小肥羊 (已結業)

在過年前後兩星期內我總共吃了三次火鍋，第一回跟三位朋友到小肥羊打邊爐，這是我第一次吃小肥羊，其中一位常常訴說小肥羊的食品很好味，今天讓我品評一下是否名過其實還是真材實料。座位擺得太接近，和鄰枱幾乎背靠肯，有點侷促，不過通風系統不錯，不會因爐頭處處而令人感到太焗氣。鍋底選了包括藥材湯及麻辣湯的駌鴦窩底，是小肥羊有名的首本戲。今天叫了很多碟鍋料，當然有招牌菜太陽及月亮羊肉，據侍應說太陽較月亮羊肉肥一些；其他的有手切肥牛肉、四寶丸、生腸等等。餐前小吃有韃靼牛肉及千層峰，兩味都不錯，但羊肉真的不夠水準，一夾起放進湯內就斷開一片片碎片，而且味道只算合格，不能說出眾；跟我在深圳東來順吃過的內蒙古羔羊，在味道、肉質、擺設各方面都完全無法可比擬。最好的都是靠那個八寶茶湯底了，可以减低火鍋的燥熱，而那個不太正宗的麻辣湯底，减低辣底以迎合港人的口味，但就不夠地道風味，不過我也很欣賞這個鸳鸯窩底的組合，食後不會口渴。其他窩料都只能算是合格，不算得上出色，但以此價錢，又得不到高質的食物，實在難免感到物非所值！值不值得要排長龍去食，真的要諗一諗！

好啦.. 一入去坐低, 黑衫姐姐黎推介6人餐.. 我地只有5位.. 心諗成1680 我地得5位,除開都要356蚊.. 不如去食酒店自助餐.. 使鬼黎食你打邊爐.. 咁我地就冇要個餐啦..我地第一次入左1張單... 佢黎個煱啦.. 個阿姐搞左幾搞就行走左.. 點知就痴底.. 有燶味... 就叫佢拎個第2個黎....order d 野開始黎啦..... 開始有D唔正常... 點解有D冇叫既野點解黎左... 咁就叫佢印返張我地ORDER左D乜既單黎.. 點知一睇.. 冇叫都落左.. 有D冇叫又落左又冇黎... 離譜!! 冇叫可樂同我地落左可樂仲冇黎!! 起碼有3-4樣野冇叫佢落左而有叫果D又冇落!!..講下D食物.. 叫左D羊呀牛呀... WA.. 一睇同以前食點解薄左咁多(之前未係過LEE間食) ...真係紙咁薄...痴線!! .. 我夠膽講你一次落10塊去煮都唔夠一塊正常既咁大塊... 佢部機真係好high-tech.. 咁薄都切得出..而家講下服務... 話說我前面果台都食到7788, 個waiter 話不如埋狙張單先... 咁個客就埋單啦見佢咁問... WA.. 有病.. 人地都未食

7.00未夠,本來去稻香, 但要等位所以轉去小肥羊, 去到小肥羊有位?? 我心諗都奇怪, 稻香一早full晒, 點知上到3樓, 佢比ge位置係走廊加䒷 ????人來人往但只限食客, 算啦,唔洗等有位呀嘛, 最慘係服務差,無人理, 跟本就唔夠人手, 埋單就快, 碟牛到走時都無黎到, 碟炸曼頭凍ge, 菜根部份好多泥, 旺角這間無下次

上星期六七點鐘去旺角小肥羊試下有無位, 可能當日唔算好凍同埋早所以即刻有位, 但係上到三樓居然俾左個路口濳建位俾我地兩個人, 好細張枱只夠放一個電磁爐, 兩套杯碟同一碟餸, 想轉都無得轉, 仲要旁邊係好似洗碗房之類, 人來人往。點左碟108蚊既羊肉, 薄到好似紙咁要幾塊一齊放入口先有D質感, 而且一碟得好少, 兩個人夾兩三趟已經食晒, 再叫碟牛肉並月亮羊肉, 都係一樣咁薄。羊肉確係雪白肥牛, 全塊白色無肉既, 好似食牛油咁。埋單係兩碟肉,兩個菜,3 碟其他普通料要五百幾蚊, 覺得好貴好唔抵食。走時見到D客多到坐埋樓梯位, 真誇張!

