小豆島日本料理 (已結業)

本身嗌number部機細聲，所以吾痴住部機都聽吾清楚嗌咩號碼，當佢準備跳下一個號碼時我先聽到，然後帶位既經理真係當我透明背住我話嗌左甘耐先來，到我屋企人後腳入來時經過佢身邊時都仲聽到佢講，甘基本既服務態度都無，要講都係私底下拎出來講，有咩可能當住客人講，呢啲就係呢間公司訓練出來既質素？仲要係經理級，請問點管理下面既員工，連自己既都做吾到！

星期日 唔想煮 於是隨便係屋企附近食小豆島係間依日本料理既餐廳 環境上係平民式茶餐廳咁有個自助service bar 可以自己斟水 攞tissue 餐具 碗仔咁講番食物 午餐其實真係大件夾抵食一個餐包麪豉湯+細沙拉中等食量既女仔 應該可以兩人一個飯/面大大碗 包你飽肚 價錢抵抵抵 range from 4x-5x (完全係超合理）款式多： 石鍋飯/面,咖哩飯,讚岐烏冬 等等等等 我同細佬果日就叫左一個雞排拉麵+番茄蟹棒烏冬都係果句 足料又大大碗 烏冬滑同彈牙 （個人好喜歡食烏冬）但覺得番茄湯略咸有VIP 銀卡會有95折VIP 金卡 9 折可草埋分換食物有興趣可申請埋總括而言 性格比高既平民味道又唔差既餐廳

有事到小西灣，走過一家日本餐廳，看起來應該價錢合理，遂入內一試。在屋邨食店吃東西要求不會太高了，所以小人在點壽司時已沒抱有太大的期望。可是壽司一上，小人即時倒抽了一口涼氣，看樣子已覺乾爭爭，食入口果然根看到的沒有兩樣。刺身欠魚油，肉質鬆散，飯亦邊吃邊跌，不點芥末豉油是無味的，如同吃著魚生豉油撈飯。海膽及卷物同樣地不夠濕潤，卷物稍勝一籌的是有沙律醬，至少沒有那麼寡。平民價錢尚算貼地，惟食物質數同樣是平民水平。

今早起身已是十點半了😆 先到附近餐廳來一個早餐 餐廳有很多人排隊，幸好拿票等了十分鐘左右就可以入座， 餐廳有多款早餐選擇 ，我揀了一個精選豐富早餐，等了五分鐘左右，侍應端來一大盤早餐，裏面有豬扒 、牛角包 、煎蛋和蕃茄味扭扭粉🐖🐂🍳🍲再加一杯熱奶茶 🍵豬扒好像一塊面般大,煎得金香，牛角包鬆脆，番茄味扭扭粉很清新，奶茶是很地道的，冲得香滑細嫩熱香四溢，這一頓早餐真的很豐富，吃完之後精神百倍，今天可以努力工作了💪

下午大約2點半至3點左右，我和媽媽兩個人去吃飯。到了門口取票，裡面有很多空座位，但等了很久才有員工來，員工一來沒有按號碼順序安排客人入座就算了，我把票遞給她時，她竟然用「搶」的方式拿走，讓人無語……當然她臉上也沒有好臉色。入座後，我發現桌子上留着湯汁，還沒擦乾淨，也嗅到了一些餿臭異味。 因為過了午飯時間，店裏嘅座位比較有鬆動，當時我正好看到靠近窗邊有一張四人枱，於是，我們便換了座位。 那時，一個員工很緊張過嚟問我們人數，說只有2個人不能換座。 我放眼一看，店內仍有不少空枱，而且有一些四人枱只坐著兩人，難道剛才繁忙時間可以兩人坐四人枱，現在非繁忙時間就不可以？我向他說明，剛才的位置有餿味，他還說不可換座，要預留4人枱給之後用，硬要把我們帶回剛才有餿味的座位。我心想：好吧，既然如此，你就留着你的座位給那未來的客人，我們走了。

