小點角落 (新都會廣場)

营业中

休息中

每次去親葵廣掃街，掃到出曬汗又無得好好坐係到食，超辛苦。聽友人介紹另一邊新都會商場五樓竟然新開「小點角落」，可以嘆住冷氣掃街又吾洗逼，決意試新野。餐廳門面光猛明亮，有落地大玻璃透光，設有卡位雅座，供人一種舒適悠閑感。其主打港式新派小食，有多款街頭小食提供，雞蛋仔、煎釀三寶不在話下、仲有新式甜品。掃街小食拼盤 + 籠仔腸粉：有選擇困難症的人可簡這款有齊六款的人氣街頭小食，包括：麥皮蝦芒果沙律脆筒、碗仔翅、特大魚蛋、山椒鹹蛋黃雞翼、蝦頭油菜圃燒賣及煎釀三寶。另外也用優惠價加了一份籠仔腸粉，熱辣辣用籠仔蒸起，風味十足 ，蘸上麻醬及甜醬，好有彈性夠香滑，好味。麥皮蝦芒果沙律脆筒，用黑色甜筒盛著香脆的炸蝦，底層墊有芒果沙律，有創意又清新，芒果粒又多又甜，連炸蝦都調到有陣果香味。仲有大推蝦頭油菜圃燒賣也是很特別，爽口彈牙，加上菜圃蝦頭油，好惹味，菜圃好有咬口，仲有蝦香氣。山椒鹹蛋黃雞翼：好邪惡呀！鹹蛋黃溶呈流心狀態，起曬沙，每一隻雞翼都蘸滿了蛋黃，雞翼炸至金黃，鎖緊肉汁，不錯。蝦頭油撈面：采用大量新鮮蝦頭熬制而成,呈現濃郁鮮甜的口感，股濃郁的蝦香氣，麵條會迅速吸飽湯汁，變得軟滑有勁。面條彈牙，再加

最近行過葵芳新都會廣場，發現有好多新開嘅餐廳。呢間就係其中一間。睇到menu 係食啲港式小食，餐廳環境又幾靚。掃街拼盤 $88有麥皮蝦芒果沙律脆简、碗仔翅蒟蒻麵、特特大魚蛋、山椒鹹蛋黄雞翼、蝦頭油菜圃燒賣、新煎釀三寶最特別係個蝦同芒果配埋又幾夾。燒賣個汁好好味唔同平時食開嗰啲，呢個香好多。籠仔腸粉 +$18.0腸粉份量好多，好滑口感又彈，又多醬👍👍山椒鹹蛋黃雞翼 $58個面鋪曬鹹蛋黃醬，雞翼炸到金黃色，正。蝦頭油撈麵 +$18個面鋪左啲蝦皮，令到個麵香好多。雪糕雞蛋仔102畫室 $60雞蛋仔入面有麻糬，揀左朱古力醬、海鹽焦糖醬配雲呢拿雪糕。有得玩又有得食，如果雪糕有多啲選擇就更好。芒芒西米露雞蛋仔 $48有新鮮芒果、又有芒果乾係面。個西米係脆脆哋好得意。芋頭西米椰皇蛋白 $68個椰皇蛋白好香、入面有芋圓、西米。阿薩姆手打香檸茶 $26👍👍椰奶咖啡 $36 👍👍👍呢度好岩朋友聚會又想掃街嘅人，食物選擇多、座得舒服又唔使同人迫。

辣牛筋腩 $52推薦少少香辣腩汁好腍好惹味～送飯一流籠仔腸粉 $18蝦頭油撈麵 $18腸粉醬料取勝：芝麻、麻醬、甜醬搭配蝦頭油撈麵好惹味，港式撈麵，麵條彈牙～掃街拼盤：貪佢咩都有，啱晒咩都想試嘅我~賣相幾靚!!燒賣好食!!雪糕蛋仔102畫室 $60　玩味十足的雞蛋仔，畫板設計，配搭雞蛋仔和雪糕～附上兩枝醬料，好看又好玩蛋仔有麻糬餡，好味！甜點好高質！ ！芒芒小丸子椰皇蛋白：椰皇蛋白嫩滑好香，椰奶味重～榴槤甘露果凍碗：喜歡有杏仁布丁西米露好香～芒芒甘露沙冰 $36西柚橙香檸茉莉 $36飲品好味！芒芒甘露沙冰芒果香西柚橙香檸茉莉清新解渴，有淡淡花香！

