小魚兒 (金馬大廈)

营业中

休息中

黃金特濃蒜香豆花海鱸魚 $308米線$28萵筍$48油麥菜$38因為唔食得辣所以一般都係蒜香🤪條魚一上就見到個盤超大，可以放一半萵筍+油麥菜+米線，不過火力集中係中間，周邊都要等耐啲先食得；魚都好大條，兩人絕對夠食，如果烤得個魚皮再焦香脆啲就好，魚肉質感厚實，蒜香底味都ok（雖不及我心中No 1 );盤中仲有豆花、芽菜、寬粉、雲耳總結：在尖沙咀區嘅烤魚來說水準都唔錯，可能辣味會做得更出色，價錢都合理，OpenRice 訂仲有8-9折～地址：尖沙咀金馬倫道16號金馬大廈1樓評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

啱啱同朋友喺尖沙咀嗰頭shopping完，心思思想喺附近搵間烤魚食😆爆漿鳳梨香辣豆花江團魚 $348 + $18烤魚有三種魚，店員介紹揀咗江團魚。果然不負所望，條魚大大條之外，啲肉都好厚身，但唔嚡!烤魚盤仲有豆腐、芽菜、青瓜同寬粉。值得一提係菠蘿同烤魚出奇地夾！菠蘿表面吸收咗調味，但裏面都仲保留鮮甜嘅菠蘿味！我同朋友都唔太食辣，所以嗌咗BB辣，辣度啱啱好，好惹味。豆芽菜 $33大大兜，非常新鮮爽口白蘿蔔片 $36份量多，切片厚度適中，唔會太厚而好難煮得腍金針菇 $36新鮮吸汁好好味我哋仲叫咗碗白飯 ($12) 送飯，最啱配烤魚惹味嘅調味！值得一提喺呢度嘅員工服務態度好好，會主動問我哋使唔使加湯，同埋加水俾我哋見到隔籬有幾枱都有嗌雞煲，聞到好香。下次再嚟要試吓，社交平台訂仲有discount!小魚兒 (金馬大廈) (尖沙咀)尖沙咀金馬倫道16號金馬大廈1樓

鍾意食烤魚嘅我幾日之前食完今晚再食, 真係越食越上癮, 我最鍾意就係食江團魚😋知道呢度仲有加埋新鮮鳳梨🍍，真係啱晒我我又鍾意食鳳梨又鍾意食烤魚， 呢度啲江團魚真係好正， 😋啖啖肉滑捋捋， 而且滿滿骨膠原😍除咗江團魚之外我哋仲另外叫萵筍，索晒啲汁好正😍琴日真係好鬼熱🔥又唔想飲啲太甜嘅嘢， 我哋就叫咗青檸梳打同埋白桃茶，青檸💚梳打可以走甜所以好正好啱我， 白桃🍑茶都好好呀🤩🙏🏻地點仲要超級方便😬😬

同女去完街特別餓 醒起好耐冇食雞煲心血來潮入咗間叫小魚兒嘅店 位置都近地鐵站附近 一坐低就嗌咗個蟲草花花膠雞煲 感覺養生啲補吓佢😂嚟到聞到陣陣香，仲要花膠大大條 而蟲草花量都唔少 雞幾惹味肉質都好滑唔柴 👍👍話明餓又點會淨係得雞煲呢😂仲有孜然燒牛舌心、蒜香牛油燒扇貝、焦糖燒菠蘿🍍 蒜香牛油燒扇貝落枱已經牛油蒜香味勁香 大大粒燒到啱啱好保留到鮮味🤤 焦糖燒🍍表層脆卜卜嘅糖面令口感多一個層次 就算怕食酸菠蘿嘅人相信依款都唔洗怕😂 微酸+焦糖嘅甜唔錯😌嘢飲嗌咗金桔檸檬百香果茶 同 西柚乳酸爆珠梳打 都足料帶酸甜感覺好解膩🤤

呢日尖沙咀行街, 見到呢間樓上鋪, 主打雞煲同烤魚, 環境好大好寬敞, 一於上去試下, 細問之下原來係社交平台訂枱有折架, 抵食好多😍叫左半隻雞煲, BB辣, 店員都好細心提示雞煲滾起, 先關火, 再等2分鐘就食得😙💫打開蓋, 勁香濃超濃味嘅雞煲味已經撲入鼻, 雞肉好幼嫩, 幾乎係啖啖肉, 而且已經入哂味🤤雖然只係點左半隻雞, 但份量都真係好夠2人食！極讚💯先食哂裡面雞肉後加湯, 再黎落料打邊爐, 點左出前一丁、油麥菜同牛丸拼香菇貢丸, 最值得一讚的係丸類, 牛丸勁有牛肉味, 而且仲要爆汁, 好好食😋😋💫蒜香牛油燒扇貝燒過既扇貝, 必須趁熱食, 濃濃香蒜同牛油非常香, 好入味, 扇貝大隻厚身好有口感👍💫鹽燒牛肉串牛肉串極巨長, 又唔會太辣, 牛肉都好有咬口😍🥤凍咸檸七 🥤凍韓國柚子蜜 食雞煲打邊爐必飲爽甜嘅凍飲

