影片
更多
2024-06-10
1573 浏览
無可否認，人多食飯，揀食自助餐是最適合，既唔使遷就某某口味，亦唔需要等來等去，食住等最輕鬆。尖沙咀凱悅酒店自助餐，是我以往常到訪的地方之一，但數數手指，原來疫情之後，我只來過一次吃午餐。算是久別重逢，出去兜過圈睇睇嘢食有無多或少左先！率先走到冰鎮海鮮區，凍蝦、海螺、青口，最重要都係皇帝蟹腳，夠粗大，啖啖肉，味道唔係死咸。唔知係咪天氣熱，近排總是好想食刺身與壽司，呢度有即宰魚，是夜就係油甘。師傅即場支解，保証新鮮。當然，其他款式的刺身如黃鰭吞拿、帶子等都唔失禮。繼續日本嘢，天婦羅好多酒店自助餐都有得食，不過軟殼蟹天婦羅就唔係度度有，外層鬆脆不硬，又多羔，要試。龍蝦是酒店一直以來的招牌項目，肉質嫩滑又多羔，龍蝦鉗自然更加鮮甜，記緊要趁熱食，保持到水準。每枱均會奉上燒蟹腳，香噴噴，啖啖肉好吸引，肉質也是十分鮮嫩。熱葷方面都有唔少海鮮，隨口數都有蒸沙巴龍躉、上湯龍蝦鉗、豉椒炒青口等等，水準大致令人滿意，另外仲有一款非海鮮類的熱食，個人是十分喜歡，就是薑醋，雞蛋夠入味，豬手皮膠性豐富，好吃。作為食肉獸，自然唔會走甩呢度既燒牛肉，嫩紅的色澤，入口鬆化，配角唔淨止一般烚薯仔咁寡，仲有香口既薯條，燒茄
無可否認，人多食飯，揀食自助餐是最適合，既唔使遷就某某口味，亦唔需要等來等去，食住等最輕鬆。尖沙咀凱悅酒店自助餐，是我以往常到訪的地方之一，但數數手指，原來疫情之後，我只來過一次吃午餐。
算是久別重逢，出去兜過圈睇睇嘢食有無多或少左先！
率先走到冰鎮海鮮區，凍蝦、海螺、青口，最重要都係皇帝蟹腳，夠粗大，啖啖肉，味道唔係死咸。
唔知係咪天氣熱，近排總是好想食刺身與壽司，呢度有即宰魚，是夜就係油甘。師傅即場支解，保証新鮮。當然，其他款式的刺身如黃鰭吞拿、帶子等都唔失禮。
繼續日本嘢，天婦羅好多酒店自助餐都有得食，不過軟殼蟹天婦羅就唔係度度有，外層鬆脆不硬，又多羔，要試。
龍蝦是酒店一直以來的招牌項目，肉質嫩滑又多羔，龍蝦鉗自然更加鮮甜，記緊要趁熱食，保持到水準。
每枱均會奉上燒蟹腳，香噴噴，啖啖肉好吸引，肉質也是十分鮮嫩。
熱葷方面都有唔少海鮮，隨口數都有蒸沙巴龍躉、上湯龍蝦鉗、豉椒炒青口等等，水準大致令人滿意，另外仲有一款非海鮮類的熱食，個人是十分喜歡，就是薑醋，雞蛋夠入味，豬手皮膠性豐富，好吃。
作為食肉獸，自然唔會走甩呢度既燒牛肉，嫩紅的色澤，入口鬆化，配角唔淨止一般烚薯仔咁寡，仲有香口既薯條，燒茄子，甚至菠蘿腸仔，腸仔當然唔係罐頭嗰啲貨色，有趣。
朋友大讚呢度湯水好出色，又即管試試。中湯有大大隻花膠，湯頭清甜，估唔到西湯既番茄湯都好掂，直頭搶去主角風采。
再走到甜品區，各式蛋糕選擇多，仲有木桶豆腐花、窩夫、芒果糯米飯、桂花啫喱，以致曲奇餅及蝴蝶酥等，就算甜胃裝唔到咁多，睇見都開心。
就蛋糕而言，有幾款應該要試，提拉米蘇做到濕潤可口，拿破崙鬆脆有層次，最讚還是伯爵茶蛋糕，陣陣茶香吃得舒服。吃得飽飽，呷一口伯爵茶作結，在怎樣的情況下，都要好好享受生活。
张贴
