尚八日式燒肉店 (已結業)

我同大少都好鍾意食日式燒肉，不過散叫嗰啲通常都好貴。知道旺角有間新嘅日式放題燒肉我哋就即刻去試吓。呢度一個價錢任食兩小時，兩位仲有刺身送。我哋一坐低佢就已經好快放低一碟拼盤，一邊有啲海鮮有啲牛肉， 味道唔錯。不過我哋今晚主力係燒肉，所以啲海鮮大部份都冇再encore。轉個頭就有一個刺身拼盤送上嚟。有甜蝦，三文魚腩，吞拿魚，油甘魚，海膽同帶子。全部基本上都合格。最驚喜嘅係海膽，一睇個size就知道係加拿大海膽，鮮甜味十足。呢度可以加＄30就有刺身任食，不過好可惜冇海膽可以選擇，所以我哋就冇加到。專心燒肉。另外咁啱我哋去呢個時間有做優惠，只要like佢哋個Facebook page同分享，就送一隻龍蝦。嚟到今晚嘅主角，各式燒肉。呢度嘅肉類主要都係分開牛肉，豬肉同雞肉。另外仲有各款海鮮。呢度燒肉嘅質素唔錯，肉本身嘅質量已經好高，加埋呢度嘅醃制方法令到成件事更加好。唯一美中不足嘅係醃得相對淡口，對於一啲重口味嘅人可能就唔會略為覺得淡咗啲。另外最值得一提嘅就係呢度嘅前菜，全部都有返咁上下水準。最值得一試嘅就係佢哋嘅漬蒜頭。以呢個價錢可以食到呢個質素嘅食物實在係超值！呢間餐廳絕對值得再嚟幫襯！

上到三樓一開門， 就見到以前盛八嘅門面，一模一樣。。。。 我係食十點鐘宵夜時段， 另外加咗30蚊追加刺身， 罐裝飲品任飲，兩個人六百幾蚊落樓， 其實計落都幾貴， 坐低嘅時候， 可以有三隻醬汁， 蒜蓉汁，檸檬汁，燒汁 ， 對於我嚟講海鮮點檸檬汁係比較好食，肉類就點蒜蓉汁同燒汁會比較好食，質素都ok嘅， 餐廳職員仲好細心過嚟講解點樣燒肉先係最好食。。。。唯一不足嘅係暫時欠缺咗甜品嘅選擇，所以整體上都係一個唔錯經驗。。。。。。

今日去咗旺角食日本燒肉，搵到一間好抵食！燒肉任食嘅，兩位以上仲有刺身送添。一開𨋢門,服務員態度好好帶咗我去卡位度坐。佢哋嘅落單形式係自己寫既，大概同一般任食餐廳一樣，我分別叫咗唔同部位嘅牛同埋海鮮。D前菜全部都好好味尤其是係韓式海鮮薄餅,同埋韓式生牛肉超正。食物一到就即刻開始燒喇！全部都好有口感同埋好有牛肉味,個人認為最好味同特別既係牛油生蠔。之後佢有好多嘢都好好味,試咗好多唔同款式。無論前菜到燒肉既性價比都十分高！飲品仲係任飲。有好多韓式罐裝飲品，又有道地巨峰玉露。總括嚟講呢間餐廳好抵食而且有好多選擇。絕對值得一試！

有一排無食任食日式燒肉放題的我, 早前與友人去了位於旺角新開的尚八日式燒肉店食飯. 這裡是兩小時任食, 價錢由$188起. 兩位起送刺身拼盤一份. 我唔食刺身, 友人話幾新鮮. 為了等客人可以食住選款式, 會先奉上一碟雜錦拼盤. 一邊燒, 一邊揀其他想食的款式. 我和友人也大愛牛肉, 所以點了不同款式的牛舌, 牛胸腹和牛小排. 愛食牛舌的朋友, 一定要試下這款岩鹽厚切牛舌. 我自己本身鍾意食厚身的牛舌, 較有口感. 另外, 薄牛舌有幾款味道選擇, 我就試齊晒, 牛舌幾爽身, 當中最愛岩鹽燒牛舌. 牛胸腹幾嫩滑, 唔會太乾或硬. 除了燒肉外, 也有不少熟食選擇. 我地點了幾款前菜, 胡麻凍菠菜, 芒果車海紙米卷, 汁煮雞肝和泡菜. 我較愛胡麻凍菠菜. 一口芝士, 吉烈蠔和胡麻豆腐. 我特別推介一口芝士, 一咬開, 饀裡全是芝士, 非常好味. 我地再點多一次牛, 今次加了黑椒牛小排漢堡. 估唔到這個漢堡好好食, 牛味幾濃郁. 這個放題真係食得好飽, 今次主力攻牛, 其實仲有豬, 海鮮, 羊和蔬菜可以選擇.

