尖沙咀巷仔大排檔 (已結業)

去開西環，又唔想食西餐，其實選擇都幾有限。咁岩有熟人食過呢間港式小炒店，評價都唔錯，就去試吓啦。店舖環境企理，食物多元化，除了鑊氣小炒，仲有啲出面無見過嘅特色小菜。🔻自家制黑白芝麻炸豆腐 HKD88Home-Mode Fried Black Sesame and White Sesame Tofu黑豆腐重黑芝麻味，白豆腐反而偏淡，兩者都配胡麻醬食，外脆內軟，風味頗佳。🔻黑哥鑊氣十足小炒皇 HKD138Signature Mixed Stir-fly 芋絲｜韮菜｜肉片｜冬菇｜腰果｜芽菜形似鳥巢，夠熱夠乾身，韮菜入口爽口無渣，送飯一流🔻鐵板火焰牛柳粒 HKD188Teppanyaki Beef Tenderloine牛柳醃得入味，質地軟稔。特別喜歡豐富的配料，整體分量算多。🔻招牌古法龍井燻雞 (半隻half) HKD188Signature Ancient Method Longiing Smoked Chincken雞皮略帶煙燻味。食落隻雞有茶香味，雞肉嫩滑，入口味道清香不膩。🔻酥炸脆皮大腸 HKD88Crispy large intestine水準以上，不油，乾身，外脆內油脂在口中代化

位置偏僻。但口味不算太差。出品也有創意，同友人吃的很開心。點了幾個菜 都吃光光。但是收得很早，不同其他大排檔。後面有客人都接待不了。豆腐，推薦這款，叫做三層樓的菜。作法和調味都很不錯。另外的桂花咕嚕都則一般。桂花沒有桂花糖的甜味，也沒有和黑色醋融合，黑醋味道只在表面。

有一段時間沒有空過來，昨天终於有時間，仔仔約我再次過來😁 我地慣例都系約11:30到，我地例牌叫咗桂花黑醋咕嚕肉，呢個我地百吃不厭，尤其是仔仔，佢非常鍾意既其中一道餸😋。然後我地叫一些未試過既小菜 ：蝦膏肉碎扒蛋白-估唔到好大碟呀，上菜熱辣辣的，蛋白滑lu lu, 清清地啱晒我。十足小炒王-叫咗走辣，仔仔食唔到辣。估唔到俾既蝦乾大大隻👍，脆米粉腰果好夠脆，材料豐富好食，如果炒得再乾身碟底冇汁仲好，碟底既汁對我來講有些少咸但都可以既。野菌燒汁牛柳粒炒飯-阿仔唔知系咪太肚餓，食咗3碗😂。我最初驚好濃味或好油，我食過果啲燒汁既飯或小菜都系偏咸偏油，有啲陰影，叫呢個飯都系15,16😂最後都系叫咗，阿仔order, 佢鍾意食牛😂。來到估唔到又ok喎，唔咸唔會話好油，飯亦炒得粒粒分明，牛柳粒唔評，因為我唔食牛，但阿仔話OK。😋最後，當然食唔晒，我預咗2個食物盒打包，晚上整少個餸，中午又可以帶飯😋。呢度是小店，廚房得1,2個，加上即叫即煮，上菜是比一般茶餐廳，快餐店慢一些，要有耐心等佢出品，我鍾意每出一個餸熱辣辣的😁。如果唔等得既，冇耐性冇時間等就去快餐店或2餸飯啦....最後，食埋個冰涼腐竹薏米糖

通常先出第一個餸需要約10分鐘至15分鐘。之後佢地會故意拖延至少等45分鐘至一個鐘。如果你催促店員，佢會問你想點，而唔係幫你入廚房跟進。甚至有時佢地專登唔催促廚房，可能知道無用。如果你見到餐堂大約有一半換咗你就要預左過半鐘左右先至出得齊所有餸。

今日2個人星期六再來呢度食中午，因為想食佢哋既黑醋桂花咕嚕肉😁。呢個真係推介，好好食😋。有人食唔停口😁 好鐘意黑醋既味道，咕嚕肉粉漿唔厚，淡淡肉，唔會好多肥膏👍👍。另外我哋再叫咗2個午市客飯：豉椒雞球飯，蕃茄滑蛋班片。佢哋好好喎，班片，班腩會在餐牌上寫明是用什麼魚，這個做法好好，一定唔會違反商品說明條例🤣。今日呢2個午市客飯依然好好食😋👍，我哋好鐘意佢哋既調味好有煮家feel，唔會好油好咸好甜，全部做得剛剛好👍。今日既糖水依然花生小米，今日食得好飽，那2碗糖水帶回家慢慢嘆，糖水好清甜😋，今晚食完糖水好滿足😁。見到其他食評話唔好，我哋真係唔覺喎，睇佢地上既菜，食材既味道，我反而覺得他們製作認真👍。而家疫情下，好多店舖好難捱，好既店舖系應該要支持下💪。

