小魚兒 (金馬大廈)

营业中

休息中

天氣凍🥶，又係同朋友一齊食麻辣烤魚嘅時候喇😋。🔸碳火風味烤魚有三款烤魚可供選擇，我哋揀咗相對地無甘肥同埋無甘油嘅海鱸魚🐟（$308）。烤魚口味方面，原本唸住揀依家推廣緊嘅爆醬鳳梨🍍香辣豆花，可惜我哋去食果日甘啱無供應，最後揀咗鮮九葉花椒BB豆花（小辣、中麻）。海鱸魚🐟經過香煎，然後先至放上鍋🍲度。海鱸魚🐟好大條，新鮮，肉質厚實幼嫩，唔會太油膩😋。配料有豆腐、青瓜🥒、洋蔥🧅、芫荽、闊粉等。我哋仲額外加咗稻庭烏冬（$32）作為附加嘅配料。全部配料嘅品質都好優質，無異味。整體嚟講辣度唔算好辣，下次可以叫中辣大麻😂。同埋如果想個麻辣味突出啲就要煲耐啲，滾多兩滾🤣等麻辣味出味啲。🔹嘢飲嘢飲叫左龍鳳檸樂（$28）：杯裏面有新鮮酸檸檬片🍋和醃漬鹹檸檬，然後將可樂加入去。酸度同埋鹹度都啱啱好，加入甜味嘅可樂，味道一流😋。*午餐*另收加一服務費

講真，呢間餐廳某啲款式定價都幾貴😂似去咗海洋公園咁，比原定售賣價值高成倍！一個烏冬要$32，口水都噴出黎🤯雞煲/烤魚/燒烤，乜都有得食，咁又幾好嘅，而且款式唔係話得一兩款咁hea，好多選擇！！！淨係魚，都有「海爐魚/江團魚/凌波魚」🐠🐠🐠≡≡≡≡≡≡≡≡≡≡≡≡≡≡☘︎︎ 麻辣雞煲 $158（半隻）中麻小辣➪ 半隻兩個人食真係好夠飽～好在佢分別地可選擇「麻」及「辣」程度🤩🤩🤩我地揀左中麻 + 小辣～ 果然加重左麻味，雞件放入口腔，會慢慢散發麻感，比平時食嘅雞煲更加麻、更刺激😎😎滿足喜歡麻的你們呀！≡≡≡≡≡≡≡≡≡≡≡≡≡≡➪ 炸雙皮奶 $43有驚喜，真係唔hea～咔滋咔滋的脆香，金黃脆衣，色澤靚，唔會炸過龍！裡面軟軟的奶仲有粒紅豆😂好正！！≡≡≡≡≡≡≡≡≡≡≡≡≡≡➪ 川式燒土豆片（孜然）薯仔太多籽然粉搞到苦苦地≡≡≡≡≡≡≡≡≡≡≡≡≡≡➪ 蒜蓉牛油金菇有驚喜，蒜蓉多到以為唔洗錢咁！😂勁級多蒜，勁重蒜味，$38好抵食！！！≡≡≡≡≡≡≡≡≡≡≡≡≡≡🍹飲品🍹最後加返杯真係有竹蓆嘅竹蓆茅根！wooo~~ 食雞煲/燒烤咁熱氣嘅野，飲呢個就最fit ar !! 😍食左咁多野，係lunch

天氣凍凍地，又係時候打邊爐啦，今晚去咗尖沙咀一間叫做小魚兒嘅餐廳，因為朋友唔係咁鍾意食魚，叫咗個招牌雞煲。個雞煲都幾抵食，半隻只係$158。雞煲可以揀大中小辣，同埋BB辣。我今次揀咗BB辣。個雞煲嚟到，已經聞到香噴噴。店員教我哋開大火等佢煮滾，炒下佢再熄火焗3分鐘。個雞煲分量十足，嗰醬汁好惹味，唔會好鹹。配埋啲洋蔥芫荽，好惹味。食完雞煲，店員加咗上湯打邊爐。兩個人食完雞煲都飽飽地，就加咗一份細安格斯肥牛，同埋鴨血，下次再試其他嘢。

每逢冬天就特別想吃🌶️熱辣辣既烤魚🐟，同朋友去左小魚兒 尖沙咀分店 ，食正宗碳火風味烤魚😋，真係回味無窮。餐廳位置方便，之前行過見到一早bookmark左。環境不錯，坐得幾舒服👍餐廳幾受歡迎，午市到來，好好生意，好多食客。🤗menu有唔同魚選擇，我地點江團魚🐟，因為未試過，呢款魚賣點系肥美。夾一口食，果然美味。肉質肥美幼嫩，油份重，含豐富膠原蛋白，煮左一陣依然好滑。😍口味揀左老壇酸菜豆花，酸酸地夠惹味，豆花夠滑嫩。Lunch食烤魚勁滿足👍

