小點角落 (新都會廣場)

营业中

休息中

小點角落(葵芳）餐廳位於葵芳興芳路223號新都會廣場5樓,餐廳裝修簡約,設計時尚新穎,餐廳主打港式糖水小食甜品和多款特色飲料,服務員招呼殷勤友善。掃街拼盤$106蝦頭油撈麵十$18拼盤有燒賣,魚蛋,酸辣湯,天婦羅,雞翼,炸蝦芒果雪糕筒,非常豐富,撈麵係粗麵,微鹹,廚師控制火喉剛剛好,軟硬適中,越食越惹味。麻辣牛筋腩$70蔥油溏心蛋飯十$18廚師烹調牛筋腩好入味,微辣,微鹹,牛筋腩有入口即溶的口感,溏心蛋煮得好靚,葱油又香,飯粒軟糯,越食越好味。芋頭西米椰皇蛋白$68香芋入口即溶,西米軟滑,微甜,蛋白有椰皇味,椰肉有蛋白味,吾錯。芒芒小丸子椰皇蛋白$78芒果我最鍾意食,小丸子微甜有口感,椰皇蛋白凍食,入口透心涼。芒芒椰奶$32面層椰奶,底層我最愛的香芒,天氣熱凍飲,好滿足。阿薩姆手打香檸茶$26阿薩姆手打香檸紅茶,檸檬新鮮,紅茶熱飲,酸酸地甜甜地好醒胃。即撞木桶豆腐花$42新鮮即叫即做的豆腐花,配有漏斗計時,薑茶和紅糖,新鮮熱辣辣的豆腐花配薑茶和紅糖,真係無得吾讚。

這間甜品新開喺葵芳岩晒我夠近，而且除左甜品仲有輕食選擇都多就和朋友再嚟食輕食加甜品生脆炸雞脾，嚟到見到幾大隻最鐘意底部沒有好油感覺，新鮮炸起夠香脆，配蝦頭油撈麪，頭油配粗麵最正，幾彈牙甜品勁多選擇最後叫了2款甜品加2款飲品一齊食雪糕雞蛋仔102畫室，原味雞蛋仔蛋味幾香濃，醬選了最簡單的煉奶和朱古力醬就已經最好，當然中間仲有球雪糕，朱古力雪糕朋友話夠濃不甜榴槤甘露果凍碗，沒有再加配料，都已經幾足料，榴槤味濃仲有不少榴槤蓉在底部，整體幾香，少少配料增加不少口感火炙奶蓋芝麻湯丸，這嗰朋友叫幾特別，沒想到原來暖的奶蓋少少咸暧暧的幾特別，芝麻味幾濃，整體不太甜可以飲品啡香相思底有不少紅豆，椰子味配咖啡會令到飲品更加香滑。手打香檸茶叫了半甜岩岩好，檸檬味都幾香

呢間小點角落開到葵芳新都會、之前係旺角店舖佢嘅食物都好有水準🤔、現在係一間新派港式甜品店唔之係點呢、整間店面環境都好光猛、望見好有特式別的風格、係以木係裝置柔和色澤坐著地方寬敞舒適😙、同時今次佢嘅每一款食物好有地道風味、多元化選擇仲有其它創意特式美食🤭。.兩溝花膠魚肉碗仔翅 $42呢一款碗仔翅好有過去年代的味道🤔、望見賣相比起真材實料更加有味道又好食、賣相色澤味道都唔錯、配埋軟滑花膠彈牙魚肉又有咬口😋、整碗嚟講我覺得真的好正👍！.籠仔腸粉 +$18呢一籠仔腸粉真係好有小時候童年的味道、整籠望著好簡單配塔、加添醬油令到賣相色澤、令每個人都好想食🤤、入口軟綿味道都番哂嚟🤭！.麻婆芝士通心粉 +$18呢一款芝士通心粉小果果至愛😍、用咗迷利板煎pan好特別🤔細細嗰、整款通心粉掛滿汁液入口好香芝士味帶點微辣😋、口感軟糯都好好食真心唔錯！.新煎釀三寶配柑橘腐乳醬$50呢一份煎釀三寶真正地道小食🤔、有紅腸、茄子、魚肉、賣相金黄脆口包裹三寶、外香脆內有咬口美味、沾吓自製醬汁味道特別又好食😋！.煉奶花生醬西多士 $42呢一份西多士賣相色澤睇得吓🤤、整款甘香脆口金黄一粒粒好似金磚🤔、上面淋滿花生醬牛奶同花