無意中發現呢間好隱世的小菜館，我哋11:30 來到，剛剛舖頭開門營業😅，所以店內只有我哋2人，星期日可以舒舒服服靜靜地好悠閒咁食一餐飯，真係唔錯😁。睇過資料店內廚師只有一人，他曾做過酒店，餐廳，大排檔，他爸爸也是廚師出身😲，因為廚房只有他一人，所以出菜會比較慢，但我哋唔介意，又唔係趕時間😁。我地叫咗: 1.大澳蝦醬义燒粒炒飯，炒飯粒粒分明，唔油，唔咸👍。份量剛好。2. 豉蒜涼瓜雞球飯(原本是排骨，佢可以俾我轉我雞球😁)，佢地系將餸同飯分開上，呢個我好滿意，我好怕啲飯全部都系汁😬。調味剛好，雞球夠滑。有少少辣椒絲，但唔會辣👍。如果呢個餸份量多返少少就更加好😁。3. 加咗個佢哋自家製黑白豆腐👍，呢個餸冇一間食肆有，加上自己唔會整到，佢哋炸呢個豆腐炸得好好，好乾身，碟底冇油😁👍。如果價錢平返少少就更加好😅。我都好印賞佢哋整到呢個餸。任可小菜碟頭飯+$6可配冷熱飲品，仲會有糖水送。今日呢個糖水我好滿意，花生小麥，呢個糖水是凍，啱晒咁熱既天氣。平時我唔好呢個，但佢哋做呢個糖水唔太甜，食落好養生，好清熱，好透心涼，食完好舒服。餐牌寫加一服務，但我哋埋單冇加一😁，唔知系咪午餐免加一。今日食得好滿意，

今日叫咗招牌煙燻雞有怪味有酸味全完冇煙燻味，蝦醬鮮魷通菜，啲菜係白烚冇蝦醬味，鮮魷不新鮮，豉油王虎蝦，完全冇豉油香味冇獲氣，呢間尖沙咀巷仔大排檔，大家千祈唔好去食，真係超級難食😡😡😡

[ 尖沙咀港仔大排檔 | 石塘咀 ]Came down from visiting HKU for dinner. Not a lot of options to choose from around Westwood, mostly just coffee shops. But stubbled onto this indoor dai pai dong. We came early around 6:30 and luckily we were able to get a seat even though most were already reserved. We thought this meant they would be serving good food (spoiler alert: they do not). We ordered around 6:45 and the first dish came at 7:30, then each dish afterwards took 10 minutes more respectively. There is only

地理位置非常唔錯，B2口一出來往後邊20米就係午市營業到3點，晚市6點開始，但係openrice冇講清楚，我同朋友三點過來未營業，但係又想嚐嚐看，所以晚市六點半又來了，店內客唔多，唔使排隊，環境都唔錯，一開始有啲擔心係唔係唔好食，但係食完覺得都唔錯。份量比其它大排檔多，兩個人點三個菜根本吃不完，比隔壁楚撚記良心質素ok，牛做得唔錯，熏雞我自己唔鍾意甜味，我朋友覺得ok，豬耳切得好大塊，份量也很大，總體唔錯

行過附近睇到餐廳話係非一般茶餐廳，肚餓就試下，第一次食，叫左薑葱魚雲煲.白飯一壺茶。聽員工話廚房吾夠人，廳面吾夠人，預左等先有得食，等左20分鐘左右，個餸都幾好樣黎到面前，點知食左幾件發覺真係非一般，有一半以上都係生魚吾熟，仲食左一啖生落肚，一開始諗住一舊生就掉埋一邊繼續食，點知一路掉一路生到尾，一陣生魚腥味，同經理講個經理都好客氣回覆點解吾叫佢整返熟，因為件件魚都俾我用筷子夾過衛生問題無叫佢返炸，有啲反胃想嘔所以結帳走了，結帳$152，不好食都不會寫評論，但食生嘅野同照收原價，心態上本人感覺好差，所以結負評

