小白鷺餐廳 (已結業)

今晚同媽媽去慶祝生日再一次選去小白鷺食晚飯因為環境真係唔錯,唔會好迫,人又唔太多不過佢生意真係麻麻,星期日晚都唔full,可能係交通唔方便la我地睇過d set都唔係太抵,佢一般野食都係around 100,但叫set就160起,我地覺得個d湯+包+茶+甜品唔太值60~70蚊lor所以就散叫la除左因為阿爸係都要食咖哩又唔想食牛,先叫左個set既咖哩雞扒我地另外叫左2個沙律,小羊腿同埋三文魚墨汁意粉叫個時先知加$20可以將後2者轉做餐,奇怪佢又無寫出黎咁樣加真係抵好多因為太耐無黎,都唔記呢度d野都大碟2個沙律一黎,真係嚇親,48同68蚊既沙律都幾多d菜仲好新鮮tim,原本諗住開開胃,早知叫一碟算la主菜黎到,小羊腿有3隻,意粉又一大碟,仲要多肉多粉,真係抵食我覺得個意粉最好食,個汁好濃,好食!!阿哥話個羊腿熟左d,有小小乾,我就覺得ok la,始終老人家唔慣生野,熟小小ok la最差係個餐既乾咖哩雞扒,好鞋,一d咖哩味都無,份量相對少真係去食大家樂都好過佢,仲要收168,超唔抵最後黎埋個甜品(加$20都有甜品),老左d,不過跟餐既都算la,因為太飽,無再叫心太軟la,整體黎講係好抵lo

結婚一周年,來小白鷺食晚飯慶祝.可能年初二,大家食開年飯,所以餐廳人比較少.我們ordered 芝士焗鮮蟹肉牛油果($98)做前菜.主菜分別點了鮮三文魚墨魚汁意大利粉($88),雜野菌意大利飯($88),最後食了甜品朱古力軟心蛋糕($42)個牛油果好鮮甜,新鮮,仲啖啖蟹肉,意大利粉夠creamy,意大利飯又香,不過最好食都係個心太軟,即叫即焗,好香.外脆內軟,咬落仲有朱古力慢慢流出.簡直是當晚sweet sweet心情的寫照,好幸福呀.

外邊已布置了聖誕裝飾，吸引一些食客拍照。內裏環境雖然比較casual，又沒有什麼特別裝修，不過餐桌上點了蠟燭，夜晚去又確實有點氣氛。看看餐牌，幾款套餐都似乎較合情侶的，稍為貴一點。不鋸扒，就散叫幾樣簡單的：馬來咖喱牛腩(配飯)($72)炸魚薯角($82)鮮三文魚墨汁意大利粉($88)肉醬意粉($78)一些主菜碟頭勁大，還以為去了美式餐廳。尤其是炸魚薯角，分量好多。望見隔離檯叫的焗豬扒飯就更誇張，絕非一個普通人可以解決。早知叫少一樣，夠食又更抵食。樣樣質素都算不錯：咖喱牛腩椰香味足，味道甜而不辣。炸魚薯角算得上外脆內軟，個人甚喜歡，不停的送入口。墨汁意粉和肉醬意粉都處理得恰可，意粉不過腍亦不偏硬，醬汁好味而不「漏」，前者帶些少辣。服務也令人滿意，侍應有禮又跟得足。下次再來，定要點個焗豬扒飯挑戰自己。

一生一次的大日子當然十分著緊！雖然地點有點兒不方便，但入秋後的晚上，就算沒有座駕，也能舒服地與女朋友慢步到餐廳。整個餐廳及附近的環境十分寧靜、感覺舒服，也能輕易找到閒談的地方。本人覺得在香港並不多這樣完美的地方，實在是難得之地！服務員雖然不多，但因星期三前往的客人比較少，所以人手尚算足夠。他們的態度不像之前食評形容得那麼差劣，相反我覺得值90分！有一位Benny的Waiter替我們拍照留念，當拍完後還待我們滿意相片後才離開，我們想再拍一兩張他也樂意之至，咁既服務態度就係劉華所講果種：）食物方面也不錯，用餐車將食物推出來頗特別～但女朋友建議佈置一下架餐車會更加美麗：）桌子上還配上有香味之蠟燭作裝飾。除了餐湯外，每人還有兩塊法國麵包，食量較大的也能滿足。而Main Course方面，我的肉眼排和她的龍利柳也幾好。因我上星期親自來實地考察過，所以飯後當然要帶她四圍參觀一下。同時，也是時候送她禮物、花和介指的時刻！我選擇了餐廳二樓的一個大平台，那兒有椅子和浪漫的牆燈。那時只有我和她，在大圓月亮（當晚是舊曆十五）加上吐路港的相映下，我便勇敢向她求婚了！！在這個浪漫的環境下，她答應了！這晚小白鷺餐

