尚素 (已結業)

其實一直冇試過真正素菜館。 今次興起提議去食尚素 , 上網睇見d 菜式都好多讚讚 所以決定一試。 因為訂左位 所以唔使等 而且地點位置係日升中心， 唔難搵 而且地方闊過去apm d 餐廳，坐得超舒服！ 點左口水素雞 同 素叉燒。 炒飯同埋黑糖薑茶。 當然仲有最出名既百福袋。其實好新鮮， 冇諗過素菜個味同質感上可以係咁相似， 但又唔係真係肉喎。 真係幾可亂真。。 矇住眼食都係未必分得出🙈🙈不過平時食得清淡d. 所以覺今晚普遍就濃味左d .醬汁太多。 最欣賞黑糖薑茶， 中和返濃味同感覺好養生😌😌成餐飯完全充滿食，香，味 感觀既享受！ 未黎過既朋友值得一試👍👍👍

適逢食素的妹妹生日，同事介紹咗呢間店給我。涼伴杞子苦瓜完全沒有苦澀味，爽囗、刀功十足。呢個黃金咕嚕魔芋妹妹很喜愛，甜酸味道適中、皮脆。叫了幾盅湯品，黃耳粟米羹、碧綠竹笙翡翠羹，用料十足。另外叫了燉湯，建議先預訂。當天幸運地有得吃羊肚菌燉湯很鮮甜。第一次食羊肚菌竹笙榆耳腐皮卷好有住家Feel.餡料係蔬菜、爽囗，外皮香脆。黑虎掌白木耳炒脆麵上菜時十分脆口，但點滿左啲汁有另一種吃法，十分惹味。蘆筍苗山藥炒藕片，呢個我最鍾意，全部都好爽口。薑汁菜苗，大大碟、落足薑，吾怕寒涼。昵個飯清清地，比較適合喜愛淡味追求健康的人士

跟朋友聚會很少會食素菜，第一次試。我地點左一個四人餐:有4款頭盤，4碗湯，2款主菜，2款炒飯麵，4客甜品，4杯飲品我地3男1女，可能男士較多，食物份量略嫌不夠，味道尚可。可惜的是兩款炒飯(黑松露松子炒飯&牛肝菌炒飯)味道相似，不建議同時點呢2款飯。***咕嚕魔芋及XO醬素花枝片很好食，推介推介!!!

朋友說官塘有間素菜不錯，而且有二人餐幾抵, 所以要減肥的我就來試試。地點都有少少難找，放工時間由地鐵站行, 差不多10分鐘先到。我決定點二人套餐 $388 , 包兩個頭盤、兩款湯、一款主菜、一款飯/麵、甜品 和飲品。好似幾抵! 頭盤: 百靈菇刺身:百靈菇刺身幾爽口，但味道淡D, 點wasabi食都有食刺身的感覺。山葵白木耳沙律白木耳爽脆，配上wasabi醬汁，感覺清新開胃。紅燒竹笙燴素翅素翅爽口彈牙，用燉盅上，味道清淡，很杰身，比較飽肚。X.O.碧綠素花枝片 素花枝口感彈牙爽口，用XO醬炒味道香中帶辣，非常惹味。！牛肝菌炒飯炒飯粒粒分明, 唔油，牛肝菌很香，加落炒飯一起炒，令炒飯更好味。重慶龍口粉絲 $78朋友介紹食, 有少少辣，但我朋友都食到，粉絲個汁好香濃，肉碎又多，所以好入味。餐後甜品有紅豆沙及雪耳燉雪梨，我們都點了紅豆沙，可惜紅豆唔多，沒有果皮味, 而且太甜。反而豆漿不會太甜，豆味濃郁及香滑, 好飲。尚素餐廳環境寬敞，坐位非常舒適。食物方面都滿有驚喜，菜式很有心思，值得支持。

