小草十八怪石鍋米線 (已結業)

見到開咗間新食店就即管同男朋友試試呢一間餐廳好多選擇男朋友叫咗沙嗲米線覺得正正常常我叫左荷葉飯好好味 覺得好有心思 雖然個名只係得蟲草花蒸雞 但係發覺入面係有瑤柱同蝦米 食起上嚟覺得好好味口感。另外我哋嗌咗三個小食南乳雞翼 冇乜南乳味 是正常炸雞翼椒麻炸雞以為會有麻味但係個醬料純粹加咗啲胡椒有啲普通腐皮蝦膠卷就好味總括嚟講呢間餐廳服務不錯 價錢也不錯 主食比起小食好味會再返嚟食荷葉飯 不過對於傷殘人士就有點唔方便因為是要行樓梯的

同女朋友係旺角搵野食 見到呢間餐廳個名咁奇特 個名叫小草十八怪(諗起降龍十八掌) 睇下個餐牌 d食物一d都唔貴 咁就入去上試一試佢我地叫左個石鍋公仔麵 可以揀9個餸 佢個玩法好新奇 全程都係由自己煮 佢仲有個牌教你點整 真係幾新奇好玩 我要左我最愛既沙嗲湯底 石鍋沙嗲公仔麵 真係絕配另外仲試左個蟲草花蒸雞荷葉飯 呢個真係超出左我預期 真係好好食 佢個飯底已經配左冬菇碎 蝦米 瑤柱碎 基本上唔落豉油 已經夠哂味 雞件亦蒸得好嫩滑 無得頂烤司華力腸 炸南乳雞翼 烤雞軟骨串 三樣野都做得好好味 尤其係炸南乳雞翼 南乳味極重 炸到香脆肉嫩 順帶一提 呢度用餐環境都唔錯 坐得幾闊落 最緊要價錢唔貴 真係值得再黎

呢間餐廳個名夠奇怪，所以吸引左我哋入去食，估唔到係好似中大獎咁🙈好好味，尤其係串燒，又抵食又好食😋原先諗住食個米線同個荷葉飯就算，點知口痕想食下串燒，結果發現原來咁正，串燒原來係主打🙈我哋真係食到飽一飽！臘腸蒸排骨荷葉飯：抵食又大份，排骨好滑👍🏻飯又有荷葉香，不錯👍🏻石鍋米線：可以揀9種材料咁多，我就揀咗滷水腩肉、蘿蔔、紅燒牛筋、黑毛豬腩肉片、香辣豬軟骨、美國肥牛、香辣蕃茄牛肋條、鯛魚片、仲有就係佢特色小草酸辣炸醬！其實仲有好其他選擇，真係包你一定揀到啱心水❤️而且石鍋熱🔥力強勁，米線熱辣辣食，好滋味！主打串燒😳我地叫咗原條燒茄子、司華力腸，雞中翼、牛舌、牛仔骨、秋刀魚，蒜蓉燒扇貝，認真，每款都燒得好入味好夠火候，最估唔到嘅係司華力腸，竟然咁好味😋仲有個牛仔骨，waaa~啖啖肉又juicy!!!!!而且望住啲相已經想encore叫朋友再食一次呢🤣總之呢間餐廳我好推薦比大家😉

行到攰見到有間新開嘅米線舖，就入咗去試吓。用膳位置係喺2樓，上到去樓面闊落，光線光猛，都係舒服嘅～ 呢度最特別嘅菜式係九宮格米線，都見到有唔少人食，但係我比另外吃樣嘢吸引咗就係荷葉飯，兩樣都好想食，諗過度過，都係揀咗荷葉飯配串燒！！🤤🤤下次有機會我都想試吓九宮格米線瑤柱蒜蓉海鮮荷葉飯（$65）又有瑤柱，又有海鮮，竟然先$65，唔試返過都對唔住自己😂😂一上到台就已經好香荷葉味，海鮮亦都俾得好重，有蝦、蟹柳、扇貝、魷魚😍😍配上蒜蓉，真係香到不得了！店員介紹可以落少少豉油，會更加入味！味道來講，我鍾意飯粒夠香，其他配料都好加分，夏天食荷葉飯真係一流呀😎仲點咗一啲串燒！扇貝好鮮咩爽口係最常見的牛油蒜蓉味！一大啖入爽叫串燒點可以唔嗌金針菇😂仲有串燒茄子都走唔甩啦🤤我鍾意佢哋嘅調味啱啱好，主要都係孜然味，夠味又唔會冚過食材嘅原味下次一定會再嚟試吓佢哋嘅九宮格米線！

