小麻吉滷肉飯 (已結業)

放工後同朋友行旺角，順便去食埋飯，因為剛過血色二月，所以大家都唔想食太貴，所以帶左朋友行去女人街食台灣野。小麻吉都算幾多人，但排一陣就有位。晚市套餐牌都好抵食夾大件，一個主食加兩個小食，同時仲有野飲都是人均$70左右。我同朋友都叫左滷肉飯，白飯上淋上簡單的滷肉汁，好難唔好食，不過我就希望可以再熱少少，但朋友話溫度剛剛好，一上枱唔使攤凍就食得。個餐有個紫菜貢丸湯，我最鐘意紫菜湯，入口的紫菜冇沙好乾淨。仲有大大粒貢丸。每一個餐都有兩個小食，但其實分量都唔細，食台灣野當然要食紅燒肉，牛筋腩炆得夠淋又入味，牛筋份量算多，紅蘿蔔都入晒味。忍唔住又叫滷水豬耳加豬腸，豬耳爽脆，豬腸淋夠乾淨，帶少少肥膏。朋友叫的是滷水雞翼，有三隻，幾有住家的感覺。下次想叫台灣腸同雞排！可能隔離飯香，好似好吸引的。個套餐最抵係隨餐是有飲品。

同事話帶我去試新開既台式餐廳，睇下在外面既午餐牌，全部都大約四十幾蚊，又唔洗等位就入去試試。我點左「小麻吉滷肉鹽酥雞飯」$45 包熱飲滷肉飯-好香滷肉汁，撈飯一流，飯好軟而且有飯香味。鹽酥雞-唔會太喊，外面很脆口，但雞肉唔算太嫩，但份量算幾多！另外有三款配菜，味道只是一般（合格既）。叫左杯熱檸茶，比較奇怪係佢已經幫我加左糖，幸好我喜歡甜一點（啱我口味既）！裡面個環境都ok,雖然地方唔大，但坐得都比想像中舒服！

繼續同朋友係旺角搵D 平民野食，早幾日打波之前同朋友係旺角搵下野食。舊年去完台灣之後都好耐無食台灣野，於是就決定搵下附近有無台灣野。雖然係間餐廳地點唔係係大街大巷，但平日既夜晚7點左右黎到，已經有8成滿，好彩我同朋友都係兩個人，都可以唔使等位就有得坐低食。 睇反menu選擇都多，但幾好既係佢有晚市套餐，A+B+C套餐都係60蚊起，唔同食物就加反幾蚊咁。叫完野食就叫野飲，飲品款式都係幾多。 我就叫左肉燥飯配黃金雞扒加五味茄子，價值64元，配一杯凍珍珠芋香牛奶。 朋友就叫左滷肉飯配豬軟骨痂肉燥小茄子，價值66元，配一杯凍朱古力。 黃金雞扒皮炸到好脆，肉燥飯份量幾多，確實好有台式風，加埋杯飲品一個人70幾蚊，係旺角黎講性價比係幾高，唔怪得會咁多人食。

近來台式飲品大熱 連其他所有既台式食品都受到追捧 今次就黎到係女人街嘅小麻吉 試試佢個下午茶先下午茶嘅價錢相當實惠 可能因為咁 餐廳基本上座無虛席 我哋都係門口等咗一陣子叫咗三個餐先$121🙊好有台式風格嘅佈局 好新淨 連開張啲花籃都未拎走哂😂先黎一個台式炸物併盤做小食先鹽酥雞咬落脆卜卜 台式小香腸好惹味 同台灣街邊既風味香烤香腸有得揮🤭 炸木魚豆腐更加係外脆內軟 樣樣都咁正 精神即刻為之一振 期待主食🤤豬軟骨滷肉飯 豬軟骨又有咬口 味道又濃 同滷肉一齊 一個字 好正🤫試一個新竹米粉 揀左茄湯 魚皮餃加花枝丸茄湯好濃好夠味 魚皮餃同花枝丸夠爽口 米線幾滑身又唔會糊 真心兩碗我都食得落🤣最後每人飲返杯啦 一杯茉香綠茶 一杯茉香珍珠奶綠 一解下午既悶焗心情😚 呢間抵食 食物又有質素 無伏食得過👍🏻

小麻吉台灣料理新開係旺角女人街，簡直係為雄霸女人街多年嘅西門町黎啲正面衝擊！港人新屎坑心態強烈，我都一於唔輸蝕黎趁下墟！舖仔細細座位都比較狹窄，香港租金咁貴絕對值得體諒，舖頭裝潢都幾新式成九點都仲有咁多客人，證明香港人好鐘意OT之外就係好鐘意試新野又或者食過返尋味套餐組合都非常正路，係一個絕對夠飽嘅dinner set珍珠幾稔幾好味，唔會過份好咬以致有食緊橡膠嘅感覺，茶味幾香，似阿薩姆紅茶底嘅奶茶黑糖薑母茶感覺幾似係街買到成舊磚沖熱水果種，薑好辣黑糖好甜非常正呢個豬扒炸得好酥脆又好稔身，肉燥飯汁岩岩好滲滿每一粒珍珠米五味茄子感覺好日式好開胃，湯入面嘅墨魚非常大粒又真係有墨魚粒係裡面米粉用左新竹米粉所以唔會煮到一patpat幾爽口，鹽酥雞啖啖肉又唔會好厚炸粉人流好旺，生意應該唔錯，性價比算高，希望麻吉們可以保持到佢地寫嘅服務承諾啦！

