尚鮮日式燒肉漁市場 (已易手) 新餐厅

✿╮❤╭✿ ✿雜感女生 好味日記✿ ˚*•✰。尚鮮日式燒肉漁市場．包羅萬有都係鮮！。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 與好友相約於銅鑼灣吃飯 她帶我上樓一試傳聞中的好味放題——「尚鮮日式燒肉漁市場」 是夜，感受到店員的親切開心 海鮮與牛味都鮮味出眾 就連無限ENCORE的質素保持水準 非常抵讚！ 最愛這海鮮拼盤 鮑魚仍在跳舞，扭動中的姿態 保證了肉質的迷人 果然，燒出了彈牙爽口的滋味 而甲羅燒的蟹膏又是一絕 蟹味濃香，令人想一吃再吃 無限吃的大蝦，肉質鮮美搶鏡 酒煮大蜆及蒜香金菇都令人吃不停口 那黑豚與肥牛靚肉都令人無法抗拒 薄片和牛入口即溶，果然是名不虛傳有料到 無奈的是，減肥計劃要閣置一會兒 另有即點即製的刺身、壽司、炸物 吃得出的日本米飯，包括高質鰻魚、魚籽、蟹棒 喜歡這裡的氣氛，愈食愈開心 笑容滿面的店員會主動教學：點燒最好食！ 教人捧腹大吃，心情大好 最後一人一件MOVENPICK雪糕作甜品作結 重點：2

已經幫襯過唔少次尚鮮燒肉 因為佢有海鮮拼盤、任食燒肉、刺身壽司樣樣都齊，加上公司係附近所以同朋友聚會諗唔到食咩都去食下今日店員話最新推出左和牛套餐 見379就可以任食日本a4黑毛和牛比平時既餐貴$100到，冇理由唔試 有8款和牛部份揀，2款西班牙伊比利亞黑毛豬剩係睇油花都知正野！肉質幼嫩、口感一流！出面食過要$300幾先有幾塊但宜到竟然可以任食咁高質素既牛仲有海鮮拼盤同任食燒蠔，實在超值！忍唔住要Post上fb哂命，已經好多朋友話要來試

星期四出開銅記，勁肚餓就同男朋友去食呢間尚鮮放題。坐低店員就推介我地試新推廣既至尊和牛放題宴。佢話將會係3月正式推出，呢幾日開始到2月尾會有個試食價398一位，之後正式推出就會貴多百幾蚊。我一聽完，用左1秒同我男朋友眼神確定，就去馬！店員一走開，我地都話超抵，平時398都食唔到半塊和牛西冷，衣家係食和牛全餐，今次真係有食神。即刻去拎兩罐啤酒慶祝下！送既頭盤海鮮拼盤都好豐富，有蟹蓋，生蠔，帶子鮑魚，蝦各兩隻。所有海鮮都好新鮮，好鮮味，尤其是兩隻鮑魚，仲郁下郁下咁，真係新鮮得有點殘忍，不過唔好意思真係好好食。仲有蜆一隻一隻咁張開口，我都張開口，yummy!主角和牛出場，睇下個樣先，啲油花真係同普通肉冇得比，肉味幾濃，香味唔洗講。其中我覺得最正係A4鹿兒島黑毛和牛三角同A4宮崎黑毛和牛頸脊。另外我哋仲叫咗啲黑毛豬一樣好出色，西班牙伊比利亞黑豚扒一定要試下。唯一可以彈下嘅係啲肉仲有小小雪味。其他食物方面不能盡錄，普遍都OK。飲品方面亦都有好多選擇。最後食埋個MOVENPICK 雪糕作結，大滿足！【至尊和牛放題宴】$398 一位

