影片
以上资料只供参考，请与餐厅确认详情
去屯门取D嘢，见到华都商场侧边有间餐厅似乎唔错。铺头外头有餐牌就入去试吓。老细礼貌欢迎入店，我估都系做街坊生意。入门就问我系咪啱收工hhh🤣（我孭住个超级超级大嘅袋）。厨房开嗮门俾人客睇嘅，直接可以睇到师傅手速惊人整紧嘢食😋。哩度落单扫个QR Code or手落单都得。🥢【咖喱牛肉饭】/ $58+10炒底出餐速度尚可，拎上黎之时已经闻到好香嘅咖喱味，咖喱底味道就系合格水准，不过个牛肉就靓喇😲几十蚊嘅饭𩠌牛肉居然唔薄唔柴，爽滑有鲜味，实属惊喜。特别建议饭炒底。炒底同咖喱牛超夹。食一啖咖喱牛肉再𩠌埋一啖饭真系好香。饮多啖热阿华田满足感拉到满😋😋
继续阅读
今日同老公去完旅行番黎都已经好夜，所以向屯门食个快饭就算，华都有好多餐厅，好多都好高质，我地就拣左好耐都未黎过嘅屯利佳，以前都成日黎帮衬，由于已好夜喇，所以唔洗等位已经可以入座，呢到有好多选择，我地今次就点左：生炒排骨饭（$49）热华田真系超钟意食生炒骨，因为自己整好麻烦，排骨仲系好脆口，唔会淋晒，又多肉，配菜青椒洋葱清新，酱汁酸酸甜甜，好开胃，唔错唔错，华田正正常常，椒盐三宝（$56）加可乐（$8）三宝有鱿鱼，腰果，四季豆，鱿鱼又系脆卜卜，腰果炸过好香口，四季豆就差啲，食落成口油嘅感觉，椒盐味道未算好重，但都可以。
继续阅读
假期通常我地日上三竿，训醒起身去到食野，一般都已经过左早餐时间，但好衰唔衰，有时就系突然好想食「早餐类」，即系公仔面果种。要喺呢头揾间茶记有常餐食都唔容易，而且我净系食一丁，都难揾架，以前我会去番连锁嘅太_，但最近去过一次，发现佢地午市时间冇左餐蛋面…最终我就黎番华都呢边嘅茶记，常餐两𩠌一丁配埋饮品都认真唔平，接近40蚊，味道都系不过不失。丁面系真嘅，唔会煮得太腍身，亦都唔会干哂水，对于我呢种无饭人士以言，已经合格。五香肉丁都唔会太孤寒，因为真系食过一啲再孤寒啲嘅，俾得果几粒…肠仔得一条，真系唔系好抵食。不过呢度午餐都好多人食架，附近唔少上班族都喺度lunch，快餐够快，又唔贵。系我自己麻烦要食面啫。
继续阅读
而家百物腾贵，出去食个饭闲闲地四十几五十蚊，听闻屯门市广场附近有间街坊茶餐厅出名平靓正，今日就试下啦！$36 咖哩汁火腿鸡丝饭老实讲，$36咁大碟饭真系好抵味道方面，首先咖哩汁非常多，每啖饭都食到咖哩，而且唔会太辣，份量控制得岩岩好，而火腿同鸡丝都系普通茶餐厅质素，唔会难食得去边！我对碟饭都几满意，始终比较平补充：屯利佳舖位较细，如果多人上黎真系几逼，坐得唔舒服，不过想食平靓正饭就不妨一试！
继续阅读
今日只有一个人吃午餐，于是就去了屯利街餐厅，因为只有一个人好易揾位,我去到店铺坐下之后就叫磨姑汁鱼柳肠仔饭，有汤同饮品 ,鱼柳肠仔饭好快来到，我看到个饭一刻,呢碟饭咩来，鱼柳炸到吃不出是鱼 ，炸得真是好干,完全不知吃什么，个汁好咸,肠仔冇咩特别，奶茶同中汤就一般，今次整体不好吃,服务就一般
继续阅读