開咗一段時間都未試過，上次細佬試過豬扒蛋飯話麻麻，但上openrice睇過其他食評，有人試過話好食嘅橫濱咖哩牛舌飯，睇完餐牌後都係試吓人哋嘅推介，落單時侍應問我飲乜嘢，先知有飲品跟嘅，我叫咗熱檸茶後先見到可以加錢轉特飲，（其實我有問侍應有咩嘢飲㗎，佢話咖啡奶茶檸水檸茶，如果佢加多句加錢可以轉特飲嘅話，可能我唔洗浪費咗杯嘢飲🙄），落咗兩包糖都澀到飲唔到，飯嚟啦！嘩賣相不俗，仲有五片牛舌，咖哩味越食越咸咁，希望會改善吓，至於飯跟嗰碗湯，一開蓋有陣膠味，我常試飲咗啖都係......放棄整體嚟講$52有湯有飲品係抵食嘅，下次試吓其他食物先。

攞隻碗及倒水都要顧客自己去取，上食物時有d服務員都好無禮貌 ,今時今日咁嘅服務質素係唔得㗎！樣樣嘢都要顧客自己做 ,雖然食物味道幾好、價錢合理，環境及座位都叫舒服，但每事都要顧客親力親為去做，不如改名叫做小豆島自助快餐店啦！😕😕😕😕😕😕

今天來到港島偏遠的小西灣區，看一看有甚麼隱世食肆，不過最後都要在商場的餐廳解決午餐問題。我點了一客滑蛋豬扒飯，柑太要了一客橫檳咖哩牛舌飯。滑蛋豬扒的滑蛋味道不俗，分量上亦不少，可惜沒有加入味林令蛋味更突出，而豬扒肉亦不見得很出色，只靠醬汁去調味，可惜功虧一簣，飯方面軟硬適中，已算得上合格之選。橫檳咖哩牛舌飯，分量比想像中多，而那片太陽蛋弄得不錯，咖哩方面沒有驚喜，不過牛舌方面處理不俗，入口嚼勁剛好，不太韌不太腍，這個飯反而是帶點驚喜。餐飲方面，咖啡沖得很熱，反而檸茶則較凍，若果茶膽可以再沖熱一點，味道方面會更出色。

小西灣一個很遠的名字， 今天來到這裡， 正為食咩煩惱， 朋友話不如試這間啦！他們俾左地址給我， 我轉了一大嗰圈才找到，好隱世呀！勁多款式揀，生熟食物都有， 唔食生野嘅人都好多款揀我地點左豬軟骨拉麵配加州卷（2件）， 北海道三色丼跟沙律，燒雞蕃茄湯讚岐烏冬配加州卷（2件），每個套餐都配上熱飲，我地點了熱奶茶同熱檸茶再加辣味唐揚雞粒（3件），吉列炸生蠔（2件），迷你蟹籽沙律第一個上的是熱奶茶同熱檸茶，嘩！好大杯呀！燒雞蕃茄湯讚岐烏冬配加州卷（2件）, 石窩送上， 食物滾熱辣， 蕃茄湯還在‘po po po' 地響， 材料豐富， 有溫泉蛋， 昆布，粟米粒， 蕃茄湯茄味濃， 烏冬彈牙， 雞扒份量適中， 食到最後都能保持熱度， 還有煙出的， 寒冬時食一流  北海道三色丼跟沙律： 材料多， 有帶子、大大粒蟹籽、吞拿魚腩都新鮮，珍珠飯份量不少豬軟骨拉麵配加州卷（2件）： 豬軟骨軟腍入味， 豬骨湯底味濃，配上昆布、粟米粒及溫泉蛋， 盡吸收豬骨湯的濃味加州卷： 材料足， 蟹籽包滿壽司外面， 壽司飯酸度平均， 配埋沙律醬更好味迷你蟹籽沙律： 雖然是加10蚊， 不過份量大， 並不迷你，蟹籽， 蟹柳絲， 青瓜

