屯利佳餐廳

营业中

休息中

🔥 **【屯门隐世海鮮烏冬大揭秘！XX元竟吃出米其林級驚喜？】** 📍 屯利佳 · 海鮮濃湯烏冬 · 性價比炸裂の一撃 ---**🍜 湯底：乳白色の海の精華！** 第一口湯直衝天靈蓋！濃郁到黏嘴唇的魚介奶香，喝得出用蝦頭、魚骨熬到魂飛魄散！不是味精死鹹，是層層疊疊的鮮甜海味，冷氣房裡喝到冒汗都停不下來～🌊✨ **🦐 海鮮料：老闆下重本了吧？！** 兩隻巴掌大的 **「會跳舞的鮮蝦」** 肉質彈牙到在嘴裡蹦迪！**帆立貝厚過iPhone**，咬下去爆出海洋系甜汁！最誇張是那塊 **「透光鰻魚」**，油脂香到靈魂出竅～連配角蛤蜊都肥到懷疑人生！🐚💥 **🍥 烏冬：吸湯界天花板！** 粗身稻庭風烏冬 **滑溜到用吸的就能入口**，掛湯力MAX！每條縫隙都滲滿海鮮精華，嗦麵聲大到隔壁桌轉頭看我...（羞）🤫💦 **🌟 隱藏亮點：溏心蛋會流金！** 切開瞬間 **琥珀色蛋液像熔岩爆發**！醃得超入味，配湯喝直接升天～這顆蛋單飛出道我都買單！🍳💛 **💸 性價比：海鮮控跪著付錢！** $XX元堆成小山的海鮮+熬到魂魄分離的湯底，這價格在銅鑼灣只能喝風吧？屯門人太幸福了！！（捶

去屯門取D嘢，見到華都商場側邊有間餐廳似乎唔錯。鋪頭外頭有餐牌就入去試吓。老細禮貌歡迎入店，我估都係做街坊生意。入門就問我係咪啱收工hhh🤣（我孭住個超級超級大嘅袋）。廚房開嗮門俾人客睇嘅，直接可以睇到師傅手速驚人整緊嘢食😋。哩度落單掃個QR Code or手落單都得。🥢【咖喱牛肉飯】/ $58+10炒底出餐速度尚可，拎上黎之時已經聞到好香嘅咖喱味，咖喱底味道就係合格水準，不過個牛肉就靚喇😲幾十蚊嘅飯餸牛肉居然唔薄唔柴，爽滑有鮮味，實屬驚喜。特別建議飯炒底。炒底同咖喱牛超夾。食一啖咖喱牛肉再餸埋一啖飯真係好香。飲多啖熱阿華田滿足感拉到滿😋😋

今日同老公去完旅行番黎都已經好夜，所以向屯門食個快飯就算，華都有好多餐廳，好多都好高質，我地就揀左好耐都未黎過嘅屯利佳，以前都成日黎幫襯，由於已好夜喇，所以唔洗等位已經可以入座，呢到有好多選擇，我地今次就點左：生炒排骨飯（$49）熱華田真係超鍾意食生炒骨，因為自己整好麻煩，排骨仲係好脆口，唔會淋晒，又多肉，配菜青椒洋蔥清新，醬汁酸酸甜甜，好開胃，唔錯唔錯，華田正正常常，椒鹽三寶（$56）加可樂（$8）三寶有魷魚，腰果，四季豆，魷魚又係脆卜卜，腰果炸過好香口，四季豆就差啲，食落成口油嘅感覺，椒鹽味道未算好重，但都可以。

假期通常我地日上三竿，訓醒起身去到食野，一般都已經過左早餐時間，但好衰唔衰，有時就係突然好想食「早餐類」，即係公仔麵果種。要喺呢頭搵間茶記有常餐食都唔容易，而且我淨係食一丁，都難搵架，以前我會去番連鎖嘅太_，但最近去過一次，發現佢地午市時間冇左餐蛋麵…最終我就黎番華都呢邊嘅茶記，常餐兩餸一丁配埋飲品都認真唔平，接近40蚊，味道都係不過不失。丁麵係真嘅，唔會煮得太腍身，亦都唔會乾哂水，對於我呢種無飯人士以言，已經合格。五香肉丁都唔會太孤寒，因為真係食過一啲再孤寒啲嘅，俾得果幾粒…腸仔得一條，真係唔係好抵食。不過呢度午餐都好多人食架，附近唔少上班族都喺度lunch，快餐夠快，又唔貴。係我自己麻煩要食麵啫。

