小豆島日本料理 (已結業)

今日晚餐黎咗位於天水圍既「小豆島日本料理」，現時平日晚市壽司和刺身全部半價優惠，於是便和朋友決定一試。由於半價的關係，我地兩個人就瘋狂地叫刺身同壽司，另外再叫小食他他醬炸雞，飲品方面就叫白桃乳酸梳打同巨峰提子乳酸梳打。首先黎到既係炸雞，每一件都外表香脆，內裡嫩滑，食得出是剛剛炸好上碟的。之後就上壽司同刺身，全部既魚生都是十分新鮮。當中我較為欣賞是海膽軍艦 ，海膽的分量很多，而且食落唔會好腥的感覺，十分鮮甜 。另外，由於我自己是帶子控，除了帶子刺身之外，我們也點了幾款唔同嘅帶子壽司，包括胡麻醬火炙帆立貝壽司、火炙柚子胡椒帆立貝壽司。另外有一份柱貝花之戀壽司，每一款都各有獨特的口味，單是帆立貝壽司已經有有這麼多種選擇，這小店的創意確是唔簡單。除了壽司的種類特別多外，我翻了一下menu發覺這店其它食物的種類也很豐富，總體來說這店絕對值得推介，特別是平日的晚上半價時段過來食就最抵。

今晚去了天水圍醫院附近，在那邊跟朋友吃午餐。位置: 輕鐵天瑞站走路一分鐘到達，在天瑞商場地鋪。位置十分方便。環境: 地方尚算舒服，由於我們較早到達，所以安排了卡位，坐得更舒服，有更多私人空間！餐廳掛著一個個木桶燈，牆身貼了一幅位於日本小豆島的畫。服務: 員工態度友善，提醒客人掃安心出行和量體溫。桌上提供獨立包裝芥末，方便又衛生。晚市: 現推出晚市半價優惠，只限單點刺身和壽司。我們點了4款刺身，分別是: 帶子$59，三文魚61，劍魚腩$59，甘海老$55。特別推薦是三文魚和甘海老，超級肥美和新鮮。壽司方面，個人較喜歡的是: 6寸三文魚🍣，鰻魚，帆立貝，海膽，火炙三文魚腩，全部新鮮製造，即叫即做！我們也點了炸軟殻蟹蟹籽沙律$69，份量十足，軟殻蟹有4至5件，味道也不錯😌飲料方面：巨峰提子乳酸梳打和鮮白桃乳酸梳打值得再叫，開胃之選👍👍👍

嚟到天水圍去咗朋友屋企打牌朋友話佢經常嚟到呢一間餐廳食下午茶2:30就可以嗌一個刺身飯只係40幾蚊簡直抵呀火焰盛丼蟹柳、蟹籽、三文魚、紫菜、壽司飯另外加$15可以有油甘魚壽司同蟹棒壽司真係抵食 一到2:30外邊就大牌人龍個個趕住入嚟食下午茶

今日響天水圍收工，經過見到呢間日本餐廳，刺身，壽司半價，裝修都唔差，而且座位舒服，於是入去食晚餐😋🌟 三文魚腩刺身x 吞拿魚刺身x 帶子刺身x 甘海老刺身三文魚腩肥美，鮮甜，切得夠厚吞拿魚一樣新鮮，原度岩岩好，而且無筋👍🏻帶子肥美，肉質彈牙甘海老新鮮，肉質爽甜🌟 壽司🍣壽司款式好多，而且即叫即整，其中海膽軍艦無令我失望，好鮮甜，而且半價，性價比高😋柚子帶子壽司，好香既柚子味，食落有種清新既感覺，鰻魚壽司無骨，鰻魚新鮮，唔腥😋香蔥吞拿魚蓉軍艦，吞拿魚蓉份量多，而且新鮮，必點😋吉列炸蝦壽司大件，都係即叫即炸，外層香脆，肉質嫩滑👍🏻🌟 鐵板牛舌牛舌加上醬汁燒，用上炒過既雜菜放底，鐵板熱住牛舌，但又唔會令牛舌燒得過火，牛舌厚切，而且用上牛舌芯，好軟熟，必點😋🌟 青檸梳打x 鮮白桃乳酸梳打梳打唔會太甜，味道岩岩好，而且有氣，係唔錯既飲品

