小麥廚房

营业中

休息中

呢間鋪頭我一路食開，今日12:45叫外賣落單，落單果個勁求其，要A餐小意粉，講完地址，我以為茶餐廳都係一眼關七，聽電話果個好勁，唔使confirm就cut左我線。我估叫開應該無問題，等左30分鐘都未送到過黎，以為無就算啦。2點有人上黎問係唔係叫左外賣，我話12:45叫咖啦，而家2點，個姐姐扮傻，話佢自己都未食飯，唔知時間添。我未食飯，費事浪費，唔想為難姐姐，俾左錢，以後都唔幫襯。我自己唔好，應該再打去confirm多次，或者追單。遲左一個鐘都好意思送過黎，一句唔好意思大曬，香港咁多餐廳，唔使幫襯你啦。

我同屋企人勁鍾意嚟呢間茶餐廳食野，因為佢不論早餐、午餐、晚餐，水準不嬲都好ok，唔驚中伏。除此之外，仲有以下特點：（1）早餐供應時間至中午十二點：平時星期六日瞓到11點幾自然醒之後，嚟到呢間茶餐廳，仲可以食到早餐，真係好爽。（其他茶餐廳早餐之後會供應到10:30或者11點。）（2）沙嗲牛肉麵超級好食：好鍾意食佢呢度嘅沙嗲牛肉麵常餐，超級夠味，配落個湯麵度都好有味。而且佢嘅面必定煮得啱啱好，軟硬適中，唔會好似某啲茶餐廳咁煮到淋晒。（3）多士、奶油豬好高質：我成日都會叫常餐，而且仲會轉多士或者奶油豬，佢嘅多士同奶油豬都好足牛油，同埋會烘得好好，食到好滿足！（4）餐廳外賣團隊：雖然可以喺food panda/ deliveroo 叫呢一間餐廳嘅外賣，但其實佢哋有自己嘅外賣團隊，住附近嘅可以打佢哋嘅電話叫佢哋送外賣，宜家好少餐廳有得咁做。直接打俾佢哋叫外賣會平過food panda/ deliveroo 上面叫。呢一間茶餐廳雖然唔係D好傳統舊式嘅茶餐廳，但係員工老闆等等都好好人，感受到佢哋嘅茶餐廳人情味。

今早行過第一次試食早餐。五香肉丁米粉配紅腸、太陽蛋、牛油方包轉多士。餐到的時候多士加一元但沒有牛油！太陽蛋為煎蛋還是不熱的，紅腸超薄！！最差的是寫明為了環保不提供餐紙，可惜係2元可以買一包！就絕不是正確的環保，減少試用、要重用！不提供卻販售紙巾，變相鼓勵人用更加多紙張。只是縮皮的商業行為，卻用環保作綽頭。我坐的卡位是沒有餐具的櫃桶，餐具是員工拿來的(他們是沒有手套的，也不知何時消過毒！），請問你會覺得在疫情下使健康抗疫的行為嗎？太多謝了！

回歸日假期, 中午原本想去百利冰室食鮮茄豬扒飯, 但去到剛好1點鐘, 已經人山人海係門口等緊, 我哋一家大細4個人,估計兩點都未有得食, 結果過咗去隔離嗰間「小麥廚房」開飯。門口望入去都幾正常, 牆身仲貼有好多望落幾及引的食物海報, 但入到去都知衰, 收銀隔離企了兩個「步兵」等緊(即係廚房做唔切啦！) 場內有兩張「吉」枱但無人清, 收銀哥哥兼侍應兼聽電話接緊外賣單, 根本唔得閒理我哋, 體諒小店人手緊, 我哋乖乖坐下一枱等人招呼兼清枱。不過這個「小麥」空間不是你願意等就會有人自動回應你, 好不容易才能完成下單, 包括要求人清枱、求人俾餐具(要叉無叉、要筷子無筷子嗰隻)、求人俾番張單(平時唔會,但見隔離枱有, 真心驚佢漏單)。食物質素唔駛講, 當然係一般以下, 但最頂唔順係場中間行行吓的老板娘, 叫佢幫忙跟跟D餐湯未來, 佢一句「無人手, 係咁」, 我都知, 但你咁回應我😠, 我駛唔駛摺高埋衫袖出來幫手呢！