夜晚打過邊爐幾次,都係等9點後先食,有部分會半價, d 羊肉好正,切得好薄,roll 得好靚.湯底特別正,特別係清湯,同d羊肉好much, 所有食物都不需點醬油都好好味....另外辣個湯底真係好辣, 食得辣的朋友可以叫個凍豆腐放入,一定勁辣!少人食會比較貴d, 多人食的話會平d, 多款食d~另外下午都會有平, 星期一至日都有大概$40-$55左右, 主要食飲茶食個d 野,但我次次都會去食幾碗肥牛米線,哈哈~~以咁的價錢黎講, 有咁多野食,又唔差,算係咁啦~

尋日同2個fd 一齊去食tea buffet ~~ 環境,食物,服務全部一般~~ but $ 56 位我覺得ok ~ 點知埋單計個時計4位wo , 我問點解,個黑衫就話小朋友1歲以上就計1位(我囝2歲幾,只係飲左2杯水咋) , 我冇同佢嘈, 俾$$ 走人算數...but 我以後都唔會去~~

尋晚去到冷冷清清, 但都居然叫我地5人坐4人台, 我地當然唔制啦, 講左兩句之後, 最後有件大粒都幫我地換左台, 算佢啦!落order時佢介紹6人餐, 但我地得5個人, 佢話可以減一個人份量, 不過一向大食既我地都話唔洗, 只叫佢扣走一碟羊, 不過都係減左我地80蚊咁大把, (個餐1680) 黎左個海鮮拼盤, 但樣樣都係得4件, 我地叫6人餐, 點解得4隻蝦, 4隻青口, 4隻尤魚.....4隻....乜都4隻咋啵, 咁何來叫做六人餐呢? 問個大粒, 佢居然答我地"唔知!" 佢只係負責樓面, 唔係佢話事, 我地咪叫佢問廚房, 佢話廚房最大果個話"係咁架啦啵!" 我地問佢可唔可以每樣俾多粒, 佢話自己係樓面話唔到事, 下???? 跟住就咁走左去! 期間未食完又問我地執得野未, 大佬, 成台都係野, 執咩呀? 十一點都未夠, 野未食完就話執野上甜品!? (甜品係餐有, 唔係送架!)咁5個人叫6人餐但每樣野得4件, 咁即係點呀?

圖中的羊肉丸比較特別, 有羊肉味, 又有香芧味, 兩者配合起來味道不錯. 精選內蒙羔羊肉- 很肥美, 有肥羊的香味, 不是很羶, 很適合不太喜歡羶味的人, 果然是招牌菜, 切得十分薄, 入口即溶, 十分好味.另外, 圖中o既羊寛粉都好特別, 佢係一重好煙韌的, 好似粉皮的皮, 咪以為佢細細碟好似食唔飽, 原來好鬼死飽肚!! 叫了一個鴛鴦湯底, 清湯好正, 真係唔駛醬油都夠哂味; 但麻辣o個邊真係好辣, 我o地食左一陣, 已經將入面d辣椒"筆"起, 但係都係好辣, 強烈建議唔食得辣既人真係唔好試!!仲有一樣大家一定要試o既就係燒羊排喇, o係香港要賣HK$108o架, 而深圳只係賣RMB38, 真係超級好味o架, 大家一定要試試呀!! * 如果大家覺得o係香港食小肥羊好貴, 我建議去深圳度食啦, 就算加埋來回車費亦起碼平一半以上呀.

上次去是因為同男朋友一起慶祝生日，想說吃餐好的，所以鬼使神差的走入去。坐定之後，服務員介紹兩人套餐給我們，說單點不划算。男朋友點了個５００多的雙人套餐。我們點的鴛鴦湯底，清湯那邊唔錯，不過麻辣那邊有點辣，不能吃辣的朋友最好別點。鍋抬出來之後等左成４個字鍋都不見泡，於是問服務員原來沒給我們開插座的插頭，-_-!氣到爆。慢慢菜來了，擺成一桌面都是，開始吃感覺口感不錯（太餓了），後來吃著吃著象受罪一樣了（太飽了），這兩人套餐３個人吃都夠了，兩人吃確實吃到肚爆，最後的甜品我是含累吃下的。下次吃一樣要單點了，不然這樣的吃法著實受不了，而且價錢也不便，環境一般總要收１０％的服務費.