最近同呀媽去到天瑞買野順便食個晚餐，咁啱見到小豆島原來做緊特價，指定壽司餐目半價，咁抵梗係去食啦！有我最愛嘅三文魚腩，水準非常高，超肥美！帶子不過不失👍本身都鍾意食刺身，呢個價錢呢個質素真係無得輸！壽司試多幾款少見嘅口味，胡麻醬火炙系列非常唔錯😋 左口魚群邊都幾滑幾鮮甜！壽司平均都大舊，一客2件計，一個普通食量嘅成年人其實食5客已經好飽～😛食到個胃都冰冰地，所以叫咗個燒三文魚頭黎食，火喉啱啱好，少少焦香，咁先夠脆！呀媽極力讚賞呢隻三文魚頭😝😝 啱哂佢老人家口味！一人叫埋杯特飲埋單都只係300尾埋單，抵到🤩🥸🤩

去天水圍探朋友，試吓香港大西北的壽司店，啱啱遇上佢哋有平日晚市半價壽司，即刻狂嗌唔洗多諗。個人特別喜歡佢嘅火炙壽司，左口魚裙邊壽司啲魚油燒熔咗少少之後真係好香，火灸蔥花三文魚都好香好正。刺身方面，都算新鮮同優質，不過因為嗰晚天氣剛剛轉涼，所以食到個人有啲凍凍地。 於是我哋叫咗兩杯熱薑母茶，希望可以平衡返。嗰日係平日晚飯時段，入座時完全唔需要等位，坐坐下都接近滿座，我哋好好彩有卡位，店員都好Nice好好人冇趕我哋走，我哋差唔多係晚市第一台坐到最後一台，係同朋友相聚傾偈嘅好地方。

天水圍有乜好食？想食壽司都唔一定去元氣嘅！天瑞就有一間又平又高質CP值勁高嘅和式料理！裝修簡單和式又唔太逼狹，坐得都幾舒服。👍坐低先知原來做緊指定壽司刺身半價！半價係咩概念？就係9蚊就食到2件玉子壽司！抵食程度堪比爭鮮！食到勁飽，嗌哂高價野都只係人均200蚊，鍾意日本野就唔好錯過啦！🤩刺身非常正常！勁推三文魚腩同埋北寄貝，前者油脂厚，後者鮮甜爽彈，正💕💕壽司方便推薦所有火炙壽司，因為食完刺身就會想轉下口味，火炙壽司全部都好好食😋另外蟹籽沙律意外都做到平均水準以上！同小朋友黎食可以嗌埋俾佢地啦！最後仲叫咗個天婦羅拼盤，中和下生冷野，非常ok!份量夠大，唔姑寒！👍👍另外佢仲有唔少特色飲品，有我最鍾意嘅乳酸梳打添！🥺

看見天水圍有間日本料理，晚市刺身壽司半價，決定去豪食一番，舒解一下工作積累的壓力。刺身有九款，平均廿幾三十蚊左右一款。每款大概有4片，而且新鮮、厚切！特別推介三文魚腩刺身，非常肥美可口。油甘魚刺身和劍魚腩刺身也新鮮結實，魚油味香。帶子刺身有六片，清甜彈牙。壽司有好多款，花多眼亂！最貴的海膽軍艦也只是$28/2件，非常新鮮抵食。其他大部份十幾蚊就有兩件，簡值係超值！壽司即叫即整，醋飯挺大舊，香軟，而且人手製造很結實。特別推介6吋三文魚壽司，超長的三文魚很豐富。火炙壽司也很讚。胡麻醬火炙三文魚壽司、胡麻醬火炙帆立貝壽司、火炙柚子胡椒帆立貝壽司、火炙左口魚邊壽司經調味後再燒更香更惹味。火候剛剛好，不會過燶過生。其他壽司如吞拿魚壽司、北寄貝壽司、帆立貝壽司、三文魚籽軍艦、甘海老壽司和鰻魚壽司也新鮮美味！天氣漸涼，加了個海蝦天婦羅暖暖胃。$85有5隻蝦、東菇、紫薯、南瓜天婦羅。蝦大隻，外脆內軟，東菇肥美，南瓜紫薯也挺有鮮味。白桃乳酸梳打和巨峰提子乳酸梳打大大杯，甜甜的正好中和壽司豉油的鹹味。和連鎖迴轉壽司店價錢差不多，但每件壽司認真製作，食材新鮮好味，座位舒適。推介！

