山下菓子 (T.O.P This is Our Place) (已改名) 查看

行到有啲攰諗住搵間餐廳坐低食下野，呢間嘅午餐係做到六點，所以我哋都嗌咗午餐既set食咗個early dinner🤪入到去先知原來係美少女戰士嘅主題，裝修真係好靚可以打卡🤣我哋張枱上面仲有一支幾香嘅香水🤣嗌咗溫泉蛋照燒雞飯，溫泉蛋都做得唔錯嘅，但啲雞就唔係好食得出係照燒既🤔總之雞就麻麻哋好食，但橙汁都幾新鮮好飲又大杯既，lunch來講算抵食。嗌咗個士多啤梨梳乎厘，士多啤梨唔會好酸但都唔係話好好食，梳乎厘就對我來講有啲太甜😅不過其實應該都係正常嘅甜度🤣有機會再嚟chill下都唔錯🤤

Cremia 原味雪糕🍦 $38唔知大家有冇食過cremia 嘅牛乳雪糕呢🙈講唔停覺得佢真係超級無敵好食🤤無論係喺日本定係喺香港 講唔停一見到佢都會毫不猶豫買黎食🤩因為講唔停覺得佢真係全香港最好食嘅雪糕😝之前食過其他嘅餐廳好似百味堂等等嘅牛乳雪糕 講唔停同朋友都覺得cremia係MVP🤓首先佢個質感係超級軟滑 超creamy嗰種🥰唔會有任何冰感👅 而由於佢係用咗極多嘅鮮奶油同埋高乳脂肪整成 佢嘅牛奶味係超級濃郁🥛又唔會過甜😚個cone亦都唔簡單🤫佢唔係普通嘅雪糕筒 講唔停覺得佢好似白之戀人嗰隻餅 係好鬆脆嘅同時又有好香嘅牛油味😍 雪糕同埋甜筒同樣都係極高質🤤 簡直係完美嘅組合💫講唔停覺得呢個毫無疑問係滿分之作🌟雖然如果冇優惠嘅話確實係有少少貴💰而且食完應該會肥幾磅🤭但係講唔停覺得呢一切都係值得🥰因為食完真係覺得好幸福❤️十分推薦大家去試吓🤟🏻

行過旺角知道呢度有間美少女戰士主題餐廳身為美戰忠粉梗係入去試下見吓偶像啦 嘩 一入門口巳經見到好多好想買嘅美戰產品啦再入去坐低見到個環境真係即刻攞部手機出嚟係咁影係咁影係咁影好多美少女戰士呀每張枱仲有支聖杯究竟係咩嚟嘅呢🤔我以為係飲品呀🤣原來喺香水嚟㗎佢會畀我哋試下噴喺手 我梗係即刻噴啦 勁香呀 我梗係唔係唔執輸買返一兩支啦我知道出面買貴一百蚊㗎🤣😂嘢都未食已經開始諗住買嘢啦🤣😂好啦睇餐牌嗰個餐牌靚到不得了呀我一見到禮服蒙面俠就梗係點佢嗰個禮服蒙面俠甜品啦朱古力蛋糕嚟㗎🍰前菜泥個吉列炸蝦🍤連粟米杯😍個杯係用露娜個樣食完個杯仲可以拎走㖭呀梗係叫啦跟住我點咗個阿提密斯嘅蛋包飯好得意㗎你哋睇下係咪好靚呢睇到都唔捨得食呀點咗一杯呢就粉紅色一杯係粉藍色嘅飲品 藍色嗰杯梗係水野美啦😍粉紅色就係chibimoon喇簡直係 美國同埋視覺嘅享受呀好味道到全部食曬清曬 你叫飲品又會送美少女戰士鎖匙扣畀你有得食有得拎走食完仲可以出去買戰利品㖭我一定會再嚟食佢個下午茶餐因為下午茶餐近排有嘢送呀 #katkatfoodie #katkatfoodies

美少女戰嘅寶寶知道山下菓子有美少女戰士主題下午茶同美少女戰士主題食材適當然要過嚟一試✌️來作為粉絲一次打卡可以❤️環境方便 有一些美少女戰士打卡位， 唯美少女戰士精品偏貴影左當買左😂野食方面 當日叫咗個普通下午茶咖哩飯58蚊仲有杯嘢飲食下午茶嚟講抵，飯用日本米咖哩都好味如果係用露娜貓型咖哩飯就要128蚊一碟同樣嘅材料只有單點5包野飲😅😅用咗露娜樣貌碟飯貴一倍，叫5叫見仁見智🤣食物菜色味道可接受當係朝聖去一次都值

雖然係尖面既美少女，但成間舖頭都係都好開心☺️少女心既你一定要去💛·•鮮果法式多士。有5款生果係上面，顏色好吸引，不過多士口感一般，下次食返窩夫•熱抹茶拿鐵。有露娜外形係抹茶上面☺️☺️，味道比較甜。都係想去打張卡😝

