小豆島日本料理 (已結業)

去工廠睇版，呢區比較特別工廠區外面隔一條街就係屋村，要搭車出返去都要過去屋村嗰邊，做完嘢就行返出去先，此地不宜久留，屋邨外面有一個大商場，淨係樓下已經有幾間餐廳，連鎖快餐店平時都食得多，行入少少有一間日本餐廳，屋村餐廳果然收費唔貴，幾十蚊有交易，入面有唔少學生哥刺身三文魚赤蝦劍魚腩玉子，新鮮乾淨冇腥味壽司三文魚海蝦北寄貝鰻魚卷，同刺身一樣新鮮冇腥味，鰻魚卷表現突出烏冬肥牛昆布翡翠苗粟米，清新配菜減低油膩感

上次食左個石鍋飯，正常。又食過咖哩飯，中上。今日見到個石鍋咖哩烏東。估計正常。上到枱。成碗白色，咖哩呢？叫人問問，係唔係有個咖哩汁。個人（1號）有禮同我講，係湯裏面。我講，噤比多小小咖哩汁我。1號轉身走人。5分鐘內，冇理我。食落，完全feel 唔到咖哩。換人問(2號),個咖哩湯冇咖哩味，可否比個咖哩汁我(佢地有買咖哩飯，我食過，係有咖哩味的咖哩）.到1號過返黎，講多次咖哩係湯裏面。食完，仲未見咖哩汁。分明無豬骨湯la。

今日返返下工個陣好肚餓，所以諗下lunch食乜好，於是決定食日本嘢。到放lunch個陣，同同事行左去商場睇下有咩日本嘢好食，行行下就見到有間叫「小豆島」。望佢出面貼左d menu，價錢都唔算貴就入左去試lu～今日試左個滑豬豬扒飯。呢個飯d蛋妅滑～唔乾～d豬扒好有d脆脆地，好好味，仲有個麵鼓湯同沙津跟，食晒成個餐都好飽！仲有仲有！1點前埋單仲有折添ah！

呢一間小豆島我最鍾意嘅地方係佢早餐好平又好抵食，次次食完都覺得好飽最鍾意食佢嗰個蕃茄通粉配魚柳，呢個組合同一般快茶餐廳差唔多。 一般茶餐廳到左差唔多冇早餐果陣，都會好多人所以我選擇嚟呢一度食等外賣同堂食嘅人流相對冇咁多，品質又差不多。 同埋最中意的係杯熱飲對比其他地方，佢地杯熱飲係比較大杯好多時想飲多才才都沒。而呢間的熱飲份量係比較多的, 唔錯  唔錯。經常想試佢個一個飯團做早餐但係都冇機會下次會試下。

柴灣可以選擇的日本餐廳不多，之前有時候中午想吃日本料理也會去元氣，但是南灣的元氣在裝修，七月才重新營業，所以只好再去找一家新的日本料理店！三文魚火炙蟹柳刺身飯三文魚正正常常（沒有元氣那一種腥味），蟹柳則不錯，喜歡鋪在上面的熱芝士每一個餐也可以追加不同的小食，我們則追加了沙律和螺肉，不過不失，性價比不高，因為很小的一份，每份也要$1X.每一個餐也會送一份中華沙律加一條蟹柳，中華沙律有種草腥味，很奇怪又難以入口總結來說，貴為日本料理沙漠的柴灣，這家味覺尚可，價錢合理，便成為了柴灣人的日本料理食堂，我只能說蜀中無大將。

