小黑糖 (宏生大廈)

营业中

休息中

冬天凍凍地就係要飲熱既珍珠鮮奶🤤，今日同朋友係尖沙咀行街，想飲下野就黎呢間小黑糖，支持下良心小店🥰-店面裝修好靚好小清新，仲有好多支持香港既文宣，咁有良心要大大力懲罰下💪🏻💪🏻💪🏻-我叫左一杯熱既黑糖珍珠厚鮮奶($32)，微糖，珍珠好香黑糖味，好煙韌，奶味超香濃，面頭仲有啲奶泡，係高質既鮮奶🤩熱飲仲令奶味更突出！-小店仲有好多其他奶類飲品，好想再返黎幫襯！🤤🤤🤤🤤🤤🤤

台式飲品開到成行成市，其實我一路興趣都不大，因為好怕一飲一大杯甜到漏嘅感覺！但朋友介紹話呢間小黑糖值得推介，行過又真係好多人排隊喎，買番杯試吓。比完錢後都等左一陣，後來上網睇知道呢間鋪頭嘅黑糖係人手處理，所以製作過程需時，等一陣都好正常。我試咗小黑糖珍珠厚鮮奶，微甜。鮮奶飲落豐厚順滑，珍珠非常煙靱，入口有香濃嘅黑糖味，同平時出邊食到嘅珍珠真係好唔同㗎！最緊要係唔會過甜，啱晒我！朋友飲嘅係宇治抹茶歐蕾， 亦都加咗黑珍珠，入口微甘，有抹茶嘅清香，碰上黑糖珍珠嘅甜就剛好平衡返～

幫襯台式茶飲店我多數揀果茶飲嘅。呢間第二次幫襯都係揀‘葡萄柚四季春’。佢係有啖啖果肉，唔係糖漿，所以有少少苦澀而唔會飲糖水咁。再嚟四季春呢款茶係幾清香嘅，有啲似綠茶，揀咗少甜就啱哂我口味。

忙碌得行程一個接一個，少去逛街更是好久沒去厚福街，最近再去發現街頭的台式飲料店以前喝過的還在，還有不少新的飲料，便買來試一下。泰好喝歐蕾珍珠 $32作為一個奶茶愛好者，其實最愛的是港式奶茶，其次便是泰式奶茶。大概是台式飲料的關係，感覺歐蕾那奶味偏重，個人偏好茶味重的，可是珍珠好好吃喔！小黑糖栗子珍珠鮮奶 $36這個栗子珍珠鮮奶，坊間少見，味道也不錯呢！應該都有快一年沒喝過了吧，珍珠還是保持水準，難怪能在眾多台式飲料中屹立不倒呢！

人體七成唔係水份，係珍珠奶茶啊！👅要大大力懲罰咁好味又咁良心既小店啊🦦🦦🦦眾所周知珍珠奶茶係港女生活必需品，我都唔例外，今日放工經過尖沙咀依間小黑糖，支持香港良心小店嘅我梗係要試吓啦，順便解下渴🤩 估唔到咁正，而且口味仲要好多變化😚店員姐姐好Nice，佢推介左我叫依杯小黑糖珍珠厚鮮奶，果然冇推介錯！一試就愛上左（心心眼）珍珠勁彈牙，而且黑糖又唔會太甜，重點係有好濃香鮮奶味，而且鮮奶好似好健康咁，飲完都唔會有罪惡感😆🤟🏻令一杯係芋見了珍珠，個名好得意，其實係芋頭珍珠奶離，芋頭味淡淡地咁幾好味，同樣地珍珠都好彈牙，行街飲番一杯，咬下咬下好過癮🤩而且呢度嘅裝修睇得出花咗好多心思，好多打卡位，仲有好多屬於香港人嘅紀念品拎添hahaha❤️

小黑糖香港，人稱東方之珠的繁榮商業地區來到這裡肯定總是要來吃地道的小吃啦沿途有這麼多的小吃怎能夠缺少飲料呢!!我去台灣超喜歡喝珍珠奶茶當然還是想念起台灣的珍珠奶茶啦!!!走道香港尖沙嘴的加拿分道區域眼神一閃看到了台灣的文青茶飲也就是珍珠奶茶類的飲品位於加拿分道D1號的---小黑糖。立馬想來喝個一杯~跟香港飲茶的鐵觀音或是普洱茶不同小黑糖的茶飲點單有台式或是日式的飲品例如：加入黑糖、冬瓜糖、烏龍茶、抹茶、或是紫薯風味等等當然店如其名啦小黑糖主打的都是用黑糖作為飲品調味的飲料黑糖是沒經過高度精煉的蔗糖具有補血排毒的作用對女性朋友的有幫助哦!!!這次我們點的是珍珠厚鮮奶以及紫薯於你珍珠!剛拿到手中的時候杯底的黑糖是溫熱的而在頂部的厚鮮奶則是冰涼的混合再一起的時候呈現出很美的紋路~~當然要大口的吸入實在好喝另一杯是紫薯珍珠我們點的是溫熱的杯口作有如同咖啡杯手拿杯開口哦!!!只不過是底下有珍珠還是拿吸管吸吧!!!~~有別於傳統的珍珠奶茶是用果糖的飲品換上蔗糖的黑糖珍珠嚼起來也特別的軟Q一方面還有黑糖的甘甜下次還會再來試試其他的飲品像是小黑糖薄荷鮮奶感覺還挺吸引的~XD