很難得和朋友終於有時間相約在銅鑼灣吃飯，今天我們去了吃日式燒肉。冇諗到有意外驚喜！由於我哋今日係平日，所以價錢比一般六、日公眾假期為便宜，加錢仲可以任食A4 鹿兒島、宮崎和牛、壽司刺身、燒肉放題！仲有每人一份海鮮拼盤。一聽到已經流晒口水，我哋食咗西班牙伊比亞一口黑豚、西班牙伊比利亞黑豚扒同尚鮮精選一口黑毛和牛。仲有好多唔同嘅和牛種類，包括A4鹿兒島黑毛和牛肉三角、A4宮崎黑毛和牛頸脊、A4宮崎黑毛和牛脊肉、A4鹿兒島黑毛和牛板翼、A4鹿兒島黑毛和牛背峯同A4鹿兒島黑毛和牛嫩肩肉。和牛款式多籮籮，真係令人花多眼亂，除咗西班牙一口黑豚、黑豚扒同黑毛和牛之外，其他都可以任叫，超級正！未食過啲和牛，肉味可以咁沈實濃郁，已經唔可以用牛味十足去形容，完全係昇華左去另一個層次。雖然還不可以誇得用入口即溶來形容，但那種肉鬆軟的感覺，真的令人一試難忘，吃完不覺得有罪惡感，彷彿就置身於日本鹿兒島之中！雖然呢度主打係燒肉，但其實仲有好多唔同類型嘅食物可以選擇，包括一般嘅日式放題刺身當然是不可缺少。裏面有多達15款的刺身選擇，有玉子、蟹柳、北寄貝、八爪魚、吞拿魚茸、帶子和甜蝦等等都是我最喜愛吃的！它們的新鮮度

同友人行行下銅鑼灣，見樓下個婆婆好友善積極問我地係味去3/f ar? 諗唔到食咩就過左黎試下！是日周二，每位$278 加一。門面裝潢得都幾有日本風格！ 呢度係用pad 點菜，方便環保。肉類 多達二十幾款，剩係牛類都有10幾款。呢碟like 左facebook額外送嘅肉，唔係任食嘅。除左有和牛粒之外，就唔知其他係咩，因為女店員只係好細聲向友人介紹左。除左燒肉之外，都有刺身供應。味道合格，不過搞笑位wasabi 無準備定係桌或放埋刺身旁。另外會有一兜兜仔裝住蔬菜、蜆肉去燒。辣酒煮蜆不錯。我地每款牛肉都order 左2片去試，最好味牛頸脊！跟人頭送左個海鮮拼盤。海鮮都幾新鮮，鮑魚生猛到燒住都仲郁緊。兩人附送一個甲羅燒。生蠔扇貝都幾鮮味。呢塊係a4 和牛ar!油花分佈的確唔一樣，牛味都濃最岩加少少玫瑰岩鹽食用。Movenpick 有朱古力、士多啤梨、雲呢拿3款口味。值得一讚係佢地嘅抽風系統做得好好，身上唔會有股燒肉味。

今晚和一班朋友一齊在尚鮮食飯。食物非常有水準，海鮮非常新鮮，有活鮑魚、肥美的蠔，新鮮扇貝，蟹蓋和大蝦。刺身船超正有龍蝦刺身，海膽，魚子，帶子，北寄貝，三文魚和甜蝦...... 。龍蝦兩食，除了刺身之外，還煮了龍蝦粥，非常鮮味😋。燒烤的肉類也很多元化，我覺得最好食係燒牛仔骨，五花腩和牛舌。我哋還燒甜薯和菠蘿，非常好食😋。汽水，果汁飲品，蛋糕和啫喱任飲任食，每人還有一柸movenpick 雪糕👏🏻👏🏻👏🏻。還有手卷、壽司任食任點。今晚和一班朋友歡樂聚餐，談天說地, 過了一個愉快的晚上!