而家百物騰貴，出去食個飯閒閒地四十幾五十蚊，聽聞屯門市廣場附近有間街坊茶餐廳出名平靚正，今日就試下啦！$36 咖哩汁火腿雞絲飯老實講，$36咁大碟飯真係好抵味道方面，首先咖哩汁非常多，每啖飯都食到咖哩，而且唔會太辣，份量控制得岩岩好，而火腿同雞絲都係普通茶餐廳質素，唔會難食得去邊！我對碟飯都幾滿意，始終比較平補充：屯利佳舖位較細，如果多人上黎真係幾逼，坐得唔舒服，不過想食平靚正飯就不妨一試！

今日只有一個人吃午餐，於是就去了屯利街餐廳，因為只有一個人好易揾位,我去到店鋪坐下之後就叫磨姑汁魚柳腸仔飯，有湯同飲品 ,魚柳腸仔飯好快來到，我看到個飯一刻,呢碟飯咩來，魚柳炸到吃不出是魚 ，炸得真是好乾,完全不知吃什麼，個汁好咸,腸仔冇咩特別，奶茶同中湯就一般，今次整體不好吃,服務就一般

昨天在屯利街吃午餐，屯利街有時好重手呀,今次所叫豆腐飯就是好証明,今次去屯利街一如以往十分多人光顧,這裡服務一向麻麻,茶記不能有太多要求，我叫了紅燒豆腐飯，個汁真是太咸了,豆腐有些小硬,煮得唔夠淋,白飯亦有些小硬,味道整體麻麻,凍奶茶唔夠茶味,亦都太甜了,今次這個真的不好吃

小菜比大排檔更有水準星期日下午起床見肚餓想食大排檔的菜式想起了屯利佳 一間從讀書時代就幫襯的茶餐廳從20多元一個午市飯吃到而家差不多40元一個叫了兩道小菜1）沙拉雞2）送啤酒一流的小炒王意想不到的驚喜雞十分入味 還有菠蘿佢陪襯感覺十分清新的小炒王特別驚喜，比大排檔炒起上來的更有鑊氣小小硬的銀魚仔陪上鬆趣巴腰果 立即爬多兩口飯入口正！

我是一個唔帶飯返公司的人 ,中午一定外出吃飯，有時和同事去吃午餐，徐非有特定日子要吃貴價午餐，平日同事不會去超過4096元餐廳，我和同事去午餐地點只在華都,華都食店在市中心已經最平,今日又和同事去了屯利街,屯利街是最旺茶記，我叫了香矛雞翼飯套餐(35元)，同事就叫了洋蔥汁雞朳套餐(36元),我本來想叫香矛豬排，遇到賣曬豬排，我改要雞翼,屯利街的香矛雞翼有炸過，我覺得炸得雞皮太乾，影響了肉質口感，我覺得味道只是一般,雞翼有4隻算多,奶茶亦只是一般,這裡出品只有一般,光顧多年服務只是普通，地方不太大

中湯,真是好大碗，同商場其他茶記好細碗,味道都OK,並不太咸奶茶，我覺得這裡奶茶算中規中矩，奶味好足夠，茶味爭些小，尚算OK洋蔥豬排飯,個汁好多，豬排是炸的,我覺得一般,白飯又有些小硬,洋蔥汁不算好咸，整體味道就一般昨天又和同事去屯利街吃午餐，市中心茶記多數去華都,因為近公司，屯利街成為常去茶記,相比同商場，屯利街已經算好吃，它的水準不是太穩定，今次來吃午餐，它有些小失手,我覺得洋蔥豬排只是一般,屯利日日轉午餐，並不會日日一模一様，我覺得這個，這裡服務一向麻麻 ，有時客人太多，阿姐要叫2次才會寫野，我在這裡光顧多年習慣，有時都幾好吃，今次真是失手,環境算不上好,地方又細,座位好迫,真是要體諒