尖沙咀有好多間台式飲品店，行過厚福街就被呢一間良心黃店吸引着，店舖內有文宣雜誌比大家睇去了解呢一場運動。店外亦擺設了一些支裝水工香港市民免費飲用，果然係良心黃店。小黑糖珍珠鮮奶平時飲黑糖珍珠奶最怕就係太甜同埋珍珠唔好食。呢間黑糖珍珠鮮奶我選擇了小甜，黑糖同奶嘅比例剛剛好，唔會太甜亦不會太漏。而佢嘅珍珠亦做得非常出色，口感好QQ軟糥，咬下去非常煙韌，黑糖味好重🤤紫薯於你作為紫薯控一定要試一試呢杯紫薯於你，紫薯味非常香濃，配合鮮奶味道好夾好好味，唔知呢間珍珠咁好味，好後悔冇加埋，如果加埋珍珠一定仲正

成日經過厚禮街都見到呢間台飲，因店名招牌 。小。黑。糖。 夠顯眼！ 主打黑糖既台飲店的確唔小，總找到間適合自己口味👍🏻 小黑糖珍珠厚鮮奶 半糖熱賣人氣飲🥤必點吧！我就先一口氣吸一啖滿滿既濃厚鮮奶+上暖暖既黑糖珍珠，就是霸氣吧😂 鮮奶用明治滑身好多，柔滑奶香手炒黑糖香濃，珍珠口感煙韌，同台灣味道很相似！呢間黑糖係可以選擇甜度同冰量，口味可以個人化啲！情人果綠茶+珍珠 朋友喜歡茶果系列，選了簡簡單單既綠茶配情人果，清清地又解渴，酸酸甜甜，帶點香果味道！

這間飲品店時常經過厚福街的時候都見到有不少人購買，今次一於試試！飲品店以藍白色為主，還有藍色的霓虹燈作裝飾，很簡潔的感覺！泰好喝歐蕾珍珠，這款飲品是用上泰國奶茶製成，所以飲上去好有泰國的感覺，但沒有泰國奶茶那麼甜，更加適合香港人的口味！珍珠煙韌彈牙，甜度適中！葡萄柚四季春，有淡淡的茶甘香味，西柚肉都幾多，味道甜甜地苦苦地酸酸地，好有開胃的感覺！估唔到有泰國奶茶加珍珠這款飲品可以選擇，而且味道不錯，有機會想再試試其他飲品！

尖沙咀收工，好想飲杯珍珠奶茶。附近都有好多唔少嘅選擇台式飲品開得越來越多。都係唔少香港人嘅喜愛經過見到佢個泰好喝歐雷珍奶吸引左😍😍即係佢哋用自家製嘅蜜糖珍珠，配泰式奶茶。平時我會飲開半糖。的確唔係好甜茶味幾濃🥰另外佢個黑糖珍珠黑糖味超勁🤩，珍珠軟硬適中好好咬🤭🤭。真係想不停食嗰啲珍珠另外果杯叫左芋見了你，其實我好鍾意飲天仁茗茶嘅芋頭珍珠。呢杯已經超越咗佢啦😛😛。芋頭味香濃，同樣叫咗半糖。

今日行街行過尖沙咀厚福街，經過呢間小黑糖台式飲品店，比佢嘅海報吸引住，見到佢嘅黑糖珍珠鮮厚奶 係用4.3牛乳，睇到都非常吸引，仲要加埋奶霜，緊係要試吓啦，佢嘅鮮奶真係非常多，而且個味道好有奶香味同濃郁，黑糖珍珠都好好食，係用黑糖煮過，所以粒粒都好重黑糖味，煙煙韌韌，同鮮奶係勁match。芋見了你珍珠，個名已經非常吸引，係用芋泥將佢打成沙冰，個芋頭味勁香，飲落個質地仲芋泥，感覺好足料，加埋黑糖珍珠，都係非常好飲。古早味珍珠奶茶，好有茶香味，加上d奶都好滑，match埋珍珠，係完美配搭。

