小肥鵝火鍋料理 (已結業)

想同朋友攪個生日飯，經朋友介紹黎左呢間小肥鵝食，早幾日就訂定位，一去到就有位姐姐四萬咁口招呼我地四位坐低，好耐無見過d服務員有咁嘅笑容！坐低後，果位姐姐就介紹我地食品，我問有無剌身，姐姐就介紹我地食條章红魚同泰式生蝦刺身，ok第一次黎即管信下佢，先黎個生蝦，見個蝦頭仲郁郁下，配埋個泰式酱汁，好味!!再黎章红魚，一上黎就知師父刀工好，唔厚唔薄食落口感啱啱好!姐姐果然信得過，咁我就直頭叫姐姐幫我點菜食火鍋，姐姐就介绍先食個招牌鵝煲跟鹅腸，鹅腸吸哂d鹅汁味道好好，食哂d鵝同鹅腸先加湯打邊爐，我就叫左碟本地鲜牛肉，墨魚滑，雲吞拼水餃，手卷炸腐皮，加多二碟菜夠哂，幾樣火鍋配料都在水準之上，睇得出呢度個師父好用心，呢度d服務員個個有笑容，唔似出面果d，好似欠佢地錢咁！最後埋單每人250,仲唔收加一，總括黎講呢餐飯食得好滿意，會再返黎食，走時見到門口寫住九點半後仲有七折，幾個老友都話下次宵夜黎呢到！