小魚兒 (金馬大廈)

营业中

休息中

有返晚市其中想食既就系烤魚，今次同友人揀左依度試吓，食物叫左海爐魚，爆汁鳳梨香辣豆花口味，海爐魚都幾大條，肉質鮮嫩厚實多肉，重點冇乜骨同腥味，揀左小辣，開頭吾覺辣，之後越食越惹味下次可以叫辣多級，人邊有幾款配料，菠蘿，寬薯粉，豆腐，青瓜，芽菜，芫茜，洋蔥，所有配料越煮越入味，索晒落湯底入面好正另外追加左細份安格斯肥牛同豬肉片，兩款都唔錯，夠哂新鮮，小食叫左燒茄子，滿滿蒜蓉好入味，整體來講，環境吾錯座位都算闊落，食物質素都幾好

小魚兒最近做緊折扣優惠，社交平台網上訂枱有折。 仲未開關好耐冇食過烤魚啦，今日嚟小魚兒終於回緬一下之前喺深圳成日食烤魚嘅時光。店內每台，仲會提供水。 小魚兒除咗食烤魚之外，仲有食雞煲或者其他串燒叫。 但因為佢店名有個魚字，我哋就諗都唔諗，直接就order左烤魚嚟食。 店內有3款魚選擇：海鱸魚、江團魚及凌波魚。 我哋揀咗肉質特別肥美、滑、超有骨膠原嘅江團魚作為烤魚嘅主菜。我哋揀咗老壇酸菜魚豆花來配搭江團魚。烤魚一上枱，估唔到咁大盆，目測估計真係有order 紙上寫的800至900 gram嘅魚重量，好夠份量。 我哋叫咗小辣，整條魚上面鋪滿好多酸菜、湯浸住抄過的紅椒粒。 另外，魚入面有附送豆腐、雲耳、粗身嘅紅薯粉、芽菜、酸菜作配料。 再用羌茜同紫洋蔥去吊返魚的鮮味，正！ 江團魚肉質鮮嫩、飛常滑溜。 即使叫咗小辣，成堆湯都舖佈辣椒。亦都唔會影響魚嘅鮮味，同最緊要條魚冇乜魚骨。可以大大啖咁放入口，唔怕啃親。 即時無叫其他配菜/粉麵飯，就咁食江團魚肉都會飽。

我真的非常少出去吃中餐 金牛附体的本小姐总觉得中餐什么不能在家烧啊（除了贵的好吃的粤菜）但这群嗜辣如命的歪果仁真的厉害 为了庆祝2022年第一次外出堂食竟然说服力了我来吃烤鱼和鸡煲 还给我点了中辣中麻然后我竟然觉得很好吃 哈哈哈 真的推荐这家店 性价比很好 味道很好 就是90分钟真的有点赶但可以理解 推一个

又想食煲又想食烤魚真係要嚟呢間，同幾個朋友一早訂檯，全部人準時到齊，所以準時入席食午餐！因為有四人各點了一個雞煲同烤魚，另外再叫其他邊爐料！不得不提烤魚係好食，果然食物如其名，如果有飯真係撈汁就正啦；雞煲就普通水準，但食得過，份量足，四人食都好足夠！額外加的料都係正常火鍋料，無特別推介！因為烤魚個汁已經頂瓜瓜!小食喜出望外，炸魷魚鬚必點呀飲品反而無驚喜，份量唔多而且係普通料加梳打水，不過叫一杯就好了，之後飲水絕對可以

趁有得食晚市，經OpenRice 訂枱仲有85折，即刻同fd去食，訂咗6:30，嚟到見到冇乜人，點知喺鋪頭隔板另一邊都坐咗7成人坐低自己scan QR code 落單，上菜速度都算快。驚油彈落件衫，問職員攞咗圍裙😂——————————————————首先嚟咗嘢飲🧃•香檳葡萄乳酸爆珠梳打$48 葡萄汁落得好重手，好夠甜，建議唔好少冰•白桃紅茶$38 解渴之選•揀咗海爐魚🐟🌶$308 爆汁鳳梨香辣豆花口味🍍$18 -海爐魚肉質鮮嫩，厚實，啖啖肉，冇乜細骨，冇泥腥味，個人幾鍾意，次次食都係揀呢款魚👍🏻嗌咗小辣中麻，唔係好辣，下次可以再嗌辣啲入邊配料都好多:寛薯粉，青瓜🥒，木耳，芽菜，芫茜，洋蔥🧅 爆汁鳳梨香辣豆花口味-有大約半個鳳梨🍍&煲嘅4️⃣個角落分別擺咗1️⃣舊滑豆腐另外+咗一份萵荀$48 份量都唔少，兩個人食啱啱好所有材料都係越煮越入味，索晒個湯底，又淋晒👍🏻😋除咗菠蘿🍍個人鍾意係咁意浸一浸個湯食，咁樣菠蘿又甜又有少少湯底味👍🏻整體來講，成個用餐感覺都幾好，職員會主動問我哋使唔使加湯，二人枱都算闊落，可能因為我哋冇嗌其他嘢，擺咗個爐都仲有位剩，只係因為坐走廊近廚房第一張枱，有人岀岀入入，攞住