今日放工同事提議食烤肉，我都好一段時間冇食，同事說旺角有間燒肉放題不錯，即管去試試。原來在38廣場的尚八日式燒肉店，富日式的裝潢，正好安排坐榻榻米幾有feel。睇睇Menu清楚寫曬價錢，兩小時無限供應，2位起送刺身拼盤，早鳥時段 17:30-19:15 $188；黃金時段 19:30-21:30 $268；夜食時段 21:30-01:30 $208；小童任何時段 $138，更可以有追加放題： 壽司+刺身：+$30(星期五六日及公眾假期+$30)睇睇點咩肉的同時，刺身已上枱，有三文魚、甜蝦、吞拿魚、油甘魚、帶子和海膽，都幾好幾豐富，刺身都夠新鮮。前菜：一口芝士、尚八淮山漬、蒜頭漬、尚八特色野菜沙律。一口芝士外炸得酥脆，裡面好夠熱，芝士流心。淮山漬和蒜頭漬好入味，而且口感脆身。牛之燒物牛肉款式眾多，都點了些嚐嚐。有燒汁牛肋骨肉、果味牛肋骨肉、燒汁牛小排、燒汁牛胸腹，每款都各有特色，最愛牛胸腹，十分嫩，牛味香濃。還試了羊肉，法式香草小羊扒，燒時已聞到陣陣羊羶味，入口好嫩滑，要再來一碟。還點了壺漬，尚八秘制壺漬牛肋骨肉，肉好大一片好汁潤更加入味。牛舌也有好幾款，有岩鹽燒牛舌、鹽蔥牛舌和岩鹽厚切

全場有30一張枱坐得好舒服！仲見到有一個包廂可容納12人的，下次同朋友都可以一班人去試下。二人餐有：拼盤刺身：有海鮮刺身，青口，生蠔，牡丹蝦，帶子。韓牛一份味道都好新鮮，估唔到咁嘅價錢都仲有海膽刺身食，而且仲要好新鮮既刺身同埋牛肉食。牛肉類別最令人驚喜，生牛肉同牛肋是我最中意既，又有肉嘅味道有鮮嫩。放在冰箱內全場任飲無酒精產品，有：蘆薈汁，芒果汁，忌廉溝鮮奶，香蕉奶，任叫加食：有牛肉刺身，海鮮煎餅，韓式餃子，尚八豆腐，香草牛油雞髀菇，柑汁鮮菜蟹肉卷，法式香草小羊扒，燒汁牛肋骨肉，岩鹽燒牛舌，日本甜番薯，燒汁牛小排，尚八芝士切志達赤豚肉，蜆肉味增湯，燒汁牛胸腹，特選黑豚豬肋條。呢度啲牛肉都唔錯 ，而且仲有少少海鮮同埋熟食。上菜速度都好快，唔會因為放題上得好慢。而且價格比單點平好多，可以試到更加多嘅嘢。熱飲有玄米茶，甜品有黑芝麻雪糕，細細粒做總結。

我同老公都好鐘意食燒肉，高質任食真的是我和他之愛，在旺角街頭收到宣傳單張，睇落好抵，就一齊去食晚餐。我們準時19:30入席，安排坐位都算快速。因為全人類在那時入席。小童仲低至$138！二位會送刺身，真的好新鲜，好甜美。如果加多$30每人仲可以任食，但今晚目標是牛啊！所以不加呀，下次多人先加。我們未落order 先來一些牛肉粒、青口、蠔,可以善用時間盡情燒，牛肉好新鮮。野飲方面全是韓式飲品，都有可樂、荔枝玉露等。出面不平。牛肩肉、牛小排、一口牛、牛肋骨、赤豚肉有得任食，份量按人數給你。可盡情去食。佢所有肉好新鮮，以這個價來說十分超值。而且仲有其他熟食，例如蟹子沙津，非常清新。清酒煮蜆等。我都有叫一份試試看，不錯。佢最難得有得食韓式生牛肉，非常美味，有興趣食生牛肉可以一試。二位加一後都是$600有找，幾抵食。