好耐冇食過烤魚喇，#小魚兒 呢間川菜真係不得了，除咗有烤魚、酸菜魚、水煮魚、仲有雞煲同串燒，勁多選擇😻今次叫咗老壇酸菜豆花湯底（江團魚 ），湯底用料一啲都唔慳皮有：指天椒、泡椒、燈籠椒、花椒八角、洋蔥同大量酸菜等，絕對唔馬虎，勁夠味！酸菜魚是放在一盤長方形的鐵盒上，來到的時候放上Gas爐上，職員話湯滾後再等5分鐘就可以食了～水滾後，我哋就開始食酸菜魚了，但一開始食嘅時候，湯底都未係好夠味，但越食就會覺得越來越濃郁，湯底變得越來越酸及辣，勁惹味😍😍 而江團魚食落一啲都唔腥，肉質肥美，鮮嫩厚實，而且仲好大條😍😍另外，我地再追加咗一啲配料：響鈴、薯粉、金菇、娃娃菜同蘿蔔等等，加埋落去好似打邊爐咁超豐富呀！🤤🤤

今日我同朋友四人一齊去咗尖沙咀做瑜伽，做完瑜伽之後，有位朋友話想食酸菜魚，行到尖沙咀的金馬倫道，就見到了這間叫做小魚兒的酸菜魚餐廳。呢度見到餐牌午市非常便宜。但是我哋今天是想食酸菜魚所以我哋就叫了一條魚配上酸菜湯底，加上一啲配料，例如響鈴，薯粉，金菇，炸魷魚，娃娃菜，蘿蔔等等。😍😍😍酸菜魚是放在一盤長方形的鐵盒上，來到的時候放上Gas爐上，侍應說待滾了後，等5分鐘後才進食。😎😎👍🏼等待酸菜魚滾時，酸菜魚上有花椒，百角，辣椒等。在熱水滾了後，聞到了陣陣香辣味😝😝。魚上仲有酸菜，加上辣味，已經好想快啲食。😍😍😍水滾後，我哋開始進食酸菜魚。一開始食嘅時候湯底都還未是10分濃郁，但進食了一段時間後，因為蒸氣水份揮發後湯底變得越來越濃。湯底變得越來越酸及辣，配上酸菜魚熱辣十分野味😋😋👍🏼。在吃酸菜魚的過程中，可以放上打邊爐用的配料，配上酸菜魚湯底10分好食😝👍🏼。總的來說，這間的酸菜魚，足配料，條魚夠大條，仲可以配上湯料之後再打邊爐， 十分好食值得推介😎😎。

婆婆同我都好中意食酸菜魚，今日就去左尖沙咀一間好出名食魚既餐廳，食魚！以前未有疫情，婆婆都耐唔耐會返大角食下酸菜魚，而家冇得去，就帶婆婆黎回味下！酸菜魚真係有係大角食既風味，酸度好夠，辣度同麻度可以自由選擇，媽媽中意食麻，又唔食得辣就岩晒👍🏻個酸菜魚既份量好多，買開餸既婆婆都話應該有半斤魚係入面😲仲有大量芽菜、萵筍同寬粉，一邊煮吸晒啲湯，好惹味！竹笙我地仲叫多左個竹笙，加埋落個酸菜魚度，每條都大大條，勁吸味！份量都對得住價錢👍🏻霸王雞客飯套餐午市套餐超抵，樣樣都係$38-$41，加兩蚊仲包埋飲品，我地叫左個霸王雞，份量都幾多，雞好滑，味道唔錯，性價比勁高✌🏻值得一讚，係佢哋嘅白飯，粒粒分明，軟硬適中，偽韓仔仔食咗勁多啊！

今日去尖沙咀幫朋友買嘢，行到金馬倫道見到前面有個招牌《小魚兒》朋友話咁得意嘅名，肯定係食魚，所以就行咗入去。見環境唔差，都幾闊落，坐低後睇睇餐牌，原來唔係淨係食魚，還有好多產品嘅，有雞煲， BBQ燒烤，碳風味烤魚⋯最後嗌左個＂老壇酸菜鍋＂$258豆皮$28油麥菜$32店員攞上嚟都幾大鍋，魚片甚多，鍋內配有適量嘅鹹酸菜、芫荽、大豆芽、木耳、萵筍、寬粉。店員又幫忙開爐，話滚就食得，開始滚就聞到好香嘅麻辣氣味，魚片厚肉嫩滑鮮甜，唔腥冇骨啖啖肉，好啱唔鍾意有魚骨嘅人，寬粉好煙韌，萵筍木耳爽口，大豆芽鮮甜，豆皮解油，油麥菜清新，配菜吸晒湯汁的味道超級惹味。