出去行街飲番杯台式飲品已經變左個習慣，即使唔係買黑奶珍珠鮮奶，都會想買番杯果茶飲下！而今日就揀左黃店小黑堂幫襯😚。-1⃣小黑糖珍珠厚鮮奶💰32（👅: 7.5/10）珍珠好煙韌，有咬口，黑糖味適中，同鮮奶一齊好夾味。-2⃣宇治抹茶歐蕾💰34（👅: 6.8/10）抹茶粉有種仲未搞混既感覺，但係抹茶味濃。可能我過左一陣先飲都會影響口感，建議正常甜度會比較好！-3️⃣洛神花茶 💰24（👅: 7.8/10）比想像中好飲，清新花茶味，食完野好濟飲番杯花茶真係最好不過！

今日同好朋友去尖沙咀行街👭經過加拿芬道見到間新開既飲品店 行到口渴就買黎試下～大部分都係奶類飲品 咁咩係歐蕾呢？上網搵到：一般飲料店的鮮奶茶，有的會寫拿鐵有的會寫歐蕾，而兩者又有什麼差別呢？專家揭密，其實拿鐵、歐蕾都是牛奶的意思，只不過一個是義大利文、一個是法語，但是奶茶和拿鐵、歐蕾的奶量是有差別的，奶量要到5成才能叫拿鐵或歐蕾！朋友叫左杯：小黑糖珍珠厚鮮奶（熱）$32熱辣辣啱晒冬天飲 奶味香濃 黑糖珍珠軟綿綿勁QQ 好有咬口😚😚😚我就叫左：古早味珍珠奶茶（熱）$24我係典型珍球奶茶控 😝 無論邊間台式飲品都係會飲珍珠奶茶 同其他珍珠奶茶店唔同既係 佢奶味🍼比較出 茶味比較清 仲有係黑糖珍珠！😍😍 總括而言，小黑糖岩哂鍾意飲奶既朋友🤓

新年快樂🥳 2020希望香港人嘅目標達成🖐🏻👆🏻除夕倒數之前去咗尖沙咀食飯 發現厚福街附近有好多新嘅飲品鋪頭今次見到一間叫做小黑糖嘅飲品店 睇睇個餐牌 價錢合理 款式都有好多雖然好多人排隊 出嘢飲嘅速度都算快杯裝飲品細細杯 啱晒女仔食完飯飲重點係 #黃店💛 鋪頭內有大量文宣 ig有明確表態 有參與罷工 有派水比同路人等等 黃到發光✨飲品有得揀就咁飲品 或者要唔要珍珠我地全部都加左黑糖珍珠 因為鋪頭出名自家製手炒黑糖珍珠-🥤#小黑糖珍珠厚鮮奶（$32）鋪頭叫得自己做小黑糖 梗係要試吓佢哋嘅黑糖系列面頭有層奶霜 綿密濃郁 見到鋪頭用嘅係明治牛奶👍🏻-🥤#紫薯於你珍珠（$32）開頭覺得個名好怪 原來用普通話讀係 只屬於你😂珍珠彈牙 黑糖濃度唔算太甜 奶飲落好滑鮮奶同味道淡嘅紫薯真係好夾 仲有紫薯蓉增加口感-🥤#宇治抹茶歐蕾珍珠 ($32)黑糖珍珠同宇治抹茶兩隻味好襯 完全冇違和😍抹茶味唔會話太濃 而係淡淡抹茶香

食完沾麵好口乾，對面有兩間飲品店，諗咗一陣決定揀小黑糖。Menu啲名好搞笑，聽到有個女仔好怕醜咁同收銀講：「Errr... 要一杯『紫薯於你』丫唔該。」🙈店仔細細，入面有兩三張木凳仔，仲種咗一大棵仙人掌，加上霓虹燈logo，配上淺藍色格仔磚牆，打卡一流。牆上有唔少剪報同香港人加油嘅心意卡，等緊飲品嘅時候不妨睇吓。同先生一人叫咗一杯珍珠奶茶，分別係小黑糖珍珠鮮奶同伯爵珍珠奶茶。小黑糖珍珠鮮奶真材實料，冇特別要求少糖，飲落偏甜少少，但牛奶味好香濃，飲落都幾順滑，珍珠口感煙韌，唔錯。伯爵珍珠奶茶就揀咗少甜，甜度適中，而且配搭幾有趣，伯爵茶非常香，配上黑糖竟然意外地襯，感覺好清新。