約左小師弟敘舊，年輕人大多愛吃肉，如果加埋放題，肯定無得輸。不過有質素的食肆唔容易搵，幸好最近得知旺角新開左一間日式燒肉店「尚八」，據說餐廳除了主打高質牛肉，另外亦有牛舌、豚肉、海鮮等供應，而且可以任食兩小時，應該啱年輕嘅小伙子，一於 book 檯去試下。餐廳位於旺角山東街 38 號 38 廣場 3 樓，店內裝潢以木材為主，地方闊落，完全唔侷促，而且無乜油煙，配上一室木桌和淺灰色座椅，洋溢著濃厚和風味道。至於這晚我倆就被安排坐在角落的梳化卡位，可以肆無忌憚地談天說地，拍照影相，邊吃邊傾，感覺格外舒服悠閒。開餐前先介紹一下這個晚市放題嘅收費，早鳥時段 (17:00-19:00) $198、黃金時段 (19:00-22:00) $288，而夜食時段就 (22:00-01:30) $228，小童 (任何時段) $138，另收加一服務費，限時 120 分鐘。至於任食項目就包括有前菜、豆腐、沙律、牛の燒物、壺漬、一口牛、牛舌、黑豚拖羅、內臟、雞肉、海鮮、羊肉、蔬菜、湯、飯麵、罐裝汽水同一系列韓式飲品。如果想食埋刺身壽司放題，就要另 +$30。不過餐廳依家做緊優惠，無論咩時段入座，只要係二人或以上

前幾日係fb見到尚八既廣告，就等今日放早同朋友過黎食。佢係分時段收費，我地5點幾左右到，所以就食早段比較便宜既價錢，但呢個時段只可以食到7點半，所以有位再點單再等佢地送食物過黎，都係淨返一個鐘左右時間可以食。二個人食會送一盤魚生，份量就係一人一片😅佢既食物種類唔多，但都有d海鮮可以選擇。我地叫左好多唔多款又唔同味既肉，但佢地就一次過用同一個盤上，好碎咁，細細塊，基本分唔出乜味同乜肉。。海鮮都麻麻，雪藏味比較重。由於得一個鐘食，所以未食飽，d野食未燒完已經比人催埋單，感受不太好。

從社交媒體得知有新的日式燒肉放題開張抽到空就決定要來一試因為之前很喜歡的盛八已經結業了這間店肉眼所見大部份源用舊盛八的裝修和設備真的很有盛八的影子難免會將它與盛八比較新開張的優惠是9點半時段拿戲票每張可以最多減50元, 每枱最多減100元因為新店的價錢感覺上比舊的那間貴所以就選用這時段食, 用盡優惠, 但眼見好像沒啥人知道這推廣原來每一枱入座都會有兩兜食物1. 有些牛肉、虎蝦、青口、蠔這些其實MENU中也有想吃之後可以再叫可能是比較細心的經營手法知道客人一坐下都不知叫什麼又要花點時間去畫當中覺得虎蝦意外的好吃和新鮮而青口和蠔燒起來也不錯唯有些牛肉比較UN和多根感覺之前盛八的牛肉比較出色2. 刺身之前盛八是沒有刺身的而這間店要吃刺身需另外加錢可能店家都明白 客人擔心刺身類不好吃因為主打燒肉 不是刺身所以給一點客人試一試味我認為沒有其他人說得那麼差刺身的溫度好, 吃下都冰凍而且都有不少的海膽比想像中好以日燒的角度來說, 舊的盛八比較出色舊盛八肉類選擇比較多亦有較貴的MENU而且尚八是沒有甜品供應的... 沒有雪糕...是比較可惜的地方但尚八亦有自己獨有的優勢,刺身 - 可以滿足客人兩種要求