小豆島，聽到個名就知道係日本菜，見到佢做緊半價優惠，即刻忍唔住試吓，環境乾淨企理，而且裝修配合日本風，坐得舒服，又可以打卡🤩🤩今次我食咗好多款壽司同刺身，包括左我最鍾意食嘅三文魚刺身同埋三文魚腩刺身😋😋，壽司新鮮而且鮮味十足，價錢亦大眾化，原本$78嘅三文魚腩刺身依家只係$39咋，仲有四片添，食到我舔舔脷😋😋😋仲有一款六吋三文魚壽司，好似婚紗嘅長裙一樣有拖尾，十分特別，另外仲有啲特別嘅款式，例如七味火焰鱈場蟹柳壽司，喺第二度食唔到，加咗七味粉之後更加符合香港人口味，鮮甜之中又入味，層層的感覺，滲透住整過舌尖，仲有一款胡麻醬火炙帆立貝壽司，帆立貝超大粒，覆蓋住整個壽司，加埋烏麻將又係另一種感覺，大家真係要去試吓啦🥰🥰依家咁抵做緊半價，可以叫埋屋企人一齊食🥰🥰另外仲有巨風提子乳酸梳打，呢個都推介大家試飲🥰🥰

行過見到晚市單點刺身、壽司半價優惠，都幾抵食。入去坐底劃好紙仔，D野就好快黎到。叫左十幾款壽司同幾款刺身，一個鐵板牛舌同兩杯野飲。 刺身有帶子、劍魚腩、北寄貝同三文魚腩，當中最欣賞係三文魚腩，因為厚切得黎，食落肥味。壽司有六吋三文魚壽司、海膽壽司、吞拿魚腩碎軍艦、原味花之戀、牛油果花之戀…幾十蚊既價錢食到海膽壽司算係性價比高。鐵板牛舌，牛舌味道不錯，有牛味，但若然外表可以好似串燒個隻樣，就一流。飲品叫左白桃乳酸梳打和青檸梳打，味道較甜，下次唔知可唔可以叫少甜。

見呢間做緊平日晚市做緊半價壽司咁抵食，我地緊係要試下😆佢既裝修都係木色為主，環境都幾大👍平日都幾多人食架～🍤刺身（三文魚腩、甘海老、帶子、八爪魚）佢既三文魚腩真係好肥美😍油份充斥口入面，好正😋帶子都好鮮甜！甘海老都係大大隻，啖啖肉😙🍣壽司（火炙三文魚腩、北寄貝、牛油果花之戀、芒果花之戀、花之戀、玉子、火炙柚子胡椒帆立貝、蟹子沙律）最鍾意佢既火炙柚子胡椒帆立貝壽司💕呢度特別啲都好夾，胡椒味幾過癮😆佢嘅花之戀都幾出色，亦都可以一試🥰🍣海膽軍艦，好有驚喜👍完全唔腥，幾鮮甜🥰🍣香蔥吞拿魚腩碎軍艦，如果多啲蔥就仲正😆🍣三文魚籽軍艦，粒粒鮮甜👍🦪吉列炸生蠔熱辣辣，即叫即整👏🏽外脆！炸粉都唔太厚😙十分推介🤩飲品叫咗凍鹹檸七同埋凍鮮白桃乳酸梳打，滿足👏🏽

平時食開小豆島都係食日本野，今次朝早行過，見佢早餐好似都唔錯就入去試下。早餐有多款唔同既選擇，有飯團餐、牛角包餐、熱狗包餐等等，今次我地就揀左極上朝食餐。極上朝食餐 $41餐1️⃣：牛扒🐮、腸仔、炒蛋、厚多士、羅宋湯螺絲粉餐2️⃣：雞扒🐔、餐肉、煎蛋、厚多士、清湯螺絲粉整體所有食物都不錯，牛扒雞扒無雪藏味，早餐黎講，咁既價錢份量都多，食完好滿足，而且座位舒適，冷氣充足，個人覺得早餐質素好比日式食物。