FD好中意食川菜，今次行過尖沙咀，一定要試試哩間。每次晚市入來，都好full，一定要記得book位。晚市menu好豐富，有烤魚同雞煲，還有串燒川菜可以搭配。竹蔗茅根，飲得出係自家煲制，竹蔗水中透出淡淡茅根香味，好飲。檸檬可樂，可樂同檸檬分開上，汽水同辣嘢好夾。川式口水雞，雞肉煮得啱啱好，皮滑肉嫩。哩間口水雞醬汁好特別，用咗辣油，香醋同芝麻醬製作，有D似北方做法。芝麻醬略帶粘稠，包裹曬雞肉，食落味道層次好豐富好開胃。毛血旺鍋，配料勁豐富，有牛百葉，血旺，幹魷魚，粉皮等數款配菜。百葉處理得好乾淨，每一件都勁大，彈牙爽口。血旺好大一件，食落嫩滑入口即化。萵筍同粉皮配辣湯簡直一流，配菜嗦曬湯底滋味，食到停唔落口。不過，唔可以食辣，真係要叫BB辣，這鍋越煮會越辣，飲咗好多嘢飲TIM。酸辣土豆絲，土豆絲要切得好，好考驗刀工。哩份土豆絲切得唔錯，每條都好細。落咗大量辣椒同香醋大火爆炒，食落好有鑊氣好脆口。

同朋友去尖沙咀行街，行到肚餓，佢話想食川菜，我哋就去咗呢間店。呢間店地方好大，去到都唔少人食緊嘢，睇嚟好受歡迎！聞到好香嘅川菜味道，等咗一陣終於可以入座。黃金特濃蒜香豆花碳火風味烤魚：烤魚表皮微焦，肉質鮮嫩多汁，散發著濃郁的蒜香。豆花的嫩滑質地和碳火的燒烤香氣相得益彰，層次豐富。加配爽脆的油麥菜，酸甜清爽的口感，為整道菜增添了一絲清新。蒜香牛油燒金菇：金菇本身的鮮美口感被牛油和蒜香完美包裹，回甘無窮。蒜香的香氣撲鼻而來，牛油的豐腴感又為整道菜帶來滑潤的質感，相當美味！燒孜然雞中翼：雞翼肉質鮮嫩，在孜然的芳香中散發出迷人的香氣。烤製過程中，雞翼外層形成了酥脆可口的表皮，內裏依然保持多汁鮮嫩。孜然的獨特香料味與雞肉的鮮美完美融合，口感豐富而不膩。

早排同朋友黎左呢度食野.我哋兩個掙扎咗好耐食烤魚定雞煲🙈最後選擇左雞煲💕極品鮑魚雞煲(半隻)麻同辣度都可以自己選擇,揀咗BB麻同小辣🌶半隻份量黎講,都好夠食,每件雞都係啖啖肉😍而且吸收晒醬汁既味道💕辣得好過癮👍🏻黃金組合🌟入面分別有金針菇、土豆、蓮藕、海帶食完雞煲之後再將佢哋放入去，吸收晒醬汁同埋雞嘅精華😍叫埋稻庭烏冬🍜真係勁好胃口食晒🤣椒鹽豆腐✨即叫即炸,外皮炸到脆卜卜,入面豆腐勁嫩滑,呢個口感真係好有層次👍🏻🍓草莓荔枝梳打+🍋龍鳳檸樂飲落口酸酸甜甜，勁啱而家呢個節日飲💕

我地因為要睇演唱會，所以book 左6：30。因為尚早，所以都未有人，到7點左右已經開始多人，食完走時已經全店滿座，所以建議訂座最穩陣。我地叫左一個烤魚，味道不錯，店員推介左‘’香辣豆花江團魚‘’，魚質好滑。其他食物係散叫的，我地3個人叫左個（中）安格斯牛肉同一啲蔬菜，已經足夠。安格斯牛肉都不錯，都要推介下。唯一因為個爐火都係中間發熱，側邊既食物要推哂中間先容易熟，叫左薯仔，熱左好耐都淋唔到。不過都係小問題。

小魚兒 (金馬大廈)地址: 尖沙咀金馬倫道16號金馬大廈1樓電話: =====================香港人假日活動，睇戲行街食飯，今日前兩者完成，搵間餐廳舒服坐底食飯，中午有飯餐很便宜，也可以食雞煲魚煲打邊爐。環境地方闊落夠大，坐得舒服食得開心$168 半隻重慶雞煲，必點因為個醬夠濃好惹味，索曬汁架雞件好食。食完喜歡架話仲可以加湯打邊爐。煮到軟身架蔥蒜就最好食！加芽菜食菜平衡大杯青檸soda 涼透心 #keto#lchf #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

