尖沙咀凱悅酒店咖啡廳

這是我吃過最差的自助午餐首先海鮮區只有涷蝦，青口，蜆及小龍蝦，款式少至餘，仲要不新鮮，得雪藏味，另外啲蜆都壞了，冇開口。第二，沙律區，啲菜不新鮮，乾的，第三，壽司區，得普通的salmon,tuna ,octopus同希靈魚刺身，以及少許壽司，無特別。第四，啲smoked salmon 得個鹹字，無魚味第五，熟食區選擇不多，只有印度料理，燒味,粉麵及少許西式料理，例如蕃茄煮魚柳，cp值低第六，啲蛋糕的質素也不好，榴槤蛋糕沒有榴槤味，巴斯克芝士蛋糕沒有芝士味，Tiramisu得個滑字，沒有咖啡或酒味。總括來說，要大約用$400的價錢食這間buffet，完全不值，款式少，食物普通甚至難食，誇張啲來說，可能連一間素食buffet都不如，可以列入No.1 black list 的 buffet

今日同朋友慶祝生日，去咗食自助餐，呢度最正係可以無限時段，由晚上六點食到10點， 仲包一杯餐茶， 出面仲有兩個飲品（檸檬或藍莓水）可以任飲， 清清地唔會太甜， 生日既朋友早一日通知餐廳仲會有個細蛋糕送。 野食方面， 冷盤有蟹腳，蝦，青口等，仲有沙律,Parma ham 芝士， 刺身， 壽司。熱盤就有湯麵， 蟲草花花膠雞燉湯，菜，肉，燒味熱盤都有，仲有印度野， 而燒龍蝦是必食既，長期都可以攞， 但蒸龍蝦就要等指定時間去排隊， 每次攞完又要等下轉，我覺得燒既整法好食啲！刺身部一敲鐘就要注意，原來有靚拖羅攞，攞晒就無！ 甜品有豆腐花，雞蛋仔，拿破崙呢幾樣都好食， 另外一般既cake 都有， 而雪糕就得6款， 選擇較少，不過食足4個鐘慢慢食都好夠，而且假錢唔貴，亦坐得唔迫！

今次又係2個人，又再食。OpenRice 訂位，仲有8折。真係好鍾意黎，每次都有新發現，感覺認真唔錯今個月有和牛壽司，即叫即做。無論食材，烹調技巧，都一流。因為平日，無即開油甘魚。可能係平日人太少，龍蝦雖然即煮，但無人排隊拎，食極都係第一煲個啲(食左3隻)，感覺放左好耐咁，有啲失色。甜品多左雞蛋仔，非常脆口。自製配搭加上生果同雪糕，一流。燉湯亦都非常出色，每次去都會飲兩三碗今次仲未試到佢即製卡邦尼意粉，希望下次仲記得留肚試啦平日OpenRice 訂枱仲有8折，正！

兩大兩小下午茶，環境清靜。食品賣相吸睛，甜品不太甜但味道剛好，小朋友都好岩食。每種都令人有清新和新鮮的感覺，很用心制作。飲品有mango soda 和 rainbow moctails ,小朋友較喜歡rainbow , 味道在外邊找不到相同飲品的味道

Buffet 食物選擇少，價值高的食材偏少，只有燒或烚波士頓龍蝦和海膽壽司，沒有生蠔和鵝肝等有價值的食品。其他肉類食物，無論是羊扒和牛肉，質素都是很普通。 價錢與質素完全不合比例！中式食物質素非常普通，沒有什麼價值高的食品，例如燒鵝和海鮮。大部分壽司都是限量供應，海膽壽司更要等待很久。西式食品種類非常少，只有羊扒和牛肉供應，其他就沒有了。甜品質素非常一般，奶油和忌廉很重，非常飽肚。總結，不建議用6百多元去賞試。

