尚海人家 (宏基商業大廈)

营业中

休息中

發現公司附近有間上海外賣店，由米芝蓮主廚製作，價錢不貴又方便，所以決定放工買外賣回家跟家人一起食，小店有不少麵和飯餐，麵都會分湯上以免過淋，最出色的當然是他們的生煎包，一咬開入面爆汁都是湯，回家品嘗時湯仍是熱的，另外小食雞絲粉皮也很不錯，採用新鮮雞肉，醬汁調得剛好。我們點了兩個麵，擔擔麵的辣度很好，但如不能吃辣建議食炸雞扒麵，雞扒炸得香脆，不會只食到炸粉。如不愛麵可試菜飯，我們配了糖醋排骨，每口都是滿足又不韌。另外亦添了一配酸辣湯，很是開胃。這裡最好賣的應是排骨，今次無緣吃到，下次必會再來試試。.🥂招牌生煎包6隻 $50🥂麻醬手撕雞絲粉皮 $40🥂生炸雞扒湯麵 $52🥂招牌擔擔麵 $52🥂糖醋炸排骨菜飯 $57🥂雞絲酸辣湯 $30.Overall rating: 7/10jsv_foodie

今日同同事見尚海人家在熊貓都有4.4/5分，所以都一試叫外賣。我點嘅係經典鹹肉菜飯餐（原價$87折左$78.3）。諗住收我呢個價錢都應該可以掛，點知。。。由袋拎出來我地都嘩左一聲，$78.3得半盒飯，四片鹹肉。。。我係女仔都唔夠食啦，見到盒飯令我嘅星期一更加blue🙃🙃🙃🙃第一次試呢間亦都係最後一次。🫠🫠🫠🫠

我平日中午經過上環，當然要看看附近的地道美食。近上環街市見到有一間小店中午時分門外排了10多位客人，我便在門外看看有什麼特別菜式，原來是一間上海小店，買各式各樣的上海菜，價錢中等，於是我叫了酸辣湯餃子。問他們那一個菜式是最出名，師傅自信及充滿熱忱地叫我一定要試他們的生煎包，於是加多兩個生煎包。坐定後先咬一口生煎包，因為生煎包一定要熱烘烘的才可以真正感受到師傅的工架。果然皮薄餡靚、多肉汁，非常有驚喜👍🏻👍🏻。建議各位一定要試他們的生煎包。至於酸辣雲吞因為價錢的關係只收$30+所以用料不夠豐富是正常的，酸辣味不錯，雲吞皮有少少厚。可能上海傳統雲吞是這樣的。 第二日再去賣豬扒菜飯套餐，只是$60+ 已包括2隻小籠包及豆奶。豬扒大大件，有醃過，頗入味，但較多油，至於菜飯如果可以熱點會更好。總結，如果是新鮮出爐，生煎包是有水準的，值得一試。

午餐想食個上海菜點左糖醋排骨飯，配生煎包 💲7️⃣0️⃣菜飯好濕🙈生煎包Ok 👌🏻👌🏻👌🏻排骨就🥴🥴🥴um… 唔知以為食緊肉乾，超級硬🥲🥲🥲雖然上環黎講價錢都算係咁，但睇埋質素，就唔想再幫襯☹️過一排遲d試下幫襯其他餐，睇下會唔會有唔同啦！

食中午飯果陣週圍間間好多人等，貪佢冇人排隊，所以食左呢間點知原來冇人等係有原因，中大伏，啲野難食到永不回頭生煎包個皮幾脆，入面係暖但啲肉唔生鮮除左生煎包，其他野全部全都係又凍又難食返公司得果唔夠5分鐘路程，30度天氣，唔會係因為遲返去所以唔熱個飯又硬又難食，似生米飯個肉燥似開個罐頭就咁掉落去叫左排骨又比雞扒我，完全唔明點解得我一個客，有工個職員都會執錯啲員工到底比客食之前有冇試過味洗左70蚊叫我食啲咁既野

近日被我發現上環有一間平平無奇，但竟然會生煎包會爆汁到對面幅牆上,而價錢又經濟實惠。仲有係唔來係由前米芝蓮小食店總廚主理🤩-晚市套餐價錢真是大眾化，HK$43起, 可選一款生煎包+一款主食HK$59上海紅燒肉菜飯~四四正正的紅燒肉被紅光發亮的醬汁包裹住，7成是肥肉, 3成是瘦肉，入口香軟, 肥而不膩。-HK$53上海排骨湯麵~豬扒是即叫即炸, 雖然回到家已經冷了。加熱後, 也不影響它的脆感, 差不多是啖啖肉，肉質醃得好入味。外賣是麵條同湯分開包,回到家不會淋,麵條保持彈牙湯底清韭菜生煎包~咬第一口, 肉汁從口裡爆發出來, 射程去到對住食飯幅牆。 韭菜佔7成, 肉佔3成。味道清新怡人。原味生煎包~同樣是咬第一口, 肉汁從口裡爆發出來。皮薄多餡，肉嫩不膩。2款生煎包各有特色, 2款我也喜愛。