呢間烤魚專門店口味獨特，最特別一定係鳳梨香辣豆花同花膠筒蟲草花，除咗烤魚之外，仲有供應雞煲、川菜同串燒😙烤魚種類有海鱸魚$308、江團魚$348同凌波魚$378，口味有10款咁多，烤魚係原條炸熟後再放上烤盤，外皮勁酥脆🤩鮮九葉花椒BB豆花烤魚🐟湯底鮮紅光亮，見到都流晒口水🤤，江團魚肉質嫩滑肥美，麻辣得嚟又不失鮮嫩，辣味濃厚，真係勁開胃😋烤魚配菜除咗豆腐之外、仲有芽菜、青瓜、木耳同少量寬粉，入味又爽口😆！另外我地仲追加咗寬粉$33同萵筍$48，吸汁又爽脆😍

《一流火辣惹味🔥》———————————————-#小魚兒 🐠-想食烤魚，咁啱search就發現之前食過嘅小魚兒最近做緊折，超級抵食，FB網上訂位仲額外有折扣💰-今次嚟咗佢嘅尖沙咀分店，餐廳主打烤魚、雞煲、串燒等等重口味菜式，超級惹味，啱哂我哋😊-烤魚有三種選擇，可以揀海鱸魚、江團魚、凌波魚🐟而家可以免費升級江團魚，呢款魚肉質特別肥美，含豐富膠原蛋白～-一上枱已經好驚喜，原條魚好大條，份量十足，魚已經煎香咗先放落湯，迫哂啲油脂精華出嚟，甘香美味🔥睇咗佢係爐上面滾起超級澎湃，一夾開就已經可以做到骨肉分離，唔會怕有魚骨好難食到～-湯底可以自選，我哋唔太食得好辣，就揀咗黃金特濃蒜香🧄蒜味帶出魚嘅鮮味，好好飲，又唔會頸渴🤤 -湯裡面亦有唔少配料，芽菜、豆腐、雲耳、寬粉等等，再用洋蔥同芫荽吊味，我哋專登叫咗碗白飯，撈飯食一流🍚-⭐價錢參考：（另收加一）江團魚烤魚：$308🍌抵deal 指數：7/10💰人均消費：$175

趁着疫情緩和咗少少 就去尖沙咀覓食啦😋 係小魚兒到坐底左～先發覺係FB/open rice book枱食飯會抵好多🙈 今次嚟到就係想食佢嘅招牌酸菜魚🐟 可以免費將海爐魚升級到江團魚💙🥕老壇酸菜豆花口味@江團魚 $308江團魚肉質鮮嫩鮮美😋 仲有豐富嘅蛋白質！ 我覺得佢個湯底係最出色😍 煲耐啲啲寛粉、豆腐都好入味😋 🥕安格斯肥牛 $158順便叫個肥牛打個邊爐～滿足下邊爐癮🥰 靚靚嘅大理石花紋🐮🐮 肉質軟稔～串燒類都做得幾出色🫶🏻🥕燒茄子 $48 茄子好軟腍🥰 調味方面都拿捏得好🍆🥕鹽燒牛肉串 $48鮮嫩多汁～ 食到原汁原味既肉香🐮 🥕焦糖燒菠蘿 $48真係成個菠蘿都係焦糖😂😋 菠蘿都好清甜😋 擺盤仲要好靚🍍

