小菜王 (福榮街)

营业中

休息中

好耐冇食大排檔啦！今日放工之後，同事說帶去深水埗食好野！原來是小菜王！他們有很有特色的戶外廚房，在香港買少見少的！聽說牌照過後，就不能做愛煮食了！所以看到這光景也份外珍惜！我們叫了幾支啤酒，一份炒蜆，蒜蓉蒸勝瓜，同埋鹹蛋炒蝦！想不到啦鹹蛋炒蝦非常可口，蝦仁外脆內軟，外殼都是乍得脆卜卜！勝瓜用蒜蓉蒸也是10分一流！蒜蓉的香味滲入勝瓜中，非常啱送飯！至於炒蜆，我認為份量比一般的大排檔較多，性價比很高！但是不少炒蜆都有沙島我有一點可惜！吃了10隻，有六隻都有沙！希望下次他們會在注意一點啦！你間大排檔零一特色，就是有冷氣開放！他們做了大約五間舖位，做室內大排檔！在炎炎夏日有冷氣開放的大排檔10分難得！加上可能節日關係，人流較平日少，所以都坐得10分舒服！同朋友三五知己在這裏飲飲啤酒，傾計傾到11點都冇人趕你走！ 10分難得！下次會再去！是朋友吹水勝地！

朋友相約深水埗小菜王 吹水啤啤佢， 我們七時半左右到達 已很滿座， 等了二十分鐘左右先有位， 個人比較懷舊大排檔感覺很親切 我們點了芥辣八爪魚， 爽口好味。大排檔啤酒最佳配搭椒鹽鮮魷， 魷魚新鮮有口感，脆槳和味道亦吾錯。 金銀蛋莧菜， 大大碟很足料。最後點了一個咖哩炒肉蟹， 蟹肉非常新鮮， 但 美中不足 係咖哩汁做得一般，味道普通唔夠(傑)身。 除了隻蟹比較貴之外， 其他小菜都算大件夾抵食

收工約了男朋友和他的家人去了小菜王吃晚飯。如果不熟深水埗，地方也有點難找。9點多分，小菜王仍然旺場，坐滿了客人。幸好有張枱準備離開，我們好快就有座位。我們點了椒鹽九肚魚、黃金蝦、油浸筍殼、豉椒炒聖子和椒絲腐乳通菜。椒鹽九肚魚粉炸得好薄，外脆內軟 ，點些喼汁，酸酸開胃。黃金蝦中蝦加上牛油、咸蛋黃炒在一起，每一隻蝦都包住蛋黃，好香口，連殻都食。油浸筍殼魚肉又厚又滑，外酥內嫩 。豉椒炒聖子肉質鮮甜，醬汁香濃

今晚約左2個老死去深水埗大批檔聚會，吹下水隊下啤酒，朋友介紹呢間小菜王吾錯，夠大份，於是去試下。去到已經爆滿，等左20分鐘先有位，坐低左先叫支藍妹隊隊佢先，今晚全男班有排坐，叫野食交俾老友拍板，叫左召鹽九肚，先由，黃金蝦同沙薑雞，等左一陣雞到喇，賣相OK，份量夠，食落囗都幾滑，又入味，不錯。之後就有餸啤酒嘅三宝，先由同九肚魚熱辣辣，肉夠厚，D粉仲好薄，又爽口，真係貴得有道理，正啊👍👍，最後是黃金金蝦，全部都係海蝦，蛋黃夠平均又夠香，仲可以連殻一齊食，不過價格真係幾貴，2舊幾先得幾只，不過味道都不錯，全晚埋單一人2舊水，不過算係咁啦，質素高值乎票價，會再來

同老豆落街食飯，等左45分鐘，叫左3個餸：豬紅，豉汁炒聖子，欖菜肉鬆炒甜豆，豬紅冇供應，豉汁炒聖子變左豉汁炒蜆，完全o左咀，3分之2ge 野都錯晒，個職員仲屈返我地轉頭，話我明明聽到你叫豉汁炒蜆 ga wo, 總之食到一肚火

由於成個星期冇住家飯食，兩口子又懶得煮，咁就求其落樓下嘅小菜王食飯啊，閒日關係，所以唔需要等位。首先梗係要點我哋最鍾意食嘅椒鹽九肚魚啦，炸粉都算薄，可惜唔係好夠熱，都唔錯嘅。之後就有京都骨，都幾大碟，唔鞋口，食唔晒仲打包做第二日午餐。最後一碟就係味蛋肉鬆浸時蔬，我自己眼大睇過龍，以為係金銀蛋，所以碟菜一黎，我都呆左。呢個我自己就覺得普普通通，因為本身想清清地食個菜點知啲肉鬆比較肥令到個菜比較油，不過碟菜超大碟！明明話不准吸煙，但都見到有人食煙，好彩唔係好近我哋個位，唔係成餐飯就食得好辛苦。