成日食雞煲同打邊爐, 秋冬開始連羊腩煲都食埋, 差一樣野好想食就係烤魚! 朋友話尖沙咀有幾間烤魚, 覺得依間最正, 就去TRYTRY!上到去餐廳環境又幾靚喎, 牆身既畫, 倪虹燈同埋吊燈等等全部都幾靚, 睇得出有比心機去裝潢, 同埋最緊要係好乾淨企理!原來依度唔止食烤魚, 仲有雞煲同川菜, 仲有我好想食既老壇酸菜魚鍋!GAS爐滾煮住既酸菜魚鍋到, 賣相靚仔, 聞到好香! 魚片大塊口感滑溜, 唔會一夾就散。湯底都好正, 好多酸菜! 酸香加麻辣既味道好平均, 最中意佢加左辣子雞舍種窬乾辣椒落去, 成個鍋香味加倍, 夾小小辣椒加埋魚或配菜黎食變得勁惹味!依個鍋其實好豐富好多配菜, 有芽菜, 鍋荀仲有口感煙韌既寬粉, 足夠兩個人食! 最尾我地只係加左個竹笙, 唔好浪費個湯, 竹笙索哂湯汁精華, 正!今次第一次食真係印象良好, 下次會番黎食下烤魚!

天氣凍凍地😮‍💨，又係時候要打下邊爐🫕，今次介紹既係位於尖沙咀既烤魚店🤗。首先，要選擇魚既品重先，有海鱸魚（$308）、江團魚（$348）、凌波魚（$378），而我就揀咗凌波魚，果然一分錢 一分貨，條魚係個鍋煮左一段時間，肉質仍然好嫩滑。另外仲叫左肥牛、寬粉、同埋燒菠蘿，個燒菠蘿上面係有一層焦糖包住，外脆內軟🤤如果唔想食烤魚既朋友仔，呢間鋪既雞煲都好出名， 而且都係百幾蚊一個煲，經濟實惠👍🏻烤魚寬粉 ，口感好特別呢個好食呀店內人都算多

🌕Hello我係Moon🌕呢幾日嘅天氣真係有啲凍！我同朋友就佢哋喺依間食雞煲啦，其實一早已經有食過依間嘅烤魚，🤪如果有睇返我之前嘅食評分享，就知道依間烤魚真係唔錯，雖然知道佢烤魚幾好，😝但係今次就係想食佢嘅雞煲！睇吓佢係咪雞煲同烤魚一樣咁好！😂呢度雞煲都有唔同嘅款，🤤可以揀半隻或者一隻，如果兩個人食就半隻就得啦，😋三至四個人呢就一隻就啱啱好！😙雞煲嘅等候都要啲時間，不過唔緊要，😆因為美食係值得等待嘅！等咗一陣就已經有香噴噴嘅雞煲出現！🤓雞煲好惹味，而且份量都幾多！我同朋友佢哋一齊食得開心🥳雞煲嘅醬汁真係會令人上癮，如果唔係因為太飽，😂真係好想撈個麵落去食😂依間野嘅醬汁真係好過癮！😆雞煲嘅肉質都幾鮮嫩，唔會鞋濕濕！😋另外都嗌左碟菜，平衡一下纖維素，感覺上會健康😂🌕最後MoonMoon因為依間烤魚專門店做得幾好，😇估唔到去雞煲同埋烤魚一樣咁好食，我已經決定下次兩樣都食啦！🌕

女朋友大人整完頭髮話想食雞煲，近近地揀左尖沙咀金馬倫道既小魚兒未入到餐廳係樓梯口已經被濃濃雞煲香味衝擊我既肚仔。令等待既15分鐘變得無比漫長。。。輪侯期間靚仔遠處觀察店內環境，店舖雖小但餐桌排位都十分照顧顧客同店員既感受，枱之間都有足夠既空間比人出入，十分抵讚。一入到去立即用QR Code點左我地期待左十五分鐘既鮑魚雞煲，顏色十分鮮艷，店員亦十分細心提我地雞煲滾起後關火等３分鐘就食得鮑魚雞煲 - 半隻 $268開篕後濃濃既芫荽撲鼻而來，雞煲醬料都炒得十分濃稠可以掛滿每一塊雞件。大胃既靚仔當然不能止步於半隻雞，同場加映一份牛肉同鵝腸安格斯牛肉 - 小份 $148鵝腸 - $88牛肉非常新鮮，解凍做得很好，沒有冰雪味鵝腸重點推介！！ $88竟然有咁大碟鵝腸，鵝腸洗得非常乾淨，十分肥美爽口。用膳後成身暖笠笠，落樓下左邊是酒吧街，右邊是諾士佛台，你又會點揀？