食物非常新鮮，牛和豬都很好味，服務態度很好，食物多元化，鮑魚很鮮味，很生猛，還有龍蝦粥吃。位置很方便，坐位也寛濶，每月有特色食物，二月再有新的特色食物。。。老公生日，朋友介紹來，實在很驚喜，確是一餐很開心的生日晚餐。

性價比極低 種類選擇少 d肉麻麻地 有d好硬海鮮又要加錢 好多放題都抵食過佢點單部機又壞壞地 仲要食左個半鐘就last order 好趕 明明都無客人等全程燒都好大油煙味 食得好唔舒服

行到邊食到邊～銅鑼灣。-卸貨人士及易胖的我滿心期待可以食到一個美味而高質素的日式燒肉放題誰知🤦🏼‍♀️-HK$298/位+HK$18任食燒蠔每人在社交平台讚好專頁及讚好第一篇文章便送海鮮拼盤。-贈送的海鮮拼盤的鮑魚上枱時仲係郁下郁下都好新鮮喎😍。🔥蟹殼味道又不錯☺️不過扇貝及鮑魚清潔程度麻麻😞-刺身類～新鮮程度😢。鯛魚及吞拿魚係好乾身、松葉蟹腳一般、帶子切🉐️好碎濕濕、甜蛋沒有厚度是甜蛋嗎？三文魚是三文魚嗎？-熟食～最有驚喜是泡菜蘿蔔🤩其他熟食一般。-肉類～除了雞件比較大件外，其他肉類的厚度與抹眼鏡布一樣薄。每塊小小的一片，真是非常佩服他們的刨工。-我們詢問侍應：肉可以厚一點嗎？薄肉片真是非常容易燒焦及痴網。我們不想這樣子浪費食物，😪。侍應回覆：燒頭一次會這樣，之後便不會了😅 結果燒第三、四次仍是出現此情況🤦🏼‍♀️-海鮮～肉類痴網，唯有轉攻海鮮🙂慶幸海鮮新鮮程度是合格🤣。我們另每人+HK$18燒蠔，但是侍應不準我們一囗氣點12隻。她怕我們浪費食物😮其實我們仍然肚餓🥺所以唯有來了一次燒蠔後再下單一次🤣。-地方清潔度是不敢恭維🤦🏼‍♀️🤦🏼‍♀️明明下單是炸三文魚魚鮫，但上菜是炸三文魚骨🤨；下單的食

首先一坐低就要like佢哋Facebook先話有海鮮送算吾算呃like呢？如果質素好嘅唔需要指定，人哋都會like肉類質素差仲又薄又細塊，強調自己有虎蝦任食，但系極吾新鮮，肉系梅嘅，壽司，刺身賣相差又唔新鮮，佢個海鮮卷嗰一點海膽勁腥，食咗一舊已經再食唔落口，吾會再幫襯！$300一位希望吾好再有人中伏

咁大個仔第一次為餐廳寫食評，原因係店舖提供既食物質素差，唔新鮮，更重要既係我同友人食完個晚個肚都唔舒服丫，我仲喺食完個晚，瞓到半夜搞肚痛醒左😕真係好耐未試過。店舖標榜燒肉放題，但燒肉質素好差，肉既油脂分不平均，顔色仲有d暗紅色，表面睇已經唔新鮮。放落網燒完之後夾上黎擺入口，食落肉質好柴，完全無肉汁，無牛肉味，只食到店家在牛肉面上添加醬汁的味道😕加上每片肉都切得偏薄，食落無肉既質感同咬口，店家既牛舌尤其切得薄。燒肉放題同時提供刺身仼食，我和朋友點了三文魚和甜蝦。刺身送到後，先唔講究師傅刀工同三文魚既形狀，望落顔色係正常，唔會係暗橙色，而甜蝦頭都無見到黑色。但食落就出事，三文魚唔甜兼且有筋，甜蝦完全係無味架，淡茂茂，我一度懷疑店家係咪攞左d甜蝦去浸水解凍，我知大家都應該想像唔到，甜蝦點可以無味，連我自己都想像唔到我食左d咁既劣食。我懷疑我係食左佢d刺身而搞到肚痛既。利申，我喺用膳期間同職員相處愉快，我覺得佢地工作效率好快，落完單之後一分鐘內就將食物送上枱，收吉碟速度都好快，對佢地印象好好。我真心希望openrice可以post我呢份食評，最重要係希望店家可以改善佢地提供既食物品質俾以後既食