每逢六日落街搵食乜嘅時候總係見到小豆島排曬長龍好多人喺度等位，所以我就搵咗一日早上特登去試下，剛好我去到嘅時候就唔係太多人唔洗等就入得去！我坐咗有幾分鐘都冇人嚟比餐牌同招呼我，到我主動嗌侍應兩三個都對我講等等之後都唔會返轉頭嚟搵我到，終於有一個嚟搵我，問我食乜但係我手上連餐牌都冇根本連餐廳有乜早餐都唔知，服務態度又差又唔細心蕃茄湯螺絲粉，蕃茄湯基本上係用番茄膏溝水開出嚟，並無色香味可言，然而且湯底好酸！螺絲粉好硬應該係滾得未夠熟煮嘅時間太短炒蛋腸仔大致上一樣基本都冇乜特別，塊豬扒肉質好削油淋淋

星期六放假，朋友話一齊食午餐。大家又唔想去得太遠，就係附近揾間餐廳試下。同朋友每人叫左一個lunch set,味道正常唔錯。餐廳先為我地提供左一份沙律作前菜，本身自己都中意食中華沙律，所以味道不錯，幾好食！朋友叫左個魚生飯，大大碗。有三文魚，吞拿魚，蟹子，玉子粒，加埋wasabi豉油撈埋一齊食，非常惹味。魚生都叫新鮮，唔會有腥味，整體上味道都唔錯。我就叫左個溫泉玉子牛肉讚岐烏冬。值得一讚係個玉子唔會太熟，重有流心嘅感覺，好好食。牛肉份量都叫多，烏冬好滑，醬油湯底唔會太咸，味道唔錯！近近地嘅日式料理，質素都叫幾好！

叫左個5109陶板芝士泡菜牛肉飯，明明餐牌上照片顯示是鐵板DIY,即鐵板上檯後客人可自行攪拌食物，點知食物上檯後竟然是已經炒好（我原本打算只炒拌少許泡菜而已），客人叫得DIY, 是希望有攪拌食物的彈性，雖然餐牌有標明圖片只供參考，但我想也不能與實物相差太遠吧...另照片顯示牛肉份量正常，但實際上牛肉又碎又細粒，及份量極少差點搵唔到......同經理反映，佢話遲d要影過d相......回覆令人失望食物味道也非常一般

今日早餐去咗小西灣商場地下入邊嘅小豆島，叫咗兩個和風豚肉湯烏冬早餐，分別係豚肉扒烚蛋湯烏冬配多士及汁煮牛肉烚蛋湯烏冬配牛角包，佢哋嘅湯烏冬份量適中，豚肉扒其實即係我哋平時講開嘅豬扒，肉質比較林，啲汁煮牛肉都好入味，另外每個餐仲配有多士、牛角包或餐包，感覺好抵食

小西灣缺乏日本菜就係眾所周知🍤🍤🍤🍤🍣🍣🍣🍣🍢🍢🍢🍢之前都試過開過幾間最終都係慘劇收場反而呢家小豆島開業應該有一年幾做得幾好最近仲搞埋下午茶時段🍝🍮啲嘢食都幾平幾吸引今日係星期日但係都仲有套餐抵讚食日本嘢唔係唔食刺身下話?!即刻叫個三文魚生，魚子配松葉蟹柳飯食下先🐟🐟🐟套餐包飲品加凍飲，特飲就要另外畀錢🍸🍸🍸🍹🍹🍹仲可以加十幾蚊就有多一個小食舐舐脷!!!原來飲熱茶要收一蚊但係日本餐冇熱茶好似差咁啲嘢熱水都係自助嘅唔問職員真係唔知呀圖中杯好立克幾好味唔會放得太多水又大杯又夠熱主角終於出場!!!哈利!!!係魚生飯呀!!!!🙌🙌🙌並無配搭任何醬汁枱上有樽豉油同wasabi鍾意咩味就自己調配估唔到個刺身都ok肥美喎@@不過所謂嘅松葉蟹柳就當然係 加工肉類🦀🦀🦀邊得黎咁多隻日本松葉蟹呀?!壽司飯夠軟熟暖暖地所有食材配搭一齊口感令人相當滿足叫多個吞拿魚魚子牛油果沙律先因為朋友唔鍾意食吞拿魚請侍應另上畀我哋真係得喎!!出麵食個沙律閒閒哋都六七十蚊🥗🥗🥗🥗🥗呢個只係三十幾蚊就有咁嘅份量， 港島嚟講真係好平青瓜絲好新鮮清爽🥒🥒🥒雖然牛油果份量少咗啲不過都叫夠熟同滑🥑最優勝嘅地方居然係加咗冬菇粒估唔到冬菇