難得行完葵廣係新都會見到呢間Menu幾吸引，有唔少港式甜品同小食，可以坐低慢慢嘆！麻辣牛筋腩牛筋煮的超軟嫩，配上香麻辛辣醬唔錯！瑞士雞翼一客有6隻，size都幾大，瑞士汁好入味追加輕盈主食(+$18)分別追加咗蔥油流心蛋飯及蝦頭油撈麵 蔥油加上菜圃好啱送飯，而蝦頭油撈麵 撈麵香氣十足，非常惹味雞蛋仔102畫室雞蛋仔可以揀味道有原味、朱古力粒粒、麻糬味揀左原味配草莓醬，焦糖醬賣相可愛，雞蛋仔口感帶煙韌芋頭西米椰皇蛋白配料非常豐富，甜度適中，岩哂我口味榴槤甘露榴槤香濃用料十足，内有馬來西亞D24榴槤肉、椰子布丁，水晶珠等等阿薩姆手打檸檬茶清新又解渴西瓜香檸梳打

我和朋友都熱愛品嚐街頭小食。然而，天氣炎熱且葵芳地區人潮眾多，所以我們找到了這家以港式小食為主題的餐廳，除了供應各種吸引人的港式小食選擇外，他們還有多款打卡甜品外。我們貪心地點了多款食物，雖然食量有限，但為了不浪費美食，我們全數品嚐完畢後才滿足地離開！掃街小食全餐 HKD88這個套餐包含了多種美味的小食：麥皮蝦芒果沙律脆筒 — 雪糕脆筒內包裹著酥脆炸蝦和香甜芒果。碗仔翅蒟蒻麵 — 經典的碗仔翅搭配彈牙的蒟蒻麵條。秘製咖哩魚蛋 — 咖哩香濃魚蛋彈牙。山椒鹹蛋黃雞翼 — 脆皮雞翼淋上特製山椒鹹蛋黃醬。蝦頭油菜圃燒賣 — 充滿蝦油香味新煎釀三寶：外脆內嫩的煎釀三寶。麻辣牛根腩 HKD52醬汁惹味， 帶點微辣的牛根腩另外可加HKD18 輕型主食，雖然叫輕型主食，但份量十足蔥油溏心蛋飯 HKD18香氣四溢的蔥油與溏心蛋搭配飯食蝦頭油撈麵 HKD18充滿蝦油香氣的撈麵，加上少許菜圃。雞蛋仔101畫室 HKD42雞蛋仔味道選擇了朱古力粒粒顏料選了煉奶和海鹽焦糖但顏料裝當天供應已完畢，只有用小碟裝有煉奶和海鹽焦糖。原來應該玩足十足的雞蛋仔，變了只能額外夠沾醬。幸好是雞蛋仔香脆內軟，蛋味十足！加回了分數

平時掃街都係路過就去飲下食下，但宜家夏日炎炎，真係唔想係條街上大汗疊細汗咁企係度掃街啊～🥵🥵🥵咁啱知道咗葵芳有間餐廳係主打街頭小食，可以舒舒服服咁歎住冷氣品嘗美點，真係好開心啊～🥰🥰佢哋個掃街小食全餐，有齊平時街邊檔必食餐點，碗仔翅、煎釀三寶、燒賣、魚旦、炸物樣樣有齊，真係好滿足啊～🥰🥰佢哋除咗小食，連甜品都有埋，即撞木桶豆腐花係必食甜品之一🤤🤤 仲有手調飲品都好受歡迎～夏天想歎住冷氣掃街，可以考慮小點角落🤭🤭🤭

葵涌區大部份懷舊小食已轉營逐漸上樓, 今次就走在時代尖端去商場享受高質街頭小食又有掃街Feel, 首先店面裝修不太華麗, 但又充滿文青氣氛, 每個卡座都可打卡, 更襯上兩杯解暑手打飲品-西瓜香檬梳打及芒芒甘露沙冰。說到食品方面, 那個掃街拼盆完全找回學生時代回憶, 那碗仔翅、咖哩魚旦、煎釀三寶、魚肉燒賣、咸蛋黃炸雞翼以及最有新意的麥皮芒果蝦肉脆筒, 好食又吸睛, 另一麻辣牛筋腩及蝦皮頭抽鼓油撈麵, 簡直一絕, 係時候試甜品啦, 照牌云呢拿雪糕雞蛋仔配上煉奶及焦糖醬, 脆口惹味, 熱食甜品就有椰皇蛋白芝麻糊豆腐湯圓, 這頓掃街小食認真大滿足。

