜味很濃。河粉也只是一般，並不像之前形容的那麼出色。這裡的魚蛋和魚餃跟一般潮式粉麵店相比真的是好味些，可能只是本天使看過之前的食評後抱著過高的期望吧…

每次去親香港仔必然首選，因為魚旦夠彈牙，河粉煮到出嚟唔太硬又唔太"lam",幾好味。佢地仲有長長的魚旦條買，每次都會用嚟炒菜，一流!

除左謝記, 搵唔到邊間有咁新鮮的炸魚片吃！去到不可不吃！魚皮餃一流！但叫一碗魚餃河只得四小粒實在有d孤寒...唯有叫碗淨餃滿足下~ 墨魚丸好香, 魚蛋比平時食開d潮式魚蛋係質感實d, 但夠魚味~很多人喜歡吃魚扎, 但我唔鐘意吃西芹, so無意見~以前個辣椒油香d 架, 但近呢半年差左...可惜！當人太多時, 我經常發現佢個湯底唔夠熱..唔夠熱唔燙口的湯底唔係咁好, 因為吃到尾聲就已經凍晒。另外, 最最最令我唔鐘意的地方...係佢地用來抺枱個塊布, 真係好臭...搞到張枱都好臭, 佢地d阿姐仲要拎完條咁臭0既布抺完枱後, 再直接拎d食具, 確係影响食慾, 唯有自己去斟杯熱菜沖沖佢啦~總之, 不能錯過炸魚片！

細細個都己經係香港仔住~~~ 都好多機會食魚旦粉~~~近幾年魚旦粉可以話係香港仔橫行霸道~~~新起的魚旦粉依然威脅唔到呢間老字號就知道佢的實力~~~呢間魚旦粉成日都唔休做~~~大家搵食要趁早~~6點就收舖~~~而魚片就唔知幾多個鐘出一次~~~講返碗粉~~~其實都只可以講比好多地方好~~~可能食慣~~~又唔係覺得特別好食~~~個炸魚皮係最出色~~~~大家行開行埋都可以去試下

下午２點幾到, 仍然坐滿人. 試魚蛋河及雜會麵(小)魚蛋河- 魚蛋夠彈牙, 有味, 河粉夠滑雜會麵- 有魚蛋, 魚皮餃,牛腩,炸魚片, 墨丸, 炸蛋同肉丸, 始終魚蛋, 魚皮餃及炸蛋較好食, 炸魚片太乾身及較硬衛生環境麻麻, 有小動物出現

（山窿謝記魚蛋）呢間粉麵店，係我由細食到大的粉麵店，雖然湯底不是自已做到，職員話湯底係用（史雲生），很多粉麵店用滾水加蔥做湯算數，但是魚蛋真係好食，粉麵都幾好，做左很多年的都算幾好啦﹗而價錢都合理。真唔錯﹗

由細食到大，次次到香港仔都一定食．由於小妹對魚蛋唔係太喜好，所以都無咩投訴．細佬就好喜歡食魚蛋，食左十幾年都係話謝記最有魚味．而我媽咪幫襯左咁多年，同老闆娘都幾熟，老闆娘話佢地既魚蛋係用"膠" 魚做既，所以特別爽口彈牙．其實我由始至終都最鐘意食佢既炸魚條，真係超好味，連味覺遲鈍既我都食到好大陣既魚味，肉質非常爽口，趁熱食最正～！魚條係要另外排隊買既，十二點左右開始賣，好快就賣曬．我地通常買一整條番屋企慢慢歎，有ｄ人一次過買４，５條～！聽講譚小環既daddy都會買幾十條請TVB既人食～間鋪就真係細左ｄ，而且好迫，成日有人企係你背後等位，都幾唔自在．希望佢用派籌既制度啦，唔駛俾人企係後面監視嘛．．．休魚期魚蛋既質素係會差少少既，大家體諒吓啦＾＾

由細食到大.....其實佢真係無咩特別....有都係覺得佢特別貴~~~坐得唔舒服....不過....佢既炸魚片頭....係幾好味嫁~

謝記，一間真係由細食到大既鋪頭，原因都係好食。但俗語有云：「睇住佢大，睇住佢壞」，不單止阿媽咁話我，我對謝記既印象都一樣。第一次食都要數到十幾年前，當時唔黐住阿媽都唔敢唻，因為佢真係比外邊稍貴，比死對頭南記（當時都仲未衝出香港仔）好食好多。我例牌叫細窩河，貪佢乜都有，一次過滿足晒所有願望。當時既湯好好味，好鮮，係用鱔骨同埋D乜乜魚一齊煲的，呢D主要係打魚蛋用既剩餘下來的物資。以前lur阿媽，一個月起碼去兩遍。當時魚蛋、魚皮雲吞、粗丸、魚扎、墨丸...等等，都是我的最愛！今時今日，我兩三個月才會來懷緬一下，皆因所有野都今非昔比。魚蛋牛丸等等全部外發，唔係咁好食，我更懷疑最貴貴既魚扎都係，因為比以前真係差左好多。以前會買好多外賣返屋企自己整的（打邊爐一流！），而家只剩返一種：魚皮雲吞，是我覺得值、肯俾貴D買的，其他的，我覺得好似江仔記那些更好。講真，佢並冇擴張過，但我發覺現時搵位（都是星期日的中午），真的比以前容易多了... （唔知謝氏一家計數時覺唔覺得呢？）俗語真係冇講錯... 灰呀！

久仰大名！今日終於一試，可惜.....魚片---好有魚味，但又唔係相像中真係咁好味魚蛋---普通又唔係特別好味，又唔平，去多次既機會少D啦~聽聞佢地自己打唔切魚蛋，會係街外買返黎~唔知真定假，都係香港仔街坊話我知