上星期約左朋友仔去天水圍公園賞月，知道公園附近位於天瑞嘅【小豆島】日式餐廳有晚市單點刺身、壽司半價優惠，好吸引呀！馬上去試試，估唔到食物質素都唔錯喎，而且仲幾抵食。見到壽司紙有超多款式，我地忍唔住點左十多款呀！海膽軍艦當然係我嘅首選啦~ 入口即溶，軟滑鮮甜，好幸福啊！六吋長嘅三文魚壽司條尾真係好長呀！大開眼界~ 芥辣八爪魚軍艦辣度啱啱好，啲八爪魚好滑啊～ 火焰柚子胡椒帆立貝壽司加入左柚子，味道好清新，仲有胡椒點綴，少少辣，鍾意食帆立貝又想有新鮮感嘅朋友可以試吓呢款~ 香蔥吞拿魚腩碎軍艦亦係必點啦，吞拿魚同香蔥味道好夾~吉列炸蝦壽司同鰻魚壽司全部秒殺~ 稻荷蟹子沙律壽司整到好似隻船仔咁，好可愛呀！腐皮上面有滿滿的沙律和蟹子，見到已經好開心~到我大愛嘅刺身出場喇！帶子、劍魚腩、油甘魚、三文魚腩，全部都好新鮮，每件都是厚厚的，很足量~ 帶子好鮮甜，三文魚腩好爽滑，滿口脂香~我地仲點左【豚肉大板燒餅】，大大片薄豚肉鋪係面，好有誠意，個汁好惹味，燒餅好鬆軟，粉漿份量合適，唔會入口成口粉，真係好有大板風味~飲品點左【白桃乳酸梳打】和【巨峰提子乳酸梳打】，好啱小朋友口味~總括來說，餐廳上菜速度都算快

弟弟與弟婦尚未下班，媽媽又不想煮飯，我提議媽媽不如去家附近的小豆島日本料理吃刺身和壽司，最近小豆島日本料理推出半價優惠，非常超值，瘋狂選吃也不傷荷包，媽媽當然贊成這建議，哈哈。平日刺身動輒六，七十元，現在半價任誰人都心動吧，我點了好幾款刺身，三文魚腩，劍魚腩，帶子，甘海老馬上送到我們面前。三文魚腩刺身油花紋路分佈無比漂亮，魚肉細緻，在口中化開的脂味實在美妙。劍魚腩刺身品味起來有脆脆彈彈的感覺，那是劍魚腩的特性，另外劍魚腩在味道上有一種非凡的甘鮮，也是其他刺身吃不到的，故我挺愛吃劍魚腩刺身。甘海老肉質有夠緊實，蝦身比一般蝦刺身大一些，入口明顯地感受到蝦肉的彈勁與滿嘴的海味，一口一尾甘海老，爽透了。滑溜與嫩彈兼具的帶子，陣陣海洋氣息，鮮美多汁，挑釁的味蕾都被滿足下來。鐵板牛油煎帆立貝看上來很彭湃，氣度十足。帆立貝相當碩大飽滿，外焦香內軟嫩，不會煎得過熟，媽媽無法自拔的愛上牛油的油香與帆立貝的鮮甜，把熱呼呼的帆立貝往嘴裡送。胡麻醬火炙帆立貝壽司的鮮味不必我多說了，帆立貝特有的甜味在口中瀰漫，胡麻醬帶點芝麻香，就是讚。鰻魚壽司肉質肥肥嫩嫩，魚油充沛，且沒有骨刺，醬汁沒搶去鰻魚的風采，推薦鰻魚控

天水圍既日式餐廳不多，小豆島都算其中一間幾大既食物款式都算多，早兩日去左朋友屋企附近食晚餐，見依間日本餐廳都幾多人等位就一於試下佢SUSHI同SASHIMI款式好多,絕對唔輸俾元氣刺身擺盤精美油甘魚魚肉質細嫩， 魚香味濃，口感肥美。北寄貝味道鮮甜，鰻魚同玉子都係正常發揮，三文魚都幾有鮮味。我最喜愛食就是蝦， 它的蝦真的非常鮮甜， 還有它是炙燒， 那種煙火的味道混合這個蝦非常之配合，還有牛油的香，一流！另外仲叫左個燒三文魚鮫,燒得外香內軟野飲就嗌左兩杯SODA,食完咁多野飲杯SODA岩岩好