影片
放工行过嚟，食店已经放好餐桌，准备好，我地急不及待叫了海鲜塔，海虾超新鲜，花甲亦相当肥美，可惜今晚元贝缺货，不过换来的是大只的圣子王，蟹爆膏同鲍鱼鲜甜，服务员亲切友善，简直系VIP？
继续阅读
想同朋友搅个生日饭，经朋友介绍黎左呢间小肥鹅食，早几日就订定位，一去到就有位姐姐四万咁口招呼我地四位坐低，好耐无见过d服务员有咁嘅笑容！坐低后，果位姐姐就介绍我地食品，我问有无剌身，姐姐就介绍我地食条章红鱼同泰式生虾刺身，ok第一次黎即管信下佢，先黎个生虾，见个虾头仲郁郁下，配埋个泰式酱汁，好味!!再黎章红鱼，一上黎就知师父刀工好，唔厚唔薄食落口感啱啱好!姐姐果然信得过，咁我就直头叫姐姐帮我点菜食火锅，姐姐就介绍先食个招牌鹅煲跟鹅肠，鹅肠吸哂d鹅汁味道好好，食哂d鹅同鹅肠先加汤打边炉，我就叫左碟本地鲜牛肉，墨鱼滑，云吞拼水饺，手卷炸腐皮，加多二碟菜够哂，几样火锅配料都在水准之上，睇得出呢度个师父好用心，呢度d服务员个个有笑容，唔似出面果d，好似欠佢地钱咁！最后埋单每人250,仲唔收加一，总括黎讲呢餐饭食得好满意，会再返黎食，走时见到门口写住九点半后仲有七折，几个老友都话下次宵夜黎呢到！
继续阅读
今次专登去小肥鹅试下，我们九点钟去到只有两张枱十点清场叫咗个我部有点失望全部都可以骨不是头就是颈＄148有点失望后来朋友话不够吃再加多一份可惜仍然一样全部也是骨西邻活鱼还可以鱼肉比较薄爽，本地牛肉睇来色好似几好大食落十分硬，$208不值啦，象拔蚌细188数落都15-20、小小片，但比较鲜味，虾丸没有虾味但比较爽，只是试一次不会做会头了
继续阅读
之前睇左杂志介绍，想试好耐~星期日又想食鸡煲，突然醒起系屋企付近就打电话Book台 如果以星期日晚市时段，唔算太爆~点左: 鹅煲 - 干身上的，份量大概系1/4只左右，两个人食都OK，以我自己既认识，鹅肉应该系比较松化，肉味软香浓，呢个都香肉味，但同鹅又好似有D唔同~不过佢个汁唔错，几惹味，唔辣，好似有D药材味。开头食个两旧几好，因为够多皮包住，食落唔鞋口，又入味~但到第二三旧好大旧个D就好鞋好靿，牙胶都软埋，最后两旧都放弃无食~ 芥兰苗 － 够嫩，只是新鲜便是好菜～ 脆骨腩 － 份量足～很新鲜！另外点左两支大啤！
继续阅读
当小肥鹅深水埗总店开张时，就已经去过品尝，可能当时刚刚开业，虽然已经有鹅煲坐镇，但食物的品种远不及依家多。因为家住港岛东区，所以上年听闻小肥鹅在北角开分店，当然要前往尝鲜。其实已经来过唔少次，每次都好满意，又见无人评论，所以小弟先来一篇。北角和富道虽然食肆林立，但其实生意并不太旺，除左隔离阿鸿有人排队（个人认为认真麻麻）。小肥鹅位置处于和富道中间，铺面唔大（觉得同深水埗店差唔多），但两间铺头都有两层，台凳分布都算阔落。今个星期严寒，打边炉暖粒粒，所以一坐低就叫个鹅煲先。讲真个鹅煲唔大，不过真系好入味，如果未够候加碟鹅肠一定够满足。隔离台三个人一直在议论会唔会食左鹅煲无胃口食其他野，认真想太多。鹅煲分量唔多最重要原因就系俾各位能有肚食其他野，所以只会觉得唔够，唔会觉得太饱。另外不得不推介的就是章红鱼两食（刺身+椒盐）。章红鱼绝对唔系冰鲜，所以一D冰渣都无，我试过几次都水准依旧，不得不赞！而剩下的头同尾椒盐酥炸，无浪费又好味（叫支啤酒啤一啤简直一流），绝对值得一试！（不过分量不少，建议四人或以上）。其他要推介的就是炸鱼皮同埋响铃。酥脆甘香，响铃即叫即炸，唔洗浸汤底都够好味！最后亦要讃一赞服务，无论加汤加水都好主动，亦唔会有漏单情况，所以整体好满意。由于小弟口大胃细，所以叫多左，下次再揾班好友齐齐去，一定完美。
继续阅读