小肥鵝火鍋料理 (已結業)

放工行過嚟，食店已經放好餐桌，準備好，我地急不及待叫了海鮮塔，海蝦超新鮮，花甲亦相當肥美，可惜今晚元貝缺貨，不過換來的是大隻的聖子王，蟹爆膏同鮑魚鮮甜，服務員親切友善，簡直係VIP？

想同朋友攪個生日飯，經朋友介紹黎左呢間小肥鵝食，早幾日就訂定位，一去到就有位姐姐四萬咁口招呼我地四位坐低，好耐無見過d服務員有咁嘅笑容！坐低後，果位姐姐就介紹我地食品，我問有無剌身，姐姐就介紹我地食條章红魚同泰式生蝦刺身，ok第一次黎即管信下佢，先黎個生蝦，見個蝦頭仲郁郁下，配埋個泰式酱汁，好味!!再黎章红魚，一上黎就知師父刀工好，唔厚唔薄食落口感啱啱好!姐姐果然信得過，咁我就直頭叫姐姐幫我點菜食火鍋，姐姐就介绍先食個招牌鵝煲跟鹅腸，鹅腸吸哂d鹅汁味道好好，食哂d鵝同鹅腸先加湯打邊爐，我就叫左碟本地鲜牛肉，墨魚滑，雲吞拼水餃，手卷炸腐皮，加多二碟菜夠哂，幾樣火鍋配料都在水準之上，睇得出呢度個師父好用心，呢度d服務員個個有笑容，唔似出面果d，好似欠佢地錢咁！最後埋單每人250,仲唔收加一，總括黎講呢餐飯食得好滿意，會再返黎食，走時見到門口寫住九點半後仲有七折，幾個老友都話下次宵夜黎呢到！

今次專登去小肥鵝試下，我們九點鐘去到只有兩張枱十點清場叫咗個我部有點失望全部都可以骨不是頭就是頸＄148有點失望後來朋友話不夠吃再加多一份可惜仍然一樣全部也是骨西鄰活魚還可以魚肉比較薄爽，本地牛肉睇來色好似幾好大食落十分硬，$208不值啦，象拔蚌細188數落都15-20、小小片，但比較鮮味，蝦丸沒有蝦味但比較爽，只是試一次不會做會頭了

之前睇左雜誌介紹，想試好耐~星期日又想食雞煲，突然醒起係屋企付近就打電話Book檯 如果以星期日晚市時段，唔算太爆~點左: 鵝煲 - 乾身上的，份量大概係1/4隻左右，兩個人食都OK，以我自己既認識，鵝肉應該係比較鬆化，肉味軟香濃，呢個都香肉味，但同鵝又好似有D唔同~不過佢個汁唔錯，幾惹味，唔辣，好似有D藥材味。開頭食個兩舊幾好，因為夠多皮包住，食落唔鞋口，又入味~但到第二三舊好大舊個D就好鞋好靿，牙胶都軟埋，最後兩舊都放棄無食~ 芥蘭苗 － 夠嫩，只是新鮮便是好菜～ 脆骨腩 － 份量足～很新鮮！另外點左兩支大啤！

當小肥鵝深水埗總店開張時，就已經去過品嚐，可能當時剛剛開業，雖然已經有鵝煲坐鎮，但食物的品種遠不及依家多。因為家住港島東區，所以上年聽聞小肥鵝在北角開分店，當然要前往嚐鮮。其實已經來過唔少次，每次都好滿意，又見無人評論，所以小弟先來一篇。北角和富道雖然食肆林立，但其實生意並不太旺，除左隔離阿鴻有人排隊（個人認為認真麻麻）。小肥鵝位置處於和富道中間，鋪面唔大（覺得同深水埗店差唔多），但兩間鋪頭都有兩層，檯凳分佈都算闊落。今個星期嚴寒，打邊爐暖粒粒，所以一坐低就叫個鵝煲先。講真個鵝煲唔大，不過真系好入味，如果未夠候加碟鵝腸一定夠滿足。隔離臺三個人一直在議論會唔會食左鵝煲無胃口食其他野，認真想太多。鵝煲分量唔多最重要原因就係俾各位能有肚食其他野，所以只會覺得唔夠，唔會覺得太飽。另外不得不推介的就是章紅魚兩食（刺身+椒鹽）。章紅魚絕對唔係冰鮮，所以一D冰渣都無，我試過幾次都水準依舊，不得不讚！而剩下的頭同尾椒鹽酥炸，無浪費又好味（叫支啤酒啤一啤簡直一流），絕對值得一試！（不過分量不少，建議四人或以上）。其他要推介的就是炸魚皮同埋響鈴。酥脆甘香，響鈴即叫即炸，唔洗浸湯底都夠好味！最後亦要讃一讚服