屯利街可以話是我常去茶餐廳，自從冇和同事一起吃午餐之後，已經少去光顧,前天去了久違屯利街,屯利街一如以往地多人,而家只有1個人,不用等太耐,屯利街比我初來時候貴咗,由以前20元價位經過10年之後今日，已經去到36元,相比同區食店已經算平啦 ,今次叫了白汁腸仔漢堡飯，白汁淋得太多啦，汁太多之下覺得有些小咸，腸仔同漢堡朳都OK，只是白汁太多，令我覺得有些小咸，奶茶都OK,普普通通咁啦,唔算太難飮，整體就一般,中湯都幾大碗,36元有飯有湯有飲品 ，已經十分抵吃，服務就一向都一般，店鋪不算大,座位之間有些小迫 環境有些小嘈雜，這個不能有太多要求，整體都一般食物水準腸仔漢堡飯，白汁淋太多了,我覺得有些小咸,腸仔同漢堡都OK,白飯就一般奶茶，我覺得一般中湯,我覺得一般，又不算太咸服務這裡一向都一般價錢36元 ，算抵吃番吃間中都來

我帮親屯門屯利街餐廳好耐，近年來轉去輝記，輝記逢星期一休息，有時去番屯利街，屯利街算好旺場，晤知水準下降，經常不須等位，服務就一般，同事話無以前咁好食，今日因打風原因，遲咗返公司，返到公司後又到午餐時間，就和同事去了屯利街餐廳，我叫香矛豬朳飯（35元），另加涷飲3元，平時覺得好好食，今日的豬朳好鞋口，我覺得不太好食，我和同事都覺得屯利街比以前差咗，唔知係唔係水準下降，屯利街明顯比以前少咗人去，好似有部份轉去輝記，輝記比屯利街旺咗味道:今日吃香矛豬朳飯就唔好吃，豬朳好唔得，豬朳好鞋囗服務:昵度一向都一般，有時叫落單要叫2-3次才走埋來環境:屯利街地方不大，座位有D迫感覺，公司男同事不太喜歡來呢度番食:華都的食店算平，真是好食的食店，選擇真的不多，而家常去，只有3間，其中一間就是屯利街

我平時和同事去吃午餐，真正選擇不多,因同事太貴不太願意光顧,我和同事去得較多只有3間,屯利街是其中一間,它的店員有時給人態度不太好,今日同其中一位女同事去吃午餐，我們都是叫了常餐a,呢個餐比以前貴咗,以前只是20元,近5年加到29元,今年新年又冇加價,1年加2次價,牛肉不是太好吃,口感有D老,米粉都OK,反而炒蛋火腿好味,多士轉烘底,我十分喜歡食烘底,,奶茶都OK,座位有D迫感覺,店員有時在客人多時候,她會走來問你的同事何時到,因為話外面有人等, 屯利街餐廳在屯門 有10年了,我覺得唔計服務態度,它在華都商場來講算係抵食同好食,有時都會失手,好似今次常餐無平時咁好食 ，今時今日在屯門物價貴了好多，屯利街算是市中心平靚正選擇之一味道:除了牛肉有D鞋口之外，其他都OK服務:它一向唔算好好環境:店鋪不大,地方有D迫價錢:30元

幾年前住佢樓上午餐炒粉麵飯，晚市小菜一個星期至少食三次。宜家搬走左經過都會食下，因為實在好食。午市食芙蓉蛋飯，咖哩牛腩飯（要牛市早小小先至食到），北菇蒸雞飯，炒牛河，貴刁；夜晚食西芹炒雞丁，沙拉雞球，XO醬炒猪頸肉。師傅水準十年都保持到。夠火候，冇味精，唔太鹹，炒野有用姜蔥開獲食得出鮮味同材料嘅味道，唔似其他淨係識一味落重醬去炒野淨係得個醬嘅味。芙蓉蛋飯好足料，個邊脆得黎個心仲係小小滑蛋。明顯油炸但係唔會油。同出面啲茶餐廳普遍高幾班。維一問題係宜家多人食左，夜晚等位要耐啲，大約半個鐘。好野多人等係正常，以前可以放工半個鐘前叫定落車即刻有得攞返屋企，宜家唔係住佢樓上食小左好多。但係宜家間中食一次已經唔錯，滿足。就算等都好過食屯門市中心其他任何一間。

香竽豬扒飯叫佢多沖又太少快豬扒一a都唔脆,超淋 例湯又成日賣曬奶茶又過甜得過兩塊豬扒仔,仲要收35蚊,唔抵食 下次咪使我再幫親佢 評分: 味道 2 環境 2 服務 2 衛生 2 抵食 1