小魚兒步驟1 烤魚種類： 江團魚 （$348）江團魚肉質肥美，油份重，含膠原蛋白 。步驟2 烤魚口味： 古鎮水碼頭毛血旺/ 小辣 BB麻（+$108）烤魚真係幾好味，因為係先炸後煮既關係 魚肉係外脆內嫰滑，而且非常吸味，魚既份量非常大條。鍋入面仲有大量既牛栢葉 鴨血 豆腐 同蔬菜湯底好香辣 好好味，係正宗既味道。萵筍 （$38）厚切小塊 不過需要多啲時間去淥熟可以由一開始食已經倒落去慢慢煮淋寬粉（$28）都係偏厚身少少，食麻辣湯底必配麵食精選美國肥牛片（$118）份量幾多，每一塊質素都好平均 肥瘦均勻，牛味幾濃。竹蔗茅根（$38）可以解熱氣，而且幾好飲，甜度都剛剛好。

-小魚兒 🐟自從上次食完烤魚 就好想繼續食唔好畀佢停於是呢日係尖沙咀搵左間烤魚專門店繼續暖下個胃☺️✨ 食烤魚步驟有3個：🐟步驟1 烤魚種類： 江團魚 （$348）江團魚肉質肥美 油份重 含膠原蛋白 一見到呢個就已經決定要嗌呢個💕 再加上相比起其他魚下係少啲魚骨的🐟步驟2 烤魚口味： 古鎮水碼頭毛血旺（+$108）揀左小辣+BB麻（作為參考： 同行朋友係譚仔中辣表示一啲都唔辣林芝蓮係譚仔糊辣 表示一開頭都接受到 但之後愈食愈辣就唔太食得到了）呢個好抵食 份量極多😍入面有大量既牛栢葉 鴨血 豆腐 芫茜同蔬菜湯底都好香辣 好好味 真係幾有係大陸食既味道👏🐟步驟3 揀配菜：🥬萵筍 （$38）厚切小塊 不過需要多啲時間去淥熟建議可以由一開始食已經倒落去慢慢煮淋🍜寬粉（$28）都係偏厚身少少 非常掛到個湯底食麻辣湯底必配麵食❤️🥩精選美國肥牛片（$118）份量都幾多 而且唔會係碎牛上 每一塊質素都好平均 肥瘦均勻就算食烤魚湯底都好夾🥤竹蔗茅根（$38）食熱氣野時必須要係度坐鎮👍解辣100分 甜度都剛剛好 唔會死甜整體黎講 個烤魚真係幾好味💕因為係先炸後煮既關係 魚肉係外脆內嫰滑而且非常吸到味 真係辣

小魚兒 (金馬大廈) (尖沙咀).今日接完女朋友收工同佢屋企人一齊去食烤魚，天氣轉涼後食烤魚火鍋嘅心急升.老壤酸菜豆花江團魚.有大量嘅酸菜，配上豆花，豆花放係鍋四角，每件豆腐底仲有件青瓜入面除左魚，本身仲有少少寬粉係入面魚質滑溜，可惜今次食覺得細條左.配料上，除左叫娃娃菜，另外我地再叫多左個寬粉同埋之前食過都好食嘅圓薯粉，兩者都係少透明，寬粉較厚身及有咬口，後者幼得來都會有少少韌，配上個酸湯，非常夾.另外我地仲叫左鮮白鱔片同鮮鵝腸，兩個性價比都好高，白鱔有成十五六片薄片排得整整齊齊，薄得來但都有少少爽口。鵝腸洗得乾淨，份量係有坐小山丘咁高，淥一陣就食得好爽口(⁎⁍̴̛ᴗ⁍̴̛⁎)燒牛油粟米- 對上一次將軍澳食落得太多蒜有啲over蓋過，但今次葱蒜比例剛好，粟米超甜！—————————————————-.📌 小魚兒 (金馬大廈) (尖沙咀)尖沙咀金馬倫道16號金馬大廈1樓