旺角不乏日式燒肉餐廳，但係要選一間質素好，而且仲有刺身食，呢間絕對唔會令你失望。就好似面前呢一客刺身，都係免費奉送。三文魚有滿滿嘅魚油香味，而帶子同甜蝦亦有新鮮海產嘅味道，而最吸引嘅係海膽，份量非常多，而且質感極為軟滑，選料一流。接著當然係食燒肉嘅時間，海鮮亦都刺身都係選料新鮮，經香烤之後更加可以揮發出香味及鮮味，青口帶有爽勁口感，而牛油元貝更加滋味無比，牛油加添元貝嘅味道，令本身鮮味濃郁，更加添加層次!而眾多肉類亦無令我地失望，牛肉粒同燒汁牛小排，都展現牛香嘅肉味，只要係爐火上輕輕一煎，大概半成熟嘅口感，入口夠嫩滑，自然就係最滿足嘅享受。而各款豚肉亦具質素，用火力迫出油份，令豚肉更加爽口香脆，非常之好食!各款雞翼亦不容錯過，有岩鹽同山葵味道，兩者都淹得入味，一人食幾隻都唔算過份!

食物新鮮款式又多。因為係放題，餐牌上推介的都試了，前菜絕不馬虎，肉類及海鮮亦不會將貨就價。味道鮮味，因為今次生日飯聚，訂了日式包廂，私隱度高，非常盡興。員工亦非常有心配合製造驚喜。讚！

👫👫👫一行6人去左呢間位於旺角既尚八👀眼望以為要迫住坐卡位但原來有自成一角既榻榻米area👘一張枱坐到10幾人，所以會同其他食客搭枱👌🏻👘坐榻榻米食日式燒肉感覺幾得意～覺得比餐桌位舒適（有即棄拖鞋提供，巧貼心），好彩有訂位jek~餐廳首先送上刺身一客，都幾新鮮但可惜海膽苦澀。🐮牛肉他他已調味，入口完全無肉腥，加上鵪春蛋令整體好滑溜～🐮牛肉類既選擇唔少，有整整一頁，只係牛舌都已經有4️⃣款～我最喜歡鹽燒系列～大部分都多肉汁，但肉質帶點韌。🐔唯有轉向其他肉類埋手。雞肉夠入味而且都幾嫩滑（前提係你唔好燒燶）～🐏羊肉就點左羊架，但有d鞋～🐚海鮮方面點左蠔、帆立貝、虎蝦、蜆、魷魚同鯖魚。蠔幾好味，但呢。。點左幾次8件，但次次都只嚟2件🙄；虎蝦好細隻，一d都唔似虎蝦🌾但算鮮甜；帆立貝多汁彈牙~🍆另外仲點左好多前菜、沙律、蔬果嚟中和一下熱氣感~🍚泡飯好滑有驚喜～餐廳都有自助飲品櫃🙎🏻但就無水果甜品之類，美中不足。。🙄環境/服務：抽氣麻麻，好大油煙。

尋日一試中大伏，價錢唔算平，但冇預到水準咁差，衰過食頹韓燒。一黎就上刺身，我未試過帆立貝會有陣番梘味，三文魚正常，疑似吞拿魚既紅色刺身口感奇特。之後開始燒，個爐完全唔夠熱，叫職員幫忙加大火候，第1位職員話公司規定冇得加大火d, 當堂嚇一嚇，燒第1粒牛燒左幾分鐘都仲係見紅。再問第2個似熟手d既員工先話有得教大d, 如果唔係真係燒到天光都未食得。講返d牛，擺到碟牛好似之前d reviews講打風一樣。無論鹽牛定汁牛，都已經分唔開。每舊牛基本上都係同一陣味，就係一d牛味都冇，肉質好鞋。試叫哂其他唔同款既牛，最後結論係全部一樣，好難食!可以話係我食咁多間最差既一間，最後頂唔順，未夠鐘埋單走人，唔知咁既質素仲做得幾耐

而家日式燒肉放題愈開愈多，要搵間又平又好味真係好難咁岩係MK叫到呢間燒肉放題新開，一於去試下先入到去都幾FULL, 環境唔太大，坐落都有d逼不過食物先係重點嘛一開波就黎個刺身拼盤先，有海膽，帶子，三文魚，甜蝦等等帶子最吸引到我，都幾大粒同厚身架~得3粒唔夠喉><之後仲有2隻龍蝦，好似係LIKE FB比既，比想像中大隻啊店員仲教我地點燒，都多肉鮮甜既另外叫左唔同肉類，呢D就無咩特別喇~要講就講和牛!超大塊，油脂都OK既，不過小心D會搶火佢又真係食落比其他肉高幾班既~~