山下菓子 (T.O.P This is Our Place) (已改名) 查看

這間餐廳成日同唔同公仔卡通人物等crossover，之前已經食過好幾次，今次見佢同美少女戰士crossover當然要去朝聖打下卡，平日八點半，餐廳內仍然有不少食客，好彩仲有位俾我朝聖，由於一個人，所以能叫的食物款式有限，叫了兩款自己覺得特別靚的食物，黑芝麻咖喱蛋包飯及美少女心太軟，食物上枱，果然無令我失望，尤其係個蛋包飯，露娜貓頭影相出嚟好靚，味道也不錯，至於心太軟，味道也ok，碟上有個用朱古力粉造成的月野兔，幾靚，價錢雖然不便宜，但餐廳好多美少女掛畫，又有出售美少女產品，食物造型、味道、餐廳服務也不錯👍🏻，值得去朝聖.