是日小肥趁返工前黎旺角幫朋友拎野🙈拎完適逢Lunch Hour😆還掂小肥未食野又近近地🤪一於黎返尋台灣味醫下肚先☺️🇹🇼💭🍴以簡約既門面示人既小麻吉滷肉飯😋🍜但店內卻有充滿無限台灣風味既內涵😆牆上盡露台灣特色文化既壁畫☺️🇹🇼以至裝潢格局設計都仿如進入台灣某角落食店☺️如果喺牆上標埋各款野食同價格就更地道了😆抅起小肥無盡童年喺台灣既回憶🙇🏻‍♂️☺️帶出無限台風內涵風味☺️煮出具台灣風式食材☺️🍜🇹🇼而午餐套餐除左基本主食之外🍜🍛可折價加配小食及飲品更為經濟實惠☺️小麻吉滷肉飯鹽酥雞拼小香腸飯滷肉飯係小肥由細到大既最愛🍚😚🙇🏻‍♂️🐷經慢火細熬富鹹香既滷肉汁☺️滷肉汁中既肉燥肥肪比例均勻🤪🐷淋上飯中每一口都回味在心☺️🍚而搭配既香腸充滿著豬肉既甘油香🤤鹽酥雞沾上份量剛好既炸粉炸香🐔🔥食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔蔥油青菜當燙「A」菜配上濃香蔥油🥬🤤(台灣住嗰陣唔知點解啲人將生菜都係講A菜🥬🤪)就成為台式傳統燙青菜配搭之一🥬嫩綠既唐生菜淋上濃香蔥油😆食落更加油香滿溢🥬😆台灣咖啡奶味較重既凍咖啡☕️走左甜亦帶出郁咖啡香☺️為醒腦醒神既假期做充電準備🔋🤪

位於女人街附近，這間餐廳的晚市套餐很豐富。晚市套餐我點了肉燥飯、鹽酥雞、滷水豬耳，還送了清甜的肉丸紫菜湯及清爽的涼拌黃瓜👏🏼👏🏼👏🏼送的小涼拌及熱湯也很讚，晚上能喝上一點湯是滿爽的。食物口味較清淡，豬耳炆得很入味軟淋。地點方便，食物選擇較多，加上一杯珍奶，埋單不過人均也不過70。抵食之選！肉燥的味道免去連鎖台式餐廳的重口味，但餐廳多元化小菜套餐滿有台式便當的風味。如果晚上在旺角附近吃飯，想食多樣化台式食物可以來此一試。

超抵食😋第1次食已經好有驚喜，只係做野經過諗住是但搵1間餐廳入去坐低食過飯，點知咁好食😬份量超多夠哂飽肚呀😌個魯肉飯超好食，好似去台灣食咁😂埋單都係幾十蚊！絕對會想食多幾次呀😛

睇戲前又來到旺角通菜街吃飯，沒有飯隱的我今天選擇了麵。湯底很注重而今日到訪了地鐵站E出口附近的《小麻吉滷肉飯》！ 把門拉開後環境乾淨，而座位空間剛剛好。職員服務不錯 👍🏻餐牌有套餐或單點夠彈性麻辣紅燒筋腩 竹米粉 HKD 64 有驚喜，份量挺多！ 湯底濃濃，入口後有牛腩㶭出來的味道。不錯！ 而紅燒筋腩口感軟棯棯，很多骨膠原。 平時大多都會黏牙啊！ 新竹粉口感似米粉搬幼，而且同樣健康，是瘦身佳選。 熱紅棗桂圓蜜 HKD 5 跟套餐價！ 有味道、不是用水稀釋到很淡！ 😌

一向都好愛食台灣野，見到呢間餐廳套餐好抵食，所以就晚上來叫左個套餐。主菜、飲品同小食都只係$60幾$70元，好抵！整個套餐份量都好大份。其他台灣料理嘅套餐好少會附有餐湯。呢間嘅餐湯係紫菜湯，裡面仲有一粒好大嘅貢丸。湯味道清淡，貢丸亦都彈牙爽滑。主食選左鹽酥雞。雞不單炸得香脆可口，肉亦都好嫩滑，鹽酥脆皮嘅鹹度適中，亦都唔油膩，非常好食！滷肉飯好大碗，滷肉嘅肥瘦適中，滷肉醬味道甘香，配搭鬆軟白飯，好正！夜市香腸有2條，一切二，腸嘅外皮烤得香脆，香腸味道甜甜地，好好味！台灣奶茶奶味非常重，茶味亦都幾突出，口感順滑，幾好飲！