到小白鷺玩, 下午很肚餓, 想吃tea, 但不對口味,最後挑了這個意粉, 有些少甜椒絲伴, 味道不錯, 蝦肉爽口, 份量也不算小,但加一後都要近百元, 值不值? 一般啦....坐窗邊邊吃邊看風景也不錯, 看到湖上有人踩水上單車, 有人划艇, 很平靜. 可惜侍應也是這麼冷淡, 常常不見影蹤. 服務真的很一般.

是兩個月前的食評，光顧當天是為了拍檔遠赴外地謀生的餞別飯局，選在這裡就是因為大家想在這難得的天朗氣清的天氣下到郊外走走之餘又可嚐一份舒服的午餐，這裡似乎是不二之選！這裡的午餐選擇頗多，各式其色，還可再多補廿多塊錢就可在其沙津吧檯任揀任食；午餐分別點了西冷牛扒及南瓜海鮮意大利燴飯，問過是澳洲來的西冷扒，在五成熟的情況下配上英式芥末，牛肉味頗濃；而南瓜海鮮意大利燴飯，是真正的意大利燴飯，是以上湯漫火煮成，配上清香的南瓜味道，這燴飯真的不錯。價錢方面，這裡的午餐平衡為八十多塊一客，看價錢像有點不值，但配上這裡的食物質數，環境，服務員的殷勤服務，在繁重的工作中溜來，還是值得！在午餐後段時期，光顧的客人離開得十之八九，寧靜的店裡加上從窗外溜進的點點陽光，似乎這份寧靜閒逸的午餐比起晚上來光顧的燭光晚餐為好！

中秋節同女友來左依到玩,玩完就在呢間餐廳食飯, 一入到去,冇乜 人,諗住可以揀位啦,點知個小二好似睇唔起我地o廿,話d枱比人book曬,間餐廳o廿大,邊有o廿多人呀,我地食完都仲有3成枱係吉o既,算..我地點o左一個意大利飯,一個墨汁意粉,好食,個意大利飯好夠味,有咬口,都幾足料,墨汁意粉都好有墨汁味,真係好似食緊墨魚o廿,最後點左個甜品拼盆,有四件小cake加一杯雪糕,賣88蚊,我就覺得唔多低啦!果度好唔就腳,如果你冇車都幾煩,因為只有的士,仲要call先有,不過就係因為o廿先可以保持個較自然o既環境!

一個星期六的下午來這裡食晏.我們沒有車, 所以交通方面只有的士了. 餐廳周圍環境清靜舒適, 店內很寛敝, 樓底很高, 感覺舒適, 氣氛不錯. 窗外環境優美. 星期六都有好幾款set lunch, 價錢中上. 我點了xx牛肉寛條麵. lunch set 包括 : 餐飽, 湯, 主菜, 飲品.如果對食物要求不太高的話, 食物的味道和質素總算合格. 但侍應的服務不算殷勤. 總括而言, 我覺得這裡的最大賣點是環境. 如果想遠離人煙吸吃一頓飯的話, 這裡也不失為一個好地方.