小點角落開到葵芳啦！新店以港式街頭美食為主題，還有多款特色飲品和甜品📸。店舖位於5樓食肆樓層，以黃白色裝修為主調，環境雖然不大但挺舒適。食物選擇多元化，還可用優惠價加購美食🙈。-▪︎棉花糖朱古力 HKD$36｜青嵐抹茶鮮奶 HKD$50飲品有多款選擇 冷熱飲也有欵。棉花糖朱古力顏色吸引，看著棉花糖糖融化感覺可以😚，朱古力味道濃濃。抹茶鮮奶較有層次感，面層帶點泡沫的鮮奶，茶味甘香不苦澀。-▪︎掃街拼盤 HKD$88拼盤賣相可以打卡一下📸，一次過吃到6款美食，其中用雪糕筒的挺特別欵。熱辣辣吃的味道真香，坐下來慢慢吃挺悠閒的感覺。醬汁是自家製柑橘腐乳醬，味道香濃惹味挺特別。-▪︎山椒鹹蛋黃雞翼 HKD$58一次吃得到多個味，層次感較豐富，一份有6件雞翼。鹹蛋黃沾滿雞翼上，吃得到濃郁起沙質感。慢慢散發微辣味道，做到皮脆肉嫰質感，雞翼大隻有肉汁欵。-▪︎「汪AH姐」咖啡燉奶凍 HKD$42名字特別的甜品，因用咖啡製成而取其名。上層是冰冷雪糕，半融化質感配奶凍味道香濃。奶凍質感滑溜，感覺奶味重一點。裡有不同配料，所口感較豐富。-▪︎即撞木桶豆腐花 HKD$82｜重重重重料芋頭西米迷 HKD$62甜品有多款選

諗住試吓小食下午茶，叫咗個花膠街邊翅$42，點知出嚟就係街邊都好食過佢，湯同料都冇心煮，夠膽收$42及$1袋。冇下次仲有用咖啡杯size大啲嘅容器就當成一碗！今時今日真係唔明點解仲唔識得定價？

旺角白布街起家嘅小點角落唔覺唔覺已經開咗另外兩間分店葵芳新都會廣場呢間上星期啱啱開張繼續主打新派港式小食同甜品平日仲有供應早餐添！雖然唔係啲咩花巧菜式但可以舒舒服服坐低食香港Street Food同朋友仔叫到一檯都係、感覺幾滿足😋🔖 菜甫雞蛋仔雞蛋仔諗咗少少不過配菜甫出嚟效果味道唔錯嘅👍🏻🔖 煎釀三寶好耐無食心思思叫一客試吓紅腸、茄子、魚肉夾埋都有6，7件腐乳醬偏濃、點少少好喇🔖蝦頭油撈麵🦐純粹好奇蝦頭油係咩味道🍜蝦味唔太突出不過配撈麵食都幾惹味嫌撈麵份量太多嘅話可以改配燒賣🔖 咸蛋黃雞翼港式小食點可以無雞翼🐔咸蛋黃醬起哂沙👍🏻賣相係有少少「非洲」不過味道係正常嘅🔖牛油麥皮蝦串+芒果沙律脆筒🍤頂頂兩隻蝦好香脆麥皮有啲辣辣哋嘅調味幾開胃🥭🔖重重重重料芋頭西米面頭奶蓋有輕輕燒過味道特別濃🔥大大杯大甲芋泥蓉入面仲加咗唔少西米質感都杰身、可以當甜品咁用匙更𢳂嚟食💜🔖火炙奶蓋芝麻豆腐湯圓賣相好吸睛😍細細杯但都有成4,5粒大大粒嘅湯圓喺入面每粒都有爆餡黑芝麻蓉好足料！❣️周末12點左右就開始要等位喇

