尚廚

营业中

休息中

訂位前忘記睇食評，去到門口先睇。死！咁多負評！做好心理準備入坐。但真係差到無朋友😭先攻蟹腳、蠔、青口等，一看，胃口減半，D食物全部比冰蓋住，D冰點解唔係放食物下面！生冰放食物上面有衞生問題。講番食物，D蟹、蠔、青口好明顯是海產，因為咬落去成口鹽水，無錯，係唔知沈咗幾耐，好咸好多水，無其他味！再試魚生，又係唔新鮮又無味！生野唔得唯有搵熟食！頂，真係未見過咁少選擇😡，沙爹串燒得雞，但唔知點解雞都要用蘇打粉，超難食。有咖哩牛肉同雜菜，聞唔到香味，味道衰過快餐店。其他仲有炒菜、蒸魚、蝦餅同魚蛋粉面。當然有湯同面包。甜品又係見過自助餐最少選擇！豆腐花，三四款蛋糕、布丁，雪糕！講完！五百幾一個人，差過二百元以下的lunch buffet!

係九龍東皇冠假日酒店裏面有間抵食嘅自助午餐，因為之前買咗餐券，所以今次就能夠用餐券來食。我記得個餐卷位返唔使＄200一位，所以好抵。呢度食物種類選擇都算多，最欣賞嘅就係生蠔任食，另外仲有Haagen-Dazs雪糕，不過飲品只能點一杯。整體來說，性價比非常高，環境唔算話太靚啊，另外食自助午餐既人都好多。有好多一家大細嚟食。

生日月份食飯會有優惠當然要用盡啦! 今日同屋企人去左將軍澳站的九龍東皇冠假日酒店食自助午餐~尚廚.一家人入面有3個都係7月份生日, 之前打電話問左, 如果生日, 每4個人會有1人半價, 其他會有85折。今次只有7位成人, 所以只能1位半價。長者亦有長者價的. 早些去到登記, 雖然未入得但在外有椅可以坐。還有4部夾糖比小朋友玩, 好貼心。係RECEPTION見到宣傳單張, 原來生日仲有白酒或紅酒送, 打電話時無提過, 只要同職員講聲都無問題。入到去坐, 就開始拎食物, 自已未食過尚廚的自助餐, 估唔到中午都有生蠔, 開生蠔職員慢工出貨, 所以都要比些耐性。但生蠔好新鮮, 只沾了檸檬汁都可以。所以生蠔我都食了差不多一打呢。冷盤亦有松葉蟹腳, 蜆, 螺, 青口等等....沙律都有我喜歡的火箭菜, 還有刺身, 壽司。粥粉麵都有即製, 但太飽都無食到。餐湯有兩款, 亦有不同的麵包。熱盤都有10多款, 其中有即製腸粉, 不過師傅手勢麻麻, 整得外表好怪相。甜品以自助午餐黎計都唔錯, 雪糕亦有haagen-Dazs.飲品會一人一杯, 我地選了cappuccino, 還有可愛面孔生日優惠附送的酒, 我

公司聚餐今次黎尼度食lunch自助餐，初時以為尚廚個名係食中菜式，點知原來係自助餐，幾有趣呀～跟公司車去到，哇～環境唔錯呀，幾靚同大呀～d款式好多選擇呀~樣樣都睇見好好食~食落去都唔錯呀~但d菜芯煮得唔係咁熟，硬到我咬唔到，不過都有嘗試去咬，但咬到我ｄ牙好痛，食左1,2條我就放棄左唔食啦~意粉好食，應該話佢ｄ粉麵飯都好食～西湯諗住拎多Ｄ，但聽同事講好咸，之後我即刻裝好少，返去試下好唔好飲先～就算我食同飲得好咸，但都覺得好咸，好似飲緊鹽水多D囉.....最後雖然裝左好少，但都係飲唔晒。至於中湯聽同事講唔錯，咁我就去裝黎飲～尼個真係好飲，可能同西湯有比較啦，中湯真係唔錯。至於所有甜品類都係伏黎，當日我有試芒果布丁，食落去口感似大菜糕，佢唔講布丁，我諗會好D，味道方面，食唔出芒果味。唔建議食尼個。另外的甜品有焦糖燉蛋，朱古力仲有好多款選擇，但賣相都係唔係咁吸引我，而且我拎左最唔會有問題既芒果布丁都可以係伏既關係，我都唔敢試其他甜品。最後都係食出名品牌既雪糕算數。（聽同事講豆腐花幾好食，大家可以一試，我就冇咩信心了）ps廁所衞生見仁見智，我覺得比較相像中差。

經open rice 預訂，好快有專人回覆。但嗰位小姐態度非常之不友善！隔了一兩天，直到第二個call 做final reconfirm ..不友善小姐把聲再次出現，呢一次更加惡劣！其實我只係好簡單咁問了一句，幾歲樓下為之小童？嗰個小姐聲音即提高八度，爭佢錢咁款很不友善答我我十二歲之後好大力咁cut了線，當然亦不會有拜拜呢一句....我當堂出現許多問號？發生了咩事？😅 我真心認為這不是一間酒店服務生待客應有的態度！衰個碼頭咕哩！👎🏻因為呢一位咁不友善的職員，我對呢一間餐廳更沒有抱有期望地前往⋯好在當晚眼見的職員都啲都很有禮貌&勤力，而不像那女子！食物方面不過不失，不能話好食，但呢個價錢係抵食嘅！蠔ok. 蟹腳一般，最欣賞的是waffle 👍🏻環境也不錯&干淨！