我平均每個星期都會食一次素菜，所以來到觀塘又想起呢間素菜，順便清清腸胃。入到餐廳，剛巧近門口的一排枱沒有燈，所以較上次來的時候暗了一點，不過反而有點氣氛，而且職員們並沒有因為事件而手忙腳亂，待客一樣細心有禮。老公看了看餐牌，就好像知道我想吃什麼似的。果然，他點了兩杯豆漿，真知我心意，飲落寧舍甜~竹笙燴素翅這個素翅味道清清地，是很容易入口，讓味蕾及口腔清新為之一陣。黃金耳百合蒸鮮竹枝竹蒸得好腍身，配會爽口的百合，一次過嘗盡兩種不同的口感。竹笙榆耳腐皮卷腐皮卷的外皮薄如紙，食落好香脆，配合包住响裡面的餡料，軟軟的很惹味。黑松露松子仁炒飯暖暖的飯用鍋仔盛載著，滲著陣陣的黑松露香味，而飯面多了很多脆脆，連同松子仁更添香脆得來跟黑松露味很配合。

今日同同事慶祝生日, 預早訂咗位LUNCH去食, 1:15去到都差唔多滿座, 我地5個人叫咗個6人餐, 有12款食物另外仲有甜品未計, 我地都低估咗個份量, 其實4人商務餐都應該夠食, 因為有成9款食物, 而且每款點心小食都計人頭, 一人一件, 水餃,抄手類原來有成12粒, 份量真係好足, 我地仲要又食又拎添紅油菜水餃 -  味道有啲辣, 但個皮太厚啦, 食口麵粉香煎竹笙榆耳腐皮卷 - 賣相都可以, 但偏油XO醬伴蘿蔔糕 - 粉太多, 材料少, 只見有蘿蔔同菇紫菜湯菜水餃 - 有成12隻, 可惜皮太厚餡係菜碎同蘿蔔乾碎, 紫菜未熟透而且好鞋口黑松露焗薯角 - 其實係一舊薯仔用錫紙包住嚟焗, 只係薯皮面加啲黑松露, 但又食唔出黑松露既味道鮮香百靈菇刺身 - 賣相真係好似刺身咁喎, 味道咪菇咁囉, 最好笑係有埋WASABI豉油俾你沾嚟食蜜汁叉燒 - 賣相都好似叉燒, 味道都唔錯麻辣口水素雞 - 全場最好食都係呢碟, 青瓜好爽甜放喺底層, 素雞表面似臭豆腐既面, 好好味, 啲汁就偏咸川式龍口粉絲 - 其實都偏油, 但味道就好似辣椒油撈粉絲咁, 有啲肉碎, 有同事特別喜歡醬皇翡翠花枝片 - 賣

因為媽咪食素，所以我地成日會揾各式各樣嘅齋菜比佢食，今日就嚟到觀塘嘅尚素啦！見2人套餐份量好似都ok.就叫左一個2人餐3個人share lar. 頭盤可以揀2個，叫左個口水素雞同齋叉燒。口水素雞好香口，有d似北京烤鴨味其實。而齋叉燒都幾好，唔會好咸，甜甜地。主菜要左咖哩南瓜煲，好多件南瓜，煮得好淋，但過辣！要左個黑松露炒飯，好香，飯較硬身，撈咖哩一流湯推薦素翅，比較惹味，足料。飲品梗左薑茶，易入口。最後仲送左雪梨糖水，過甜但好滋潤！

啲野難食不在話下，嚟左碟變壞左嘅猴頭菇，仲要勁差態度！收咁嘅價錢俾變壞嘅野食客人食，又唔肯退，係乜野餐廳，執左佢啦，冇料到又學人整齋！話說諗住食下齋扮下健康，見間餐廳幾標誌openrice又幾好評，咪試下囉，叫左三碟野:南乳炒䗔頭菇，銀芽菇餅同炒菜，見價錢唔平以為正野啦，點知暗黑料理嚟嘅喂，碟猴頭菇酸嘅，個銀芽餅係暗黑omlet，個菜係炒老哂。喂大佬呀，差唔多百幾蚊碟餸，你俾啲咁嘅野我？睇餐牌同openrice就寶，點知出嚟啲野就仲衰過草！你唔好同我講話淨係呢幾碟野唔得係我唔好彩，如果一碟菇都可以咁難食，我強烈建議間餐廳執左佢，一係就炒哂班廚，呢啲廚師都可以有工開，好嗰面睇都幾勵志。呢間野都生存到嘅話，阿茂都可以開餐廳