今日去左小西灣探朋友，真係好耐無入黎lu，周圍啲餐廳食肆都變左好多。見餐廳個名咁得意，未食過又試下😙。午餐有好多選擇：天寒地凍，我就叫左個石窩雞扒蕃茄烏冬set ($58), 原來仲有加州卷送😳，雖則係一般貨色，但加埋超多沙律醬幾醒胃，不過不失😋到烏冬出場喇，石窩真係超熱辣辣，個烏冬真係讚歧烏冬黎，食到尾都係咁煙un, 蕃茄湯底我幾鍾意，我覺得好過甘味果個蕃茄湯，唔會勁酸。配料有半熟蛋，蕃茄，昆布。 不過個雞扒有啲乾，如果可以煎到皮脆就更佳。熱飲仲要勁大杯，真係抵食。同場加映，朋友個三文魚帆立貝丼睇落都唔錯以屋村質素黎講算唔錯，住柴灣都無咩好食，得閒可以帶屋企人黎試下。😊

香港冬天終於凍啦！得15度❄️天氣咁鬼凍又想食日本料理，但係咁凍既天氣又即刻唔想食凍冰冰既壽司，為左一次滿足晒2個願望，一於食碗熱辣辣既烏冬先選擇都非常多，除左拉麵，定食外，仲有有烏冬選擇，最後點左石鍋極上牛肉咖哩芝士讚岐烏冬拉麵/烏冬會付送加州卷各方面都無咩特別主食石鍋極上牛肉咖哩芝士讚岐烏冬視覺一流，個石鍋超熱，D 湯係石鍋邊仲有D滾淨係睇都熱到出汗, 岩晒咁凍既天氣個湯底咖哩味都好濃郁，不過就唔係好食到芝士味，唔睇番個名都唔知有落到芝士烏冬滑軟, 可惜唔入味牛肉本身上已經全熟上，再加上個超熱既石鍋浸左陣，牛肉 120%熟透，老到喊出黎朋友叫左個韓式燒牛仔骨飯麵豉湯泛起一層層油漬沙律就少得有啲可憐個燒牛仔骨個醬汁味道就幾好，好濃郁！不過牛仔骨就有啲燒焦左。服務真係麻麻地 ，上菜推開我隻手，仲有點菜要叫号碼，侍應完全唔熟自己餐廳個餐牌囉！勁無禮貌，真係慶到出火！埋單每位約60

幾個月前在商場新開了一間日式餐廳，開業初期，每次經過都見到很多人在等位，所以一直未能一試。今天經過，見人流較少，便入內一試。早餐款式、類型都算多，本想試試三文治飯團餐，但不習慣一大早吃飯，改天晏少少再試吧。要了一個蕃茄湯螺絲粉餐。螺絲粉用了新鮮蕃茄作湯底，濃濃的蕃茄香味滲入螺絲粉中，2 片厚厚的午餐肉，啖啖肉香配合軟硬度適宜的螺絲粉，好味！餐包方面可選擇牛角酥、小餐包或多士，今天選擇了牛角酥，鬆軟可口又不太油膩，再配合一杯香滑的港式奶茶，真是早餐的好選擇。弟弟要了一客珍寶熱狗餐。熱狗真的很珍寶，足足有20cm長，配上豐富的熱狗醬汁及蕃茄。單吃熱狗已經夠飽，再加上一碗迷你螺絲粉，就算如大食的弟弟也抱着肚子說飽。這個早餐，我倆都很滿意，下次一定要試試三文治飯團餐。

