小甜谷 Dessert Kaffee (已結業)

難得同知己行街食飯，當然要直落食甜品。一直聞說小甜谷的甜品不錯，於是去銅鑼灣分店，入去攻食甜品。打開餐牌，無論正餐或甜品的圖片都十分吸引，但因為已經食了晚飯，所以肚子容不下飯食。於是，跟朋友各點一款甜品，熱愛綠茶的我點了宇治抹茶芭菲。類似這款的甜品早已在其他甜品店試過，但依然很想在小甜谷試試，看看水準如何！外形上好有層次感，頂部的抹茶雪糕有香濃的茶香，送入口後是笑苦而後甘，茶味留在口中，由甘漸漸淡甜，好享受。雪糕再配以三色圓子，色感豐富，有點調皮，圓子咬下很煙韌，而且有意外驚喜的味道，女孩會喜歡。接下來，是cream跟可可豆，脆卜卜的可可豆，再加上又甜又滑既cream，簡直一流。食到咁上下，你會發底部既綠茶系另一種味道。一款甜品，味道多變又豐富，真系值得一試。至於朋友仔就以點了以下這款。單看擺設，不算太靚，但望落都算不錯。我試了一口，味道甜甜地，最重要系好滑，滑過滑蛋。如果喜歡食滑溜溜既甜食，可以一試。

2月是我的生日月,所以，2月有不少生日飯局，話說，朋友想再去小甜谷,其實上次吃過之後覺得好味,今次我的生日飯局就揀來小甜谷，我今次叫咗全日早餐，另要抹茶鮮奶，全日早餐十分豐富，牛角包十分鬆化,司華力腸稍為咸咗些小，班尼蛋好滑 抹茶鮮奶亦好好飲,抺茶味夠濃郁亦冇苦澀味. ,小甜谷已經是第二次來依然好好味，和知心朋友相聚亦是開心事情，多謝朋友請我吃生日飯，服務亦都幾好 ，店員好靚女呀，環境亦都好好味道:今次是第二次來小甜谷，它的出品依然好味, 全日早餐好豐富，味道亦幾好環境:地方十分舒適服務我覺得幾好｜價錢:平均150元亦可以接受

銅鑼灣絕對是個美食天堂，而較早前，我妹妹告訴我小甜谷是個不錯的選擇，於是昨晚就跟男友去試下！我妹妹果然無介紹錯，去到見到有很多人在等位，幸好，等了一會兒就有位！韓式咖哩蜜糖豬仔骨配薯條：這款可以選擇半份或全份，因為我們想試多點不同菜式，所以點了半份！咖哩有點辣，但我覺得是可以接受的範圍，而且蜜糖的甜可稍為中和咖喱的辣，調味料調得挺惹味。豬仔骨的肉稍嫌煮過了點，乾了些。另外，薯條配香草好好味，停不了口！香草忌廉汁炒硯配蒜蓉多士：硯內還有三色椒及菇，先談sauce，忌廉汁及酒調得不錯，沒有膩的感覺。另外，食硯最忌食到沙！但這個完全沒有！値得一讚！不得不讚的是蒜蓉多士，多士好脆！蒜蓉好香，又夠濃味，雖然只是塗在面，但整塊多士都有蒜蓉味道包含著！男友最愛這道菜！帶子鮮蝦墨汁意粉：我最愛這道菜帶子超級大粒而且煮得剛剛好，不韌！鮮蝦一樣好大隻！墨汁意粉，好香的橄欖油及香草，麵煮得入味但同時又不會過火太稔！宇治焙茶芭菲：焙茶非常有茶香，不喜歡甜點的人也會愛上！十分喜歡這個雪糕茶香中和了甜品的甜度！周邊還有三色丸子，次餅，很多配料！待雪糕溶化流下去，伴著脆米，紅豆及涼粉又是另一種風味！而男友則選了這個