「小魚兒」主打多款川菜，包括碳火風味烤魚、雞煲、酸菜魚、燒烤及川味冷盤小食，性價比極高！BB辣麻辣雞煲 (半隻) - $168: 雞煲香氣四溢，湯頭濃郁，辣度剛好，讓人食上癮🤩油麥菜 - $38、稻庭烏冬 - $33 、炸支竹 - $48，每款份量夠多，必點配料，吸哂雞煲醬汁一齊食，正! 😆小食:酥炸生蠔 - $68：蠔肉鮮嫩，外皮酥脆，是海鮮愛好者的最愛😋燒牛舌心串 - $38：牛舌心串烤得剛好，肉質鮮嫩，孜然香氣撲鼻!焦糖燒菠蘿 - $48：香甜脆焦糖燒菠蘿，甜而不膩，是完美的甜點😍

好耐冇食烤魚，於是就同朋友去左呢間小魚兒川菜館佢哋除咗烤魚之外，仲有雞煲同埋串燒🍢烤魚種類分別有海鱸魚、江團魚、凌波魚、筍殼魚🐟我地就叫左海鱸魚黎試下，同埋㨂左bb辣同bb麻烤魚黎到之後要等佢滾三分鐘後就可以食得嫁啦其他配料有洋蔥圈🧅、滑豆腐、🥒青瓜片、芽菜、芫荽裡面仲有寬粉，入味得黎非常煙韌海鱸魚都好大條，食落肉質厚實嫩滑，而且食到魚既鮮味調味都岩岩好，唔會過鹹麻麻辣辣真係愈食越過癮呀，好正👍🏻😋

今次同男朋友兩個人，決定挑戰雙鍋，一邊係烤魚，一邊係雞煲，兩個食肉獸表示超級滿足！如果大家人多嘅話，都可以考慮咁樣叫，魚同雞一次過食晒。💡 鮮花椒BB豆花 海爐魚 (小麻小辣) $308一聞到咁香濃就已經好吸引，等滾起幾分鐘就食得。個人好鍾意佢個辣勁，惹味但唔會食得好辛苦，幾適合香港人嘅程度。海爐魚魚質實啲，可以大大啖咁放入口，對魚肉有追求嘅人可以升級再揀其他魚。配料都唔少，有豆花、青瓜、芽菜同寬粉。💡雞煲 (半隻) $168叫咗半隻雞但都一大煲，俾個份量震撼到。雞件有走過油，表面有金黃色，最緊要係雞肉入味又嫩滑！味道個人覺得剛好，唔算太濃。冇諗過兩個人食，佢哋都肯俾兩個爐我哋，食肉獸可以考慮呢個組合！

之前去過銅鑼灣店食過雞煲 今次行開尖沙咀 發現原來有分店 朋友又想食烤魚 即刻幫襯下先午餐時段過嚟 見好多上班族嚟食晏原來呢度除咗有雞煲烤魚之外午市套餐最平$38就有得食 唔怪得咁多人分開咗打邊爐區同午市套餐區打邊爐呢邊我到嗰陣就暫時未有人✔️活火山泡椒剁椒豆花海鱸魚 點咗中辣 鱸魚唔多骨 我呢啲唔識食魚嘅都冇太大困難 魚肉好新鮮 食落滑得嚟又結實 本身覺得唔算好辣 點知食食吓就開始有勁度了 配菜仲有粗薯粉、萵筍同埋豆腐 啲薯粉吸晒湯嘅精華好好食 仲有一大堆芫荽拌碟添 ✔️椒鹽魷魚鬚 魷魚鬚好酥脆 個炸漿有少少fluffy嘅感覺 炸得恰到好處 魷魚唔會靭 ✔️椒鹽豬扒飯 因為本身都想叫個白飯 咁啱又見到午市套餐都好抵食 一於叫個set有多個餸食 唔好以為客飯就唔多餸 椒鹽豬扒嘅份量超級多 豬扒都醃得好入味 食落好鬆化

唔係好想po呢間🫣… 因為太正了唔想之後食都要排隊好彩無咩人睇呢個page🤭番tst個陣嘅平價午市食堂啲嘢真係好食喔 無論佢嘅蕃茄牛肉 或者其他川菜 口水雞 所有嘢都好食真係又平又靚又正推介麻辣牛肉湯麵🍜正正而所有嘢都係大大份 一定食得夠飽不過午市嘅時候都幾多人去食 如果過12點之後就可能要排隊下次一定要試吓佢嘅雞煲同烤魚雖然味道唔係嗰啲驚訝嘅好食但呢個價錢嚟講真係好正7.8/10小魚兒 (金馬大廈) (尖沙咀)尖沙咀金馬倫道16號金馬大廈1樓