年假過後加價了，不過食物和服務依然保持到質素🥰 除了自選的主菜和配菜，小店也會送上肉丸紫菜湯和涼拌小食一份。紫菜湯不過不失，味道適中，不會過咸。肉丸和紫菜都很中規中矩，反正也沒對一碗街外湯有什麼期望！近幾次到訪都必點這個乾拌面，麻多於辣的口水汁，很過癮😋 對於麻辣愛好者來說是不錯的選擇，但卻喜歡中辣以上的朋友或許這程度的辣就不能滿足了～～ 豬軟骨也是個人的心頭好🥺 很入味很軟身很稔，不過光吃這個會太濃味，必須配點飯／面～這次點了個青菜沒什麼特別，不過另一款嘗過好吃的就是鹽酥雞，不徬試試啊～👍🏼．整體的性價比很高，份量多、質素也中上、店員也很禮貌，是必定再來的好店～

台灣最令人所熟悉入口即化味醬香濃滷水汁肉肥瘦交纏牛既部份/炸物/小吃,因應滷味會按照不同食物材料分別浸炮，一煲熱噴噴香氣綜合滷煮重口味滋味 !除了可供冷/熱變化之外,非常吸精的份量舖滿大大碗呈現比逢便當套餐價格價錢以$六十元左右單單是看到一拍二醃三炸四滷香噴噴也蠻多樣(肉燥湯麵/牛腩牛筋/滷豬大腸食盤)奉上吃起來一點也不肥膩軟而不爛，保留原始既味道讓人大飽口福( 肉燥湯麵 )( 鹽酥雞 )( 鹵水豬大腸 )( 肉燥牛肉湯麵 ) / 紅燒牛筋腩 )( 台式小香腸 )( 凍珍珠奶茶 )不止不僅在食物上吃得舒服，屬低價位平民小店始料未及難怪每晚店內人來人往的沖著衝著

今日早收工，約左朋友食台灣野，朋友介紹在旺角通菜街有間裝修不錯的台式料理，去到餐廳仲有中午套餐及下午茶餐供應，好抵食。散嗌都有好多台式小吃，選擇好豐富。餐廳環境舒適，裝修有台灣特色。小麻吉滷肉鹽酥雞拼小香腸飯。午市套餐價48蚊，包野飲，凍飲加錢，仲可以追加小食，超抵食。台灣小香腸就系特別好味，皮脆肉香，好惹味，米飯同滷肉份量滿足，鹽酥雞香口。我地追加左三味拼盤，系小黃瓜，小香腸，滷蛋，小黃瓜酸酸甜甜好開胃。朋友點左一個炸豬扒滷肉飯，賣相好靚，試左佢一塊豬扒，好香口，正！追加左花枝丸同滷蛋，入味彈牙，送飯一流。

女人街其實有好多餐廳選擇，今次去「小麻吉滷肉飯」食下午茶。首先餐廳裝修好有台灣風味，牆壁畫畫上台灣作背景， 猶如置身於台灣一樣。食物方面選擇都好多，而且下午茶套餐款式都多，價錢由31蚊起，十分超值。我叫了一個新竹米粉套餐，可自選湯底，湯底有4款，我就揀了“ 蕃茄湯底”配花枝丸及小雲吞，餐飲方面我就另加差額點了“特濃芋香牛奶”。先講碗新竹米粉份量十足，蕃茄湯酸酸甜甜夠蕃茄味，花枝丸彈牙，而且小雲吞都不錯。特濃芋香牛奶，真係有好重芋香味，夠奶味不甜，很不錯另外再加多一份鹽酥雞，即叫即製，上擡時熱辣辣，外脆內軟，啖啖雞食，非常美味。

上次約左朋友係同一條街既另一間餐廳食飯嘅時候經過呢間台灣嘢已經見到好多人排隊，所以今晚就同男朋友去試😅兩個人等咗十零分鐘先有位， 叫咗兩個晚市套餐， 我係肉燥飯拼鹵水雞翼加肉燥茄子， 男友叫左滷肉飯拼麻辣鹵豬耳加鹽酥雞～好鍾意佢呢個套餐嘅設計因為我食嘢最鍾意多選擇😁 跟餐嗰碗紫菜湯幾好飲，仲有大大粒肉丸👍 肉燥飯味道啱啱好唔會過咸，鹵水雞翼唔會淋到咬落口就霉到爛曬咁😅 個肉燥茄子另外有少少稠稠地醬汁幾好食😋試咗男友嗰個麻辣鹵豬耳都唔錯， 本身有少少鹵水味， 佢嘅麻辣唔似四川嗰啲咁重口味咁多辣椒， 麻辣得嚟又不失台灣滷水嘢嗰種風味👍男友嗰杯珍珠奶茶大大杯，好多珍珠，男友話茶味幾香濃，入口又滑唔錯👏明白左點解成日都咁多人排隊😅