琴日朋友係呢間餐廳擺喜酒,唔知呢間餐廳有無做中餐,D菜式無賣像,又無好食,比一般GE酒樓仲差,D侍應分菜都唔識,D收費同食物質素完全唔成正比

很少入大埔,覺得地方有點兒隔涉,因為晚上除了的士和私家車就很難找到其他交通公具到達. 不過,那兒環境的確不俗,絕對是有靚景拍照;可惜我們到達時天已很黑,所以只是在花園行了一圈便算.談談食物吧. 打開餐牌第一個感覺是價錢並不便宜,我們惟有放棄套餐,每人order一碟再share. 我們點了小白鷺沙律,墨魚汁意粉,美國走地雞,BB豬骨和燒羊脾等等. 味道很好,個人特別喜愛那個羊脾和雞,BB豬骨也不錯. 有點驚喜是份量都足夠我們個個都吃得飽;加上有信用咭優惠,這餐也算不錯.要彈是他們的服務. 收這樣的價錢,就算沒有酒店式的服務也應該要有似樣點的service. 各侍應沒有笑容不打緊;但上菜時他們只是隨便找個空位放到桌上;如果沒有足夠的空間就一直推直至撞到你的杯碟,反而是要我們自己移走碟子來"遷就"他們上菜.

我公司在大埔的，這餐廳每星期Lunch時間都會去2至3次，有時請客都會去那裡，因為泊車方便又清靜，食物出品也不太差，早前吃了一個Lunch Set清湯牛腩做得真不錯，廚師很有心機做，比中環那家X記牛腩還要好，服務就沒什麼留意一般吧，總之吃完就有人收碟上咖啡，可能是平日吧，假日就不知道了，我會推介這間餐廳給其他人的。

本人第一次到這餐廰午膳, 點知未試就已經一肚氣. 第一, 我和我男朋友在門口企了幾分鐘,雖然好多侍應擦身而過, 但好似無人想接待你咁. 結果我地唯有問一個好似經理既物體, 之後佢就帶左我地埋枱放下menu就走了. 張櫈污穢不堪無人理, 張枱又好似無抺過咁. 都算啦, 打開menu又唔知食乜, 想食lunch set又剛過了時間, 但係佢tea set同lunch set個價錢又差唔多, 最有創意都係"安格斯牛肉炒河"要成$78元未計加一, 咁咪即係乾炒牛河, 要成七十幾蚊, 個環境又勁嘈喎, 好多小朋友在餐廳裡走來走去哇哇叫, 只係一個格局好少少既茶記. 當我地睇完menu諗住order既時候, 只見幾個侍應同一時間收拾一張枱, 根本無人見到你舉手. 結果等左一段時間, 我同我男朋友都頂佢地唔順, 野都無叫就走左啦. 今時今日咁既服務態度真係不知所謂.

1。服務態度十分差。那裡的侍應十分deaf,一句話都聽不到﹐講話要repeat十萬次﹐煩到震。also,我們的麵包和牛油整餐都沒有被侍應收過起來.2。我叫了french onion soup, pesto sauce linguine with prawn, 和coke.-coke在我的appetizer才來﹐真慢!!! 飲品應該是最早來的﹐但這裡就不是-_- 。還有﹐我們等了appetizer等了最少30分鐘﹐悶到死了!!!-french onion soup就okay.......淡了一點﹐但不是太差。-linguine的蝦很硬﹐而我的pasta 一點pesto味道也沒有.......難吃...最後﹐我叫了厚皮朱告力蛋糕。這可能是全餐最好吃的東西﹐因為朱告力味很rich. 但是﹐有些人可能會覺得味道很甜......overall, 我不會推介這間餐廳給任何人﹐而且我應該以後都不會再來。

前日諗住同老婆撐檯腳sweet sweet 下啦，點知真係強差人意！叫咗一個$5xx o既套餐，發覺d牛扒同超市賣o個d價值$2x 燒烤包牛扒差不多，好似食豬扒咁味，一d牛味都冇。問佢有冇甜品，o個位四眼侍應姐姐就好悔氣咁話"已經同你擺o左位啦(尾音高幾度)"！如果唔係費事影響我同老婆食飯o既靚靚心情，我諗佢都好可能有血光之災！不過話時話，o個度食飯o既環境又真係幾鬼盞，但你想我下次再嚟幫襯就真係難d嘞。奉勸各位，千祈咪試！今時今日，香港仲有大把有水準o既餐廳等緊你。

非洲雞的醬汁像極是沙嗲醬，甜甜香香的好好味！而雞扒和肉眼扒的質素也不錯，煮得也不差。這家餐廳給予不少青少年工作機會，不知有否剝削？不過就當支持一下青少年們。