大排檔的鑊氣小炒極是吸引，比之茶樓小館尤有風味；然無三五知已好友，卻又難以成行。上週五的飯聚約了近一個月之久，原來早一次共饍，已近一年。這次走到深水埗，特來試試這家甚有名氣的小菜王。事前先行訂位，到埗一見，門庭若市，縱有訂位亦要輪候。或者食神加臨，不消一刻已獲安排入座。吃大排檔，九肚魚是女友必吃之選，定要落單，再看菜單，來個豉椒蟶子、黃金蝦，Stephanie想吃炒蜆，因有蟶子，改要了鹽水花蛤，又要了個金銀蛋浸時蔬。Ray見椒鹽雞軟骨甚是吸引，又是推介，故又點了。先來了個菜，叫了兩碗白飯，菜的味道偏鹹，而我因愛鹹蛋黃的味道，卻又不以為然。等了等，九肚魚來了，魚炸得鬆軟，粉漿又不太厚，沾些醬汁，酸酸的味道解了油膩。吃著吃著，雞軟骨上桌，招牌菜自是沒可挑剔。接手來的是鹽水花蛤，花蛤鮮甜，簡約的味道解了前兩道菜的油膩，是濃油赤醬中的一片綠洲。再來黃金蝦，肥美的中蝦為蛋黃所覆蓋，甘香可口，誓要將蝦殼上的醬汁通通啜乾，方肯善罷甘休。這味菜是我所愛，然我愛其殼尤多於肉。最後來作結的是豉椒蟶子，汁香醬濃，肥英鮮嫩，以之佐飯，錦上添花。

今晚朋友飯聚 約到小菜王一聚 。當晚七點半到達 可能晚飯時段很多人 等了十分鐘才安排入座， 因為之前已經來過， 指定動作 煎炸嘢 我們點了的菜式有 椒鹽九肚魚 ，炸大腸， 椒鹽雞軟骨， 咖哩炒蟹 ，金銀蛋莧菜 ，芥辣墨魚咀 。全部都正到爆，冇得輸 ，只有個咖哩炒蟹失色咗啲價錢貴得嚟個咖哩汁麻麻地 成600蚊兩隻 不過好彩勝在隻蟹夠新鮮。 其餘菜式 都算大件夾抵食。

好想食啲又濃郁又有鑊氣嘅嘢當然梗係去小菜王啦特登揸車去小菜王（深水埗）好多好多人晚上七點半但係等咗大概20分鐘已經有位一坐低就即刻叫咗椒鹽鮮魷⋯好好味最重要唔會太咸又唔會太油膩炸大腸⋯一樣啦好好味唔會太油膩又脆卜卜蒜頭豆豉炒蜆⋯好好味又有少少辣辣地不過裏面有一隻臭左粟米石班加左伊面底＄30佢哋好好啊將粟米石斑片分開上跟住粟米汁就連埋伊面底一碟粟米石斑脆卜卜啖啖肉個個行過都問我地呢啲係乜嘢我哋當然要分享啦加左伊面底因為我哋唔想食飯其實就好好食嘅但係一分錢一分貨份量都好充裕但係服務員嘅態度真係好不友善食物質素好好所以都唔會影響到我哋嘅心情（又可能地區性或者有好多人所以服務員態度惡劣）環境普通乾淨程度一般最主要食飽就走唔緊要因為食物質素好當然多人食啦真係好夠鑊氣值得值得推薦我希望下次可以帶多啲人去試更多唔同嘅嘢

終於輪到食中菜了老友請食飯揀咗大家的中間地點 先來個🐷紅韭菜 去下塵先 之後椒鹽九肚🐟魚味不足 麵漿厚咗小小😏蒜蓉粉絲蒸shell 好惹味 鮮甜爽口豉汁炒❀甲豆豉鯪魚油麥菜 菜太lum🙂生蠔煲 冇覺有乜特別🆗最後梅菜扣肉 肉唔夠lum 梅菜可能浸🉐耐 淡咗計埋朝日beer 🍻四條友八樣嘢 食飽飽 散band