23日晚6點幾, 一行3人臨急找地方吃晚飯, 打去旺角雅蘭稻香又無位. 打o黎小肥羊想book枱, 接待處位姐姐話7點前到仲有枱唔洗book, 點知去到佢又話要等兩張, 好在都幾快安排到入坐, 約9點要交枱, 都算o拉...先叫了一個$6xx的特價餐, 同行有朋友唔食牛, 同個部長阿姐講轉用鴛鴦鍋上晒兩邊都係清湯, 佢居然話套餐規矩無得轉. 我地無可奈何, 唯有屈服係小肥羊這死硬的規矩下, 等不吃牛的朋友吃飽後先至食牛肉...之後火鍋料上都有點兒慢, 其中又試過:1. o黎錯o野要換過2. 已經o黎左的order又黎多次3. 要追order, 尤其是最後甜品, 叫了3-4次都無o黎, 等到9點, 買左單都未到, 我都忍唔住同個買單姐姐講, 你想我快d交枱, 但你d野又叫左幾次都唔o黎, 你想我掂呀...好啦, 等到甜品o黎, 點知又o黎錯左, 又話再換過要等多10-15分鐘, 離晒譜, 我地趕住走唯有唔換照食...食物水準是可以的, 尤其是那個他們說在街外無得賣的羊粉, 口感煙韌幾好食. 可惜服務強差人意, 睇怕都唔會再o黎多次

下午茶飲點飲食,之前都有試過, 如果唔係要求0甘高都唔錯的,總之一定會食飽,不過覺得甜品最有水準

同我妹妹去過一次野食:東西可以,但是覺得菜色並不特別,卻很貴,一個湯底起碼70蚊. 牛肉和羊肉都是急凍的(百幾蚊一碟).菜很少,卻比其他酒樓的火鍋貴一倍,但並不特別(覺得有少少搵笨)食過一次當試下,不過唔會再去(我之後去過屯門一酒樓的火鍋,60任食,鍋料一樣新鮮).環境K, 但聽到對面台有一班人d大講粗口,入門口一個好大好紅既神位,座位可以.服務:服務員態度可以.乾淨:普通,合水平.

由於本人不吃魚, 故每次火鍋都會要求清湯底,但用鴛鴦煲上, 那我的朋友可用一邊放魚, 而我可在另一邊吃.但我上星期第一次在旺角小肥羊吃火鍋, 我也要求清湯,但用鴛鴦煲上, 他們竟然說不能, 或要加費. 我真的不明白,同一個湯底,轉了煲,為什麼要加費? 我以往吃所有火鍋店(如:譚魚頭)也沒有問題.這樣小的事情也做不到, 我以後都不會去此鬼地方!!!

小肥羊還末在香港經營以前，我已聞過它的品牌，並且經常與家人一起前來光顧。反而在香港只是光顧過兩次。昨天朋友請吃飯，計埋今次，今周已吃了三次火煱，厭嗎?還沒有，今次吃的是主打羊肉，還要是蒙古吃青草的羔羊，看過之前我所寫的文章，也告訴過大家我是一位羊癡嗎!那會有羊癡會厭倦吃羊呢?自從寫了食評後，但凡在朋友聚餐時當我一拿起相機，朋友以為我想與她們合照，於是潛意式的將身軀挨近來張大合照，其實我只是想影食物，昨晚真是失禮，在此對昨日出值的朋友說句對不起，保證下次不會有這事情發生。昨晚開始先來過鴛鴦鍋，即半清湯藥材湯底，半麻辣湯底。清湯用上杞子、勁多的蒜頭、紅棗、玉竹......配菜方面，有肥羊粉、手打羊肉丸、太陽羔羊肉、精選內蒙羔羊肉、闊椰麵，冰震鮑魚菇、雞子、洋骨排、黃金飽及燕窩奶皇及卑酒、酸梅湯。全部羊肉都是羶味重的，肉切得薄而全沒韌的感覺。很切合我胃口，在此處吃火煱，不需沾醬油同吃，因為羊肉索透了湯的精華。之前還以為清湯藥材湯底下了椰子，實情是闊椰麵已不知不覺溶化入湯底內，喜歡喝藥材湯的你，如果不喜歡椰子味、請不要加入這些配料，零可放入麻辣湯底那邊。羊骨排我應為是此店最好吃的主打，每次到大

我地叫左個鴛鴦湯底個湯比較咸要不停咁飲水打邊爐o既料除左肉類比較特別其他o既同平時o個d 冇乜分別不過d 脆肉鯇d 肉都幾爽脆肉類方面去得小肥羊就緊係要叫d 羊肉食下啦個羊鞍幾好食有羊味之餘，d肉又幾嫩我地仲叫左d 蒙古肥牛賣相非常靚- 一卷一卷咁肥瘦適中，食落都幾好味不過最驚喜o既就係個羊元寶雖然個名叫羊元寶但其實個樣同普通羊肉冇分別只係多左d 冰o係下面煮熟左之後發覺好難食完全係死死實實後來聽左個侍應講先知原來係用黎生食唔怪得跟埋豉油同wasabi啦估唔到生食o既效果竟然差好遠口感好得多味道有少少似煙肉咁真係幾特別o里度有少少相http://eat-together.blogspot.com/2007/11/little-sheep.html