小麥廚房

营业中

休息中

發覺小麥早餐做到晏晝十二點鐘正 最鍾意食早餐🤣早餐就係平啲啲嘅常餐🤏🏻🤏🏻🤣味道正常無特別之處～～朋友個份芝士牛角包佢話幾好味🥐我個沙牛米粉牛肉都比得多👍🏻沙嗲唔係好夠香濃杯奶茶唔掂 ☹️有啲苦澀🥴🥴早餐嚟講 份量適中女仔做午餐都夠飽腫侍應服務幾好 👍🏻 都係年輕人 態度也好兩個人都叫我地坐卡位🤣整體嚟講 覺得小麥無以前咁好食應該關轉過手先☹️以前嘅小麥水準維持得好啲依家真係普普通通一間茶記

下午茶時段好多位，冷氣夠凍。QR code落單好便，上得好快。奶茶夠熱、黑松露炒蛋多士都夠熱。典型食完就走的街坊茶餐廳。沒有希望就沒有失望！聽到Keep住好多人打黎叫外。

今日11:00左右到呢間餐廳，冇咩位就唯有坐係出外賣位隔離張枱，叫咗個咖喱牛腩飯，凍檸茶少甜，一邊等一邊睇電話，我用杯水頂住個電話放係枱睇，跟住凍檸茶來到，放一邊，等等下有個女侍應放咗個外賣炒麵係我對面位，但我見出外賣位仲有好多位放，我都算，跟住佢再將外賣嘢飲同湯都放過來，然後推開我杯凍檸茶，再推開我頂住電話隻杯，我快快手將電話攞起，全程我都望住佢，佢一啲唔好意思都冇，算算算，食個飯姐，唔好勞氣，飯到咗，咖喱牛腩飯，一碟飯一碟咖喱，個碟咖喱三色椒多過薯仔，咖喱冇咖喱味，好難得，點先可以做到？都唔理，試下牛腩，嘩，我未老到冇牙掛，咬唔入🥺，我成碟飯食咗1個薯仔，2口飯，食唔到，出去埋單，同好似老闆娘嘅女人講，咖喱冇味牛腩咬咖入，佢寫係張單道，話唔好意思😅咁我就比咗$66埋單，價錢對我來講真係唔係問題，但都要入到口先得咖…..🤢🤢🤢

晚上8:15入座，似乎係尾水一輪入座，見住其他枱啱啱離座成枱碗碟都可以擺成15分鐘唔收。叫咗個快靚正海南雞飯揀左油飯，等左大概10至15分鐘(都要等咁耐...)，侍應哥仔拎住碟飯黎放低同講左句"唔好意思油飯賣哂"就轉身離去，我就呆左兩秒諗緊要唔要出聲(都真心驚d廚房佬加料)，其實廚房出餐一開個飯煲就知無油飯既話，正常唔係應該問一問個客介唔介意轉跟白飯或者改食其他咩? 黎到放低碟飯一句唔好意思就好似無責任咁，焗個客轉食白飯。講真，個油飯係海南雞飯既一半靈魂，你無油飯同我講聲，食白飯定食其他野個選擇權去返我度係咪應該架呢? 不如你omakase隨心俾d野我食?再講，海南雞飯滑雞同生雞真係一線之差，而我都有得到咗生雞幾啖，好彩唔係全部...服務未如理想，無下次喇，小麥廚房

叫左兩個小菜外賣雖然有9折但價錢唔算平對小菜質素都一定有基本要求其中一個係黑椒茄子牛仔骨煲份量都唔講牛仔骨竟然係生成舊都紅色煮熟食物好基本放入外賣盒都焗唔熟d牛仔骨要我返手煎以後唔再幫襯附上外賣袋圖一張