葵芳小店, 座位舒適，樓底高夠空間感，好岩朋友傾計食下小食。掃街小食全餐 ，有6款小食咸蛋黃雞翼好香好惹味，炸雞翼夠熱夠香脆，沾滿咸香的咸蛋黃醬好正。燒賣大大粒，充滿蝦頭油的香氣，加櫻花蝦乾同菜圃，味道更香同有咬口。煎釀三寶有紅腸、茄子、青椒，煎得香口不油膩，有肉感又夠熱。麥皮蝦芒果沙律脆筒，蝦大隻又爽彈，配芒果沙律味道好夾。大魚蛋係5粒魚蛋，但加左惹味醬，好有沙嗲風味。碗仔翅蒟蒻麵，味道清淡，加醋幾開胃。個人推介重量級小食，麻辣牛根腩非常好味，味道濃郁的麻辣醬，唔會太辣，牛似味重，肉質鬆化，連牛根都好軟滑，份量也很足。蔥油糖心蛋飯，好香蔥油味，個飯配牛根腩好正，糖心蛋滷得入味。蝦頭油撈麵比飯的蔥油更香，富蝦頭油濃香味。雪糕雞蛋仔102畫室，揀左雲尼拿雪糕配朱古力雞蛋仔，仲有士多啤梨及焦糖醬，可以自由加入醬料，有如畫室內創作自己作品，朱古力雞蛋仔熱辣辣又外脆內軟，都好多朱古力，配雪糕食一冷一熱好正。榴槤甘露果凍碗，好豐富好多料，有蛋白凍同椰子水凍，好滑溜好清甜，榴槤亦好濃厚，賣相靚又好味。芒芒小丸子椰皇蛋白，好多椰汁好有椰香，蛋白較少同散開，再滑D會更吸引。芒芒甘露沙冰，成杯甜品咁多材

餐廳位於新都會廣場好方便，以地道港式小食為主，有多新款自創新派糖水同懷舊小食，環境簡約舒適，格局開揚🪄掃街小食全餐拼盤非常豐富，有麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣、新煎釀三寶香港好多掃街小食都正，依家夏天可以嘆冷氣食超爽，當中最特別係麥皮蝦芒果沙律脆筒，用甜筒盛著香脆的炸蝦，底層墊有芒果沙律，有創意而另外蝦頭油菜圃燒賣也是很特別⭐️另外也亦追加蔥油溏心蛋飯$18口感甜中帶點鹹，還有涼伴青瓜絲及溏心蛋⭐️蝦頭油撈麵撈麵好香充滿蝦味，鹹香十足，每一條麵條都有蝦子，食起嚟爽口彈牙🪄麻辣牛根腩帶少少香辣腩汁製成牛根腩，好香口開胃，好入味，而且咬落去都好淋🪄流雪糕雞蛋仔102畫室呢個賣相十分可愛，餐廳會附上兩枝醬料筆，然後你可以發揮小創意在畫板上塗鴉，配上雲呢拿雪糕及顏料 -煉奶，增加了玩味十足嘅雞蛋仔，雞蛋仔口感帶純煙韌，夾著冰凍雪糕好適合夏天🪄芒芒椰皇小丸子蛋白 芋頭西米露椰皇蛋白餐廳嘅椰皇蛋白都整餐最吸引，原個椰皇包著蛋白再有其他材料作搭配，份量都非常充足，再加上椰皇內裡果肉甜蜜有口感，非常滿足！用椰皇殼盛著香甜的芒果，加上淡淡的椰皇香氣，綿滑又滋補

今日去了葵芳一間新派港式小食甜品店「小點角落」，估唔到大熱天時都可以嘆住冷氣掃街，我們叫了：1️⃣ 掃街拼盤 $88🥢 掃街拼盤，一次過可以品嘗多款港色小食，包括 麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣、新煎釀三寶；每款味道都相當唔錯，賣相又靚，可以坐低慢慢食2️⃣ 加配 蔥油溏心蛋飯 $18🥢 蔥油溏心蛋飯，白米飯粒粒分明，配上糖心蛋，簡單又美味3️⃣ 瑞士雞翼 $52🥢 瑞士雞翼，口感酥脆、肉質肥嫩、風味濃郁、香料搭配豐富4️⃣ 加配 籠仔腸粉 $18🥢 籠仔腸粉，外表光滑軟嫩，口感滑嫩鬆軟，醬汁入味，是我最喜愛的小食5️⃣ 雪糕雞蛋仔102畫室 $60🥢 雪糕雞蛋仔102畫室，可以自選雞蛋仔口味，再加上雪糕及兩支顏料，賣相十分吸引及有趣，打卡一流6️⃣ 芒芒小丸子椰皇蛋白 $82🍧 芒芒小丸子椰皇蛋白，綿密蛋白，配上芒果小丸子，香甜美味，椰子香氣撲鼻7️⃣ 榴槤甘露果凍碗 $62🍧 榴槤甘露果凍碗，果凍配上榴槤，鮮香濃郁十足，層次豐富，口感清涼8️⃣ 芒芒甘露沙冰 $449️⃣ 草莓鮮奶 $44