今日有啲忙，到下午茶時間先食lunch。兩個人叫咗西多士餐同芝士撈麵餐西多士係我嘅最愛，有一大舊牛油，糖漿成支俾你任落 。至於個芝士撈麵呢，有啲失望，個芝士汁完全冇芝士味，但雞翼幾好食，腸仔同蛋都煎得OK

今日難得出街食飯見佢啲圖片好靚就打算試下但想試焗飯，但店員話無啦叫咗海南雞飯同炒公仔麵點知5分鐘之後先話海南雞飯冇晒咁改咖哩雞啦 睇睇張單，7:56pm落單，等到8:24分先黎第一個餐🌚大拿拿半個鐘中途我見佢不停出外賣但係堂食就出得勁慢個炒公仔麵算正常茶餐廳質素再等多10分鐘個咖喱雞先到完全係咖喱粉加椰漿開水冇咖喱香、紅蘿蔔好硬、薯仔得一舊。等半個鐘結果得啲咁嘅質素..........老公食到好嬲...唉總結：永不回頭。

親民型茶餐廳，主要街坊生意，可翻兜再食。同狐狸仔黎食呢間，我就叫左西多士，一黎到見到包身勁厚，狐狸仔叫左沙爹牛肉雞翼米，西多士Ok不膩不油剛剛好，而且好厚身。薄薄金黄，可以落多dd少少糖漿。沙爹牛肉呢，就念住系一般沙爹牛肉啦，但雞翼系意料之外中好食，外皮脆脆的肉很嫩很厚，咬落因為厚身，淡淡肉好爽！米粉不梗勁，浸湯Ok。奶茶偏奶味。整體，幾好食！可以再翻食。又系一間坐無虛席的小店。芝士撈麵同波羅包都想試。

西灣河區一向多美食，兼且有特色，價錢又大眾化嘅茶記今晚同朋友嚟到呢間開張大約一年度嘅茶記，記得佢前身叫粤品，都有幫襯過，後來轉手叫做小麥廚房。首次嚟呢度食飯，剛坐低店員先送來兩碗熱湯，個湯味道不過不失。睇餐牌我哋叫咗個海味粉絲雜菜煲，同無骨海南雞飯兩個餐都跟湯、飯及熱飲。首先送嚟嘅係海南雞飯，其實我鍾意食有骨落地嘅雞，但而家好難揾到啦！個海南雞當然係雪雞，無乜鲜味同雞味，個油飯反而幾好，祇係稍為硬些少。海味粉絲雜菜煲湯多咗，之前叮囑要少鹽少油，味道又幾清啱我哋兩個口味幾軟熟餐飲我哋叫咗檸水同杏仁霜，朋友杯檸水還好，我杯杏仁霜開得頗稀，但好在幾熱。總結呢度食物中規中矩，可能價錢唔貴，一年度已有一班熟客，生意幾好，我哋埋單先百零蚊，唔收加一，算係幾抵食

平時食開依間既都係我媽多，就算我未醒，佢都會自己落去食/外賣個早餐食，係佢既頭3位之選。今朝就同埋我爸我媽三個落去食早餐，一入去都好似平時咁爆場，但有個卡位，得一個人坐而且食完野既，呀姐好好咁幫我地問個個人可唔可以坐隔離枱，讓一讓比我地。.我爸原本就叫左沙嗲牛肉公仔麵，但係11點就冇哂喇，所以佢唯有轉鮑魚雞絲公子麵，但佢話都好食.我媽同我一樣都係叫左雪菜肉絲，三個都一樣$33.平時我地常餐會叫奶油脆豬同䶢牛肉脆豬，十分推薦！

今晚叫左個咸魚雞粒炒飯，如果係咸魚愛好者一定會覺得好正，因為呢個飯啖啖咸魚，而且價錢實際，不過我覺得食到最味個飯又好似偏咸左小小😂見到有好多人都叫無骨海南雞飯，佢個賣相都幾吸引，下次會再試！