之前幾次主題cafe都有去過呢間餐廳食個人覺得呢間餐廳既意粉係最有保證如果第一次食， 又怕中伏，個人日常晚飯套餐， 個人推薦佢嘅卡邦尼意粉， 佢唔單纯只係正常發揮，個人覺得甚至係好好味， 如果要分類嘅話，佢係有少少 小朋友口味嗰種甜甜地嘅卡邦尼， 然後入面有最基本嘅煙肉同洋蔥， 煙肉煎燶個少少保衛香，洋蔥都炒過，會食到少少甜味， 所以第一次食呢間cafe嘅卡邦尼意粉，係意外地覺得好味然後今次美少女主題就試咗另一款黑松露忌廉蝴蝶粉整體好味，佢嘅忌廉其實好濃沃， 又正常白汁嘅濃度，唔會太水， 黑松露唔會太重口， 如果以唔係好食到黑松露嘅朋友嚟講，可以試下呢一個， 因為佢個黑松露味真係好溫柔，意思意思下有陣味喺度，但係又唔會太過出🤣， 覺唔覺得呢個意粉既發揮唔太伏，而且都幾好味， 雖然唔會係好專業出面嗰啲黑松露白汁意粉嘅質素咁高， 但因為呢個餐廳嘅主題係打卡為主， 反而喺冇期望之下有啲意外地覺得好食~另外仲點咗美少女主題嘅迷你笆菲個人覺得，本身佢上面係cremia雪糕其實已經冇得輸😂😂 因為呢個日本牌子嘅雪糕真係好香，好重牛奶味而且好濃沃，食落去唔會好水，好似有啲棉花糖口感好鬆化， 我驚佢係

第一次去卡通主題餐廳食飯，店舖每個角落都有Sailor Moon嘅蹤影，包括佈置、⻝品，甚至乎贈品都係美少女戰士🤩🤩，好似入咗動畫世界，⾮常夢幻。Artemis明太⼦忌廉蛋包飯🍛 $139亞提密斯白貓造型嘅白飯𥚃面包住炒滑蛋，蛋係用日本雞蛋🐣，所以味道更香更滑。個人認為白飯硬咗少少，配菜亦好單調。拉芝大蝦意粉🍝 $129今次係月野兔陪住食意粉😂。大蝦好新鮮，食起嚟彈牙爽口，唔錯！意粉軟硬度適中，條條都沾到醬汁。呢個咁得意嘅用餐體驗，食物質素及味道都算唔錯，但價錢就有少少貴，就當係食環境啦😆！

期間限定🌙旺角美少女戰士主題Cafe▫️呢間位於旺角T.O.P商場嘅山下菓子，店內佈置得好精美，好適合打卡影相📸而且仲有販賣美少女系列嘅周邊商品。而且佢哋嘅嘢食都真係幾平，下午茶餐嘅話更加係好抵食！最平$58已經有一個飯或者意粉套餐！仲包埋嘢飲添！兩個人埋單每人都只係幾十蚊咋！可以同朋友一齊平平地去代替月亮去懲罰佢哋~🍝日式蛋汁卡邦尼意粉($58包左一杯飲品)好耐之前已經食過佢哋嘅卡邦尼意粉到而家質素都依然咁好！真係好好味😋好creamy！有勁多蛋汁😍真係好啱我口味。而且份量重唔會好細碟！呢個價錢絕對超值呀！▫️忌廉雜菌意式燴飯($68)佢哋係用珍珠米來製作嘅，食落都好有口感，不過相對佢地嘅卡邦尼意粉來講，呢一碟飯嘅味道就淡咗啲，如果鹹啲會更加好～▫️我哋另外再叫多一杯茉香芒芒cheese奶蓋🍹($40)，佢地呢杯芒果汁重酸過跟餐送嘅橙汁🥴真係酸到痹呀！而且奶蓋係十分浠，完全唔似芝士奶蓋！建議大家可以唔使叫呢杯嘢飲😂▫️地址：山下菓子（美少女戰士限定店）旺角彌敦道700號T.O.P This is Our Place 3樓315號舖其他分店：荃灣大河道98號如心廣場二期2樓210號舖北角渣華道

外賣咁抵真係好過自己辛苦煮，今次試咗響領展裡面嘅＂山下菓子＂，聽個名仲以為係零食店/甜品店，點知係一間日式輕食食肆，主打意粉、咖喱飯同pizza，本身定價巳經唔貴，折上折之後每人$70都唔駛，真係非常抵！🍴小食拼盤A $88 (明太子雞翼x2、吉列蠔x2、餃子x3)⭐️⭐️⭐️因為炸物凍咗關係，難免無咁好味，不過仍然香脆可口，一啲都無變腍🍴蛋汁卡邦尼意粉 $78⭐️⭐️⭐️⭐️成個意粉嘅靈魂蛋汁做得好creamy富蛋香，好味過平時食開嘅忌廉汁，而意粉口感又煙煙韌韌，唔需要好多配料已經好好食🍴吉列豚肉扒蛋包日式咖喱飯 $98⭐️⭐️⭐️⭐️雖然焗住咗半個鐘，但吉列豚肉外皮無乜點腍，入口仲脆口，豚肉口感唔錯，唔會偏腍或硬，蛋非常香滑仲有蛋汁，咖喱香甜蘸飯一流二人共消費：$135 (foodpanda 外賣自取七折+領展$50優惠)