未試過食一間餐廳可以有咁多嘢可以有意外，由餐具到食物，每樣野都可以留個位置俾人投訴，其實都唔容易：1. 抹枱布係臭的 抹完張枱會飄陣味過嚟2.張凳中間係凹的 但是喺放唔到兩個坐骨的 坐得好唔舒服3.雞翼上面有條人類毛髮(◐‿◑)4.燒賣又大粒又彈（難）牙（咬）咬左5分鐘都未食完一粒5.餐廳供應嘅紙巾係抽式廚房紙 真係第一次見6.雞蛋仔佢用個紙盒裝 如果唔係有其他嘢食喺度可以晾住 應該只可以平放係枱（？）點解無諗過點serve個嘢食？用個架裝住個雞蛋仔都得 我唔想雞蛋仔掂住個枱吖T^T仲要唔好食 好淋 完全唔脆 謝霆鋒毛巾雞蛋仔咁7.叫左杯鮮奶焙茶 佢嘅鮮奶係打左奶泡 奶味淡都算 我飲左2啖 啲泡開始化 杯茶自動縮水咗一半 消失的焙茶 好犀利(⁎⁍̴̛ᴗ⁍̴̛⁎)所以俾廿幾蚊叫半杯茶8.整體食物水平為：可以維持生命 過葵廣食會飽又好食9.麥皮蝦芒果脆筒原來有隱藏材料(>^ω^<)有榴連吖！真係好驚喜吖！點解唔講有榴連呢～個脆筒又唔脆 10.啲餐具唔知點解可以咁難拎 咁難用11.價錢不合理 加18蚊跟餐叫個溏心蛋飯 就係 溏心蛋同飯 謝謝你！

在新都會廣場5樓一間新開的新派港式美食店，裝修簡潔整齊，食物都幾吸引，又唔貴。試咗個勁大份嘅下午茶餐：經典炸雞🍗配薯條🍟🥰 $48仲包埋飲品🥤點咗杯手打水果茶，真係打到坪坪聲㗎，D西柚同檸檬都好出味新店看似都係新員工，有啲生手，但服務態度唔錯👍整體算ok喎💪下次試吓個午餐先✅ 見佢哋個早餐好似都得，下次約埋同事去試吓。依家登記做會員仲送成舊水$100⋯都幾闊佬😂後來見到可以掃碼點外賣，唔使排長龍等。

成日叫人要留港消費，要幫襯下啲小店喎話說琴日行商場，有間新開既食肆，門口店員係度推介6點後半價，除咗飲品無半價，我問清楚係咪餐牌上既價錢半價，佢仲要指俾我睇點樣半價，咁我覺得ok啦，咁咪入去食囉，入坐全程手機下單，其實餐牌上的價錢都小小貴，可能做半價，抬高了一點價錢，我都覺得小小合理，我分開咗2次落單，啲食物上菜速度一般，有一份腸粉啲豉油漏哂落張枱度，搞到張枱勁污糟，但好離譜既係我所有野食都食晒，有一個餐要我催先嚟到，仲要係我第一轉叫既，食完準備賣單，望下張單啦，3百幾蚊除返一半，唸住百六七蚊啦，ok啦，去到收銀個位，我賣單啦，佢同我講267蚊，我心唸要咁貴咩？？就叫佢印返張單嚟睇吓，得2樣野半價，我就問佢，你一直係門口都係話（6點後半價，除咗飲品無半價），佢就答番我最多只係2款有半價，仲指住一個位話有寫，我話乜咁都得架咩？？佢就話啦呢個係(營商手法)，令到我覺得完全係存心欺詐，無計，錢我照俾，最多無下次！重有佢賣既野食都係小食，如係龍津美食果啲，只係擺盆好少少，仲有啲嘢食係常溫㗎，一啲都唔熱。失望到一個點！啲餐廳要咁樣欺騙消費者，咁樣去做生意，只會影樣同行！

新張第二日，好奇試新品，set lunch牌內食品唔多啱食，就試早餐先餐廳內除托盤外，全用即捨外賣紙杯紙盤，叫左早餐B, 有脆米生菜魚肉，跟沙爹牛肉撈粗麵，跟餐飲，揀左黑咖啡（冇奶提供）賣相還算不錯，脆米魚肉口感幾好，但沙爹牛肉雙倍重味，連撈粗亦一樣過咸（本身粗麵帶皂水味已不太好，加埋太咸真係唔知点食，見佢新開張，冇要求更換其他食物，只要一杯滾水沖淡再食，但成杯水倒哂入去，都依然覺得咸，可能牛肉醃得太耐，已入哂味，浸水都仍殘留咸味，最後格硬食哂幾片牛肉，就放棄左啲粗麵我問店員拎水時，聽到嗰個職員同廚房講都話咸啦！唉！明知有問題都唔搞翻掂就俾客食，認真過份！唔知會否維持此種經營態度，如果係既話，相信唔會做得長久