唔知食乜好，今日嚟咗小麥廚房食個晏。點咗個肉醬焗意粉🍝，芝士唔算多，味道不會太濃，比較清淡，意粉霖咗啲我覺得，小朋友都適合食，份量都算夠嘅！再點咗個好邪惡嘅招牌雞扒芝士扒麵，成個麵淋晒芝士醬，再配個太陽蛋➕腸仔，雞扒煎得夠香脆，芝士醬都夠嘅，不過條腸仔我就覺得差咗啲，太鹹了，食多兩啖食唔落！仲叫咗個揚州炒飯，炒飯粒粒分明，又唔會太多油，味道都唔錯👍服務態度，食物品質，份量，價格都尚算可以，值得一試。

早幾日放假落街食早餐，見唔係好想食粉麵，就叫左呢個複雜早餐吖，一件多士，可以揀唔同既組合，我就揀左餐肉腸仔加沙律，餐肉同腸仔既味道都適中，唔會太咸。個沙律唔係罐頭什果，係有薯仔粒，蘋果粒，再加蜜桃之類既嘢，沙律醬都調過味，所以唔會好酸。另外茶走都值得推介，好滑，又有茶味，好正！

今日食晏去左小麥廚房吃飯，天氣咁熱都唔太想吃飯🥵🥵🥵見佢有個即炒粉麵，就叫左個魚香茄子炆米同凍奶茶😗呢個唔係午餐套餐但都有湯飲😆😆😆😆個湯係青紅蘿蔔湯，都幾好飲，好多湯渣😙👍🏾😙個魚香茄子炆米勁大份😱😵😲食左接近一半已經食唔落要打包回家🫢🫢打包果盒都載滿滿🫣🫣魚香茄子加左少少蝦醬炒，一黎到已經好香😌😌同埋佢有汁掛滿米粉，茄子同肉碎都幾多都真係抵食又好食！👍🏾👍🏾😙👍🏾

🍝 焗肉醬意粉 $41💯 評分：🌕🌕🌕🌗🌑 (3.5/5)💬 個肉醬都頗為濃郁，份量亦夠多，配上焗熔咗嘅芝士味道唔錯，不過就油咗少少。意粉相當掛汁，口感又恰到好處，食晒成碟都唔會覺得膩。😊🐷 豬扒炒公仔麵 $41💯 🌕🌕🌕🌑🌑 (3/5)💬 個公仔麵炒得相當惹味，條條都幾彈牙，蔬菜嘅份量亦好可觀。豬扒唔算嚡口，不過莫名其妙地有陣羶味，可能係雪藏肉？希望能夠改善一下！🥴

沙爹牛肉麵、炒蛋、火腿、方包（$45)賣相：🐧🐧🐧味道：🐧🐧🐧🐧沙爹牛肉麵、炒蛋火腿同用一個外賣碗盛放，麵有分湯，避免了被浸淋的命運。外賣碗為餐廳自家訂製硬身紙碗，設計簡約。方包另外用普通膠袋盛載。味道方面，沙爹牛肉沙爹味足，牛肉夠嫩滑，而且份量不少，有6、7大塊，配上厚厚一層的沙爹汁，令人滿意。公仔麵不會太淋，尚有彈性，拌勻沙爹汁食用非常惹味。炒蛋尚算嫩滑，足蛋味，真蛋無誤。火腿經預先煎過，頗為香口。方包頗軟嫩，稍微偏乾，牛油量剛好。茶走（跟餐）賣相：🐧🐧🐧🐧味道：🐧🐧🐧🐧🐧奶茶色澤金黃，口感順滑。茶味夠不會過濃，無苦澀味。煉奶比例剛好，不會過重奶味喧賓奪主，甜度適中。奶油豬 ($37)賣相：🐧🐧味道：🐧奶油豬用紙袋包裝，沒有透氣口容易焗淋。豬仔包尺寸約15cm 長，內裡眼見牛油量足，但煉奶甚少。味道方面，豬仔包外皮鬆脆，但內裡略乾略韌，而且像空氣麵包一般，過份空心，無滿足感。牛油量足，牛油味重。煉奶嚴重不足，個人忍不住要出動私伙煉奶加持，非常失望。$37一個的奶油豬竟然如此質素，令人極度不滿。外賣等候時間：🐧🐧🐧🐧假日早上11點幾下單，需時約20分鐘，與預計時間差不多。🐧❤️結語：茶