外賣三次都不太愉快經歷！睇評語先知原來呢間係黃店，咁自己都未食過啊，諗住試吓啦，第一次食就用開飯叫外賣！第一次落單，等左一陣都未見佢接單，咁就打電話問佢整未，佢態度都一般，話整緊，明明apps未接單，收左線先出外賣no,咁佢接左單就算啦！拎咗個飯返去，發現（唔肯定個飯係未熟定係隔夜飯）超硬又一嚿嚿，根本每一啖都係硬到食唔到，最後要加水浸軟先至勉強食到，嗰塊雞扒太厚，個心未熟，最後自己要煎返熟佢,其實同自己再煮一次無分別！第一次痳痳哋諗住俾多次機會佢,第二次落單之後即刻俾餐廳取消單原因係話無貨！第三次落單等到夠鐘餐廳都未接單所以被直接取消！浪費我時間去等被取消單‼️其實呢間野唔接外賣單，可以不提供呢個服務，都係果句啦，味道一般，服務態度又痳痳，黃店唔係大哂嫁，無下次Bye‼️

疫情影響(少左外出食飯)有美少女戰士做主題(當然試-試男主角主題(有這款甜品)軟雪糕好幼滑(朱古力粉好香濃)配左朱古力脆米(增加口感)千層蛋糕皮算薄身，朱古力cream 不算好甜整體味道OK食完~有點飽曲奇(好香脆)主食芝麻蛋包咖哩飯咖哩(香甜)，飯軟硬適中芝麻味比想像中淡(因為咖哩味太濃烈)唔喜歡辣咖哩(這款甜咖哩)飲品好靚~(可惜自己太飽)未試~最好2至3人食(可以每款試d)美少女掛畫(不算多)但食物味道，算oK

呢間餐廳之前都有crossover不同嘅角色，好有噱頭！🔥位於旺角T.O.P嘅Kingskey Cafe鋪位唔算大，不過遠睇已經見到好多美少女戰士嘅擺設同埋裝修，好似重拾童年同青春咁🤣🥀————🤍 Luna黑芝麻粉咖喱蛋包飯 $139賣相可以接受，擺飯嘅形狀係貓貓頭，不過咖喱淋得有D求其🍛 味道方面，蛋都幾滑，不過飯嘅份量有D細，同埋無肉無菜，感覺比較寡，唔太抵😔 🤍 和風博多明太子意粉 $98見佢算係比較出名嘅菜式，決定試試！明太子夠多，不過好細粒，口感上差D☹️ 意粉非常普通，感覺汁同麵係分開煮🍝 食嗰陣我都同朋友講，呢碟野係我自己都煮到嘅Quality（可能我煮仲好食🤣）！🤍 Luna梳乎厘班戟 $139賣相吸引，有兩個班戟，造型餅乾，同埋水果粒😍 自己覺得有啲怪嘅係個淺紫色汁，因為食落真係分唔到係咩來😂 梳乎厘打得唔夠多氣，識落比較似蛋糕，冇入口即溶嘅感覺🤔

叫左個滑蛋雞粒飯，雞粒好似五香肉丁罐頭咁。同都一樣咁咸。 未食過咁難食既滑蛋雞飯，完全唔會再想食。明太子雞翼還好， 炸蠔根本是炸粉，蠔超細粒。第一次食，都是最後一次食。

這間餐廳成日同唔同公仔卡通人物等crossover，之前已經食過好幾次，今次見佢同美少女戰士crossover當然要去朝聖打下卡，平日八點半，餐廳內仍然有不少食客，好彩仲有位俾我朝聖，由於一個人，所以能叫的食物款式有限，叫了兩款自己覺得特別靚的食物，黑芝麻咖喱蛋包飯及美少女心太軟，食物上枱，果然無令我失望，尤其係個蛋包飯，露娜貓頭影相出嚟好靚，味道也不錯，至於心太軟，味道也ok，碟上有個用朱古力粉造成的月野兔，幾靚，價錢雖然不便宜，但餐廳好多美少女掛畫，又有出售美少女產品，食物造型、味道、餐廳服務也不錯👍🏻，值得去朝聖.

呢幾日去左間打卡點主題係美少女戰士環境佈置美少女戰士咁多位主角因為限聚令關係所以排左一陣隊明太子忌廉蛋包飯:$139以貓頭在正中間之後入面放入蛋比你既感覺得係飯包蛋ha不過將明太子既汁撈埋一齊食,味道唔錯,愈食愈開胃。之後叫左杯朱古力:$49朱古力表面用了朱古力粉post左一個貓頭圖案出來。入黎店舖既時候仲有一啲精品可以比中意美少女戰士既你買返屋企