-尚海人家 🥢記得以前仲係上環番工果陣最期待就係星期五同同事一人買一盒生煎包去公園坐低食完正餐就一次過啪晒4粒😗唯一支撐住果陣淒慘工作生涯就係呢個爆湯生煎包🥲上星期某日經過尚海人家 就好想再啪一盒了不過發現佢地已經冇左以前個蟹粉生煎包 有啲可惜因為果陣既我覺得好奢侈而家買得到既時候就已經冇再賣😮‍💨🥢皇牌生煎包（$42/6隻）嗌咗原味同韭菜每樣三隻生煎包同以前一樣一咬就爆曬啲湯得出嚟🤤包底煎得香脆 包面軟熟 肉餡真材實料 湯汁鮮甜咬之前加返少少薑同醋 = 完美🤌2款都各有好味 2個都中意食🤤🥢 蟹粉拌麵（$68）冇諗過喺度可以食到一個充滿超多蟹粉嘅拌面😍蟹粉味道勁香濃 每一啖都食到蟹粉好滿足 面質煙韌有咬口 會有啲醬油喺個底唔會覺得太過鹹或者油膩 幾好味！🥢 開洋蔥油拌麵（$32）個面質一樣煙韌 比起前面就多咗蔥油嘅香氣有少少蝦乾提升鮮味 好香口 惹味✨留意番 店內係冇座位 只有企位的~

之前午膳時段行過此店，都見到人頭湧湧等外賣，隔着櫥窗看見師傅即場煎緊大盤的生煎飽，好吸引人所以今次趕在午飯高峰期前過來買除了散點，都有套餐，所以揀左套餐N1, 有招牌推介的 開洋蔥油拌麵🍜，兼且 套餐還包括有另一招牌 — 生煎包😋😋因為是即叫即整，所以落單後大概要等10至15分鐘左右，同行朋友點了個上海排骨菜飯，佢嘅上海排骨仲要等得耐d添, 不過隔住個玻璃見到塊豬扒係即叫即炸，就等幾耐都覺得抵🤩📍 開洋蔥油拌麵葱油香味濃郁，麵質煙韌有咬口加上有少許蝦乾提升鮮味，即使冇配其他食物，食落都唔會覺得寡📍皇牌生煎包套餐配有2隻生煎包，包底煎至香脆；由舖頭拎到返office，都大概有10分鐘的時間，估唔到一咬落去依然爆汁💦，彈到周圍都係😅肉餡真材實料冇羶味，湯汁鮮甜，正👍🏻📍上海排骨同事分享了一塊給我，即炸的真係正，酥脆香口，而且調味適中唔太鹹可惜只做外賣，如果有得堂食，咁就仲好

雖然晚市恢復堂食, 但其實都習慣左買外賣返屋企!🤭 一嚟唔駛買嚟買去, 兩嚟食得自在啲!🤣喺屋企附近開左間 "尚海人家" , 最愛生煎包既我就啱哂喇!叫左兩個套餐🍴蟹粉拌麵 + 皇牌生煎包- 一開外賣盒, 🦀個蟹粉味極香極濃, 而且份量都幾多, 麵質煙韌, 好好食!- 生煎包真係爆多汁, 包底香脆, 包面軟熟, 兩口一粒, 可以食好多粒!😋🍴上海鹹肉菜飯 + 韮菜生煎包- 幾片鹹肉, 配撘菜飯真係絕配, 因為互相中和鹹與淡既味道!- 韮菜餡比皇牌生煎包多左份口感, 好似比皇牌更 juicy🤣🍴迷你蔥油拌麵 (like and share FB/IG 送架!) - 雖然係送, 但都叫大碗, 而且好惹味😋

上次經過灣仔見到已經食過一次,佢真係好好食呀令我懷念返喺上海嘅時候食嘅上海嘢,所以今次喺上環做完嘢之後又再來吃一次!舖頭嘅價錢非常貼地,而且又多選擇,最後我揀左…兩個餐上海排骨湯麵套餐$53排骨既肉,肉質非常豐富,又好咬口..湯汁又夠清,整個麵都好健康上海紅燒肉菜飯$59這個紅燒肉,送一碗飯係唔夠㗎,要額外再送多一碗飯先夠,而且紅燒肉肥瘦夠平均!所以後感到非常之好…令你食到停唔到口每個餐配生煎包兩隻我忘記了裡面既湯噴曬出黎,所以今次一咬,裏面嘅湯汁又再次噴出嚟啦!生煎包嘅肉汁真係好豐富,而且今次我選擇左韭菜餡,蔬菜味非常之豐富，仲健康啲添…好好味😋我仲加咗一支豆漿,咁就係一個完整嘅上海餐啦！尚海人家