荷葉飯:     (3/5)由於沒有什麼特別的記憶點,所以都沒有什麼可以評論。就是一個沒有什麼荷葉香而味道又正常的荷葉飯吧。友人說濕有點兒太濕,本人表示沒有感覺藥饍珍菌湯:  (4/5)湯很清澈,果然是沒有加入肉類的菌湯,對於平常都在喝帶肉湯水的我來說是頗新鮮的景象。喝一口,藥材的味道不是說很濃,不過對此沒有太大需求的我來說沒有太大的問題,而喜愛藥饍亦說很喜愛這味道,那就沒有問題了!很清甜,而且不太鹹。竹笙作為吸湯的食材極速被搶食一空,而那些大塊的菌(XD知識所限未能認清是什麼)吃起來爽爽的,很搞笑。另湯內有散佈些許薑絲,若不愛吃的人要小心了。大廚客家豆腐煲:  (4/5)因為想吃一些豆腐類的菜式所以選擇了這道菜(豆腐類菜式選擇不多)。豆腐這類相對味道較為清淡的食材需要醬汁的配合才能幫助提升味道,而這道豆腐煲的醬汁是我跟友人都未能準確以常見調味醬汁去形容。我覺得比較像是較為酸一點的南乳汁吧,雖然說是較為酸,卻不會覺得酸得不能接受,亦不是醋酸/蕃茄而來的酸味。另外,配有完整連著的黃牙白,掛不上醬汁所以吃到菜原來的菜甜味道,而且整棵連著較難分享。整體不錯。牛肝菌香煎芙蓉鮮竹:   (5/5

尚素，位于观塘的一家全素斋的餐厅，有健康的食材，营养的搭配，对于素食爱好者绝对是一个很好的选择。我们选择了午市套餐中的麻香担担面，蜜汁叉烧配黑松露香菌饭，和套餐搭配的X.O酱伴香煎萝卜糕，粟米荣鲜竹卷，和素水饺。担担面做的非常好吃，也强烈推荐午餐所有的配菜小吃，很美味

日日大🐠大肉•個肚脹脹•食個齋菜就最好不過•上網search下•決定黎拜會「尚素」•鮮淮山伴腐竹冷盤黎架•小小凍•淮山有淋身有爽口••頂頂灑上芝麻粒•仲撈咗小小麻醬•好開胃•松茸炒桂花翅松茸•松子仁•芽菜•桂花翅•味道清清地•一d膩嘅感覺都無•撈飯一流睇落個樣幾吸引•嗌黎試下先牛肝菌煎芙蓉鲜竹鮮竹煎得好香•入口軟滑•牛肝菌🍄味獨特•鍾意食齋菜嘅朋友•絕對不能錯過•黑松露松子仁炒飯黑松露淋入每粒飯粒•有濃濃嘅香味•大愛•頂頂仲鋪滿脆卜卜•口感更滋味•飯炒得粒粒分明•唔油膩•實屬難得•

之前食既素食店舖裝修都比較簡樸，今次呢間尚素就用黑色做主題色，睇黎都想走高檔路線。間野最抵食都係二人套餐，$400 蚊度就可以食飽飽。 呢個黑松露松子仁炒飯飯粒好有咬口，鐵板上架勢得黎又好有鑊氣。 是日足料老火湯，飲番啖先～ X.O. 醬伴百葉豆腐香口又惹味 咕嚕魔芋脆口得黎煙煙韌韌，幾有趣 口水素雞好香脆，有種食薯片既感覺，加多少少辣汁幾開胃。 最後仲有雪梨糖水，清甜健康又滋潤 一部分既餐牌 認住呢個招牌, 就有高質素食喇

