屯利佳餐廳

营业中

休息中

入屯門見客,見客前醫醫肚...喺華都見有間茶記,就去試試...地方細細,有啲逼,叫咗個咖哩牛腩飯,有湯&奶茶;湯飲得出冇味精,青紅蘿蔔豬骨,唔錯;個飯幾大碟,咖哩幾香,唔辣,略嫌牛腩唔夠稔...杯茶好香好滑,掂~呢類街坊小店,她值得支持!!!

我在屯門有10年啦.以前屯門食飯係唔貴.近10年開始有d食開都貴左.我在市中心返工.通常選擇附近食店.想找抵食的食店愈來愈少,因為和同事一起食關係,選擇30元以下食店.食店價錢太貴.同事未必去食今次分述呢間食店.我和同事都成日去食.我們認為呢間味道都唔錯,比起附近食店.呢間落油唔太重,呢間食店地方唔大.服務都ok今日又和同事去左食屯利街,有時叫下常餐.我和同事叫埋同一個餐.牛肉味道都ok.至於米粉都唔錯,我叫左凍飲(2元)同哄底(1元)呢個本身是24元,其實,呢間和隔離日本料理店同一老闆,屯利街有時好難搵位.檸茶都ok味道:牛肉米粉都唁錯環境:地方唔大.坐位有d迫服務:sales服務都ok.有時人太多時.叫2次先到.接受到.平時好快手幫人落單呢間係屯門華都商場地下

幫襯左依度 幾年 , 由讀書讀到畢業都經常叫依度既外賣普通一個白汁火腿雞絲飯, 多火腿 多汁幾年來冇變過 冇偷工 , 減過料價雖然係加左 , 但係有邊間餐廳唔會加呢 ? 來貨貴麻凍熱奶茶水準幾年來都係咁好飲 , 絕對值得一試 !

老公話要食常餐, 黎左茶餐廳集中地華都花園...見呢間幾多人食下, 常餐又有四款咁多揀, 就入左去...叫左兩個常餐, 牛油方包, 火腿奄列係指定動作, 一個配沙爹牛肉麵, 一個配豬扒麵, 各加$2轉出前一丁, 飲凍檸茶同熱啡~奄列唔算好油, 火腿份量都算多, 豬扒麵塊豬扒醃得幾入味, 沙爹牛肉麵都夠濃味, 檸茶一般, 咖啡幾香~今時今日通脹到咁都仲有$23個常餐仲要有四款俾你揀都算係咁...做街坊生意, d阿姐同d熟客好好傾, 氣氛幾好, 係坐得比較迫, 冬天著住厚衫就比較論盡...店內面績不大, 要有心理準備人多時要坐出門口...

阿姐不好意思的話由於成本上漲得太利害了, 不得不加價. 炒粉麵飯平均加$2. 算啦, 整個香港現在什麼都加價的了.食物依然好味, 2人叫了鼓椒牛腩飯+凍檸茶($31)及鮮茄豬排飯+凍檸茶($31), 牛腩及豬排都好"淋", 好入味, 檸茶亦好有茶味, 會繼續支持的.

晚餐食了滑蛋牛肉飯+凍檸茶, 牛肉好滑, 配上大量蔥花, 整碟飯雖似簡單但好香好好食, 檸茶又好飲, $29的晚飯好抵食.服務仍然好好, 三個阿姐都好好招呼嫁.

兩人分別叫了咖哩雞飯($24)+ 凍檸茶(+$2)時菜肉片湯烏東($25) + 凍檸茶(+$2)食物水準不錯, 凍檸茶亦夠茶味, 加上價錢經濟, 可以再幫襯.另外, 他們的服務亦好好, 似是家庭式經營.

日期：2007年7月21日係時候食晚飯喇！前幾個禮拜黎過，好full，今次再黎碰下運氣，好在有位．叫咗兩個小菜套餐：－１．粟米班腩：鹹咗些少，都唔錯．２．西檸雞：勁香既lemon味＆汁，酸到>ｖ@，都幾嫩滑．跟飯，中湯／餐飲，要咗兩杯凍檸茶，新鮮檸檬配合有茶味既茶底，一流，水滾茶靚．