食上海菜，印象最深刻嘅喺生煎包，包住鮮肉及湯汁。今日經過主打上海菜嘅「尚海人家」喺櫥窗見到店員煮生煎包睇見到都想食呀，每份套餐配2個生煎包，買了2個套餐回家慢慢享用！生煎包嘅外皮脆卜卜外皮放黑白芝麻，咬落好脆，流出肉汁，肉餡嫩滑，好正呀！上海排骨菜飯店 $53排骨酥香，煎到香脆又夠juicy，菜同飯嘅比例剛好，而且粒粒分明。蟹粉拌麵 $79蟹肉同蟹膏放滿拌麵，配搭嘅醬汁入味，麵條爽口彈牙。跟餐加$8配低糖原味鮮豆漿豆味香濃，低糖較健康。尚海人家 上環摩利臣街10號宏基商業大廈地下8A號舖

米芝蓮生煎包除咗平時聽開嗰兩間 仲有間都有幾間分店🥰主打每日用新鮮豬肉加上海食材 做出佢地嘅皇牌皇牌生煎包皇牌不愧為皇牌 皮脆肉嫩🤤真係爆多汁 第一次食唔係好為意 第一啖啲汁就爆咗落地😂第二啖就爆咗落件衫到🥲果然要食好嘢都係要犧牲少少 不過略嫌個底皮少硬🤔可能keep住保溫太耐 不過整體來講都係好食😋上海紅燒肉菜飯肉分量偏少 但味道好好 煮得好夠味 夠淋 啲汁甜甜地 撈飯一流 擔擔麵少辣啱啱好 應該大部分人都接受到 食到濃濃花生醬味 仲有好多肉碎同花生粒整體來講呢間鋪係值得一試🥰平價食到高水準米之蓮食品

Lunch 試了外賣上海野👍🏻👍🏻， 無想過擔擔麵竟然有彩蛋💋💋（5⭐️最高）擔擔麪（5⭐️）平時食擔擔麪， 都會有花生醬， 花生碎粒， 蔥， 肉碎等。 但今次試尼個， 竟然有櫻花蝦🥹🥹。 湯底有少微辣👍🏻。 好野味呀😋😋⋯⋯湯底唔算好堅， 所以亦唔會太黏口🥰，上海麪質份量大😘男士一人食都ok 😝😝桂花蜜糖雞翼（4⭐️）桂花蜜糖味唔算好重身， 雞翼是中size 👍🏻. 爆汁生煎包（4個）（5⭐️）熱度約70度， 外皮薄而脆口🤩， 多汁（我一不小心， 電腦全中汁🫣🫣）可以自選韮菜或普通，餡料十足豐富👏🏻👏🏻。 雞扒菜飯（5⭐️）飯與菜分開放， 雞扒及飯量都大。 雞扒味道ok. 切成細細件嘅， 方便進食👍🏻👍🏻

喺上環返工嘅朋友仔，有口福喇，今次小編試咗一間好好味嘅生煎包，咬一口就會有爆汁嘅感覺，小編第一口咬上去，啲汁彈到成褲都係，而且個皮都好薄，同埋好脆身，裏面充滿肉汁，冤案佢哋而家出咗個韭菜生煎包，鍾意食韭菜嘅朋友真係要試吓，除咗充滿肉汁之外仲有大量韭菜味，當然都係好爆汁啦😬另外，仲叫咗個雞絲粉皮，份量都幾大，而且好多麻醬同雞絲+青瓜絲，同啲粉皮撈埋一齊，正！仲有叫左個排骨菜飯，同擔擔麵，兩個份量都好多，排骨都有5片左右，另外菜飯都唔會好油膩，擔擔面有濃厚嘅花生醬，就唔會太辣，唔食得辣嘅朋友其實都可以試吓😛最後，小編去買個時遇上下午茶時段，下午茶時段仲有八折添，感覺真係平咗好多😝

去開經過，見到呢間店。小小的，但生煎包都做得很出色呢！烘底很脆口，真的要小心吃，因為汁很多，juicy，熱口發射會弄髒衣物😆😆😆熱食係一試難忘的！是上海街邊的味道🥰🥰另外點了店員極力推薦的排骨擔擔麵個人覺得肉感ok 的，但湯底有點非一般的辣感。獨家味道，但不是平常吃的那種～🤔🤔另點了🦀蟹肉拌麵，呢個好好食，啖啖蟹肉味，賣相一般，但口感不錯啊！👍🏻👍🏻👍🏻下次可以單叫一大籠生煎包😆😆😆