靚女車即興揾我去shopping+食晚飯 , 揀咗大家一直好恨去試 嘅《小甜谷》。傍晚6點零鐘walk in到，餐廳的的骰骰，環境簡潔，燈光柔和。細閱menu, 發現有抵食dinner set ，惠顧任何晚餐, 只需加45蚊，便額外有餐飲及甜品 ！絕對啱晒有兩個胃嘅女仕們啊 ！我哋一人點一set，分甘同味 ~1.半份韓式醬燒咖哩蜜糖bb豬仔肋骨配手製薯條 :  豬肋骨肉質唔夠軟腍，不過嗰惹味 醬燒汁幫佢加番唔少分數！甜甜地，帶少許辣味嘅醬燒汁好鬼正 囉！身邊好多朋友超鐘意食酒吧嘅薯條，貪其肥美香脆！手製薯條如果可以粗身寛身啲，又或者鋪上芝士醬，會更加味美！2.黑松露野菌忌廉寬條麵: 黑松露忌廉汁味道濃郁香滑，好多菇菌，寬條麵好好食。 3.冰凍鮮果錫蘭茶 : 新鮮生果粒粒有士多啤梨、奇異果、水蜜桃等等，清甜潤喉！4.宇治抹茶芭菲 : 第一層嘅抹茶雪糕，茶味非常濃烈，帶點微苦。三色白玉(紅,白,綠)，小糯米丸子挺厚實啊！小方塊綠茶蛋糕軟熟好味。第二層嘅可可脆米相當卜卜脆+第三層嘅甜甜紅豆，即時減低抹茶嘅苦口味 ！食到最後一層嘅抹茶jelly, 有點近似蒟蒻，几Q滑

小甜谷下午茶，除了一般款色甜品，亦都有特色甜品。今次介紹的是自選三款甜品套餐。本身個人喜歡綠茶，所以點了綠茶雪糕，綠茶味香濃，雪糕質感非常幼滑。另外，咖啡奶凍既咖啡味香濃，配合埋窩夫，可謂甜品三寶。一個價錢，有三款味道，抵！

今日黎到小甜谷時間早! 又唔洗等位!哩度座位都算多, 地方都大既! 裝修以白色為住! 最鐘意佢既粉紅色燈,好靚, 感覺舒服!一路以黎我以為小甜谷係主打甜品! 但原來主菜同樣正呀! 我覺得好出色! 有驚喜!我order左3款主菜!香草濃酒忌廉汁煮蜆配蒜香多士, 帶子鮮蝦墨魚汁意大利麵同埋半份韓式醬燒咖喱蜜糖bb豬仔肋骨配手製薯條!香草濃酒忌廉汁煮蜆配蒜香多士香草忌廉汁夠濃味！每隻蜆都大大隻！又新鮮！大蜆配上蘑菇、冬菇、洋蔥、紅椒同埋黃椒一齊煮！好美味呀！蒜香多士脆卜卜！用黎點忌廉汁食，正！-帶子鮮蝦墨魚汁意大利麵味道好濃呀! 帶子大大粒!蝦做得好爽口! 意大利麵都炒得夠乾身!但記完個咀會好dirty , 記得飲水沫咀咀!哈哈!另外韓式醬燒咖喱蜜糖bb豬仔肋骨配手製薯條佢既味道有小小甜味! 有小小辣味, 係可以接受到既辣!輕輕既咖哩汁味! 問店員原來佢地係將韓國炸雞既元素放落去豬仔肋骨果度!好特別! 有半份叫2個人食啱啱好呀!飲品方面我order左勁大個菠蘿汁同埋鮮果鍚籣茶!...好大好大個菠蘿呀！用新鮮菠蘿榨汁！好Fresh!菠蘿汁算甜 帶微酸 我覺得完全甜就冇可能 因為始終係鮮榨!仲可

天雨濕濕, 無精神才想起水果威力, 多得丈夫的體諒, 願意在lunch time這種繁忙時份與我遠走銅鑼灣。神奇菠蘿汁  $65這麼大的一樽菠蘿汁, 全部真水真肉, 滴滴菠蘿精華, 無加糖、人工調味, 每喝一口都是濃郁無比, 兩人分享剛剛好！香煎脆烤美式雞扒配黑椒汁及香草燒薯茄子  $78碟上堆得高高滿滿的食物就如那很長的食物名字一樣, 墊底的是香草燒新薯、茄子、半隻大啡菇, 新薯僅熟並帶甜味, 茄子刺激我舌頭, 大啡菇沒有因為菇自身出水而破壞質感。  中層的雞扒是香煎脆烤的, 也是僅熟所以肉質嫩嫩, 除了可蘸有點辣的黑椒汁, 也可配搭蕃茄莎莎來吃, 酸咪咪的開胃；想再有特別口味, 拼上放頂的火箭菜同吃, 一碟主菜換來多種口味, 不錯!在有限定的款式下, 任選三款甜品只需 $25當中我選了a, 宇治抹茶軟雪糕 (味道以甘澀為主, 甜味及奶味隨後)、b, 咖啡奶凍慕絲 (是 真。咖啡 味, 另外慕絲幼滑)、c, 腰果露 (是熱的, 但個人覺得腰果味被甜味搶了, 我期待的是果仁味較重的成品)。

第一次食小甜谷不止於甜品出色主菜方面亦令人有意外驚喜,WOW 意粉方面比預期中好味呀!特別黑松露寬條麵, 味算濃,正合我這類重口味人士之後再黎carbonara, 可能上一道菜關係, 相對之下顯得味道好像較淡?如果改用粗薯條會更好!+$45就可以享用三款不同甜品法式梳乎蛋多士可惜呢個冇影到相!去到尾聲, 店員亦有詢問我地對今餐既意見, 當然會再幫襯啦!