想不到這家小店的炒公仔麵, 是我吃過最健康的一家, 除了因為廚師除了蔥段外, 也下了不少白菜仔一起炒, 所以蔬菜攝取量比一般的多很多. 除了這點外, 要讚的還有在盡量保留公仔麵乾爽的口感之餘, 用比較少油去炒, 所以沒有平時吃到的油膩感. 附送的例湯是青紅蘿蔔南北杏湯, 不太見到表面的油光, 而且喝下去的味道只有蔬果的清甜, 而沒有肉香, 令我不禁懷疑沒有下任何豬骨或者瘦肉去餚製.當然要改善的, 就是公仔麵的細碎, 吃起來不夠過癮, 但這也是矛盾的, 沒有下足夠的油翻炒, 炒得不夠順, 自然在炒製中被鑊鏟壓碎或者壓斷麵條, 吃得健康一點, 在味道或口感上真的要付出代價呢! (笑)

去年光顧時已發現天花喉管有老鼠到處爬，已即時投訴。並無幫襯年多，今晚再嘗試幫襯時再發現沙嗲粉絲牛肉煲內有曱甴屍體，非常噁心，但遺憾當時忘記拍照。希望日後食客再幫襯時千萬要留意，小心小心。

難得出開黎，為左支持小店行遠少少試下。原來上次外送高質嘅沾麵同黃金雞就喺附近！本身以為小麥同普通茶記一樣，估唔到連茶餐都有咁多款而且有特式！粉麵飯三文治西多大路野齊晒，竟然連漢堡、熱狗、豬仔包、牛角包各式其色都有，每款有幾個選擇，豬柳炒蛋潛艇(熱狗)？芝士牛角包？🤤🤤最後叫左:碎蛋煙肉朱仔包🔅🔅🔅🔅🔅好似越式法包咁，皮薄且外脆內軟。碎蛋微暖濕潤、唔怕越食越乾。醒埋淡淡煙肉味，剛好平衡！蛋沙律黑椒熱狗(走左黑椒)🔅🔅🔅🔅🔅誠意之作！一拎上手係焫手架！包焗到外邊微脆、上面芝麻香每咬一啖都飄入鼻。碎蛋應該係即整，所以撈左沙律醬都微暖，唔會整凍個包。入面真•熱狗腸，唔係麵粉雞肉腸，足料！豬扒炒公仔麵:🔅🔅🔅🔅🔅有鑊氣、麵彈牙、一條條夠分明但食完冇油漏感，搭幾條椰菜、芽菜，碟上一滴多餘油都冇。食到一半先覺得要推介俾各位食客，豬扒林又有得咬下，食晒冇得影添🥲樓面有四、五個侍應姨姨，所以落單都好快手，廚房出菜係個炒丁慢左少少，anyway,又如何？好味，我願意等！爬文見之前啲po話佢service唔好，我冇遇到。佢可能換左批姨姨？

位於西灣河嘅小麥廚房，雖然唔算好起眼，但原來入邊啲食物質素真係幾有保證！😌😌雖然賣嘅都係一般茶餐廳嘅食物，但就覺得炒飯好有鑊氣，啲料好足，而常餐/下午茶都幾好食，係符合心目中理想嘅味道！！裝修就普普通通啦，位置唔可以話好寬敞，但都坐得舒服，侍應服務算係良好😊😊 所以得閒平時去食呢餐廳係一個唔錯嘅選擇~~入邊啲餐具都算乾淨，冇話好友油淋淋，俾人感覺都係整潔嘅，但當然有改善嘅空間啦~~如果想平平哋食啲好味嘅茶記，去小麥餐廳都係一個唔錯嘅選擇！😋😋

見佢係顏色商圈下幫襯下點知態度衰到死 落單諗住等佢ready 去電腦禁 勁晦氣講：講啦 然後講個餐食乜食乜，勁唔耐煩指住個海報話：姐係呢個餐啦嘛心諗我做錯乜要咁惡食又冇澳牛咁好食 落單死人態度衰過澳牛永不再去 未食都一肚氣