這間小豆島餐廳已開了一年多，今日才第一次光顧，午餐時間，客人不太多，坐下後點了日式咖哩豬排飯午餐，咖哩不算棘，唔食得棘的也可試，豬排不脆，唔靱，吃完了，便继續一天的工作

次次經過呢間鋪都好多人排隊。今次見唔係好多人排就試下呢間鋪頭。果時係午餐時段 可以叫SET LUNCH , 唔同SET 包唔同野, 有D剩係包前菜熱飲有D就前菜熱飲麵豉湯。叫左個火焰盛丼, 火炙三文魚 , 火灸芝士蟹柳 及火炙左口魚。配上一隻生雞蛋。食既時後淋上日式豉油要攪渾。 每一啖都有蛋同魚肉起口入面。不過飯就唔係好熱果種。我唔知係咪魚生飯都係食凍左既飯啦, 但我覺得微暖會好少少。而且飯個份量都多。唔係食開飯既朋友可以叫少飯。呢個飯岩唔係咁食生野既人食, 係唔錯既選擇。

今朝經過呢間日本野已經覺得好好奇，甘早開嘅，仲要已經有唔少人幫襯，日本餐廳做早市🤔？細問之下，原來11:00前確實有早市，提供早餐。話時話英式早餐，中式早餐我就食得多啦！日式早餐我真係比較少食，所以就貢左入去一試。早餐黍講，選擇都非常多，價錢$3x左右。我揀左個豚肉湯烏冬配豬軟骨+牛乳炒滑蛋+牛角酥+熱檸水（好以好多野食甘😆）不過味道就...認真一般般！個炒滑蛋一D都唔滑，個口感似煎蛋多個滑蛋，個豬軟骨都唔係特別好味，而個烏冬尚可，冇糊口，都算爽口。（湯底係普通味精豚肉湯底，食完之後極度口渴）碗烏冬份量都大，食完已經飽飽地，加上碗烏冬味道麻麻，所以對個牛角酥完全冇期望，仲諗住唔食，不過又唔想浪費，所以就咬口試下，嘩～點至原來成個早餐最好味係個牛角酥，個酥皮好脆好香好鬆化，仲好有牛油嘅香味，真係估個牛角酥唔到😆！

這間日本料理餐廳，七點鐘就開市做早餐，這間早餐真的不錯，湯底是豬骨濃湯，配搭很新穎，可以選擇豬扒牛扒雞扒，再配炒蛋，麵包也有幾款選擇，價錢又抵，還有番茄湯螺絲粉。是日星期日，早餐時段都滿座，真係街坊平價之選。

前幾晚去小西灣探朋友時我問個朋友「小西灣邊度有好野食？」然後佢話「不外乎小西灣廣場同藍灣半島」但上次藍灣中過伏 其他餐廳都貴百幾二百蚊中一次伏 點都無幾百蚊中一次伏咁肉赤掛所以去左小西灣廣場正想上4樓時 見到小豆島門口有易拉架寫住「9點前二人入座即可以28蚊食個牛肉火鍋/ 或者 9點後一人入座即可以48蚊食個牛肉火鍋」沒有條何附帶條款 唯一係呢個優惠只能一餐用一次個火鍋其實係一人份量D肥牛比我食曬佢係壽喜燒湯底有份生蛋比我地沾黎食口感80分 味道都90分仲有呢個燒三文魚卷但太多好味既野搶曬三文魚既味道有少少over左整體黎講 椅就硬左少少 食物就質素吾差 食材都好好 可以一試