小豆島日本料理 (已結業)

上星期約左朋友仔去天水圍公園賞月，知道公園附近位於天瑞嘅【小豆島】日式餐廳有晚市單點刺身、壽司半價優惠，好吸引呀！馬上去試試，估唔到食物質素都唔錯喎，而且仲幾抵食。見到壽司紙有超多款式，我地忍唔住點左十多款呀！海膽軍艦當然係我嘅首選啦~ 入口即溶，軟滑鮮甜，好幸福啊！六吋長嘅三文魚壽司條尾真係好長呀！大開眼界~ 芥辣八爪魚軍艦辣度啱啱好，啲八爪魚好滑啊～ 火焰柚子胡椒帆立貝壽司加入左柚子，味道好清新，仲有胡椒點綴，少少辣，鍾意食帆立貝又想有新鮮感嘅朋友可以試吓呢款~ 香蔥吞拿魚腩碎軍艦亦係必點啦，吞拿魚同香蔥味道好夾~吉列炸蝦壽司同鰻魚壽司全部秒殺~ 稻荷蟹子沙律壽司整到好似隻船仔咁，好可愛呀！腐皮上面有滿滿的沙律和蟹子，見到已經好開心~到我大愛嘅刺身出場喇！帶子、劍魚腩、油甘魚、三文魚腩，全部都好新鮮，每件都是厚厚的，很足量~ 帶子好鮮甜，三文魚腩好爽滑，滿口脂香~我地仲點左【豚肉大板燒餅】，大大片薄豚肉鋪係面，好有誠意，個汁好惹味，燒餅好鬆軟，粉漿份量合適，唔會入口成口粉，真係好有大板風味~飲品點左【白桃乳酸梳打】和【巨峰提子乳酸梳打】，好啱小朋友口味~總括來說，餐廳上菜速度都算快