屋企人話想食自助餐黑色咁自助餐嘅時候，見到今次尖沙咀hyatt做海膽主題就二話不說book咗由於間酒店都唔算新餐廳入邊嘅設施都睇得出有一段歷史例如好大張嘅枱凳同比較暗嘅燈光嘢食方便因應海膽主題，今次有海膽多士，忌廉海膽意粉同海膽軍艦首先所謂嘅海膽多士其實就係一舊好大嘅多士上邊有一嚿好細嘅海膽完全唔吸引忌廉海膽意粉就好出色，意粉有濃濃嘅海膽同忌廉味，意粉係al dente 之後就係海膽軍艦，不過不失之後佢仲有烚龍蝦同烤龍蝦兩樣都好有鮮味甜品方面，比較少選擇但個窩夫好好食

忘記影相。星期日中午自助餐，但沒有坐滿。食物無論沙律區，熱盤，冷盤，咖哩區都選擇不多，食物味道好像三星級數，燒牛肉又乾又硬。送的半隻焗龍蝦好乾身。麵食的墨魚丸味道好一般。义燒也是好一般。天婦羅只有蝦，冬菇，太少選擇。甜品區的雞蛋仔沒有雞蛋味道。甜品區：切西餅的廚師姐姐，雖然戴上手套，但分餅時，用手放在每件餅上面，真的接受不到，（我當然冇食），衞生方面有待改善。上次幫襯係今年三月。但今次真的令我地全家好失望，我哋係Hyatt 多年支持者，以前Hyatt 係彌敦道我哋已經有幫襯，有入會的。咁既價錢真係好唔值。睇怕多數唔會再去。😞P.S. Open rice 25% off

夏日炎炎同閨蜜嘆果漾下午茶就最適合不過🤭今日相約到尖沙咀凱悅酒店撐枱腳🙋🏻‍♀️女生們一齊享受繽紛夏日氣息🎉一系列精緻鹹甜點以當季新鮮水果入饌😋色彩繽紛奪目🌈杏甫薄荷英式鬆餅配以三鹹點五甜點，賣相吸引之餘仲款款都好出色✨🔹鹹點✨夏日凍湯用上青瓜、西瓜、薄荷打成之凍湯，飲落感覺清新舒爽，消暑解渴一流😻✨肝醬慕絲馬卡龍傳統馬卡龍化身成鹹點，有驚喜🤪入口先有油脂香四溢既鵝肝醬溶於嘴巴，夾著燴洋蔥及滑溜香草忌廉，鹹甜融合👏🏻✨炸三文魚餅金黃香脆賣相吸引，面層鋪滿口感清脆飛魚籽，另配以刁草蛋黃露油，層次感十足🔥🔸甜點✨西瓜冰棒夏日熱辣辣最鍾意就係食西瓜消暑，呢款西瓜冰棒造型可愛，香甜爽口🍉✨夏季香桃蛋糕肥嘟嘟粉紅色外型夠哂搶眼，白桃味相當突出，蛋糕軟綿，感覺輕盈清新💕✨芒果酥盒新鮮芒果肉細軟濃郁，酥皮香酥鬆脆，超高質💡✨香瓜藍莓蛋糕芝士蛋糕綿密軟滑，配以香瓜及藍莓，味道酸酸甜甜唔會太過膩🙌🏻✨檸檬酒杏仁柚子蛋糕卷蛋糕卷輕柔細膩帶點濕潤感，散發柚子清香，甜度剛好❣️🥯杏甫薄荷英式鬆餅有別於一般牛油鬆餅，用上杏甫及薄荷製成，外酥內軟，口味豐富，夾雜薄荷香，好特別既組合💋嘆果漾下午茶又點少得精緻特飲🧊分別

今日的午餐，實在令我太失望, 尤其是甜品區，比以往只剩五份一，另外只出一次，不補食物，簡直好像要搶食一般，與三星級無異，根本不可能想像在五星級內用餐，太失望， not good experience and disappointed 。希望有改善⋯⋯令食客不會再回頭。為了節省成本，結果連客人都溜走，得不償失。not wise 🥲