飯後食甜品唔知食咩好? 揀呢度就應該唔會錯同friend食完飯就揀左呢度食甜品食左朱古力心太軟($58)同焙茶白玉新地($45)心太軟, 朱古力味幾濃, 好流心feel又唔會太甜, 配埋雪糕堅係正焙茶白玉新地又係一流, 配搭一流, 甜甜地又香香地, 總之就係好味除返開每人大概$60度

這間店之前已和朋友來一起品嘗過。好味自然要再三回味，反正明天開始放假可以夜些回家，今日就決定和朋友來再慢慢嘆。打開這本靚靚Menu就開始點菜先來的是藍果樂 ($45)賣相已先聲奪人，頂層舖了蜂蜜乳酪, 以及綠綠的薄荷葉, 賣相優雅吸引。啜一口，發覺香甜帶甘，香蕉味加上藍莓的微酸，冰涼透心。接著來的是帶子合桃沙律 ($118)好豐富的材料，有大粒帶子，合桃西柚等，不過味道略苦又帶點酸，並非人人能接受，我第一口也接受不了，但食落又幾好食。虎蝦意大利麵($168)虎蝦意大利麵，蝦本身香軟可口，而且連麵也有蝦的香味。梳乎厘芝士海鮮飯($188)好香的牛油味蛋香，內裡的芝士海鮮飯都好足海鮮料，芝士和蛋白焗成的梳乎里，口感軟滑帶綿，加上芝士的濃香味，實在一流不經不覺又吃完一餐豐富的美食

天雨濕濕, 無胃口之餘更想食生果, 太座想起小甜谷的神奇菠蘿汁, 所以我們由尖沙咀辦工地點啓程往銅鑼灣食午餐 ~太座飲菠蘿, 我選香蕉朱古力沙冰 $42, 香蕉同朱古力味道好夾, 沙冰的冰是細滑如沙, 朱古力味沒有因為變冰而轉淡, 細細杯可是味道豐富 ~魔鬼珍寶肉醬熱狗配手製薯條 $68揀熱狗是諗著他的名有 " 魔鬼 " 兩字, 我估食味一定是既香又辣, 好適合潮濕天氣 ~   只可惜原來熱狗是不辣的, 已經一再召侍應詢問而得到肯定答案, " 魔鬼 " 藏在細節裏, 應該是熱狗包裏藏有兩條一粗一幼的香腸吧 ~  熱狗配上很多配料, 加芝士、肉醬都是基本料子, 香而不膩的肉醬為熱狗增加濕潤, 反而擺面的有吋零高的炸蔥頭絲, 炸酥又帶甜味, 幫忙熱狗的口感和味道 ~綠茶心太軟  $58來小甜谷而不食甜品, 大錯特錯 ~  心太軟的綠茶餡偏甜, 雖然不膩卻認為如果可以用綠茶軟雪糕伴食會更一流, 他的甘苦可為綠茶心太軟加上神來之筆 ~本篇完~

又去左銅鑼灣行街街，今日去左謝斐道，最後選左食呢間小甜谷，其實都吾係第一次食，但對上食就覺得好正，不論main dish 同甜品都好食，所以今次再去！入到去，店員依舊好nice嘅服務，坐底左，最後嗌左香草白酒鮮蜆扁意大利面，溫泉火山口咖喱豬柳焗珍珠米飯，小食爆谷蜜糖芥末雞！吾洗好耐，傾下計d野食就到，先上芥末雞粒，一嚟就已經嗅到好香，而且外貌吸引，口水都流啦，食落好熱辣辣，好香脆，肉質就好肉汁，好好食丫！之後就上左 香草白酒鮮蜆扁意大利面，這個好多鮮蜆，都好大粒，而且洗得好乾淨，吾會食到有沙，而且好鮮味，意粉軟硬適中，好岩我食！咖喱豬柳焗珍珠米飯都其後上嚟，份量好大份，兩人食都得，咖哩吾會辣，幾香，幾惹味，米較軟身，徐左好多豬柳外，仲有好多配料，例如菜同菠蘿等，都吾錯！跟餐加$45就有三款甜品同飲品，咁著數更係加！！嗌左六款甜品，哈哈，滿足晒女士嘅第二個胃丫！等我介紹返兩個我覺得最好食嘅先啦！就係蜂蜜梳乎窟窩夫，真係好脆，甜度適中，岩岩好，熱辣辣，正！另一係宇治抹茶紅豆卷，喜歡抹荼嘅朋友實很喜歡，因為抹茶味好濃，但配上甜甜地嘅紅豆，岩岩好！好食！飲品建議選擇，冰凍鮮果錫蘭茶，吾會太甜又