📌 小草十八怪石鍋米線 (旺角)旺角鬧市新開左一間樓上米線店，地理位置非常有優勢，地鐵站行兩三分鐘就到🤣最啱行到攰又突然有米線癮嘅人😋❗️-🔸菜單種類：米線、串燒、荷葉飯、小食🍲石鍋米線（$97）最隆重推介呢一款石鍋米線！！本人真係第一次嘗試呢一種米線嘅食法🤣滾燙的石鍋首先放芽菜、蒽，防止肉類黏底，然後再陸續放挑選嘅9種餸菜，倒入自選湯底，焗上3分鐘，新鮮滾熱辣嘅石鍋米線就可以食用啦！🤤🤤🤤唔使驚到時唔識，因為店員哥哥都會好細心咁樣介紹，逐步逐步教你做🥰🥰特別推薦幾個餸才可以選擇，花膠、蕃茄牛肋骨、仲有鮮魷魚圈，呢幾個餸喺其他米線店都好少出現，可以嚟呢度一試！🤩🍢串燒系列有好多種串燒選擇雞中翼串燒（$15）-一串兩隻雞翼，烤得焦香，油都迫哂出嚟，一啲都唔油膩😛牛舌串燒（$15）-牛舌肉厚，燒得好香口😎司華力腸串燒（$15）-調味都係孜然味，夠晒大條🤤秋刀魚串燒（$20）- 調味都係孜然味，同秋刀魚味道好夾👍🏻見到價錢唔好嚇親，真係比起其他出邊嘅燒烤店平，質素亦都好好😱😱串燒性價比方面我比10分！🍽臘腸蒸排骨荷葉飯（$40）夏天最適合食荷葉飯😝荷葉飯用蒸籠上，我哋今次掛住食串燒，荷葉飯擺咗

睇鋪頭名小草都唔係好知食咩但見到石鍋米線個名好新鮮就去了一試。原來石鍋米線好似打邊爐禁用湯底滾下滾下，本身有米線 芽菜韮菜，再可以自己簡9樣配料。我簡左鯇魚片 花膠 墨魚 雞片 肥牛等等，無諗過竟然80幾蚊可以簡成9樣餸禁多！選擇好後店員就會拎石鍋同九宮格的餐盤配料到枱，食客可以選擇自行倒入石鍋煮或者搵店員幫手。由於第一次食未清楚點先可以用石鍋煮熟所有材料，所以我簡左店員幫手。原來石鍋是有足夠熱力令所有食材滾熟，倒湯落鍋既時候就好似打邊爐禁樣出煙卜卜聲滾起。另外我地仲叫左荷葉蒸飯，蒸飯比想像中好食好多，個飯好香油香味，但質地又唔會油林林，原個木盒上枱賣相好吸引。見鋪頭仲有好多串燒，價錢好平但款式好多，我下次有機會一定要試下！成間鋪頭既米線 串燒 小食 荷葉蒸飯價錢都唔貴，值得去食！

難得星期日休息，我同女朋友中午出來旺角買嘢，諗住食啲嘢先行街，但見周圍啲餐廳都好迫，好唔舒服，跟住經過亞皆老街近女人街口，有一大個招牌，寫住【石煱米線】，咪同女朋友上去試下啦，一入到去地方好寬闊，好大排玻璃窗見到街景， 個景觀都唔錯，我地就坐左起近窗邊位置，坐底左之後個感覺好舒服，唔會好似旺角其他餐廳咁好嘈 ，跟住我地就睇下個餐牌有咩食，見到個餐牌都好多嘢揀，除左有石煱米線，石煱飯，仲有車仔米線，因為今日假期，所以晏咗起身， 咁就隨便嗌咗個車仔米線食， 米線嚟到，見到份量都好足料， 試下個湯底，好鮮味，應該無加味精，飲完唔會有口渴嘅感覺，跟住試一口米線，啲米線好彈牙，好爽口。我地差唔多食飽，見到隔離枱叫左個石煱飯同石煱米線，好大碗，份量好巨型，好吸引，可惜我地剛剛起身，食唔到咁多嘢，下一次再黎，一定會試下，好期待……

在公司附近，開了一家新店小草十八怪。我和同事，梗係要試吓新嘢餐牌上見到有好多不同選擇，大家都點咗自己喜歡食的小食。特別介紹我鍾意嘅 小草八寶荷葉飯，即叫即蒸👍地方坐得好舒服，下次一定會再嚟