知道呢間酒店有龍蝦海膽做主題，所以去試一試，今次都係第一次食，不過都幾肯定唔會再嚟，作為酒店嘅自助餐，員工態度非常差先講左食物先第一樣試嘅係蟲草花花膠湯，味道唔錯同埋都足料龍蝦嘅選擇有不同，有燒龍蝦同埋蒸龍蝦，味道正常不過不失刺身嘅選擇都正常，有帶子、蝦、三文魚、希靈魚、八爪魚等等整體食物質素正常，但選擇唔算多，衛生情況正常，收費成人$798+ 一個，性價比較低，呢個價錢絕對可以有更多更好另外今次用餐體驗比較差，排隊拎烚龍蝦，一位屋企人一齊排緊隊想一人一份，問可唔可以合共要兩份，都冇特別要多，廚師直接回覆話：咪整緊囉(重指住佢放緊入爐嗰啲龍蝦)覺得好無奈，已經好有禮貌咁問，同一人一份都好合理，好似食到要受氣但平心而論樓面上無特別嘅問題，侍應協助收碟都好快，但因為食物種類都冇咩特別好吸引，所以相信呢個價錢的話，都唔會再嚟

全球暖化問題嚴重, 踏入7月, 最高氣溫達38度, 真的很誇張!! 真的要吃些涼快的美食降溫, 尖沙咀凱悅正推「夏日果漾下午茶」, 賞心悅目~  6款甜點及3款咸點, 盡顯盛夏色彩. 這件紫色馬卡龍其實是咸點, 因內裏夾著肝醬慕絲及香草忌廉.  肝醬幼滑, 特別之處是混了燴洋葱, 添了少少酸度, 很解膩.而紅卜卜的是夏日凍湯, 以青瓜、西瓜及薄荷攪拌而成, 極級清涼, 沒有太濃的青味, 反而西瓜的清甜夠解暑.另一款咸點賣相不錯, 是炸三文魚餅, 特別喜歡面層的飛魚籽~    甜點之中, 我最喜歡芒果酥盒及香瓜藍莓蛋糕.  芒果酥盒是酒店的signature, 鬆脆度十足, 夾著大大件酸甜有度的芒果, 一口吃下, 好幸福! 香瓜藍莓蛋糕同屬清新爽甜之選, 蛋糕軟綿,  不錯啊~ 西瓜冰棒是西瓜冰包著西瓜粒, 建議趁凍時吃, 就像吃西瓜雪條般.接著是甜度較高的夏季香桃蛋糕及檸檬酒杏仁柚子蛋糕卷.  賣相可愛的香桃造型蛋糕, 帶清香的桃味, 也夠軟滑. 檸檬酒杏仁柚子蛋糕卷是眾款之中最甜的, 可能用了檸檬酒, 要平衡返酸度, 不過我好欣賞放了小花及杏仁片, 好多細節, 而蛋糕卷質感好軟熟.

仲夏有什麼好得過品嚐一頓果香滿滿的下午茶！於是便約埋兩位美女陪我去嘆一場充滿朝氣的水果下午茶。這次下午茶地點是我超喜歡的咖啡廳，位於尖沙咀凱悅酒店內的咖啡廳裝潢充滿書卷味，配襯超高樓底在這兒吃下午茶真的非常愜意。這趟的主題夏日果漾下午茶看見也覺得清爽，點心和特飲也色彩斑斕非常吸睛。飲品中有香甜的芒果梳打和七彩繽紛的彩虹特飲，兩杯也充滿清新的水果香氣而且不會過甜！在炎炎夏日嘆一杯真的十分清爽。這個下午茶分別以三鹹五甜的點心加上英式鬆餅組合而成，鹹甜點心的件頭不細吃罷下午茶後我肯定不用再進食晚餐。鹹點總共有三款包括是夏日凍湯、肝醬慕絲馬卡龍及炸三文魚餅。這一杯夏日凍湯用來消暑最合時宜，這杯以青瓜、西瓜加上薄荷組打成的凍湯喝下味道超清新，加上爽口的薄荷味道非常有驚喜。接下來這件炸三文魚餅香脆的外層鋪滿口感十足的飛魚籽，再配上香氣撲鼻的刁草蛋黃露油吃罷齒頰留香。最後這一件肝醬慕絲馬卡龍就最得我歡心！輕脆的馬卡龍夾著香甜的燴洋蔥及滑溜香草忌廉，當然還有主角肝醬慕絲既邪惡又美味。這次的Scones用了超特別的杏甫和薄荷來炮製，味道非常特別絕非一般英式鬆餅可媲美。來到甜點部份五件點心分別是檸檬酒杏仁