原創風味烤魚品種很多，養生花膠筒蟲草花烤魚/爆漿鳳梨香辣烤魚/萬州黃金香辣海鮮味/老壇酸菜烤魚··· ···一共10幾款。對幾款都好有興趣，但依舊點了最愛的酸菜口味😜熟悉的味道，酸酸辣辣，好夠味！一煲超多料，直接來一份足夠幾個人食，一上來就能聞到很香的酸菜味道，裡面的所有料都很愛吃，加點了豆花，有青瓜、豆芽、寬粉等。魚肉很嫩，蘸上湯汁非常鮮美，魚刺不多，而且配料都是很足。配菜放進去吸滿湯汁，濃郁醇厚。仲額外點了一啲火鍋配料，有安格斯肥牛、油麥菜、蘿蔔等等。食得過癮仲帶咗其他小食：鹽燒牛肉串（推介：份量大、味道好）焦糖燒菠蘿（推介：有一層脆口焦糖，口感好特別）牛油金菇（牛油味重）香蒜燒茄子（愛多蒜人士必點）

📌 小魚兒🐠📍 尖沙嘴 Tsim Sha Tsui過左冬天但係超想食暖笠笠嘅野食☃️ 平時食嘅都係烤肉火鍋🍲 今日就同朋友黎食烤魚🐟🥰 踏入門口就見到好多魚嘅設計🤣超可愛!!每個位置都有烤爐🤍 空間感好大唔會坐到太熱❤️‍🔥-🐠 黃金特濃蒜香豆花+江團魚 $348 (🪄4.3/5)- ❥ ❥ 黃金特濃蒜香豆花江團魚💛📎 首先江團魚真係做到嫩滑肥美☺️ 大家可以趁熱食啲魚肉, 咁就食得出好滑唔多骨嘅魚肉🤍 📎 份量方面魚好大條🤩 兩個人都唔夠食要打包返去繼續食～🙈📎 味道方面個蒜香味真係濃💖 真係見到好多粒蒜🧄 不過食到最後其實覺得有點過鹹🙈 要飲多啲水～📎 至於配料, 我覺得真係非常唔錯👍🏻 值得一讚佢有好多配料例如粗薯粉🥰 真係超彈牙同埋超掛魚汁!!! 然後就係有豆腐同埋節瓜青瓜🤩 全部都掛曬魚汁好入味！👏🏻-#小魚兒 #tstfood #烤魚 #尖沙嘴美食 #尖沙嘴 #美食 #hkfood #hk #hongkongfood #tst #fish #littlefish

上次朋友帶左去小魚兒食酸菜魚覺得好好食，今次黎諗住上下佢個烤魚，但又對酸菜魚念念不忘，睇下menu發現有perfect match! 有老壇酸菜豆花風味既烤魚😋我地升級左做江團魚，又大條又滑又鮮味。湯底超正呀好濃郁~ 而且已經配左好多湯料，酸菜啦辣椒乾啦，辣椒乾仲係辣子雞個種爆香左既，食落好香更有風味。仲有紫洋蔥，滑豆腐，冬粉，全部都已經索哂湯汁，酸香辣齊全🤤如果多人食既話可以叫多d火鍋料繼續打邊爐，我地得兩個人食哂成條魚同配料已經好夠，叫多個烏冬索埋d湯汁精華，超滿足👍🏻

鄰近尖沙咀地鐵站的一間樓上連鎖烤魚店—「小魚兒」，不禁想起兒時看過的電視劇《小魚兒與花無缺》，不過這裡的小魚兒絕對不少，而是一大尾足夠兩三人食用的烤魚。午市時間的套餐非常划算，低至$29，所以大排長龍。於他們的社交平台專頁訂座更享有優惠。海鱸魚 - $308原條的海鱸烤魚幾乎有整個火鍋那麼大，炸過的魚好香口，水滾後大約三分鐘好快便可吃用。海鱸魚的味道好鮮美，肉質好細嫩，魚刺少而大根；還很細心的，把魚一開為二打開，好易分出厚實的魚肉。湯底方面，不太吃辣的人士必選的「黃金特濃蒜香豆花」，散發出陣陣濃郁的蒜香，還有芫茜、豆腐、青瓜、木耳和洋蔥，底部還有吸收精華晶瑩剔透的寬粉。

