居食屋「和民」 (已結業)

「豆腐白汁焗南瓜」裏面竟然有生雞肉！過分。其他食物亦只是一般。幸好服務仍可以。http://www.watami.com.hk/ch/cmenu.asp

今日放工約左男朋友去維園行年宵，但因為肚子太餓關係，我們決定去食o左晚飯先！成日係銅鑼灣都諗唔到食咩，雖然話銅鑼灣好多食店，但每次都好傷頭腦。今晚唔同啦，一望到「和民」便想去食啦。我們叫了二人餐，都唔係貴，$2xx。原本男朋友以為唔夠食架，因為和民都唔係大碟頭，還諗住如果唔夠，就叫多個飯添。首先上左個沙津先，普通一個生菜沙津，望望menu，原來呢杯小小的沙津價值$20大元！嘩.....一定要將佢食哂先得。跟住上魚生，有三文魚、吞拿魚和冰蝦，真係超好味超新鮮，d肉有咬口，好正^^。跟住上加州卷，無咩特別。跟住上牛油燒牛，自家燒的，很過癮呀，不過我燒得太熟>.<。再來是海鮮炒飯和炸豆腐，炒飯炒得幾香口，d飯剛剛好，唔會好"林"；d豆腐就外脆內軟，質感幾好，不過可能炸過，無左d豆味。上埋天婦羅和麵豉湯，已經飽飽啦，天婦羅都幾多油，成張油紙濕哂咁滯。最後還有一小雪糕球，綠茶味好正^^。原本以為實唔夠食，點知逐小小咁食，又會好易飽。同男朋友提早一齊食團年飯，平時都唔會專登去和民的，諗起都只係拉麵，原來其他食物都唔差。不過d待應成日都望住我們張台，剛剛食完隻蝦，條尾都吐出來，佢已經

2/2/20082位友人生日日期接近,一餐慶祝哂約6:30pm冇乜人唔使等位5個人叫左-海鮮炒烏冬$39新鮮多料,絕不欺場-和風焗海鮮飯$44即叫即焗,夠哂熱,個汁比較'漏'-牛肉火鍋$59跟雞蛋一隻,寒冷天氣食都幾暖胃-和風pizza $39好脆口,但嫌比較少料-豬軟骨拉麵$44比預期中好,一定好過味千-焗芝士年糕$34第一個反應係咁細碟,冇咩芝士味埋單$284.9,麻麻地飽食和民還是午餐比較扺!

午飯時段約了友人到和民居食屋,今次大家叫了一個鰻魚飯併烏冬麵.鰻魚常算合格,所下的甜醬油亦適量,只是吃過比它更好的罷了。日本的傳統鰻魚飯是否應多加幾反酸薑及碎海苔呢!不是要求他們做到北角已結業的手打烏冬屋般的麵條質素,但既然是日本過江龍,是否可可以職業一點跟隨日本傳統鰻魚飯的配料呢?

3個人食，其中1人珊珊來遲，叫左杯白桃油子冰梳打hae住等，好飲，舊冰勁有趣，一早用柚子雪定成冰。終於杯野飲完，遲人都黎到，勁叫勁食，牛油帶子好味，刺身冷面都好彈牙，反而星海鰻卷no good，林晒!吞拿魚卷都係麻麻咋wor!海鮮鍋都食得過架!仲有咩呢..串燒雞腎+雞軟骨，一般啦!餃子，燶左d，同埋賣相差!不過最值係由6:10剩坐到叫野食至9:30走，都無人吹你埋單，好!好!

29-11-07 (四) 午餐日式义燒湯麵配有牛肉飯，但這個牛肉飯有點辣，味道較濃。牛肉石頭飯很香口，非常好吃，味道剛好，不過份量較少。

2007年11月22日同朋友2人行睇完戲去醫肚, 等左大約15-20分鐘先有位(當時已經9點多), 叫左章魚餅, 雜錦串燒(鹽燒), 天富羅湯烏冬(有一舊冬菇, 2隻蝦, 一舊青椒, 一舊茄子), 就係咁多.....

去到和民食野, 雖然每碟份量唔多, 但總是稱心滿意.兩個人叫了炸雞軟骨: 每舊細細粒, 炸得來又唔膩口.一口豆腐: 味道較濃.炒烏冬: 每次食親都唔會失望.燒原隻魷魚: 原隻形狀keep住上抬(同日去完海洋公園, 即刻諗起魷魚游起來既姿勢, Haha!)和風pizza: 餅底夠薄夠脆口,甜燒汁加上奶油沙拉汁配得好好味!

這天午飯想要吃得清一點但也想要吃一點米飯跟老公到恆隆尋食與悠之間而取也對..跟老公多次想要中午到中環的店總是多人得嚇怕了總算試試這裡的午餐**魚生飯w/湯烏冬** ($54)不知由何時起..喜歡了點這個從來討厭的魚生飯實在愛死了冰冰酸酸的壽司飯沾上點點醬油及芥末同吃有三四片厚切細細的三文魚兩只小小的生蝦鋪面的還有三文魚子還算新鮮的~**鰻魚飯w/湯烏冬**($54)這是老公點的~鰻魚的樣子都算是不錯~唯惜是醬汁太少底下的飯都像是乾乾的啃下去**湯烏冬**清湯而煮的烏冬湯底當然不會很出眾但口感卻是很不錯呢很有嚼勁的麵條份量剛剛好小小的飯..加上一大碗烏冬~滿足了