呢次係我第一次寫食評，因為實在不吐不快。本來唸住去熊本食，點知無位就去咗呢度，咁就中伏。首先講刺生，已經唔新鮮，再加埋佢嘅切工，切到方型咁，我唸我切得好過佢，亦係我第一次食刺身後無興趣再點嘅一次。燒肉，我第一次見豬下青係一條丘引咁長嘅，午舌就薄過紙，其他牛肉就無味。點食物係用 Pad 嚟落單，唸住咁樣會準確啲，原來都係會叫咗無嚟。最後連食杯雪糕裏面都起晒雪粒。環境唔乾淨，通處都係油淋淋同塵。試過呢次真係無下次！

有質素的燒肉海鮮放題，朋友看到四人同行有龍蝦刺身送，就約埋成班fd係聖誕節前提早聚一聚餐廳很大，有吧枱、卡位仲有房私隱度極高$278 2小時Share餐廳既fb就送浜燒海鮮拼盤4人同行仲送龍蝦刺身🥰飲品方面就有兩個雪櫃可以選擇，種類都幾多點餐係用平板電腦的夠晒慳紙呀👍🏽為環保出分力這個送的龍蝦刺身，簡直係冇得頂呀👍🏽唔好以為送嘅就冇好嘢，呢個龍蝦新鮮爽口上面仲有蟹子~店員仲有提我地依個龍蝦係有2種食法~第二種食法就係將龍蝦頭和身煲粥，我記得之前去沖繩旅遊都是這樣烹調的，味道也有點樣我係沖繩食的味道，很鮮甜，個粥好濃入面仲有蝦仔～海鮮拼盤有生蠔、生蝦、鮑魚、甲羅燒🥰有甲羅燒感到興奮呀！甲羅燒入面有蟹膏、蟹子和鵪鶉蛋，燒嘅時候要攪勻喔款式都有幾多選擇，有牛肉、豬肉、雞肉同魚類。肉質都唔錯，味道好口香。看看是刺身的光澤，就知係新鮮啦~食飽飽後仲有ᴍᴏᴠᴇᴘɪᴄᴋ雪糕🥰

呢間燒肉，已經係我經常去既店之一。每次去都一定要記得Facebook like and share佢第一個post先會有海鮮送架。最好味係個甲羅燒，2個人送一個，其他海鮮都好新鮮，蝦燒完都好大隻，唔錯。蠔，我本身唔食，所以唔知如果，但見朋友次次都會 encore，應該唔錯。好多燒肉店，只著重肉類，但尚鮮就唔同，點解我會去完再去，係因為佢D壽司真心正，有80分。特別係火炙三文魚，同火灸牛壽司，次次都係好多。刺身就只算合格，一時新鮮，一時普通，真係要睇彩數XDDD炸物反而水準下降左，以前都熱辣辣上檯，而家只係暖暖地，所以細食既女士，可以唔食，留返個肚食肉啦～其實肉類都有好多唔同選擇，但因為我已經食左十幾次，所以只會集中食好味既。推介有，1）牛仔骨2）牛脷3）豬頸肉4）牛柳粒呢4款係必食既。其實都有一樣野要彈既，就係服務， 一般待應有部分極無禮貌，好在個經理就好好人。加返唔小分數。另外一題，記得早D Book位，因為佢都算多人食。今次我地15人去，所以留左房比我地，有好有唔好啦～入去房要除鞋，但拎飲品又要著鞋出去拎。而點食物就用pad去點，環保D。唔錯。今次人多，所以加左錢，座3個鐘，大約位

.🎏任食燒肉、壽司、刺身😍（$278/位 2小時）Share餐廳fb就送海鮮拼盤🦐🦀4人同行仲送龍蝦刺身！海鮮幾新鮮 拉到最後會見到活躍的鮑魚🤪除左牛肉、雞脾肉、豬頸肉等等韓燒必備仲有好多款炸物同壽司、刺身飲品任飲，最後仲每人送杯movenpick雪糕🍦🎏🎏🎏🎏🎏🎏🎏🎏🎏🎏🎏🎏尚鮮日式燒肉漁市場📍銅鑼灣謝斐道金利文大廈3樓