今日朋友仔帶我嚟尖沙咀食🔥烤魚🐟，佢話而家做緊優惠：鱸魚🐟免費升級🆙江團魚。而且喺 Openrice 訂位🤩仲有額外折扣💰優惠，好抵食！我哋揀咗鮮🌶花椒BB豆花烤魚🐟，辣度同麻度都可以👍自由選擇，十分貼心🥰。江團魚🐟好大條，肉厚鮮嫩🤤，而且魚油豐富😍，煎香左先至落湯🔥迫左啲油脂出嚟甘香美味！湯底入邊都有唔少👍配料，豆腐十分之香滑🤤有豆味，黑木耳入味爽口😋。寬粉要煮耐少少🤏，吸晒湯底🥣嘅麻辣🌶香味，咬落去煙靭入味好😍滿足！🥒青瓜清爽，有少少🤏解辣作用，如果煮耐啲給左湯底🥣嘅話又有另一番風😋。啲魚肉🐟食到尾都係咁鮮嫩🤤多汁，而且我哋揀小辣🌶特別食到佢嘅鮮甜🥰！呢度除咗烤魚🐟仲有唔同嘅燒烤🔥串燒等等嘅美食🤤，我哋就追加左一份🔥燒茄子🍆。🍆茄子燒得好透，佢哋落咗勁多🧄蒜蓉，茄子肉好入味，高質又抵食😋！

最近唔知點解最近好想食四川野😋😋今次就去咗尖沙咀食呢間川菜烤魚佢有唔同種類嘅烤魚種類同埋口味唔鍾意烤魚嘅話佢仲有雞煲同埋酸菜魚可以揀😋😋我哋今次就揀咗鮮九葉花椒BB豆花 江團魚$348 呢隻魚肉質肥美，油份重，食落淡淡膠原蛋白 佢有得揀唔同嘅辣度 我哋就揀咗BB辣 好夠味 (⁎⁍̴̛ᴗ⁍̴̛⁎)配料我哋就揀咗牛柏葉 生菜同埋寬粉 食呢啲湯底 一定要揀啲吸味嘅配料😻😻 牛柏葉係必選 咁大盆烤魚就算你唔加配其他配菜佢送嘅配料都有唔少有辣椒、蒜蓉、芫茜、洋蔥等喺魚面上，四角魚底下墊著仲有豆腐同萵筍魚肉又嫩又滑夠味 唔係好食得辣ge我都忍唔住係咁添食😋😋仲有佢嘅滑豆腐真係好正 口感一流佢仲有串燒冷盤小食可以加我哋再加咗個椒鹽魷魚鬚$88佢呢個真心可以媲美打冷質素 魷魚鬚好脆口而且好大條魷魚🦑同炸粉完美結合 再加埋甜醋點綴 雖然係油炸嘢但係都忍唔住瘋狂食😚佢仲有甜品㗎 真係好想試佢嗰個留心榴槤炸彈 不過可惜兩條友得兩個胃😿😿 下次一大班人去一定要再試woho😆總括而言 呢間四川野真係值得一試 不過建議一大班人一齊去 可以試多啲唔同種類嘅嘢食

升級魚 送雞翼尖 送雲耳 係抵玩嘅～～～有一段時間冇去食烤魚，一起身就即刻上網搵吓邊度有優惠，最後就見到呢一間餐廳做緊七折烤魚，二話不說，上網book完枱就即刻搭地鐵過去，餐廳黎地鐵站好近，大概行3-5分鐘就到。～～～除咗七點之外佢哋仲做緊鱸魚，升級做江團魚，而且仲送泡椒雞翼尖一客，非常之抵食，難怪喺疫情底下佢哋都依然好多人支持。～～～江團魚除咗中間嘅一條大骨，側邊好少細細地嘅骨位，啱曬我呢啲驚食魚骨但又鍾意食魚嘅人。啲肉好嫩口，而且越滾越入味。我哋揀咗老壇酸菜口味，裏面仲有豆花寬粉等等，食落去酸酸辣辣，而且呢一隻魚都幾襟食，大大條兩個人我都可以食到好飽。～～～鍾意再清新少少嘅話就可以叫多碟萵筍加落去，萵筍雖然吸汁，但係索完之後成個味亦都唔會過濃，非常適合食烤魚或者酸菜魚嘅時候加落去。～～～另外佢哋送嘅泡椒雞翼尖亦非常下酒，味道調得好到位，雞皮滑溜，泡椒香口而不嗆喉，高質。like完佢社交平台仲送多碟涼拌雲耳，總括來講成餐性價比係好高～～～小魚兒 (尖沙咀)尖沙咀金馬倫道16號金馬大廈1樓