☀️陽光灑進店內，柔柔地灑落在舒適的沙發和座椅上。桌上擺放著精緻的下午茶套餐、小食、甜點，等候我們細細品嘗～我拿起一杯清香四溢的茉莉花茶，小啜一口。茶香撲鼻而來，柔和而平和，立即帶走了內心深處的疲憊。🌻 畫板雪糕麻糬雞蛋仔🍧🍿🍫$60 ✨這款結合了雞蛋仔和雪糕的創意甜品，口感層次豐富，煉奶、朱古力醬與雲呢拿雪糕等配料相得益彰。 🌻 掃街拼盤🍢🍡 $106✨這個拼盤集合了不同風味的小吃，包括足料冬菇魚肉碗仔翅🌟、鹹蛋黃雞翼🤩、咖哩魚蛋🤓、燒賣😎、軟殼蟹芒果雪糕筒🦀🥭等，融合出多元味道。👅🌻 麻辣牛筋腩🍗 $70✨牛筋腩吃起來滑嫩，麻辣味非常濃郁。🌻 蝦頭油撈麵🍜 $18✨蝦頭油撈麵帶有濃郁的蝦味，麵條口感不錯！🌻 芝麻糊豆腐湯圓椰皇蛋白🥥 $68✨滑嫩的芝麻糊與彈牙的湯圓，配上清甜的椰皇蛋白，味道非常配搭！🌻 芒芒小丸子椰皇蛋白🥥 $72 ✨超多煙韌的小丸子！！！濃郁的芒果香味與清爽的椰皇蛋白，口感層次豐富，別具特色。🌟 西柚橙香檸茉莉 $36✨西柚味道清新爽口，茉莉花香撲鼻而來。🌟 苦瓜香檸茉莉 $36✨沒想過苦瓜飲料竟然如此好喝！苦中帶甜的苦瓜飲品，加上清香檸檬和茉莉，清涼解膩！

🍢🍢🍢街頭小食好多朋友都喜愛，但好少機會坐到舒舒服服涼住冷氣慢慢啖依間餐廳就可以滿足到了，坐位舒適，各款港式街頭小食都食到，從小食到飯或撈麵，到到多款飲品甜品，一定可以簡到大家既至愛掃街拼盤($88)麥皮蝦芒果沙律脆筒：有脆筒做底新配搭，蝦肉彈牙碗仔翅蒟蒻麵：碗仔翅加蒟蒻麵都係第一次見，不過又夾到，比起普通碗仔翅硬飽肚，可以話係輕食新嚐試山椒鹹蛋黃雞翼：重點落左鹹蛋黃醬度，好濃好香，令雞翼生色不少特特大魚蛋：魚旦爽口彈牙，配上醬汁係無敵的小食蝦頭油菜圃燒賣：驚喜推介👍🏻👍🏻👍🏻無諗過個醬汁好正，完全提升燒賣味道的層次感新煎釀三寶：有茄子、紅腸、魚肉、尖椒，份量大大件，以酥炸為主瑞士雞翼($52)份量多而且好入味，但味道唔鹹追加籠仔腸粉(+$18)腸粉份量多，滑滑腸粉但唔會腍哂無彈性，而且汁可另上減輕負擔，值得追加👍🏻👍🏻追加蔥油溏心蛋飯($18)醬汁配飯好好味，配有溏心蛋顯誠意，食完小食要飯氣的話，價錢黎講絕對超值推介👍🏻👍🏻雪糕雞蛋仔102畫室($60)擺盤以畫板做主題俱有創意，麻糬雞蛋仔配左超滑滑牛奶雪糕，仲加埋朱古力醬自己隨意畫畫畫，街頭小食變美味甜品無難度