作為夜間行動的同類人，深夜即興到深水埗吃頓惹味小炒其實是等閒之事 為了嚐鮮，再三篩選，最後定下目標－－以羊肉煲擄獲人心的小炒王 晚上九點十點依然暢旺，好在有枱客人剛離去，正待清理，不需排隊久等 座位由店內延伸出店外，圍繞店舖列座，如果想坐室內，也許要特地訂座吧？ 常見開場之物莫過於椒鹽九肚魚，炸至金黃，外層薄脆而內裏綿腍順口 趁熱吃最為香口，沒有過重膩感或是腥意，當然蘸上醋汁以酸醒胃更佳 曾考慮點芝士牛油焗白飯魚，結果還是習慣相對厚身大件的九肚魚，魚肉食感明顯一點 避風塘腰果排骨也是惹味的重口味菜式，先有避風塘蒜碎及辣椒的鹹辣脆感 再配以腰果的果仁香脆，著重相襯，教人吃不停口，幾乎忽略了正題 排骨意料之內肉感紥實，脂肪量不多，調味算重手，配白飯同食才稍得平衡 人少少要自控，沒有點店家主打的羊腩煲，倒是來了一份同樣熱辣辣的啫啫滑雞煲 儘管我們點的是滑雞煲，但是雞件明顯不算嫩滑，數量亦少，勝在叫入味 雞煲內除了大量蔥蒜作配料，還有豬潤，鹹香帶粉潤，膻味未算重，又是一道下飯菜綜觀雖味道正路，但主要食材確實較細份，若以平均百元一味計算，性價比偏低

久聞「小菜王」大名，今日終於約朋友一試。6:30到，已經8成滿客，侍應帶了我們上2樓閣樓。 好利害，菜牌也印有英文。沙薑雞腳 - 好淋，好入味豬手 - 比較硬身涼拌八爪魚 - 加上Wasabi，好似食緊日本野椒鹽墨魚咀 - $98/碟 ，好細碟，冇乜特色， 可以不試脆炸鬼 - 油炸鬼入邊塞滿蝦膠 ，真是好脆薑蔥生蠔煲 - 味道唔錯，但係得六隻蠔砵酒牛仔骨 - 分量較大，酒味不濃蒜蓉蒸勝瓜 - 最好味，最快清碟椒鹽白飯魚 - 白飯魚好大條，炸得好脆，好味上湯蒜子皇帝菜 - 普普通通 以普通小菜來說算可以了，價錢也不算太貴，適合一大班朋友坐低傾計 ，飲啤酒！深水埗附近有很多大排檔，競爭也算大，希望都可以越做越好，對於我們也是有口福的

同家人食團年飯就選擇嚟呢度食小炒。小朋友,大人以及老人家,有沙薑鷄,d汁嚟捞飯都唔錯,豉汁蒸鳝肉質彈口,白飯魚煎蛋夠香口,清清地嚟個粉丝什菜煲,可惜湯底有d咸。欖菜肉碎炒青豆佐飯一流,再嚟啱小朋友食既咖喱班塊,上枱時係咖喱汁另上,咁就唔會浸淋炸到卜卜脆既鱼柳啦,芝士西蘭花夠特色,最後嚟個菠萝咕噜肉,酸酸甜甜小朋友食到停唔到口。

冬天終於凍返啲，又到咗食羊腩煲嘅時候喇。事隔幾年，諗返起食過小菜王個羊腩煲好正，即刻返嚟再食人未齊先叫個韮菜豬紅$65頂吓肚先，豬紅個汁好惹味，不過冇乜韮菜跟著嚟個羊腩煲（細）$358，四個人食都真心覺得呢個份量好多，味道加份量絕對對得住個價錢，一邊食一邊吹水，夾極都仲有好多羊腩。羊腩切到細細件，件件都有皮又有肉，仲有好多枝竹同馬蹄喺下面。肉唔算淋有𡁻口，有幾件見到仲有啲毛未去淨。。。差不多食哂啲羊腩就叫咗生菜，份量都唔少，好新鮮食完個羊腩煲大家都已經七成飽，就埋尾嗌咗個黃金蝦（例牌）$200，餐牌係寫時價嘅。一碟有成8隻大蝦，蛋黃味濃郁，啲蝦殼炸到好脆，連殼都要食埋，係高水準之作！礙於羊腩煲個份量好勁，最好叫多幾個人嚟食，先至食到多幾款小菜。由街頭到巷尾好幾個舖位都坐無虛席，就知道佢係貨真價實嘅「小菜王」！

店內食物都係大大碟！連一碟蒜蓉豆苗都好大碟，一班朋友去食就最岩我地仲叫左豉蒜味菜鵝腸，椒鹽煎讓三寶同蓮藕小炒王鵝腸同蓮藕都好夠味，好食！但椒鹽三寶就好失望，$85得幾件，味道一般