拿了和民信用咭也超過兩年，忘了當年申請的原因。兩年多來，還未光顧過，每次見到門外人頭湧湧的在輪號，我情願另找地方祭肚。今次的起心肝，預先訂好位。環境可以，餐牌上食物款式多花款，果然是有姿勢，不過就沒.....。食物味道，唉.....。見場內很多年青男女，似乎很享受店內的一切（包括食物和環境），不覺令我覺悟現今在香港搞飲食，千祈唔好以為食物好係最重要。客觀地觀察，和民的服務唔錯，服務員動作快捷伶俐，裝潢現代，對一些需要找個地方靜靜的拍拖的小情人，或一班想嬉笑交談的朋友而言，這裡消費不高，確是理想的地方。對於比較重視食物質素（當然服務和環境氣氛也重要，但食物一定是放在第一位）的我，看來跟這裡顯得很不協調。過去一直沒來光顧，我並不覺有任何損失。我的和民信用咭還有很多更有價值的用途哩！埋單離開時，見到門外的人海，我知道我的小小微言怎也不會影響到大眾對和民的「擁護」。

佢有訂檯規矩的,係防止白撞,講出電話號碼係最低要求,同避免不必要之爭拗。請不要為難職員

2007-08-25以前來兩個人來試過一次﹐覺得食物不錯﹐而且種類繁多﹐只要不是當自己在吃日本菜就可以的了。再來是一大班舊同學﹐其中有人是和民會員﹐所以可以訂位﹐還訂了“Tatami”房呢。相隔起碼兩年﹐感覺還是一樣﹐食物不錯﹐種類繁多﹐新加的是價錢相宜。我們8 個人不看價錢的點﹐起碼有二十多碟﹐吃也吃不完﹐又喝特飲﹐非常滿足﹐埋單都是$1,000 左右﹐簡直是平到笑。驚喜位﹕本來這種地方我是不會吃刺身的﹐但朋友想食就隨便點了幾樣﹐有得食當然不妨試試﹐發覺都幾新鮮﹐這個價錢(幾十元一碟﹐而且份量也不少)﹐算非常不錯了。不過服務就有待改進﹕1/ 朋友訂了12:30﹐她因為有小孩子的緣故﹐晚了一點點才到。我們先到的雖然有訂檯客人名字和時間﹐但因沒有她的手機號碼就有門而不能入。當時外面空檯多的是﹐就算怕把房間錯給了我們﹐起碼都准許我們先坐其他檯吧﹐那知客就只會硬繃繃的說“咁你係出面等下啦”﹗2/ 餐牌上的食物有好幾樣都要3:30 後才有﹐但卻沒清楚列明﹐到我們點菜是才被告知﹐連點幾樣都說沒有﹐令本來高漲的氣氛突然變得有點反高潮。雖然這樣﹐但如果一班朋友相聚﹐要看荷包做人﹐又不太介意沒有突

男朋友和我都喜歡去和民食飯, 貪佢坐得舒服, 飲品又平. 昨晚我們未夠七點去到, 已經好多人在門口等緊位了. 好彩都吾係等左好耐, 我們就有位了. 坐低叫左六色刺身. 因為想食多點帶子, 所以向服務員提出想將池魚刺身改為帶子刺身, 他一口答應了. 我們仲點了夏日精選介紹的海螺刺身. 六色刺身的碟改了, 賣相靚左, 但是味道一般沒有特別. 海螺刺身爽口, 味道不錯. 還試了新出的帶子串, 味道好淡, 要自己加好多鹽先有d味.跟住我們點了牛肉火鍋同埋天婦羅盛合. 牛肉火鍋好味道, 是我們時常點的菜式. 天婦羅盛合就麻麻地, 上枱時只是暖暖的, 每一件都好硬, 真係未食過咁硬既天婦羅, 上次食都無咁差, 以後不會再點這個菜.飲品真的好抵, 日本啤酒$18 一支. 紅酒$24 一杯(買一送一), 飲多幾杯都吾會好貴呢. 服務員有禮貌, 值得一讚. 不過食物質素要留意一下, 有點下降呢!!

女朋友同我補祝生日，諗住之前佢話和民好好食，咁就去試下啦！第一次落單︰海鮮火鍋︰好普通，自己整都整到，份量好少。6色刺身︰好差，隻隻色都唔好食。海螺壽司︰剩係食到沙律同washabi味，非常差結果食完第一輪，又唔好食又唔飽，就叫第二輪。鐵板棒餃子︰除左用鐵板同棒形餃子，我實在諗唔到有乜特別，仲有有一面燒到好燶。海鮮拉麵︰實在差到，我未試過食拉麵個湯底會好似胡椒湯咁，d海鮮又唔係太鮮wor~ 失望到極點。食完都完全無心情點甜品了。味道我實在只能俾1分......下次都係唔好抱咁大期望......

D野真係幾OK!上次同個朋友黎食LUNCH和民~叫o左個"海鮮壽司飯"... 跟個烏東~ 同埋個石鍋泡菜牛肉飯~個壽司飯... 一般拉~ 而且個烏東好"林"~ T___T明顯... 好似擺o左好耐先送出台面~ ><"不過個泡菜飯... 確實幾驚喜!!!真係好好食!!!跟住叫多個... "鹽燒牛舌"!!自己燒下燒下... 幾過癮! XXD而且點埋佢D汁... 確實好"o野"味!不過D 飲品~ 真係要改改佢!!D果汁... {叫jor個... 波羅汁}... 超甜~ 結果要溝... 好多水先... 好D~ ><"不過D 甜品... 都very GOOD!係個雪糕略為... 溶緊! ><"整體都so far so good la!不過D服務都OK!有D waitress 係幾nice既~ ^^