✨掃街拼盤麥皮蝦芒果沙律脆筒碗仔翅蒟蒻麵魚蛋燒賣鹹蛋黃雞翼新煎釀三寶呢個以香港街頭小食為主題嘅拼盤有多款小食，但有心思咁加入左啲新元素，鹹蛋黃雞翼香口，好濃鹹蛋黃味，好味👍🏻瑞士雞翼好入味👍🏻蔥油溏心蛋飯蝦頭油撈麵嗌一份小食可以加$18再加主食，咁就夠哂飽肚🎨🐣雪糕雞蛋仔102畫室雞蛋仔可以揀味道，有原味、朱古力粒粒、麻糬味，另外可以揀兩款顏料，有朱古力醬、煉奶、草莓醬同海鹽焦糖醬，幾啱小朋友玩或者打卡芒芒小丸子椰皇蛋白經典嘅港式甜品，呢幾樣野真係最佳配搭👍🏻豆腐凍芝麻糊將熱嘅芝麻糊倒落豆分凍，又熱又凍幾過癮🍓草莓牛奶夠甜夠濃士多啤梨味餐廳樓底高，環境簡約舒適，都幾啱女仔們tea time傾下偈

小點角落最近喺葵芳新都會開咗分店 呢度主打新派港式街頭小食同甜品🍮選擇超級多 而店舖環境都幾舒服柔和✨ꕥ 掃街小食全餐一個餐已經有6款選擇 最吸晴一定係麥皮蝦芒果沙律脆筒🍦用黑色雪糕筒裝住芒果同麥皮蝦 下都炸得幾酥脆 入口夠彈牙 碗仔翅蒟蒻麵好特別 用蒟蒻面代替平時嘅<翅> 感覺上更健康 味道同回憶中一樣 入面都有肉絲同冬菇🍄‍🟫大魚蛋就配有沙嗲辣醬 幾惹味🍢當然唔少得仲有燒賣 蝦頭油菜圃做調味 第一次食呢種配搭 都幾好味 連埋菜圃一齊食更有口感👍🏻煎釀三寶就有青椒/矮瓜/紅腸/頭卜 仲有兩隻生椒鹹蛋黃雞翼 鹹蛋黃味夠濃郁✨ꕥ 瑞士雞翼重量級小食 一份6隻 肉質好軟稔 而且好入味🐔ꕥ 蝦頭油撈麵係加配嘅輕量級主食 不過一啲都唔細碗🍜麵質啱啱好 有咬口唔會太腍 蝦頭油帶出鮮味 仲加咗啲微辣嘅菜圃ꕥ 雪糕雞蛋仔102畫室雞蛋仔揀咗原味 另外有麻糬味都好好吸引 下次再試😋調味揀咗朱古力醬同煉奶 配一球雲呢拿雪糕 一次過食到幾種唔同口味ꕥ 楊枝甘露果凍碗其實就係楊枝甘露 再加咗芒果奶凍🥭仲有火龍果 而家呢個天氣食真係啱晒ꕥ 芒芒小丸子椰皇蛋白入面有唔少芒果肉呢✨嫩滑嘅椰皇蛋白加

餐廳裝潢以白色做主調，坐得幾舒服。 食物方面，主打港式小食及甜品。掃街拼盤 $88呢個掃街拼盤集齊6款平時好受歡迎嘅港式小食。6款小食分別有麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣、新煎釀三寶。個人幾喜歡燒賣炸過更香脆，另外蝦頭油及菜圃食落幾惹味，而煎釀三寶4件都唔同，最特別係沾腐乳醬，帶點咸香。 追加輕盈主食(+$18 each)分別追加咗蔥油流心蛋飯及籠仔腸粉，蔥油加辣菜圃好蔥味，好啱送飯。而籠仔腸粉幾滑，可以點醬另上。 瑞士雞翼 $58一碟6隻，雞翼size幾大隻，甜甜瑞士汁好入味。 甜品點咗3款甜品，招牌雪糕雞蛋仔102畫室($60)、楊枝甘露果凍碗($48)及芝麻糊豆腐湯圓椰皇蛋白($68)。雞蛋仔中間放咗軟雪糕，牛奶味濃郁，雞蛋仔蛋味幾香。楊枝甘露果凍碗賣相好可愛，有把小紙傘，而底有芒果布丁。 飲品點咗苦瓜香檸茉莉($36)及阿薩姆手打香檸茶($26)，苦瓜香檸茉莉嘅苦瓜味道幾濃郁，而香檸茶好清新，酸酸甜甜好解暑。