海鮮有長腳蟹腳（refill 好慢）、鮑魚、蝦（唔新鮮）、藍青口、翡翠螺；熟食真係一般、個合掌瓜湯算幾好飲，甜品冇咩特式，叫做有Haagen dazs ice-cream，款式有vanilla, chocolate , strawberry,個pancake 機冇拿拿又壞咗..., 老實講如果唔係OpenRice 做75折真係唔會嚟。值得一讚係服務很好，收碟好快。記得當初酒店新開時個 lunch buffet 真係唔錯，同而家差好遠⋯⋯

經openrice 訂位，留言慶生，席間憑電郵問侍應這些留言會有什麼特別，回答我說會有生日旦糕奉送，一會兒侍應回覆說訂位時要說明，如果需要的話，要加20元才有生日旦糕。真的沒你咁好氣，訂位留言寫到明都話冇，同佢拗都冇謂。

從未食過咁差既酒店自助餐，食物款式小得可憐，原本寫有生蠔，上到去就話冇所以轉咗龍蝦，唔知係網站更新慢定酒店冇通知更新喇。熟食小味道亦好一般，蒸石班得反個頭都唔換過條，Ham呢上岀數埋冇十塊，刺身一望埋去啞色既，粉麵檔漏單情況多到我食碗米粉要去嗌三次。甜品係我見過最小款式既酒店甜品，得個燒牛薄切食得吓。蟹腳勁細隻。不可一不可再囉。衛生同服務態度就有酒店水準，執碟執得好快，侍應亦都一叫即到好有禮貌。食物就真係一個字，差。

不新鮮 長腳蟹 款又不夠多 環境尚可 魚又壞 好失望 價錢不是太平 但咁既質素 飲品又得一杯只是甜品可接受 有h 牌雪糕比想像差很遠服務是合格 有求必應 禮貌食物真要改善改善希望有改善空間再來

5月6日去左食下午茶自助餐，食物一般啦～百幾蚊都叫做唔好有咁高要求啦～服務都快，好快清理吉左既碟同補充食物。不過最唔滿意就係埋單時候，我係有coupon, 個waiter比張單我既時候，我問佢張單係咪折左，因為我見唔到減左錢，佢好求期咁望左一下，係呀…計左既啦～點知跟住佢另一位同事就拎左張單來，話客人有coupon,呢張單先岩。嘩……你做野都好求期喎，食物已經一般，而家服務仲咁求期，我仲點會再幫襯?比d heart啦～

環境可以，價廉物美，想不到中午有即開生蠔，超值。就是主餐有些單調，没太大變化，吃一二輪就不想吃了，牛扒烤得不行，要改進。甜品反而多款，味道不錯。朋友聚餐是個不錯的落脚點。

上個禮拜食過dinner buffet, 覺得很滿意。 蠔很新鮮, 長腳蟹也很好吃, 甜品款式多, 但熱食就麻麻。 服務態度正常。這次經openrice訂座有半價, 咁就非常抵食。 如果原價計就唔太值, 但尚廚常有優惠, 可以keep住留意下

見收早，約媽媽出去食飯，上網看看有咩食時，發現訂桌有半價優惠，諗住好難訂到，可能剛出推廣，都較易訂到，食物比較午時多種類，螺肉好鮮甜，生豪本身不太好，所以取了一次，感覺一般，但隔離枱取了幾次，可能喜歡和不太喜歡的分別，湯多左個（登）湯，好好味，好清，唔會太油。主菜沒有太大特別，最記得有乳豬，特別。甜品媽媽喜愛豆腐花，我就主供蛋糕，特別推介芝士撻，好濃芝士品，但唔係好甜，正。。。。唯一不便係和隔離桌太相近，對方講咩都知，唔係咁好。

有小朋友，所以去返將軍澳區食個buffet就算11月個時上網睇，提早俾晒full payment有jetso諗住大時大節，度度都差唔多價錢，所以就試下呢間一早都聽過唔太好食，但唔想去太遠今次一來，真係無期望，然後再加好失望冷盤：刺身都有幾款，三文魚甜蝦等等，不過俾得2件，而且師傅放碟放得好無美感中間嘅刺身係師傅放上碟，側邊嘅壽司，魚仔同中華沙律係我自己放，或者我應該諗。。。可能師傅想俾多啲空間我放野食呢跟住拎返幾隻生蠔，師傅開蠔好hea，又慢，雖然無咩人排隊，但佢都唔駛咁，再加上佢沖咁多下水，沖走晒海水味都算，沖水都係想沖走啲蠔殼，但返埋位食，係仲有蠔殼咁先勁蠔又瘦又咁樣俾師傅對待。。。都唔知點回本人地食生蠔回到本，呢一間。。。都唔多人排隊去拎，除時出去都可以好快拎到，可想而知大家都唔係靠食生蠔回本其他就羊扒好un...難咬無羊味牛還可以芝士焗帶子咸到呢。。。要飲水墨魚漢堡包，聞到覺得好臭，食落都ok，不過唔熱（明明應該興住但拎到埋位食就唔熱）甜品唔算特別，亦唔算特別好食，抹茶噴泉都幾好每人半份龍蝦仔，拎牌仔出去拎就還可以鵝肝香口，本身煎下都香唯一讚係呢啲開胃菜小食，全部都好味但咁就死

不過不失甜品一般，生蠔即开沖盬水後太鹹，魚生新鮮，長腳蟹，火雞好味，有鵝肝煎得好，熟食有即煮意粉、湯麵等如果多幾款就好D。攞嘢唔洗大排長龍，環境坐得舒適，整體都滿意，侍應都好服務