朋友為自己慶生，今年想搞搞新意思，於是就提議去食素菜。呢間素菜朋友之前食過話幾好食，而且地點係觀塘都算好方便，地鐵站出大概行幾分鐘就到。睇完餐牌發現有二人套餐，而且只係＄388 ,包兩款頭盤、兩款養生湯、一款主菜、一款炒飯或炒麵、自家甜品同埋兩杯飲品，選擇豐富，於是二話不說即刻決定點二人套餐。呢款係第一款頭盤，素叉燒係素食界黎講已經好普遍，呢間味道不錯，難怪成為招牌菜之一，味道真係好似真叉燒咁甜甜地好好食唔好睇呢款冷盤好似簡簡單單咁，但我同朋友食完都覺得就算唔洗點醬就咁食都好好食，厚度適中，愈嚼愈有豆腐香，而且完全唔會油膩我同朋友都揀咗素翅，湯本身比較「結」，所以飲完已飽左3成炒飯一上枱已經撲上一陣濃郁嘅黑松露味，未開餐已經令人食指大動，炒飯夠乾身但又唔會油膩，配上一粒粒嘅松子仁令到口感更加豐富，而且炒飯分量十足，最後我哋都食唔晒要拎走。呢款上湯娃娃菜味道比平日食嘅娃娃菜更加清淡，但我個人反而幾鍾意。紅豆沙味道不錯，即使好飽嘅我都飲得晒總括來講，呢間素食餐廳質素不錯，下次仲會黎試其他菜式。

難得放假陪下加雲, 之前留意到中海日升中心有間素食館, 平日下午觀塘區食晏太多人, 為避開人潮, 特別揀咗2點後到, 店內有中式吊燈及其他裝飾掛牆上，全店是黑灰為主配木餐枱，裝修不錯。下午有幾個套餐選擇，亦可人頭計的任食餐，我們有5個人想叫多些不同類的試試，所以揀了4人套餐。有4個點心，3個小1食，2個主食，每位有飲品及甜品, 套餐$3984款點心揀咗: 紫菜湯菜水餃, 黑松露香菇包--的的式式, 黑松露香味十足, 玫瑰雙色饅頭--無餡但顏色悅目, 三色脆巻.3款小食: 桑椹醋藕片 - 酸酸地有點似黑加侖子味嘅醋浸, 好醒胃, 芥末沙律醬秋葵-- 秋葵拖過水, 淋咗芥末沙律醬唔辣但不失味道, 鮮香百靈菇刺身, 2款小菜: 甜酸山楂魔芋 -- 魔芋嘅口感真的好似肉, 酸味足夠, 配水蜜桃代替一般嘅菠蘿, 麻香擔擔拉麵 -- 剛好每人一碗.我地5個人, 一個4人餐點夠我地食吖, 另外叫多3款.招牌海鹽金針菇 $68    好鬼香口, 好似食幼薯條咁, 推介!!醬爆萵筍珍珠耳 $80    萵筍厚切跟珍珠耳一齊炒, 好爽口, 唔會太辣.清香黑松露百福袋  $128  福袋有香菇粒, 菜粒,

星期六晚黎左呢間觀塘中式素食，即日book位都有位，但去到都幾爆差唔多坐滿。環境較暗，但地方算大，幾寬敞，抬都唔會拍到好迫，而且好多大圓抬，幾適合一家人黎食。食物選擇好多，偏四川口味，好多麻辣酸辣菜式。假海蜇都算做到爽的口感，青瓜冇乜味，海蜇少少麻辣幾惹味。咕嚕素肉就少少失望，完全唔係酸甜，只有酸味，太酸，素肉得好少，唔好食。呢度菜反而係驚喜，煎餅好香，好有蛋的感覺，佢用左腐竹加麵粉漿營造蛋漿的質感，加入左牛肝菌好香，而且唔會煎到好多油，好乾身，食唔停口呀！酸辣土豆絲我好鐘意食，佢的土豆絲整得幾好，夠爽身，唔會太淋，但個味道就少少過酸，平衡返個酸辣味會好啲。粟米羹冇乜味，黃耳幾爽，好似雪耳咁，但整體冇味。呢個蓮藕煲又係失望，蓮藕太淋好粉，一啲都唔爽口，魔芋有啲似上海個啲前菜窩夫的口感，好似海棉咁索哂啲汁，但個南乳汁其實麻麻地，又係唔夠味。牛肝菌炒飯一上抬好香，但食落反而又冇乜味，普通炒飯的味道，牛肝菌食落有少少苦澀味，而且有少少沙，香味夠但味道就好一般。素食店好講求創意，呢間幾有特色加入左啲四川風味，但好多菜式都味道一般，只有色香冇味，但勝在環境同款式多搭夠，都係唔錯的素食選擇。