小西灣新開的日本餐廳, 見其他朋本食完都話OK, 咁就諗住去試一試.當晚大約七点几, 食飯時間,見餐廳都几FULL, 仲以為要等一陣添, 可能我人少,所以唔洗等就可以入座.我叫咗DIY原板海胆壽司, 泰色生蝦刺身, 帶子壽司, 三文魚腩壽司, 火炙壽司拼盤 (帶子,鰻魚,左口魚).  本身鍾意食海胆, 見到成板都係88蚊, 包紫菜, 三舊壽司飯, 青瓜絲, 可以自由配搭唔同食法, 我鍾意包紫菜食多D.價錢勁抵. 喺出面日本餐廳應該要過百蚊啦.... (兩件海胆軍艦都要三十几蚊). 雖然味道未有去到加拿大海胆咁鮮甜, 但過吓口癮都OK.唔腥, 好味過元X壽司.泰色生蝦個醬汁無泰國菜咁辣, 帶酸偏甜, 都係三十几蚊, 都係好抵.三文魚腩壽司同帶子壽司水準都好平均, 起碼唔覺唔新鮮.反而火炙壽司比我預期中出色, 因為是拼盤, 我估材料或做法會比較馬虎, 但完全沒有, 火炙時間啱啱好, 帶出食物與壽司飯的味道更突出. 值得推薦總括以一個平民價錢食日本料理, 食材沒有偷工淢料, 味道水準平均, 不失為一個好的選擇.

之前就來過這裡吃早餐！沒想到這麼快就找到時間來吃吃晚餐。不過晚市真的頗多人嘛 Orz  已經預計了早點的時間來拿位，但也要等上20分鐘。終於可以點餐了～晚上時間當然有刺身飯那些吧。先點 － 三色蝦皇飯 ($59)三款蝦也算新鮮～但那兩片玉子完全不行，根本是未解凍下的情況就給人吃。吃落一口雪味又超冰 Orz蒲燒鰻魚飯 ($78)  飯量很多～鰻魚肉質也頗紮實，吃起來更加飽肚感十足！還有蒲燒汁甜甜的很惹味。海鮮豚肉大阪燒餅 ($48)因為見到別桌在吃覺得很吸引就點的。上桌時還聽到滋滋聲，要襯熱吃呢不過海鮮料不是太覺.....底下還有雜菌火炙芝士軟殼蟹 ($68)UM....火炙好像不太覺？！不過整體還不錯，這個芝士味道都香濃。軟殼蟹的炸粉也不會厚厚的。汁燒魷魚筒 ($58)很彈牙的口感。魷魚的體型好像比較細一點。

都唔知點解仲可以有咁多人幫趁，我諗大家都好似我咁貪佢新開冇耐要試一試。點知，中伏……先講食物，我叫左個蒲燒鰻魚飯，我只係食左一塊多啲“鰻魚”同兩啖飯就冇再食落去，點解？我從來未食過一塊味道及口感咁唔似鰻魚嘅鰻魚肉。可能小弟孤陋寡聞，唔知道原來世界上係有啲咁腥咁鞋嘅鰻魚，我再拎另一塊“鰻魚”咬少少黎確認下，佢嘅口感令我諗起燒鯖魚，但我唔會話佢係假，因為我唔係expert of鰻魚亦唔係食家，只係我食開和民呀、元氣呀、甚至乎日本地道嗰啲就一定唔係咁嘅口感囉，味道？有鰻魚汁味再加啲腥味。等埋朋友食完（我唔會偏頗，佢話佢食嗰個石鍋飯係正常野，唔特別，不過我冇影相），我走去收銀處同個自稱係經理嘅人講話呢啲鰻魚一啲都唔似鰻魚，極難食，然後佢隨口拋下一句“哦，我會同廚房反映下”就冇再理我，調轉頭繼續收錢同整理啲單，大家成年人我都唔想同佢嘈；我轉個頭都掉低左今餐食空氣所需的錢，佢就咁收左錢一句野都冇講過，然後我心裡嬲住走左。我諗呢間野都幾唔重視經理培訓，或者佢係老闆，覺得啲街坊食一次就夠，唔使回頭客都夠賺錢，咁我冇都說話好講。間舖地理因素好，裝修唔差，又用日本地方名黎做舖頭名，睇落幾吸引，小西灣咁多人