朋友住附近，朋友都有食過話ok，所以選擇左食呢間約左18:30，店面唔算大，當時有2枱客我地4個人，都係鍾意飲酒食住吹水嘅客所以叫左5支啤酒，叫左2隻乳鴿，椒鹽鮮魷同咕嚕肉，諗住慢食，食完先再叫1️⃣乳鴿～超失望，皮超乾，肉質勁鞋，感覺似隔夜，掛住一晚所以吹到乾皮後再翻炸上枱，結論食淨一隻有同食店即時反映，但冇任何comment，亦都見侍應聽我哋講完就算，冇同廚房反映過！2️⃣椒鹽鮮魷～鮮魷ok，肉質厚唔銀，但個粉漿就好淋唔脆仲要好鹹，好彩飲啤酒中和下，都係食唔哂！3️⃣咕嚕肉～呢個就正常，味道同肉都好味👍🏻結論我地食左1個鐘左右，無食完，係飲完5支啤酒就埋單，決定轉場再食過！朋友埋單，唔知幾錢！但朋友有講過覺得今餐唔扺！

今晚第一次來這間高級大排檔餐廳。沒想過佢地D餸煮得咁好味。今晚食炸豬大腸、三色篜蛋、會噴火的牛粒粒、西米芋頭糖水（餐廳送既！）。理道D小菜樣樣都 surprisingly good! 每道菜都十分嘢味，好夠火候！菜色選擇多，沒有用太多調味粉，食完飯後有一種很窩心的感覺！Didn’t expect to find this little gem near HKU MTR station. Their dishes were surprisingly delicious! They didn’t use much msg and yet each dish was extremely flavorful. Will definitely revisit !

有一晚，我同阿爸阿媽去咗香港大學站附近探人，跟住我地唔知去邊度食。行吓行吓，就穿過西寶城，就到前面一間小菜餐廳。入咗去，見到靜英英，就覺得冇乜期望啦。我嗌咗椒鹽鮮魷、雜菜煲、花膠燉雞湯、乳鴿。椒鹽鮮魷嚟到嗰陣時，我真係O晒嘴，佢皮薄肉厚，啲椒鹽成座山咁高。雜菜煲總共有十樣材料，送飯一流？花膠燉雞湯真係好大舊花膠，感覺蝕晒本。乳鴿就即炸，好好味😋食完之後，如果老細同老闆娘得閒，就會出來同你吹水，仲會送糖水！佢係在逆市中，開嘅一間鋪頭，大家記住支持佢啊！　

第四限聚令，冇得出街食，唯有買返屋企食啦，嗌年近晚，一家人食咩好，梗係食盆菜啦，一盤乜都有！正路過，見到個二奶架，盆菜好似好正，不過心諗間間影出嚟都好正㗎啦，實物與相片不符，都唔係第一日嘅事啦。於是走入去問店員，佢哋俾咗張實物圖俾我睇，嘩咁嘅質素，仲要咁嘅價錢，唔訂都對唔住自己喎。大家睇到既相片就係我買返嚟屋企嗰陣影嘅！呢個花膠size起碼要$2000一斤，雖然得壹隻大，其他都係細細隻，有一隻都好開心啦！仲有啲鮑魚，係鮮鮑整架，呢個size嘅鮮鮑，起碼要$120一斤！真係唔食得都睇得！不過又真係幾好食。

#holidayouthk美食【紅燒乳鴿皇】 HKD78.【涼拌酒糟鹵鴨舌】 HKD78.【古法雙冬黑草羊腩煲 二至四位用】 HKD298.天氣涼陣陣🌀，羊腩煲🐏係唔少人至愛。本身過黎係主要想試下小炒🧆同海鮮🦞嘅質素。譬如椒鹽鮑魚等等都要預訂先有，所以我地👩🏻‍🤝‍👨🏼想食嘅野一樣都食唔到。最後揀左2️⃣樣佐酒小食同羊腩煲🥘。乳鴿同一般食到嘅一樣，皮脆香口😋。鴨舌👅以酒🍶浸至入味，不過味道更濃會更好。羊腩煲可以話係冬日之選❄️。有二至四位用同$498嘅五至八位用。份量兩個人食都係岩岩好，四個人食就差啲。羊肉穌穌地，唔鞋口，加埋腐乳醬更係絕配，不過食落去隔一陣有陣比較重嘅苦苦地味。.📍尖沙咀巷仔大排檔西環石塘咀山道48號南昌大廈地下C號舖🚇香港大學站B2出口 步行約3分鐘🕑星期一至日 11:30-22:20