鐘意食甜品又食意粉既你一定要黎依間試下Carbonara（$88）好多餐廳都會有嘅菜式，不過要煮得好食，都唔易。一上碟，坐落於意粉中間，流動嘅溫泉蛋，就係等你用叉一篤，等橙黃色嘅蛋黃汁為carbonara點綴一下。Creamy而不膩，配上煙肉、蘑菇同香草，濃郁而柔軟嘅麵條，確係吸引。果樂黃（$45）濃味嘅意粉，配上味道比較清淡嘅果樂就最好不過。店員都特別推介。淡黃色，係鳳梨同香芒嘅組合。幾塊草苺薄片點綴下，賣相就幾好，不過草苺同鳳梨味可以再濃啲。當然，為一餐劃上完美嘅句號，當然唔少得甜品。為應付各位想試甜品，但又怕食得太多嘅忐忑心情，店舖準備多款迷你甜品，加25蚊，可以揀3款。量唔多，但可以滿足你3個願望。今次揀左荔枝奶凍、楊枝金露奶凍同窩夫。荔枝奶凍加入荔枝肉，同又滑又白嘅奶凍配合得好好。楊枝甘露奶凍同窩夫也不錯，但無荔枝咁突出。

小甜谷算係新餐廳 店如其名 主打甜品 主餐是西式多國菜 總括而言 食物不但外觀吸引 而且美味道超卓！最近仲做緊promotion 上facebook打卡同tag朋友仲有discount 等朋友時 小妹相店員要水 原來餐廳免費供應嘅熱水加了檸檬.. 檸水不但有助排毒 還可調節體內的酸鹼度 越來越多人飲水會加檸檬.... 小甜谷連一個小杯子的細節都注意到 對食客非常體貼 店員推介了這份豐富花巧的巨型熱狗 醬料除了珍寶肉醬 還有蜜糖芥末 拌碟的是芝麻醬沙律 薯條 和炸香的洋蔥絲 洋蔥絲不是切的 而是手撕 薄得像大白兔糖外面層透明膜 洋蔥的味道一向濃烈 但這樣的厚度卻令它溫和了 這才能可跟突出的珍寶醬互相輝映 另外 把洋蔥舖在熱狗上一起食比分開品嚐的效果更好呢 這裡的甜品非常抵食 午餐加$10可配一客甜品 加$18有兩客 加$25有三客 小妹試了荔枝慕絲奶凍 喜歡荔枝product的朋友可能會失望 因為這奶凍不夠甜 也不夠荔枝味... 咁只係因為平時食得太多要多甜有多甜的「荔枝味精」！小甜谷用的卻是真正的荔枝水果！有荔枝果肉為證 小妹最欣賞這裡的飲品 全部都很有特色 雖然smoo

第一次嚟無BOOK枱, 坐得近門口有蚊, 印象麻麻, 俾多次機會你...一行三人訂好枱，本身係諗住順便食埋甜品嘅，點知眼闊肚窄，食完個main已經飽左，結果食唔落，唯有下次先食!今次，我叫左個小甜谷All Day Breakfast ($88)正正常常啦，係呢個價錢應有既水準，D炒菇唔錯唔錯!三文魚怪表示: 如果可以多D三文魚就好喇~~~~下次黎轉戰 “魔鬼珍寶肉醬熱狗配手製薯條”，因為太熱氣，所以今次無食到><朋友就叫左68°C 溫泉蛋黑松露卡邦尼意大利麵 ($88)隻蛋真係流心嘅，朋友話好味道，不過就話太少黑松露，如果香D就好喇! 但另一位朋友就話佢重口味XD 所以就見人見智啦Lunch包餐飲，我地一人叫左一杯regular coffee，飯後醒醒神，返公司繼續作戰!是日午餐連加一: $290.00