員工服務態度一流，如想駛錢受氣，不妨試試。當你向負責人投訴，無回應，唔理你，以後去旁邊兩間餐廳好過。食物好咸，好油，同佢講又無反應，以後唔會再光顧，費事俾錢受氣。

鍾意食茶記既我，今次去咗西灣河嘅其中一間茶餐廳叫做麥記。我叫咗一個雞扒通粉，仲有一個菠蘿油。雞扒通粉味道良好，雞扒唔肥膩，而且好入味。另外菠蘿油好好味，牛油好大舊，如果可以再脆面同埋熱啲咁就完美！

小麥㕑房今日放工被友人邀請試新菜館位於西灣河站附近。友人曾提及早餐麻麻，心諗：「麻麻都叫我由上環來食？」一入餐廳，裝修骨子，像重視實力的人打理。地方算清潔衛生，沒有油煙肥膩。隨意找個卡位坐下。我們三人一看餐牌，炒菜煲仔為主沒什麼驚訝。不過，看到一頁寫「秘汁蒸倉魚」？愛吃漁的我就問友人不而來一碟。然後，愛食雞的友人就見到有「海南雞」就馬上點。愛濃味的另一友人就點了碟「酸棘牛腩」然後加個「蒜香芥蘭」增加食物纖維。當然，要試㕑房是否有料就由白飯開始。蒸得過硬過軟都不好吃，來米也是重要。新舊米的配合比例要合當。過關。先來個菜。一試沒什麼不對。炒得合喉。芥蘭若炒過火會相當難咀嚼。這碟菜不差。可以。然後「秘汁」和「酸棘牛腩」。雖然沒有倉魚，用好友魚代替。這個「秘汁魚」蒸得不錯。醬汁新鮮甜香帶有豆瓣香。整體是正！值推介。「牛腩」個醬像馬拉口味咖哩，香口。不過沒有了馬拉乾咖哩的椰香。愛南亞味的我，當然想大厨加默椰香會吸引多了。至於個雞就肥了默。對怕肥的人真是要把皮除掉。奶茶，有茶香。不過，要試下早餐時段會不會又是有茶香先知。因為爐頭和煲都已熱了一天。煲來的茶已有一整天累積了的茶香。整體來說，值得推介。

唔只好食，仲係會食到誠意！可能海南雞較出名 所以今次賣晒食唔到 希望下次試到今次試左冬陰公炒飯 同 麻婆豆腐飯前者惹味開胃 幾特別 唔係度度都食到 好岩我成日係公司canteen食個啲咩楊洲炒飯西炒飯食到好悶既人後者真係令我好impress! 一直都覺得麻婆豆腐係好頹既飯 但一食呢個 就感覺到小麥既誠意 係真係食到個陣香既’麻’既味 好香好好味!自己平時都好喜歡港式茶餐廳今次試到間係食到有heart有誠意既茶記，真係好滿足👍🏻 好過個啲咩上市大集團多多聲香港人 就係要多啲支持有heart既小店💪🏻

今日經過見新店開張，就同老公入去試試，見佢地主打招牌海南雞飯，兩個人就叫左個晚市二人餐，海南雞同四季豆🍽仲有溏心蛋✨好少餐廳有溏心蛋，而又整得好食👍🏻主菜賣相都唔錯，味道有水準，有別於街外的味精😋有驚喜，海南雞飯醬汁是自己調配，感受到果份用心，配埋油飯一流😝四季豆亦有鑊氣👍🏻好難得，食食下試埋個麻辣雞煲，因為見隔離枱試，好吸引🤩🤩🤩麻辣香❤️好惹味✨材料十足🤭仲有大大塊豬潤🙊好小餐廳會有，老公都話好味😆今餐好滿足，好快會再食多次，見其他人點了生炒骨，牛油雞翼都好吸引。但胃得一個，唯有下次再試😝完全冇伏👏🏻👏🏻下次要叫多啲人黎，試埋其他餸先得🤹🏻‍♀️